Day: August 5, 2024

ಕುಂದಾಪುರ,ಅ. 31/07/2024 ರಂದು LKG ಮತ್ತು UKG ಮಕ್ಕಳು ಹಸಿರು ಬಣ್ಣ ಮತ್ತು ಹಸಿರು ತರಕಾರಿ ದಿನವನ್ನು ಆಚರಿಸಿದರು. ಕಾರ್ಯಕ್ರಮಕ್ಕೆ ಆಗಮಿಸಿದ ಅತಿಥಿಗಳನ್ನು, ಅಧ್ಯಕ್ಷರು, ಪ್ರಾಂಶುಪಾಲರು, ಸಹಶಿಕ್ಷಕರು ಆತ್ಮೀಯವಾಗಿ ಬರಮಾಡಿಕೊಂಡರು.

     ಮುಖ್ಯ ಅತಿಥಿಗಳಾದ ರೆ.ಫಾ.ಇಮ್ಯಾನುಯೆಲ್ ಜಯಕುಮಾರ್ ಅವರು ಚಿಕ್ಕ ಮಕ್ಕಳು ಹಸಿರು ಪರಿಸರ, ಪರಿಸರವನ್ನು ಪ್ರೀತಿಸಬೇಕು ಮತ್ತು ಹಸಿರು ಸೊಪ್ಪಿನ ತರಕಾರಿಗಳನ್ನು ಹೆಚ್ಚು ಸೇವಿಸಬೇಕು ಅದು ಆರೋಗ್ಯಕ್ಕೆ ಒಳ್ಳೆಯದು ಎಂದು ಹೇಳಿದರು.

ಶಾಲೆಯ ಕರೆಸ್ಪಾಂಡೆಂಟ್ ಶ್ರೀಮತಿ ಐರಿನ್ ಸಲ್ಲಿನ್ಸ್ ಮಾತನಾಡಿ, ಎಲ್ಲಾ ಪುಟಾಣಿಗಳು ಹಸಿರು ಉಡುಗೆಯಲ್ಲಿ ತುಂಬಾ ಮುದ್ದಾಗಿ ಕಾಣುತ್ತಿದ್ದಾರೆ, ಅದೇ ರೀತಿ ನೀವು ಪರಿಸರವನ್ನು ಹಸಿರಾಗಿಡಬೇಕು. ಶಾಲಾ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಅನಿತಾ ಡಿ ಸೋಜಾ ಅವರು ಕೆಲವು ಆಟಗಳನ್ನು ಆಡಿಸುವ ಮೂಲಕ ಮಕ್ಕಳನ್ನು ರಂಜಿಸಿದರು. ನೀವು ಸದಾ ಹೀಗೆ ಹಸಿರಾಗಬೇಕು ಎಂದರು.

ಚಿಕ್ಕ ಮಕ್ಕಳು ಹಸಿರು ಬಣ್ಣಗಳ ಬಗ್ಗೆ ಹಾಡನ್ನು ಹಾಡಿದರು ಮತ್ತು ಯುಕೆಜಿ ಬಾಲಕಿಯರಾದ ರುಥ್ವಿ ಚಂದನಾ ಮತ್ತು ಮಿಜ್ಭಾಷೇಕ್ ಹಸಿರು ಬಣ್ಣ ಮತ್ತು ತರಕಾರಿಗಳ ಕುರಿತು ಭಾಷಣ ಮಾಡಿದರು.

ಕಾರ್ಯಕ್ರಮದಲ್ಲಿ ಸಿಎಸ್‌ಐ ಕ್ರಪಾ ವಿದ್ಯಾಲಯ ಹಾಗೂ ಯುಬಿಎಂಸಿ ಶಾಲಾ ಶಿಕ್ಷಕರು ಹಾಗೂ ಸಹಾಯಕಿಯರು ಹಾಗೂ ಅಂಗನವಾಡಿ ಶಿಕ್ಷಕರು ಉಪಸ್ಥಿತರಿದ್ದರು. ಅಂಗನವಾಡಿ ಶಿಕ್ಷಕಿ ಶ್ರೀಮತಿ ವಿದ್ಯಾ ಹಾಗೂ ಎಲ್ಲಾ ಮಕ್ಕಳನ್ನು ಸಿಎಸ್‌ಐ ಕೃಪಾ ವಿದ್ಯಾಲಯ ಶಾಲೆಯ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಸವಿತಾ ಸ್ವಾಗತಿಸಿದರು. ಶ್ರೀಮತಿ ರೇಖಾ ಅಲ್ಮೇಡಾ ಎಲ್ಲರಿಗೂ ಧನ್ಯವಾದ ಸಲ್ಲಿಸಿದರು ಮತ್ತು ಶ್ರೀಮತಿ ವಿಲ್ಮಶಿಲೆಟ್ ಕಾರ್ಯಕ್ರಮ ನಿರೂಪಿಸಿದರು

Kundapur C.S.I. At Krupa Vidyalaya Nursery School Celebrating green color and green vegetable day

