ಕುಂದಾಪುರ, 06/06/2024 ಕುಂದಾಪುರದ ಹೃದಯ ಭಾಗದಲ್ಲಿರುವ ಸೈಂಟ್ ಮೇರಿಸ್ ವಿದ್ಯಾ ಸಂಸ್ಥೆಗಳ ಸಂಚಾಲಕರು ಹಾಗೂ ಸ್ಥಳಿಯ ಚರ್ಚಿನ ಪ್ರಧಾನ ಧರ್ಮಗುರುಗಳಾಗಿರುವ ಪೂಜ್ಯನೀಯರೆ|ಫಾ| ಪಾವ್ಲ್ ರೇಗೋರವರ 60ನೇ ಜನ್ಮ ದಿನವನ್ನು ವಿದ್ಯಾ ಸಂಸ್ಥೆಗಳ ಅಂಗಳದಲ್ಲಿ ವಿಜೃಂಬಣೆಯಿಂದ ಆಚರಿಸಲಾಯಿತು.
ವಿದ್ಯಾರ್ಥಿಗಳ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಗಿ, ಅಭ್ಯಾಗತರನ್ನು ಸವಿ ನುಡಿಯಿಂದ ಸ್ವಾಗತಿಸಲಾಯಿತು. ಹುಟ್ಟುಹಬ್ಬಕ್ಕೆ ಸುಶ್ರಾವ್ಯ ಹಾಡಿನೊಂದಿಗೆ ಧ್ವನಿಗೂಡಿಸಿ ಹೋಲಿ ರೋಜರಿ ವಿದ್ಯಾರ್ಥಿಗಳು ಶುಭಕೋರಿದರು. ಪೂಜ್ಯನೀಯ ಸಂಚಾಲಕರು ಕೇಕನ್ನು ಕತ್ತರಿಸಿ ಎಲ್ಲರಿಗೂ ಶುಭವಾಗಲಿ, ನಿಮಗೆಲ್ಲ ಉತ್ತಮಆರೋಗ್ಯ, ನೆಮ್ಮದಿಯನ್ನು ನೀಡಲಿ ಎಂದು ಶುಭ ನುಡಿಗಳನ್ನಾಡಿದರು.
ವೇದಿಕೆಯಲ್ಲಿ ವಿದ್ಯಾಸಂಸ್ಥೆಗಳ ಮುಖ್ಯಯೋಪಾಧ್ಯಾನಿಯರಾದ ಅಸುಂಪ್ತಾ ಲೊಬೊ ಶಾಂತಿರಾಣಿ ಬರೆಟ್ಟೊ, ಸಿಸ್ಟರ್ ತೆರೆಜ್ ಶಾಂತಿ, ಪ್ರಾಂಶುಪಾಲೆ ರೇಷ್ಮಾ ಫೆರ್ನಾಂಡಿಸ್ ಉಪಸ್ಥಿತರಿದ್ದು, ಪುಷ್ಪಗುಚ್ಚವನ್ನು ನೀಡಿ ಸಂಚಾಲಕರಿಗೆ ಶುಭಾಶಯ ಕೋರಿದರು. ವಿದ್ಯಾರ್ಥಿ ನಾಯಕರುಗಳೆಲ್ಲ ಪುಷ್ಪಗುಚ್ಚ ನೀಡಿ ಶುಭಕೋರಿದರು. ವಿದ್ಯರ್ಥಿಗಳಿಗೆ ಸಿಹಿ ವಿತರಿಸಲಾಯಿತು. ಉಪನ್ಯಾಸಕ ನಾಗರಾಜ ಶೆಟ್ಟಿ ವಂದಿಸಿ ಕಾರ್ಯಕ್ರಮ ನಿರೂಪಿಸಿದರು.
