ಮುಂಬೈ, ಅ.27,: ಬಾಂದ್ರಾ ರೈಲು ನಿಲ್ದಾಣದಲ್ಲಿ ಜನಸಂದಣಿ ಹೆಚ್ಚಿದ್ದರಿಂದ ಉಂಟಾದ ಕಾಲ್ತುಳಿತದಲ್ಲಿ 9 ಮಂದಿ ಗಾಯಗೊಂಡ ಘಟನೆ
ಭಾನುವಾರ ಇಂದು ನಡೆದಿದೆ. ಗಾಯಾಳುಗಳಲ್ಲಿ ಇಬ್ಬರ ಸ್ಥಿತಿ ಗಂಭೀರವಾಗಿದೆ ಎಂದು ತಿಳಿದುಬಂದಿದೆ.
ನಿಲ್ದಾಣದ ಪ್ಲಾಟ್ ಫಾರ್ಮ್ 1ರಲ್ಲಿ ಜನರ ನೂಕುನುಗ್ಗಲಿನಿಂದಾಗಿ ಕಾಲ್ತುಳಿತದ ಈ ದುರ್ಥಟನೆ ಸಂಭವಿಸಿದೆ. ಗಾಯಾಳುಗಳನ್ನು ಭಾಭಾ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಬಾಂದ್ರಾ ಟರ್ಮಿನಲ್ ಒಂದನೇ ಪ್ಲಾಟ್ ಫಾರ್ಮ್ 1ರಲ್ಲಿ ಭಾನುವಾರ ಬೆಳಗ್ಗೆ 5.56ಕ್ಕೆ ಈ ದುರ್ಘಟನೆ ನಡೆದಿದೆ ಎಂದು ತಿಳಿದುಬಂದಿದೆ.
ಮುಂಬೈ ಮಹಾನಗರ ಪಾಲಿಕೆ ನೀಡಿರುವ ಮಾಹಿತಿ ಪ್ರಕಾರ, ಬಾಂದ್ರಾ ಟರ್ಮಿನಲ್ ಪ್ಲಾಟ್ ಫಾರ್ಮ್ 1ರಲ್ಲಿ ಬಾಂದ್ರಾ ಗೋರ್ಕ್ಪುರ್
ಎಕ್ಸ್ಪ್ರೆಸ್‌ ರೈಲಿಗಾಗಿ ದೊಡ್ಡ ಸಂಖ್ಯೆಯಲ್ಲಿ ಜನರು ಕಾಯುತ್ತಿದ್ದರು. ದೀಪಾವಳಿ ಹಿನ್ನೆಲೆಯಲ್ಲಿ ತಂತಮ್ಮ ಊರುಗಳಿಗೆ ಹೋಗಲು ಹೆಚ್ಚಿನ
ಸಂಖ್ಯೆಯಲ್ಲಿ ಜನರು ರೈಲ್ವೆ ಸ್ಟೇಷನ್ನಲ್ಲಿ ಸೇರಿದ್ದರು. ಟ್ರೈನ್‌ ಹತ್ತುವಾಗ ನೂಕುನುಗ್ಗಲು ತೀವ್ರಗೊಂಡು ಕಾಲ್ವುಳಿತವಾಗಿದೆ.
ಗಾಯಾಳುಗಳನ್ನು ಶಬೀರ್‌ ಅಬ್ದುಲ್‌ ರೆಹಮಾನ್‌ (40), ಪರಮೇಶ್ವರ್‌ ಸುಖದರ್‌ ಗುಪ್ತಾ (28), ರವೀಂದ್ರ ಹರಿಹರ್‌ ಚುಮಾ (30),
ರಾಮಸೇವರ್‌ ರವೀಂದ್ರ ಪ್ರಸಾದ್‌ ಪ್ರಜಾಪತಿ (29), ಸಂಜಯ್‌ ತಿಲಕ್ರಾಮ್‌ ಕಂಗಯ್‌ (27), ದಿವ್ಯಾಂಶು ಯೋಗೇಂದ್ರ ಯಾದವ್‌
(18), ಮೊಹಮ್ಮದ್‌ ಶರೀಫ್‌ ಶೇಖ್‌ (25), ಇಂದ್ರಜಿತ್‌ ಸಹಾನಿ (19), ಮತ್ತು ನೂರ್‌ ಮೊಹಮ್ಮದ್‌ ಶೇಖರ್‌ (18) ಎಂದು
ಗುರುತಿಸಲಾಗಿದೆ.