On Wednesday 31/07/2024, LKG and UKG children celebrated Green Color and Green Vegetable Day.CSI Krupa Vidyalaya Nursery School
The Headmistress of CSI Krupa Vidyalaya School Mrs. Savitha welcomed the guests, President, Principal, co-teachers, Anganwadi teacher Mrs. Vidya and all the children who arrived for the function.
Rev.Emmanuel Jayakumar, the chief guest, told the young children that we should love the green environment, environment and we should eat more green leafy vegetables as it is good for health.
School Correspondent Mrs. Irene Sallins said that all the little girls are looking very cute in green dress, similarly you should keep the environment green.
School Principal Mrs. Anita D Souza entertained the children by playing some games. Said you should be green like this.
Young children sang a song about green colors and UKG girls Ruthvi Chandana and Mizbhasheik gave a speech about green color and vegetables.
CSI Krapa Vidyalaya and UBMC school teachers and assistants and Anganwadi teacher were present in the program. Mrs. Rekha Almeida thanked them all. and Mrs. Vilmashilet presented the program.

ಕುಂದಾಪ್ರ ಭಾಷೆ, ಸಂಸ್ಕøತಿಯ ಉಳಿವು ಅಭಿವೃದ್ಧಿಯ ದೃಷ್ಠಿಯಿಂದ ‘ಕುಂದಾಪ್ರ ಕನ್ನಡ ವೇದಿಕೆ’ ಕುಂದಾಪುರದಲ್ಲಿ ಸ್ಥಾಪನೆ ಮಾಡಲು ಸರ್ವಾನುಮತದಿಂದ ನಿರ್ಣಯ ಮಾಡಲಾಗಿದೆ.ಬಸ್ರೂರು ಅಪ್ಪಣ್ಣ ಹೆಗ್ಡೆಯವರ ಅಧ್ಯಕ್ಷತೆಯಲ್ಲಿ ಬಂಟರ ಯಾನೆ ನಾಡವರ ಸಂಘದ ಸಭಾಂಗಣದಲ್ಲಿ ಕುಂದಾಪ್ರ ಕನ್ನಡಿಗರ ಪ್ರತಿನಿಧಿಗಳ ಸಭೆ ಏರ್ಪಡಿಸಲಾಗಿತ್ತು.
ಬಸ್ರೂರು ಅಪ್ಪಣ್ಣ ಹೆಗ್ಡೆಯವರು ಹಾಗೂ ಬಿದ್ಕಲ್‍ಕಟ್ಟೆ ಕುಂದಾಪುರ ತಾಲೂಕು ಕನ್ನಡ ಸಾಹಿತ್ಯ ಸಮ್ಮೇಳನ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ವಾಗ್ಮಿ ಮೊಳಹಳ್ಳಿ ಬಾಲಕೃಷ್ಣ ಶೆಟ್ಟಿಯವರು ಕಾರ್ಯಕ್ರಮವನ್ನು ಉದ್ಘಾಟಿಸಿದರು.
ಉಡುಪಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ನೀಲಾವರ ಸುರೇಂದ್ರ ಅಡಿಗ, ಕುಂದಾಪುರ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಡಾ| ಉಮೇಶ್ ಪುತ್ರನ್ ಉಪಸ್ಥಿತರಿದ್ದರು.
ಬಂಟರ ಯಾನೆ ನಾಡವರ ಸಂಘದ ಕುಂದಾಪುರ ತಾಲೂಕು ಸಂಚಾಲಕ ಆವರ್ಸೆ ಸುಧಾಕರ ಶೆಟ್ಟಿ ಸ್ವಾಗತಿಸಿದರು.
