PHOTOS & REPORT ; LAWRENCE FERNANDES, BYNDOOR EDITOR; BEARNARD DCOSTA
ಬೈಂದೂರ್; ಜನೆರ್ 1 ವೆರ್ ಬೈಂದೂರ್ ವೈ.ಸಿ.ಎಸ್. ಸಾಂಗಾತ್ಪಣಾರ್ ಐ.ಸಿ. ವೈ.ಎಮ್. ಸಂಘಟನಾನ್ ಆಪ್ಲೊ ವಾರ್ಷಿಕೋತ್ಸವ್ ಸಂಭ್ರಮಾನ್ ಆಚರಣ್ ಕೆಲೊ. ಹ್ಯಾ ಕಾರ್ಯಾಕ್ ಫಿರ್ಗಜೆಚೆಂ ವಿಗಾರ್ ಮಾ।ಬಾ। ವಿನ್ಸೆಂಟ್ ಕುವೆಲ್ಲೊ ಅಧ್ಯಕ್ಷ್ ಜಾವ್ನಾಸ್ಲೆ. ತಾಣಿ ಫಿರ್ಗಜೆಚ್ಯಾ ಐ.ಸಿ. ವೈ.ಎಮ್ ಆನಿ ವೈ.ಸಿ.ಎಸ್. ಸಂಘಟನಾ ವಿಶಿಂ ಹೊಗ್ಳಿಕ್ ಉಚಾರ್ಲಿ ‘ತಿ ಭೋವ್ ಉತ್ತಮ್ ರೀತಿರ್ ಯೋಜನಾ ಮಾಂಡುನ್ ಹಾಡ್ತಾತ್, ಫಿರ್ಗಜೆ ಪಾಸೊತ್ ಪ್ರಮಾಣಿಕ್ ಆನಿ ನಿಸ್ವಾರ್ಥಿ ಸೆವಾ ದಿವ್ನ್ ಆಸಾತ್’ ಮ್ಹಣುನ್ ತಾಣಿ ಆನಿ ಸಯ್ರ್ಯಾಂನಿ ವಾರ್ಷಿಕೊತ್ಸವಾಚ್ಯಾ ತರ್ಫೆನ್ ಮಾಂಡುನ್ ಹಾಡಲ್ಯಾ ಸ್ಪರ್ದ್ಯಾಂತ್ ವಿಜೆತ್ ಜಾಲ್ಯಾ ಭುರ್ಗ್ಯಾಂಕ್ ತಶೆಂಚ್ ವೊಡಿಲಾಂಕ್ ಬುಹುಮಾನ್ ವಿತರಣ್ ಕೆಲೆಂ..
ಹೊಲಿ ಕ್ರಾಸ್ ಇಸ್ಕೊಲಾಚ್ಯಾ ಭುರ್ಗ್ಯಾಂನಿ ಪ್ರಾರ್ಥನ್ ಡಾನ್ಸ್ ಕರ್ಚ್ಯಾ ಸವೆಂ ಕಾರ್ಯಕ್ರಮ್ ಆರಂಭ್ ಜಾಲೆಂ. ಹೊಲಿ ಕ್ರಾಸ್ ಸೌಹಾರ್ದಾ ಕೊಪರೆಟಿವ್ ಸೊಸೈಟಿ ಬೈಂದೂರ್ ಹಾಚೊ ಅಧ್ಯಕ್ಷ್ ಮಾನೆಸ್ತ್ ದಾನಿಯಲ್ ನಜ್ರೆತ್, ಉದ್ಯಮಿ ಮಾನೆಸ್ತ್ ಸಾಮುಯೆಲ್ ಆಲೊಶಿಯಸ್ ರೆಬೆರೊ, ಸಿ.ಎ. ಪರಿಕ್ಷೆಂತ್ ಆಪ್ಲ್ಯಾ ಪಯ್ಲ್ಯಾ ಪ್ರಯತ್ನಾಂತ್ ಉತ್ತಿರ್ಣ್ ಜಾಲ್ಯಾ ಕು.ನಿಕೊಲಾ ರೊಶನಿ ಡಾಯಸ್, ಸಬಾರ್ ವರ್ಸಾ ಥಾವ್ನ್ ಫಿರ್ಗಜೆಂತ್ ವಾವ್ರ್ ದೀವ್ನ್ ಆಸ್ಲ್ಯಾ 5 ಜಣಾ- ವಲೇರಿಯನ್ ಫೆರ್ನಾಂಡಿಸ್, ಲಿಯೊ ನಜ್ರೆತ್, ರೊಬಟ್ ರೆಬೆಲ್ಲೊ, ಲಾರೆನ್ಸ್ ಫೆರ್ನಾಂಡಿಸ್ ಆನಿ ತೆರೆಜಾ ನಜ್ರೆತ್ ಹಾಂಕಾ ಸನ್ಮಾನ್ ಕೆಲೆ ಆನಿ ಕಾರ್ಯೆ ಯಶಸ್ವಿ ಜಾವ್ನ್ಕ್ ಸಹಕಾರ ದಿಲ್ಯಾ ಸರ್ವ್ ದಾನಿಕ್ ಉಗ್ದಾಸಾಚಿ ಕಾಣಿಕ್ ದಿಲಿ.
