JANANUDI NETWORK
ಬಾಪ್ ರೋಯ್ ಲೋಬೊಚೆ ಕುಂದಾಪುರ್ ಥಾವ್ನ್ ನಿರ್ಗಮನ್ ಆನಿ ಕಾರ್ಕೊಳ್ ಆತ್ತೂರ್ ಬಾಸಿಲಿಕಾಂತ್ ತಾಂಕಾಂ ಸ್ವಾಗತ್
ಕುಂದಾಪುರ್, ಕಾರ್ಕೊಳ್. ಜೂನ್ 5: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಫಿರ್ಗಜೆ ಎಕ್ ವರಸ್ ಆಪ್ಲಿ ಅಮೂಲ್ಯ ಸೇವಾ ದಿಲ್ಲೊ ಬಾಪ್ ರೋಯ್ ಲೋಬೊಕ್ ವರ್ಗಾವಣ್ ಜಾಲ್ಯಾನ್ ಜೂನಾಚ್ಯಾ 4 ತಾರೀಕೆರ್ ಕುಂದಾಪುರ್ ಥಾವ್ನ್ ತಾಂಚ್ಯಾ ನಿರ್ಗಗಮನ್ ಕಾರ್ಯಾಕ್ ಲಾಗೊನ್ ಪಾವ್ನ್ ದಿಂವ್ಕ್ ವೆಚೆಂ ಕಾರ್ಯೆಂ ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಚಲ್ಲೆಂ. ಬಾಪ್ ಪ್ರವೀಣ್ ಅಮ್ರತ್ ಮಾರ್ಟಿಸಾನ್ ಮಾಗ್ಣ್ಯಾ ವಿಧಿ ಚಲಂವ್ನ್ ವೆಲಿ. ವಿಗಾರ್ ಬಾಪಾನ್ ಬಾಪ್ ರೋಯ್ ಲೋಬೊಕ್ ಬರೆಂ ಮಾಗ್ಲೆಂ. ಬಾಯ್ ರೋಯ್ ಲೋಬೊನ್ ಪಾಂವ್ಕ್ ಆಯ್ಲ್ಯಾ ಭಕ್ತಿಕಾಂಕ್ ದೆವಾಚೊ ಆಶಿರ್ವಾದ್ ದಿಲೆಂ. ಹ್ಯಾ ವೇಳಾ ಬಾಪ್ ರೋಯ್ ಲೋಬೊ ಭಾವುಕ್ ಜಾಲ್ಲೆಂ ದಿಸೊನ್ ಆಯ್ಲೆಂ, ಆನಿ ಕುಂದಾಪುರ್ ಥಂಯ್ ತಾಂಕಾಂ ಆಸ್ಲೊ ಮೋಗ್ ಜಳ್ಕಾಲೊ.
ಬಾಪ್ ರೋಯ್ ಲೋಬೊಕ್ ಕಾರ್ಕೊಳ್ ಅತ್ತೂರ್ ಮೈನರ್ ಬಾಸಿಲಿಕಾಚೆ ರೆಕ್ಟರ್ ಮಾ|ಬಾ|ಜಾರ್ಜ್ ದಿಸೋಜಾನ್ ಫುಲಾಂ ಝೆಲೊ ಅರ್ಪುನ್ ಸ್ವಾಗತ್ ಕೆಲೊ. ಉಪ್ರಾಂತ್ ಮಾಗ್ಣ್ಯಾ ವಿಧಿ ಚಲಯ್ಲಿ. ಬಾಪ್ ರೋಯ್ ಲೋಬೊನ್ ಕಾರ್ಕೊಳ್ ಆನಿ ಕುಂದಾಪುಚ್ರ್ಯಾ ಭಕ್ತಿಕಾಂಕ್ ದೆವಾಚೆ ಅಶಿರ್ವಾದ್ ದಿಲೆಂ.
ಉಪ್ರಾಂತ್ ಚಲಲ್ಯಾ ಸಭಾ ಕಾರ್ಯಕ್ರಮಾಂತ್ ‘ಕುಂದಾಪುರ್ಚೊ ವಿಗಾರ್ ಅ|ಮಾ|ಬಾ|ಸ್ಟ್ಯಾನಿ ತಾವ್ರೊನ್ ಭರಲ್ಯಾ ಕಾಳ್ಜಾನ್ ಬಾಪ್ ರೋಯಾಕ್ ಶಾಭಾಸ್ಕಿ ಪಾಠವ್ನ್ ತಾಂಚಿಂ ಸೇವಾ ವಾಕಣುನ್ ಭಾವುಕ್ ಉತ್ರಾಂ ದ್ವಾರಿ ವಪ್ಸುನ್ ದಿಲೆಂ. ಬಾಪ್ ರೋಯ್ ಲೋಬೊನ್ ಕುಂದಾಪುರ್ ಗಾರಾಂಚೊ ಮೋಗ್ ವ್ಯಕ್ತ್ ಕರುನ್ ಉಪ್ಕಾರ್ ಭಾವುಡ್ಲೊ, ತಶೆಂಚ್ ಆಪುಣ್ ಪ್ರಮಾಣಿಕ್ ಸೇವಾ ಅತ್ತೂರ್‍ಯಿ ದಿತಾಂ ಮ್ಹಣನ್ ತಾಣಿ ಸಾಂಗ್ಲೆ. ಬಾಪ್ ಪ್ರವೀಣ್ ಅಮ್ರತ್ ಮಾರ್ಟಿಸ್, ಕುಂದಾಪುರ್ಚೊ ನವೊ ಸಹಾಯಕ್ ಯಾಜಕ್ ಬಾಪ್ ವಿಜಯ್ ಡಿಸೋಜಾ, ಅತ್ತೂರ್ ಥಾವ್ನ್ ನಿರ್ಗಮನ್ ಜಾಂವ್ನ್ ಉಂಚ್ಲ್ಯಾ ಶಿಕ್ಪಾಕ್ ಇಟೆಲಿ ವೆಚೊ ಬಾಪ್ ಜೆನ್ಸಿಲ್ ಆಳ್ವಾ, ಕುಂದಾಪುರ್ಚೊ ಉಪಾಧ್ಯಕ್ಷ್ ಜೇಕಬ್ ಡಿಸೋಜಾ ವೇದಿರ್ ಹಾಜರ್ ಆಸ್ಲೆಂ.
18 ಆಯೋಗಾಚೊ ಸಂಯೋಜಕ್ ರಿಚಾರ್ಡ್ ಪಿಂಟೊನ್ ಸ್ವಾಗತ್ ಮಾಗ್ಲೊ. ಅತ್ತೂರ್ ಫಿರ್ಗಜೆಚೊ ಗೊವ್ಳಿಕ್ ಮಂಡಳಿ ಉಪಾಧ್ಯಕ್ಷ್ ಜೋನ್ ಡಿಸಿಲ್ವಾನ್ ಧನ್ಯವಾದ್ ಪಾಠಯ್ಲೆ. ಕಾರ್ಯದರ್ಶಿ ಲೀನಾ ಡಿಸಿಲ್ವಾನ್ ಕಾರ್ಯೆ ಚಲವ್ನ್ ವೆಲೆಂ.