‘ಕುಂದಪ್ರಭ’ ಸಂಸ್ಥೆಯ ಅಧ್ಯಕ್ಷ ಯು. ಎಸ್. ಶೆಣೈ ಪ್ರಾಸ್ತಾವಿಕವಾಗಿ ಮಾತನಾಡಿದರು.
“ವಿಶ್ವ ಕುಂದಾಪ್ರ ಕನ್ನಡ ದಿನಾಚರಣೆಯ ಸಂದರ್ಭದಲ್ಲಿ ಕುಂದಾಪ್ರ ಕನ್ನಡದ ಕಾರ್ಯಕ್ರಮ ಎಲ್ಲ ಕಡೆ ಆಗುತ್ತಿರುವುದು ಸಂತೋಷದ ವಿಷಯ. ಆದರೆ ಕುಂದಾಪ್ರ ಕನ್ನಡದ ಸಾಹಿತ್ಯಿಕ, ಸಾಂಸ್ಕøತಿಕ, ಜಾನಪದ ಸಂಪತ್ತು ಉಳಿಸಿಕೊಳ್ಳಲು ಕುಂದಾಪ್ರ ಕನ್ನಡ ವೇದಿಕೆ ಅಗತ್ಯವೆಂದು ಹಲವರಿಗೆ ಅನಿಸಿದೆ, ಹಾಗಾಗಿ ವಿಚಾರ ವಿನಿಮಯ ನಡೆಸಿ ನಿರ್ಣಯ ಕೈಗೊಳ್ಳಲು ಈ ಸಭೆ ಕರೆಯಲಾಗಿದೆ.” ಎಂದರು.
ಪತ್ರಕರ್ತ ಜಾನ್ ಡಿ’ಸೋಜಾ, ಮುಂಬೈ ಕುಂದಾಪ್ರ ಕನ್ನಡ ಬಳಗದ ವೆಂಕಟೇಶ ಪೈ, ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಮಾಜಿ ಅಧ್ಯಕ್ಷ ಕೃಷ್ಣ ಪ್ರಸಾದ್ ಅಡ್ಯಂತಾಯ, ಹಿರಿಯ ವಕೀಲ ಟಿ. ಬಿ. ಶೆಟ್ಟಿ, ಶಿಕ್ಷಕಿ ಜಯಶೀಲ ಕಾಮತ್ ಕುಂಭಾಸಿ, ಹಿರಿಯ ಶಿಕ್ಷಕರಾದ ಜಯಶೀಲ ಶೆಟ್ಟಿ, ಸೀತಾರಾಮ ಶೆಟ್ಟಿ ಕೆದೂರು ಮಾತನಾಡಿ, ‘ಕುಂದಾಪ್ರ ಕನ್ನಡ ವೇದಿಕೆ’ ಯ ಅಗತ್ಯತೆ ಬಗ್ಗೆ ಹೇಳಿದರು.
ಕಸಾಪ ತಾಲೂಕು ಅಧ್ಯಕ್ಷ ಡಾ| ಉಮೇಶ್ ಪುತ್ರನ್, ‘ಕುಂದಾಪ್ರ ಕನ್ನಡ ಭಾಷಾಭಿವೃದ್ಧಿ ವೇದಿಕೆ’ ಸ್ಥಾಪಿಸುವ ನಿರ್ಣಯ ಮಂಡಿಸಿದರು. ಸಭೆ ಅನುಮೋದನೆ ನೀಡಿತು.
ಕೃಷ್ಣ ಪ್ರಸಾದ ಅಡ್ಯಂತಾಯ, ಕೊರ್ಗಿ ವಿಠಲ ಶೆಟ್ಟಿ ಚಾರಿಟೆಬಲ್ ಟ್ರಸ್ಟ್ ವತಿಯಿಂದ ಹತ್ತು ಸಾವಿರ ರೂ. ವೇದಿಕೆಗೆ ಒದಗಿಸುವ ಘೋಷಣೆ ಮಾಡಿದರು.
ಸಾಲಗದ್ದೆ ಶಶಿಧರ ಶೆಟ್ಟಿ, ಬುದ್ಧರಾಜ ಶೆಟ್ಟಿ, ಡಾ| ಅಂಪಾರು ನಿತ್ಯಾನಂದ ಶೆಟ್ಟಿ, ಎಸ್. ದಯಾನಂದ ರಾವ್ ಶಂಕರನಾರಾಯಣ, ಕೆ. ಕರುಣಾಕರ ಶೆಟ್ಟಿ, ವೈ. ಸೀತಾರಾಮ ಶೆಟ್ಟಿ ಕುಂದಾಪುರ, ಸತೀಶ್ ಶೆಟ್ಟಿ ಕುಂದಾಪುರ, ಸುನಿಲ್ ಶೆಟ್ಟಿ ಹೇರಿಕುದ್ರು, ಎನ್. ಮಂಜಯ್ಯ ಶೆಟ್ಟಿ ಸಬ್ಲಾಡಿ, ಪಂಪತ್ ಕುಮಾರ್ ಶೆಟ್ಟಿ ಕಾವ್ರಾಡಿ, ನಿತೀಶ್ ಶೆಟ್ಟಿ ಬಸ್ರೂರು, ಸುಬ್ಬಣ್ಣ ಕೋಣಿ, ಶಂಕರನಾರಾಯಣ ಕುಂದಾಪುರ, ಪ್ರಕಾಶ್ಚಂದ್ರ ಶೆಟ್ಟಿ ಚಿತ್ತೂರು, ಬಿ. ಸುರೇಶ ನಾಯಕ್, ದಿವಾಕರ ಶೆಟ್ಟಿ ಬಸ್ರೂರು, ಕೆ. ಎಸ್. ಮಂಜುನಾಥ್, ಶೇಖರ ಎನ್. ಶೆಟ್ಟಿ, ಕೃಷ್ಣಪ್ಪ ಶೆಟ್ಟಿ ಆಲೂರು, ಎಚ್. ಸೋಮಶೇಖರ ಶೆಟ್ಟಿ, ಪ್ರಕಾಶ್ ಹೆಬ್ಬಾರ್ ನಾಡ, ರಾಮರತನ್ ಶೆಟ್ಟಿ ಕುಂದಾಪುರ, ಕೆ. ರಮೇಶ್ ಶೆಟ್ಟಿ, ಎ. ಮುತ್ತಯ್ಯ ಶೆಟ್ಟಿ ಕುಂದಾಪುರ, ಎನ್. ನಿತ್ಯಾನಂದ ಶೆಟ್ಟಿ ಹಂಗ್ಲೂರು, ಎಚ್. ಸುರೇಶ್ ಕುಮಾರ್ ಶೆಟ್ಟಿ, ಶಿರೂರು, ಎಸ್. ರಾಜೀವ ಶೆಟ್ಟಿ ಕುಂದಾಪುರ, ಕೆಂಚನೂರು ಸೋಮಶೇಖರ ಶೆಟ್ಟಿ, ಸಂಪತ್ ಕುಮಾರ್ ಶೆಟ್ಟಿ, ಕೆ. ಆರ್. ನಾಯ್ಕ್ ಹಂಗ್ಲೂರು, ರಾಜೀವ ನಾಯ್ಕ, ಡಾ| ಬಿ. ವಿ. ಉಡುಪ ಉಪಸ್ಥಿತರಿದ್ದರು.
ಉಡುಪಿ ಜಿಲ್ಲಾ ಜನಪದ ಪರಿಷತ್ ಅಧ್ಯಕ್ಷ ಗಣೇಶ್ ಗಂಗೊಳ್ಳಿ ಕುಂದಾಪ್ರ ಕನ್ನಡ ಹಾಡು ಹಾಡಿದರು. ಕುಂದಾಪ್ರ ಕನ್ನಡ ಚಿತ್ರ ನಿರ್ದೇಶಕ ಶ್ರೀರಾಜ್ ಕೊಠಾರಿಯವರನ್ನು ಗೌರವಿಸಲಾಯಿತು.

