ಅಪವಿತ್ರ್ ಗಂಗಾ/ (ಕವಿತಾ) ಜೊಸೆಫ್ ಲುವಿಸ್ ಸಾಸ್ತಾನ್.

ಅಪವಿತ್ರ್ ಗಂಗಾ

ಗಂಗಾ ಆಜ್…
ತುಜೆಂ‌ ಪವಿತ್ರ್ ಪೊಣ್
ಖಂಯ್ ಪಾವ್ಲಾಂ
ತುಜ್ಯಾ ಉದ್ಕಾಂತ್..
ಪಾತ್ಕಿ ನ್ಹಾಲ್ಲೊ ತರ್
ತೊ ಪವಿತ್ರ್ ಜಾತಾ
ತುಜೆ ಉದಾಕ್…
ವ್ಹಾಳ್ತಾ ಥಂಯ್
ತೊ ಗಾಂವ್ …..
ಅಭಿವ್ರಧ್ಧಿ ಜಾತಾ
ತುಂ ಭಾರತಾಚೆ….
ನಿತಳ್ ಆನಿ ಪವಿತ್ರ್ ಗಂಗಾ

ಆಜ್ ತುಜ್ಯಾ ಗರ್ಭಾಂತ್
ಕಿತೆಂ ಜಾಲಾ….
ಸಗ್ಳೆಂ ವಿಕಾಳ್ ಉದಾಕ್
ತುಜ್ಯಾ ಗರ್ಭಾಂತ್ ಪಾವ್ಲಾಂ
ಜಾಯಿತ್ತೊ ಕರ್ಚೊ …
ತುಜ್ಯಾ ಉದ್ಕಾಂತ್ ವ್ಹಾಳ್ತಾ
ನಾನಾ ಪಿಡೆಚಿಂ….
ಜಾಯ್ತಿಂ ಮೊಡಿಂ..
ತುಜ್ಯಾ ಉದ್ಕಾಂತ್ ಘಾಣ್ತಾತ್
ನಿತಳ್ ತುಜ್ಯಾ ಉದ್ಕಾಂತ್…..
ಕುಸಡಾಯೆಚೆಂ ಘಾಣ್ ಭೊರ್ಲಾಂ

ತುಜೆಂ ತೆಂ ಪರಿಸರ್
ವಿಕಾಳ್ ಜಾಲಾ…
ತುಜ್ಯಾ ಗರ್ಭಾಂತ್ಲೆಂ
ಮಾಸ್ಲ್ಯೋ ಜಲಚರ್
ಮೊರೊಂಕ್ ಲಾಗ್ಲಾಂತ್
ತುಜೆಂ ಉದಾಕ್…
ತಾನ್ ಭಾಗೊಂಕ್
ಯೋಗ್ಯ್ ನಾಂ ಜಾಲಾಂ
ಲೊಕಾಚ್ಯಾ ದ್ರಷ್ಟೇನ್ ತುಂ
ಪವಿತ್ರ್…..
ಪೂಣ್ ಆಜ್….
ತ್ಯಾಚ್ ಲೊಕಾನಿಂ ತುಕಾ
ಅಪವಿತ್ರ್ ಕೆಲಾ….
ತರ್ ತುಂ….
ಕೆದಾಳಾ ಪವಿತ್ರ್ ಜಾತೆಯ್……ಗಂಗಾ.

✍️ ಜೊಸೆಫ್ ಲುವಿಸ್ ಸಾಸ್ತಾನ್.