JANANUDI.COM NETWORK
450 ವರ್ಷಾ ಚರಿತ್ರಾ ಆಸ್ಚ್ಯಾ ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಮೊಂತಿ ಸಾಯ್ಬಿಣಿಚೆ ನೊವೆನ್ ಆರಂಭ್
ಕುಂದಾಪುರ್, ಆ.30: 450 ವರ್ಷಾ ಚರಿತ್ರಾ ಆಸ್ಚ್ಯಾ ಭಾಗೆವೊಂತ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಮೊಂತಿ ಸಾಯ್ಬಿಣಿಚ್ಯಾ ಫೆಸ್ತಾಚ್ಯಾ ತಯಾರಾಯೆಕ್ ಲಾಗೊನ್ ಆಗೋಸ್ತಾಚ್ಯಾ 30 ವೆರ್ ಸಕಾಳಿ ನೊವೆನ್ ಆರಂಭ್ ಜಾಲೆಂ.
ಫಿರ್ಗಜೆಚೊ ಪ್ರಧಾನ್ ಯಾಜಕ್ ಭೋ|ಮಾ|ಬಾ|ಸ್ಟ್ಯಾನಿ ತಾವ್ರೊನ್ ಪವಿತ್ರ್ ಬಲಿದಾನ್ ಭೆಟಯ್ಲೆ. ಸಹಾಯಕ್ ವಿಗಾರ್ ಮಾ|ಬಾ|ವಿಜಯ್ ಡಿಸೋಜಾ ಆನಿ ಪ್ರಾಂಶುಪಾಲ್ ಮಾ|ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಣಿ ಸಹ ಭೆಟವ್ಣಿ ಕೆಲಿ.
ಗ್ರೊಟ್ಟೊಚ್ಯಾ ಫುಡೆಂ ಭುಗ್ರ್ಯಾನಿಂ ಆನಿ ವ್ಹಡಾನಿ ಬಾಳೊಕ್ ಮರಿಯೆಕ್ ವಯಕ್ತಿಕ್ ಜಾವ್ನ್ ಫುಲಾಂ ಅರ್ಪಿಲಿ. ನೊವೆನಾಚೆ ಪ್ರಾರ್ಥನ್ ಅರ್ಪುನ್ ಮರಿಯೆಕ್ ಹೊಗಳ್ಸುಯಾಂ ಗಾಯನ್ ಗಾಂವ್ನ್ ಮರಿಯೆಕ್ ಭುರ್ಗಾಂನಿ ಫುಲಾಂ ಉಡೊನ್ ಮಾನ್ ಕೆಲೊ.
ಕುಂದಾಪುರಾಂತ್ ಆಖ್ಖಿ ರಾತ್‍ಭರ್ ಶಿರಾಂದಾರಿಚೊ ಪಾವ್ಸ್ ಆಸ್ಲೊ. ಪುಣ್ ನೊವೆನಾ ವೇಳಾರ್ ಪಾವ್ಸ್ ರಾವ್ಲೊ ಆನಿ ನೊವೆನ್ ಭಕ್ತಿನ್ ವ್ಕಾಸ್ ಲಾಭ್ಲೊ. ಮರಿಯೆಚ್ಯಾ ನೊವೆನಾಕ್ ಚಡಿತ್ ಸಂಖ್ಯಾನ್ ಭುರ್ಗಿಂ ತಶೆಂ ವ್ಹಡಾಂ ಹಾಜರ್ ಆಸ್ಲಿ. ತಶೆಂಚ್ ಧರ್ಮ್ ಭಯ್ಣ್ಯೊಯಿ ಹಾಜರ್ ಆಸೊನ್ ವಿಗಾರಾನ್ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆ.