ಮಂಗಳೂರು: ಸಾಂ ಕ್ರೀಸ್ತೋಫರ್ ಎಸೋಸಿಯೇಶನ ಚಾಲಕ ಮ್ಹಾಲಕರ ಸಂಘದ ಇದರ 58ನೇ ವಾರ್ಷಿಕ ವiಹೋತ್ಸವವು ಮಂಗಳೂರು ರೋಜಾರಿಯೋ ಕ್ಯಾಥೆಡ್ರಲ್‍ನಲ್ಲಿ ಜರುಗಿತು. ವಂದನೀಯ ಧರ್ಮಗುರು ಲಿಯೊ ಲಸ್ರಾದೊರವರು ಬಲಿಪೂಜೆಯನ್ನು ಅರ್ಪಿಸಿ ವಾಹನಗಳ ಮೇಲೆಆಶೀರ್ವಾದ ನೀಡಿದರು. ವಂದನೀಯ ಧರ್ಮಗುರು ವಿನೋದ್ ಲೋಬೊ ಬಲಿಪೂಜೆಯಲ್ಲಿ ಪಾಲ್ಗೊಂಡರು. ನಂತರ ನಡೆದ ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಡಾ| ಜೋನ್ ಎಡ್ವರ್ಡ್ ಡಿಸಿಲ್ವಾ ವಹಿಸಿ ವಿಧಾನ ಪರಿಷತ್ತಿನ ಸದಸ್ಯರಾಗಿ ದ್ವಿತೀಯ ಬಾರಿ ಆಯ್ಕೆಯಾದ ಸನ್ಮಾನ್ಯ ಶ್ರೀ ಐವನ್ ಡಿಸೋಜಾ ಮತ್ತು ಕೊಂಕಣಿ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷರಾಗಿ ನೇಮಕಗೊಂಡ ಶ್ರೀಮಾನ್ ಜೋಕಿಮ್ ಸ್ಟ್ಯಾನಿ ಅಳ್ವಾರಿಸ್‍ರವರಿಗೆ ಸನ್ಮಾನಿಸಲಾಯಿತು. ಸನ್ಮಾನ ಪಡೆದ ಇವರು ಕಾರ್ಯಕ್ರಮಕ್ಕೆ ಶುಭ ನುಡಿದರು. ವಂದನೀಯ ಧರ್ಮಗುರು ಆಲ್ಪ್ರೆಡ್ ಜೆ. ಪಿಂಟೊ (ನಿರ್ದೇಶಕರು ಸಾಂ ಕ್ರೀಸ್ತೋಫರ್ ಎಸೋಸಿಯೇಶನ್) ಶ್ರೀಮಾನ್ ವಿಕ್ಟರ್ ಜೋಸೆಫ್ ಮಿನೇಜಸ್ (ಗೌರವ ಅಧ್ಯಕ್ಷರು) ಶ್ರೀಮಾನ್ ಜೆರಾಲ್ಡ್ ಡಿಸೋಜ (ಸಹಕಾರ್ಯಾದರ್ಶಿ) ವೇದಿಕೆಯು ಉಪಸ್ಥಿತರಿದ್ದರು ಶ್ರೀಮಾನ್ ಸುನಿಲ್ ಪೀಟರ್ ಪಾವ್ಲ್ ಲೋಬೊ (ಕಾರ್ಯದರ್ಶಿ) ವಾರ್ಷಿಕ ವರದಿ ಮಂಡಿಸಿದರು. ಶ್ರೀಮಾನ್ ಜೋನ್ ಬ್ಯಾಪ್ಟಿಸ್ಟ್ ಗೋಮ್ಸ್ (ಉಪಧ್ಯಕ್ಷರು) ವಾರ್ಷಿಕ ಲೆಕ್ಕಚಾರವನ್ನು ಸಭೆಯಲ್ಲಿ ಇಟ್ಟರು ಪ್ರತಿಭಾವಂತ ವಿಧ್ಯಾರ್ಥಿಗಳಿಗೆ ಸ್ಕೋಲರ್‍ಶಿಪ್ ಮತ್ತು ಪ್ರತಿಭ ಪುರಸ್ಕಾರ ನೀಡಲಾಯಿತು. ಮುಂದಿನ ವರ್ಷಕ್ಕೆ ಕಾರ್ಯಕಾರಿ ಸಮಿತಿಯನ್ನು ರಚಿಸಲಾಯಿತು. ಶ್ರೀಮಾನ್ ನೈಜಿಲ್ ಪಿರೇರಾರವರು ಕಾರ್ಯ ನಿರ್ವಹಿಸಿದರು.

