ಬೆಂಗಳೂರ್, ಸೆ. 14 ಮತ್ತು 15 ವೆರ್ ಬೆಂಗಳೂರ್ ಕೋರಮಂಗಲ ಹಾಂಗಾಸರ್ ಚಲಲ್ಯಾ ಅಖೀಲ್ ಕರ್ನಾಟಕ ಸ್ಫೊಟ್ರ್ಸ್ ಕರಾಟೆ ಅಸೋಸಿಯೆನ್ ಹಾಣಿ ಮಾಂಡುನ್ ಹಾಡ್ಲ್ಯಾ 15 ವೇ ರಾಜ್ಯ್ ಮಟ್ಟಚ್ಯಾ ಸಬ್ ಜೂನಿಯರ್ ಕರಾಟೆ ಚಾಂಪಿಯೆನ್ ಶಿಫ್ 2024, ಹಾಂತುನ್ ಕುಂದಾಪುರ್ ಫಿರ್ಗಜೆಚ್ಯಾ ಅರ್ನೊನ್ ಡಿಆಲ್ಮೇಡಾ, 10 ವರ್ಸಾಂ ಪ್ರಾಯೆಚ್ಯಾ ಪಂಗ್ಡಾಂತ್, ಕರಾಟೆ ‘ಕಟಾ’ ವಿಭಾಗಾಂತ್ ರೂಪ್ಯಾಳೆ ಪದಕ್ ಆನಿ 10 ವರ್ಸಾಂ ಪ್ರಾಯೆಚ್ಯಾ, ತಸೆಂ 30-40 ಕೆ.ಜಿ. ‘ಕಮಿಟೆ’ ವಿಭಾಗಾಂತಾಯಿ ರೂಪ್ಯಾಳೆ ಪದಕ್ ಅಪ್ಣಾಯ್ಲಾ. ಹೊ ಕುಂದಾಪುರ್ ಫಿರ್ಗಜೆಚೊ ವಿಲ್ಸನ್ ಆನಿ ಜ್ಯೋತಿ ಡಿಆಲ್ಮೇಡಾ ಹಾಂಚೊ ಪುತ್ ಜಾವ್ನಾಸಾ. ಹ್ಯಾ ಪಂದ್ಯಾಟಾಂತ್ ಕರ್ನಾಟಕಚ್ಯಾ 31 ಜಿಲ್ಲೆ ಥಾವ್ನ್ 1200 ಸ್ಫರ್ಧಿಕಾಂನಿ ಭಾಗ್ ಘೆತ್ಲೊ. ಹಾಕಾ ಕುಂದಾಪುರ್ ಕೆ.ಡಿ.ಎಫ್. ಕರಾಟೆ ಇಸ್ಕೊಲಾಚೊ ಕಿಯೋಷಿ ಕಿರಣ್ ಕುಂದಾಪುರ್, ಶಿಹಾನ್ ಸಂದೀಪ್ ವಿ.ಕೆ., ಶಿಹಾನ್ ಕೀರ್ತಿ ಜಿ.ಕೆ., ಸೇನ್ ಸಾಯಿ ಶಿಹಾನ್ ಶೇಖ್, ಬಸ್ರೂರ್, ಆನಿ ಸೇನ್ ಸಾಯಿ ಶಶಾಂಕ್ ಶೆಣೈ ಟಿ ಹಾಣಿ ತರ್ಬೆತಿ ದಿಲ್ಲಿ ಜಾವ್ನಾಸಾ.
