” ಪವಿತ್ರ್ ನಂಯ್ ಗಂಗಾ, ಕಸಲಿ ತುಜಿ ಘಾಣ್ ಗಾ…”
*ಅತಿವೃಷ್ಟಿ – ಅನಾವೃಷ್ಟಿ *
ಪವಿತ್ರ್ ನಂಯ್ತ್
ಮನ್ಶ್ಯಾಚೊ ಮೆಂದು ಖಾವ್ನ್
ಬುದ್ವಂತ್ ಜಾಲ್ಯೊ ಮಾಸ್ಳ್ಯೊ
ಶಿಕಾಪ್ ದೀಂವ್ಕ್ ಲಾಗ್ಲ್ಯೊ…
ಆದಿಂ
ಭುಕೆಕ್ ಏಕ್ ಮೊಡೆಂ
ಸೊದುನ್ ಗೆಲ್ಯಾರ್ ಮೆಳಾನಾತುಲ್ಲೆಂ…
ಬೋವ್ ಅಪ್ರೂಪ್
ಎಕೇಕ್ ಯೆತಾಲೆಂ
ಹಾಕ ಅನಾವೃಷ್ಟಿ ಮುಣ್ತಾತ್…
ಆತಾಂ
ಭುಕೆ ಪ್ರಾಸ್ ಚಡ್
ಮೊಡಿಂ ಯೆತಾತ್…
ಪರಿಸರ್ ಪಾಡ್ ಕರ್ತಾತ್
ಹಾಕಾ ಅತಿವೃಷ್ಟಿ ಮುಣ್ತಾತ್…
ಆದಿಂ ಭುಕೆನ್ ವಳ್ವಳ್ಳ್ಯಾಂವ್
ಆತಾಂ ಘಾಣಿನ್ ಮರ್ತಾಂವ್
ಫುಡೆಂ ನಿಯಮಿತ್ ರಿತೀನ್
ಜಾಯ್ ತಿತ್ಲಿಂಚ್
ಮೊಡಿಂ ಯೆಂವ್ಚ್ಯಾಕ್ ಮಾಗುಯಾಂ…
ನಿಮಾಣೆ
ಪಾನ್ ಸಂಖೊ 14
ಗಾವುಯಾಂ ಗೀತ್
” ಪವಿತ್ರ್ ನಂಯ್ ಗಂಗಾ
ಕಸಲಿ ತುಜಿ ಘಾಣ್ ಗಾ…“