ಕೋಲಾರ: ಇಂದು ಭಾನುವಾರ ರಜಾದಿನ ಇದ್ದು ಸಹ ಫೀಲ್ಡ್ ಗೆ ಇಳಿದ ಜಿಲ್ಲಾಧಿಕಾರಿ ಅಕ್ರಂ ಪಾಷಾ ರವರು ಕೋಲಾರ ನಗರದ ವಿವಿಧ ರಸ್ತೆಗಳಲ್ಲಿ ಪಾದಚಾರಿ ರಸ್ತೆ ಕಾಮಗಾರಿ, ಪುಡ್ ಕೋರ್ಟ್ ನಿರ್ಮಾಣ, ನಗರಸಭೆ ಆವರಣದಲ್ಲಿ ನೂತನ ಕಟ್ಟಡ ನಿರ್ಮಾಣಗಳ ಕಾಮಗಾರಿ ಹಾಗೂ ಜಿಲ್ಲಾ ಆಸ್ಪತ್ರೆಯ ಆವರಣದಲ್ಲಿ ಅನಧಿಕೃತ ಅಂಗಡಿಗಳ ತೆರವುಗೊಳಿಸುವ ಕುರಿತು ಪರಿಶೀಲಿಸಿದರು.  ಈ ಸಂದರ್ಭದಲ್ಲಿ ಸಂಬಂಧಪಟ್ಟ ಇಲಾಖೆಯ ಅಧಿಕಾರಿಗಳು ಉಪಸ್ಥಿತರಿದ್ದರು.

