ಸ್ವತಂತ್ರ್ ಭಾರತ್ ಮ್ಹುಜಾ
ತುಜ್ಯಾ ಗರ್ಭಾಂತ್ ಹಾಂವ್ ಶಾಬಿತ್ ಆಸಾ
ಕಷ್ಟಾಂ ಅನ್ವರಾಂನಿ ,ಮ್ಹಾಕಾ ರಾಕೋನ್ ಆಸಾಯ್
ದಿಸ್ಪೊಡ್ತೊ ಗ್ರಾಸ್ ಜೊಡುಂಕ್ ಮ್ಹಾಕಾ ಆಧಾರ್ ದಿತಾಯ್
ಪ್ರಕ್ರತೆಚಾ ಅನ್ವಾರಾಂನಿ ಮ್ಹಾಕಾ ಸಾಂಭಾಳ್ನ್ ಧರ್ತಾಯ್|
ದುಬ್ಳೊ ಲೋಕ್ ಪೊಟಾಚೊ ಗ್ರಾಸ್ ಆಶೆತಾ
ಚಡ್ಲಿಂ ಮೊಲಾಂ ದೆವೊಂಕ್ ಸೊಪ್ಣೆತಾ
ಲಡಾಯ್, ಝಗ್ಡೆಂ ಥಾಂವ್ನ್ ಶಾಂತಿ ಆಶೆತಾ
ಪರಿಸರ್ ನಿತಳ್ ಆಸೊನ್ ಸ್ವಾಸ್ ಸೊಡುಂಕ್ ಆಂವ್ಡೆತಾ
ನಿರ್ಮೊಳ್ ತಾಂಚಾ ಘರಾಂತ್ ವಸ್ತಿ ಕರುಂಕ್ ಲಾಲೆತಾ|
ಪೈಶಾಂ ಖಾತಿರ್ ದುಬ್ಳ್ಯಾಂಚಿ ಹಕ್ಕಾಂ ಮೊಡ್ತಾತ್
ತಾಂಚಿ ಆಸ್ತ್ ಬದಿಕ್ ದೆಸ್ವಾಟ್ ಕರ್ನ್ ವಾಟೇರ್ ಘಾಲ್ತಾತ್
ನಿರಾಫ್ರಾದಿ ಚಲಿಯಾಂಚೆರ್ ಅತ್ಯಾಚಾರ್ ಕರ್ತಾತ್
ನೀತ್ ವಿಚಾಲ್ಯಾರ್ ಮಾರ್ನ್ ಜೈಲಾಂತ್ ಬೊಸಯ್ತಾತ್
ಕಾಮಾ ನಾಸ್ತಾನಾ ಪೊಟಾ ಭುಕೇನ್ ಸದಾಂ ಮೊರ್ತಾತ್ |
ರಾಷ್ಟ್ರಾಚಾ ಅಧಿಕಾರಿಂ ಖಾತಿರ್ ಕೊರೊಡಾಂನಿ ಖರ್ಚಿತಾತ್
ತ್ಯಾ ಪೈಶಾಂ ಖಾತಿರ್ ದುಬ್ಳ್ಯಾಂಚೆ ರಗಾತ್ ಪಿಳ್ತಾತ್
ಅಧಿಕಾರಿ ಪೈಶಾಂಚಾ ಹಂಕಾರಾನ್ ಗರ್ವಾನ್ ಭೊರ್ತಾತ್
ಭ್ರಷ್ಠಾಚಾರ್ ಲಂಚ್ ಘೆವ್ನ್ ಕೊರೊಡಾಂನಿ ಲುಟ್ತಾತ್
ರಾಜಕೀಯ್ ಖಾತೀರ್ ದುಬ್ಳ್ಯಾಂಚೆ ರಗಾತ್ ಮಸ್ತೇನ್ ವ್ಹಾಳೆಯ್ತಾತ್|
ತರ್ ಮ್ಹುಜ್ಯಾ ಸ್ವತಂರ್ತ್ ಭಾರತ್ ಮಾತಾ
ಅತಾಂಯ್ ತುಂ ನೀಜ್ ಸ್ವತಂರ್ತ್ ಜಾವ್ನ್ ಆಸಾಯ್ ಗೀ……?
ತ್ಯಾ ದೀಸ್ ಸ್ವತಂರ್ತ್ ಜಾತಾನಾಂ ಆಶೆಲ್ಲೆಂ ಸ್ವಪಾಣ್ ತುಜೆಂ ಜ್ಯಾರಿ ಜಾಲೆಂ ಗೀ…..?
ನವೊ ಸರ್ಕಾರ್ ಏವ್ನ್ ದುಬ್ಳ್ಯಾಂಕ್ ಕಿತೆಂ ಬರೆಂ ಕೆಲೆಂ…..?|
ತರ್ ದುಬ್ಳ್ಯಾಂಚಿಂ ಹಕ್ಕಾಂ , ದುಃಖಾಂ
ಕೆದಾಳಾ ತುಂ ಪುಸುನ್ ಕಾಡ್ತಾಯ್
ಜಾಪ್ ಮೆಳಾತ್ ಗೀ…..,?
ಮ್ಹುಜ್ಯಾ ಸ್ವತಂರ್ತ್ ಭಾರತ್ ಮಾತಾ
ತುಜ್ಯಾ ಗರ್ಭಾಂತ್ಲ್ಯಾ ಲೊಕಾಂಕ್
ಮುಕ್ತೀ ಮೆಳಾತ್ ಗೀ…..?
ಮ್ಹುಜ್ಯಾ ಭಾರತ್ ಮಾತಾ.
✍️ಜೊಸೇಪ್ ಲುವಿಸ್ ಸಾಸ್ತಾನ್.