ಸಾಂಸ್ಕ್ರತಿಕ್ ಕಾರ್ಯಕ್ರಮ್ ಜಾವ್ನ್ ಖ್ಯಾತ್ ಬರಯ್ಣಾರಾಚೊ 26 ವೊ ವ್ಹಡ್ಲೊ ನಾಟಕ್ ಸಾಮಾಜಿಕ್ ಹಾಸ್ಯಮಯ್ ‘ಮೊಜಿ ಆಸ್ತ್, ಮೊಜೊ ವಾಂಟೊ’ ಮ್ಹಳೊ ನಾಟಕ್ ಪ್ರದರ್ಶನ್ ಐ.ಸಿ. ವೈ.ಎಮ್. ಭುರ್ಗ್ಯಾಂನಿ ಉತ್ತಮ್ ರೀತಿನ್ ಖೆಳೊನ್ ದಾಖಯ್ಲೊ. ಹೊ ನವೊಚ್ ನಾಟಕ್ ಆನಿ ಪ್ರಥಮ್ ಪ್ರದರ್ಶನ್ ಜಾವ್ನಾಸ್ಲೊ. ನಾಟಕಾಕ್ ಜೋಸೆಫ್ ಫೆರ್ನಾಂಡಿಸಾನ್ ಉತ್ತಮ್ ನಿರ್ದೇಶನ್ ದಿಲ್ಲೆಂ ಜಾವ್ನಾಸಾ. ನಾಟಕ್ ಸರ್ವಾಂಚ್ಯಾ ಪ್ರಶಂಸೆಕ್ ಪಾತ್ರ್ ಜಾಲೊ. “ಹ್ಯಾ ನಾಟಕಾಂತ್ ಪಾತ್ರ್ ಘೆತ್ಲೆಂ ಸಕ್ಕಡ್ ಯುವ್ ಜಣ್, ತರೀ ಹೆಳಲ್ಯಾ ಕಲಾವಿದಾಂ ಬರಿ ನಟನ್ ಕೆಲ್ಯಾ. ಕಲಾಕಾರಾನಿ ಆನಿ ನಿರ್ದೇಶಕ್ ಹಾಣಿ ಭರ್ಪೂರ್ ರೀತಿನ್ ಯಶಸ್ವಿ ಜಾಂವ್ಕ್ ಕಾರಣ್ ಜಾಲ್ಯಾಕ್ ದೇವ್ ಬರೆಂ ಮ್ಹಣುನ್ ಬರಯ್ಣಾರಾನ್ ಹೊಗ್ಳಿಕ್ ಉಚಾರ್ಲಿ”
ಸಹಾಯಕ್ ವಿಗಾರ್ ಬಾಪ್ ಜೊಸ್ವಿನ್ ಪಿರೇರಾ, ಬಾಪ್ ರೊಯಲ್ ನಜ್ರೆತ್, ಕೊವೆಂತಾಚಿ ಸುಪಿರಿಯರ್ ಸಿಸ್ಟರ್ ಆನ್ಸಿ ಪಾವ್ಲ್, ಗೊವ್ಳಿಕ್ ಮಂಡಳಿಚಿ ಕಾರ್ಯದರ್ಶಿನ್ ವೀಣಾ ಫೆರ್ನಾಂಡಿಸ್, ಎಕ್ವಿಸ್ ಆಯೊಗಾಚಿ ಸಂಚಾಲಕಿ ಅನಿತಾ ನಜ್ರೆತ್, ಐ.ಸಿ.ವೈ.ಎಮ್. ಆನಿಮೆಟರ್ ಪ್ರದಿಪ್ ಫೆರ್ನಾಂಡಿಸ್, ವೈ.ಸಿ.ಎಸ್. ಆನಿಮೆಟರ್ ಆಶಾ ಡಾಯಸ್, ಐ.ಸಿ. ವೈ.ಎಮ್. ಕಾರ್ಯದರ್ಶಿ ಪ್ರಜ್ವಲ್ ರೊಡ್ರಿಗಸ್, ವೈ.ಸಿ.ಎಸ್. ಕಾರ್ಯದರ್ಶಿನ್ ಜೊಯ್ಲೆಟ್ ನಜ್ರೆತ್, ಐ.ಸಿ. ವೈ.ಎಮ್. ಕುಂದಾಪುರ್ ವಾರಾಡ್ಯಾಚೊ ಅಧ್ಯಕ್ಷ್ ನಿತಿನ್ ಬರೆಟ್ಟೊ, ಕಾರ್ಯದರ್ಶಿನ್ ಮನಿಶಾ ಡಿಮೆಲ್ಲೊ, ವೈ.ಸಿ.ಎಸ್. ಕುಂದಾಪುರ್ ವಾರಾಡ್ಯಾಚೊ ಅಧ್ಯಕ್ಷ್ ರಾಯನ್ ಲೊಬೊ ಆನಿ ಇತರ್ ವೇದಿರ್ ಹಾಜರ್ ಆಸಲ್ಲಿ
ಐ.ಸಿ. ವೈ.ಎಮ್. ಅಧ್ಯಕ್ಷ್ ರುಬೆನ್ ನಜ್ರೆತಾನ್ ಸ್ವಾಗತ್ ಮಾಗ್ಲೊ. ಪ್ರಿತಿಕಾ ಗ್ರಾಸಾನ್ ಕಾರ್ಯೆ ಚಲವ್ನ್ ವೆಲೆಂ. ವೈ.ಸಿ.ಎಸ್ ಅಧ್ಯಕ್ಷಿಣ್ ಶನಲ್ ಫೆರ್ನಾಂಡಿಸಾನ್ ಉಪ್ಕಾರ್ ಬಾವುಡ್ಲೊ.