ಶ್ರೀನಿವಾಸಪುರ: ದೈಹಿಕ ಶಿಕ್ಷಣ ಪರಿವೀಕ್ಷಕರಾಗಿ ಈ ಕ್ಷೇತ್ರದಲ್ಲಿ ಉತ್ತಮ ಕೆಲಸ ನಿರ್ವಹಿಸಿದ್ದಾರೆ. ವಿದ್ಯಾರ್ಥಿಗಳ ಹಾಗೂ ಪಾಲಕರ ಮನ ಗೆದ್ದಿದ್ದಾರೆ. ಇಂದಿನ ಶಿಕ್ಷಕ ವರ್ಗದವರಿಗೆ ಕೆ.ವಿ ನಾರಾಯಣಸ್ವಾಮಿ ಮಾದರಿಯಾಗಿದ್ದಾರೆಂದ ನಿವೃತ್ತಿ ಹೊಂದಿದ ಬಿಇಓ ರೇಣುಕಮ್ಮ ಮೆಚ್ಚುಗೆಯನ್ನು ವ್ಯಕ್ತಿಪಡಿಸಿದರು.
ಪಟ್ಟಣದ ಸರ್ಕಾರಿ ನೌಕರ ಭವನದಲ್ಲಿ ಈ ತಾಲ್ಲೂಕಿನಲ್ಲಿ 5 ವರ್ಷಗಳ ಕಾಲ ದೈಹಿಕ ಪರೀವೀಕ್ಷಣ ಅಧಿಕಾರಿಯಾಗಿ ಕೆಜಿಎಫ್ ತಾಲ್ಲೂಕಿಗೆ ವರ್ಗಾವಣೆಯಾದ ನಾರಾಯಣಸ್ವಾಮಿಗೆ ಸಮುದಾಯ ವತಿಯಿಂದ ಅತ್ಮೀಯ ಬೀಳ್ಕೊಡಿಗೆಯನ್ನು ಮಾಡಿ ಮಾತನಾಡಿದ ರೇಣುಕಮ್ಮ ದೈಹಿಕ ಶಿಕ್ಷಕರಾಗಿ ಇರುವಷ್ಟು ಕಾಲ ಎಲ್ಲರೊಂದಿಗೆ ಪ್ರೀತಿ ವಿಶ್ವಾಸದಿಂದ ಇದ್ದು, ಒಳ್ಳೆಯ ಕೆಲಸಗಳನ್ನು ಮಾಡಿದ್ದಾರೆ. ಕ್ರೀಡಾ ಕ್ಷೇತ್ರದಲ್ಲಿ ಅನೇಕ ವಿದ್ಯಾರ್ಥಿಗಳನ್ನು ಉತ್ತಮ ಕ್ರೀಡಾ ಪಟಗಳನ್ನಾಗಿ ಮಾಡಿದ ಕೀರ್ತಿ ಇವರಿಗೆ ಸಲ್ಲುತ್ತದೆ. ಇವರ ಅವದಿಯಲ್ಲಿ ಶಿಸ್ತು ಬದ್ದರಾಗಿ ಕೆಲಸ ಮಾಡಿ ಅಧಿಕಾರಿಗಳಿಂದ ಒಳ್ಳೆಯ ಹೆಸರನ್ನು ಪಡೆದಿದ್ದಾರೆ. ಮುಂದೆಯು ಇದೇ ರೀತಿ ಹೆಸರನ್ನು ಗಳಿಸಲಿ ಎಂದು ಶುಭವನ್ನು ಹಾರೈಸಿದರು.
ನಿವೃತ್ತಿ ಮುಖ್ಯ ಶಿಕ್ಷಕ ತಿಪ್ಪಣ್ಣ ಮಾತನಾಡಿ ಕೆ.ವಿ. ನಾರಾಯಣಸ್ವಾಮಿ ಕ್ರೀಡಾ ಕ್ಷೇತ್ರದಲ್ಲಿ ಉತ್ತಮ ಹೆಸರನ್ನು ಪಡೆದಿದ್ದಾರೆ. ವಿದ್ಯಾರ್ಥಿಗಳಲ್ಲಿ ಶಿಸ್ತುನ್ನು ಮೂಡಿಸಿ ಕ್ರೀಡಾಕೂಟದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲ ಭಾಗವಹಿಸುವಂತೆ ಮಕ್ಕಳನ್ನು ಪ್ರೇರೇಪಿಸಿ ಉತ್ಸಹ ತುಂಬಿ ಉತ್ತಮ ಕ್ರೀಡಾಪಟಗಳನ್ನು ಮಾಡಿದ್ದಾರೆ.ಇಂದು ವರ್ಗಾವಣೆಯಾಗುತ್ತಿರುವ ಇವರಿಗೆ ಇನ್ನಷ್ಟು ಹೆಸರನ್ನು ಗಳಿಸಲು ದೇವರು ಒಳ್ಳೆಯದನ್ನು ಮಾಡಲಿ ಇವರ ಸೇವೆ ಇನ್ನೂ ಹೆಚ್ಚಿನದಾಗಿ ಸಿಗಲಿ ಎಂದು ಆಶಿಸಿದರು.
ಬೀಳ್ಕೋಡಿಗೆ ಸನ್ಮಾನವನ್ನು ಸ್ವೀಕರಿಸಿ ಮಾತನಾಡಿದ ದೈಹಿಕ ಪರಿವೀಕ್ಷಣಾಧಿಕಾರಿ ಕೆ.ವಿ. ನಾರಾಯಣಸ್ವಾಮಿ ನಾನು ಐದು ವರ್ಷಗಳಿಂದ ಇಲ್ಲಿ ಕೆಲಸ ಮಾಡಿದ್ದೇನೆ. ನನ್ನ ಅವಧಿಯಲ್ಲಿ ಯಾವುದೇ ಕಪ್ಪು ಚುಕ್ಕೆ ಇಲ್ಲದೆ ಕೆಲಸ ಮಾಡಿ ಇಂದು ವರ್ಗಾವಣೆಯಾಗುತ್ತಿದ್ದೇನೆ. ಇದಕ್ಕೆಲ್ಲ ಕಾರಣ ನೀವು ನನ್ನ ಮೇಲೆ ಇಟ್ಟಿರುವ ಪ್ರೀತಿ ವಿಶ್ವಾಸ ಸರ್ಕಾರದಿಂದ ಯಾವುದೇ ಸೌಲಭ್ಯ ಬಂದರೂ ನೇರವಾಗಿ ವಿದ್ಯಾರ್ಥಿಗಳಿಗೆ ಸಿಗುವಂತೆ ಕೆಲಸ ಮಾಡಿದ್ದೇನೆ. ಉತ್ತಮ ಕ್ರೀಡಾಪಟಗಳನ್ನು ತೆಯಾರು ಮಾಡಿ ಜಿಲ್ಲೆ, ರಾಜ್ಯ ಮಟ್ಟದಲ್ಲಿ ಶಾಲೆಗೆ ಪ್ರಶಸ್ತಿಗಳನ್ನು ತಂದುಕೊಡುವAತಹ ಕೆಲಸ ಮಾಡಿದ್ದೇನೆ. ನನ್ನ ಕಾಲಾವಧಿಯಲ್ಲಿ ಸಹಕರಿಸಿ ಎಲ್ಲಾ ಶಿಕ್ಷP ವೃಂದದವರಿಗೆ ಅಧಿಕಾರಿ ವರ್ಗದವರಿಗೆ ಸಂಘ ಸಂಸ್ಥೆಯ ಮುಖಂಡರಿಗೆ ಕೃತಜ್ಞತೆಗಳನ್ನು ಸಲ್ಲಿಸುತ್ತೇನೆಂದರು.
ಇದೆ ಕಾರ್ಯಕ್ರಮದಲ್ಲಿ ವಿವಿದ ಸಂಘ ಸಂಸ್ಥೆಯ ಮುಖಂಡರು, ಶಿಕ್ಷಕ ವರ್ಗದವರು, ಅದ್ದೂರಿಯಾಗಿ ಸನ್ಮಾನಿಸಿ ಬೀಳ್ಕೋಡಿಗೆಯನ್ನು ನಡಿಸಿಕೊಟ್ಟರು.
ಈ ಸಂದರ್ಭದಲ್ಲಿ ನಿವೃತ್ತಿ ಶಿಕ್ಷಕ ದಿಂಬಾಲು ರಾಮಪ್ಪ, ಶಿಕ್ಷಕರಾದ ಸುಶೀಲಮ್ಮ, ಪೆದ್ದಪ್ಪಯ್ಯ, ರಾಜಪ್ಪ, ಮಾದವಿ, ಗಂಗಮ್ಮ, ಜಿ.ವಿ. ಕೃಷ್ಣಪ್ಪ ಮುಖಂಡರಾದ ಚಲ್ದಿಗಾನಹಳ್ಳಿ ವೆಂಕಟೇಶ್, ನಾಗದೇನಹಳ್ಳಿ ವೆಂಕಟರವಣ, ಹೂಹಳ್ಳಿ ಕೃಷ್ಣಪ್ಪ, ಮೊಗಿಲಹಳ್ಳಿ ಶಿವಪ್ಪ, ಮರಸನಪಲ್ಲಿ ವೆಂಕಟರವಣ, ಅಂಬೇಡ್ಕರ್ ಪಾಳ್ಯ ನರಸಿಂಹಮೂರ್ತಿ, ಅಲವಾಟ ಲಕ್ಷö್ಮಣ್, ಇನ್ನೀತರರು ಉಪಸ್ಥಿತರಿದ್ದರು.

ಶಿವಮೊಗ್ಗ ಧರ್ಮಪ್ರಾಂತ್ಯವು ಇನ್ನೋರ್ವ ಧರ್ಮಗುರು ರೆ.ಫಾ.ಪೌಲ್ ಡಿಸೋಜಾ (51) ಅವರನ್ನು ಕಳೆದುಕೊಂಡಿದೆ. ಇವರು ಚಿಕ್ಕಮಗಳೂರಿನ ಗೋಣಿಬೀಡು ಸೇಂಟ್ ಪೀಟರ್ ಚರ್ಚನವರಾಗಿದ್ದರು.

ಅವರು ಕಳೆದ ಕೆಲವು ವರ್ಷಗಳಿಂದ ಯಕೃತ್ತಿನ ಸಮಸ್ಯೆಯಿಂದ ಬಳಲುತ್ತಿದ್ದರು. ನಿನ್ನೆ ಆಗಸ್ಟ್ 3 ರಂದು ಅವರು ಮಂಗಳೂರಿನ ಫಾದರ್ ಮುಲ್ಲರ್ಸ್ ಆಸ್ಪತ್ರೆಯಲ್ಲಿ ರಾತ್ರಿ 9:40 ಕ್ಕೆ ಕೊನೆಯುಸಿರೆಳೆದರು.

ಇವರು 10/12/1972 ರಂದು ಜನಿಸಿದರು ಮತ್ತು 04/05/2004 ರಂದು ಶಿವಮೊಗ್ಗ ಧರ್ಮಪ್ರಾಂತ್ಯದ ಧರ್ಮ ದೀಕ್ಷೆಯನ್ನು ಪಡೆದುಕೊಂಡರು. ಅವರು ಶಿವಮೊಗ್ಗದ ಸೇಕ್ರೆಡ್ ಹಾರ್ಟ್ ಕ್ಯಾಥೆಡ್ರಲ್‌ನ ಸಹಾಯಕ ಪ್ಯಾರಿಷ್ ಅರ್ಚಕರಾಗಿ, ಶಿವಮೊಗ್ಗದ ಶರಾವತಿನಗರದ ಸೇಂಟ್ ಅಂತೋನಿ ಚರ್ಚ್‌ನ ಪ್ಯಾರಿಷ್ ಅರ್ಚಕರಾಗಿ ಮತ್ತು ಅವರ್ ಲೇಡಿ ಆಫ್ ಅಸಂಪ್ಷನ್ ಚರ್ಚ್‌ನ ಪ್ಯಾರಿಷ್ ಅರ್ಚಕರಾಗಿ ಮತ್ತು ಹಿರಿಯೂರಿನ ಅಸಂಪ್ಷನ್ ಶಾಲೆಯ ಮ್ಯಾಂಗರ್ ಮತ್ತು ಕರೆಸ್ಪಾಂಡೆಂಟ್ ಆಗಿ ಸೇವೆ ಸಲ್ಲಿಸಿದರು.

ಅವರ ಅಂತ್ಯಕ್ರಿಯೆಯು ಆಗಸ್ಟ್ 6 ರಂದು ಮಂಗಳವಾರ ಬೆಳಿಗ್ಗೆ 10:30 ಕ್ಕೆ ಶಿವಮೊಗ್ಗದ ಸೇಕ್ರೆಡ್ ಹಾರ್ಟ್ ಕ್ಯಾಥೆಡ್ರಲ್‌ನಲ್ಲಿ ನಡೆಯಲಿದೆ.

Paul D’Souza from the Diocese of Shimoga is no more

Diocese of Shimoga lost another Priest in Rev. Fr Paul D’Souza (51). He hails from St. Peter’s Church, Gonibeedu, Chikmagalur. 

He was suffering from liver related issues from last few years. Yesterday August 3rd he breathed his last at Fr Muller’s Hospital at Mangalore at 9:40pm. 

He was born 10/12/1972 and Ordained priest for the Diocese of Shimoga on 04/05/2004. He served as Assistant Parish Priest of Sacred Heart Cathedral, Shivamogga, Parish Priest of St. Anthony’s Church, Sharavathinagar, Shivamogga and as Parish Priest of Our Lady of Assumption Church & Manger and Corresspondent of Assumption school, Hiriyur. 

His funeral ceremony will be on August 6th Tuesday at Sacred Heart Cathedral,  Shivamogga, at 10:30am.

ಕುಂದಾಪುರ, ಅ.5,: ಕುಂದಾಪುರ ಭಾಗ್ಯವಂತೆ ರೋಜರಿ ಮಾತಾ ಚರ್ಚಿನಲ್ಲಿ ಅ.4 ರಂದು ಚರ್ಚಿನ ಕುಟುಂಬ ಆಯೋಗದಿಂದ ಭಾನುವಾರ ವಿವಾಹಿತ ದಂಪತಿಗಳ ದಿನಾಚರಣೆಯನ್ನು ಆಚರಿಸಲಾಯಿತು. ಚರ್ಚಿನ ಧರ್ಮಗುರು ಅ|ವಂ|ಪಾವ್ಲ್ ರೇಗೊ ಪವಿತ್ರ ಬಲಿದಾನವನ್ನು ಅರ್ಪಿಸಿ ವಿವಾಹಿತ ದಂಪತಿಗಳು ಹೇಗೆ ಜೀವಿಸಬೇಕು, ಅವರ ಕರ್ತವ್ಯಗಳನ್ನು ಎನೆಂಬುದನ್ನು ತಿಳಿಸಿ ಸಂದೇಶ ನೀಡಿ ಶುಭ ಹಾರೈಸಿದರು.
ಪವಿತ್ರ ಬಲಿದಾನದ ನಂತರ ನಡುವೆ ಉಡುಪಿ ಧರ್ಮಪ್ರಾಂತ್ಯದ ಕುಟುಂಬ ಆಯೋಗದ ನಿರ್ದೇಶಕರದಾರ ಲೆಸ್ಲಿ ಆರೋಜಾ, ವಿವಾಹಿತ ದಂಪತಿಗಳ ಜೀವನದ ಮೇಲೆ ಬೆಳಕು ಚೆಲ್ಲಿದರು. ಸುಮಾರು 125 ವಿವಾಹಿತ ದಂಪತಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು. ಎಲ್ಲಾ ದಂಪತಿಗಳು ನವ ವರ ವಧುವಿನಂತೆ, ಪೋಷಾಕುಗಳನ್ನು ಧರಿಸಿಕೊಂಡು,ಮಹಿಳೆಯರು ಹೂವು ಮುಡಿದು ದಾರೆಯ ಸೀರೆಗಳಗಳನ್ನು ಉಟ್ಟುಕೊಂಡು ಶ್ರಂಗರಿಸಿಕೊಂಡು ಬಂದಿದ್ದರು. ಕುಟುಂಬ ಆಯೋಗದ ಸದಸ್ಯರು ಪವಿತ್ರ ಬಲಿದಾನದ ಪ್ರಾರ್ಥನ ವಿಧಿವಿಧಾನಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಂಡರು.
ಚರ್ಚಿನ ಕುಟುಂಬ ಆಯೋಗದ ಸಂಚಾಲಕಿ ಜೂಲಿಯಾನ ಮಿನೇಜೆಸ್ ಸ್ವಾಗತಿಸಿದರು, ಇದೇ ಸಂದರ್ಭದಲ್ಲಿ ಯಾಜಕರ ಪಾಲಕ ಸಂತ ಮರಿಯಾ ವಿಯಾನ್ನಿಯ ಹಬ್ಬದ ಪರವಾಗಿ ಪಾಲನಮಂಡಳಿ ಉಪಾಧ್ಯಕ್ಷ ಶಾಲೆಟ್ ರೆಬೆಲ್ಲೊ ವಂ.ಪಾವ್ಲ್ ರೇಗೊ ಅವರಿಗೆ ಹೂ ಗುಚ್ಚ ನೀಡಿ ಶುಭಾಶಯ ಕೋರಿದರು.ವಂ| ಪಾವ್ಲ್ ರೇಗೊ ಸಂತ ಜೋಸೆಫ್ ಕಾನ್ವೆಂಟಿನ ಮುಖ್ಯಸ್ಥೆ ಸಿಸ್ಟರ್ ಸುಪ್ರಿಯಾ ಅವರಿಗೆ ಶುಭ ಕೋರಿದರು. ಚರ್ಚಿನ ಸರ್ವ ಆಯೋಗಗಳ ಸಂಯೋಜಕಿ ಪ್ರೇಮಾ ಡಿಕುನ್ಹಾ, ಮತ್ತು ಪಾಲನಮಂಡಳಿ ಕಾರ್ಯದರ್ಶಿ ಪಾಲನಮಂಡಳಿ ಸದಸ್ಯರು ಉಪಸ್ಥಿತರಿದ್ದರು. ನೆರೆದಿದ್ದ ಎಲ್ಲರಿಗೂ ಫಲಹಾರದ ವ್ಯವಸ್ಥೆಯನ್ನು ಮಾಡಲಾಗಿತ್ತು.