Day: June 4, 2024

ಕೋಲಾರ ಲೋಕಸಭಾ ಚುನಾವಣೆ-2024 ಲೋಕಸಭಾ ಚುನಾವಣೆ: ಮತ ಎಣಿಕೆ ಸುಸೂತ್ರ: ಗೆದ್ದ ಅಭ್ಯರ್ಥಿಗೆ ಜೈಕಾರ ಎಣಿಕೆ ಕೇಂದ್ರದ ಸುತ್ತಮುತ್ತ ಜನಜಂಗುಳಿ
ಕೋಲಾರ : ನಗರದ ಸರ್ಕಾರಿ ಪ್ರಥಮ ಕಾಲೇಜಿನಲ್ಲಿ ಮಂಗಳವಾರ ಲೋಕಸಭಾ ಚುನಾವಣೆಯ ಮತ ಎಣಿಕೆ ಪ್ರಕ್ರಿಯೆ ಸುಸೂತ್ರವಾಗಿ ನಡೆಯಿತು.
ಕ್ಷೇತ್ರದ ವ್ಯಾಪ್ತಿಯ 8 ವಿಧಾನಸಭಾ ಕ್ಷೇತ್ರಗಳ ಮತ ಎಣಿಕೆಗೆ ಕಾಲೇಜಿನ ಪ್ರತ್ಯೇಕ ಕೊಠಡಿಗಳಲ್ಲಿ ವ್ಯವಸ್ಥೆ ಮಾಡಲಾಗಿತ್ತು. ಒಟ್ಟಾರೆ 21 ಸುತ್ತುಗಳಲ್ಲಿ ಮತ ಎಣಿಕೆ ನಡೆಯಿತು.
ಬೆಳಿಗ್ಗೆ 7 ಗಂಟೆ ಸುಮಾರಿಗೆ ಕೇಂದ್ರದ ಬಳಿ ಬೆರಳೆಣಿಕೆ ಜನರಿದ್ದರು. ಸಮಯ ಕಳೆದಂತೆ ಜನಜಂಗುಳಿ ಹೆಚ್ಚುತ್ತಾ ಹೋಯಿತು. ಮೊದಲಿಗೆ ಅಂಚೆ ಮತಗಳ ಎಣಿಕೆ ಕಾರ್ಯ ನಡೆಯಿತು. ನಂತರ ವಿದ್ಯುನ್ಮಾನ ಮತ ಯಂತ್ರಗಳಲ್ಲಿನ ಮತ ಎಣಿಕೆ ಪ್ರಕ್ರಿಯೆ ಆರಂಭಗೊಂಡಿತು.
ಮತ ಎಣಿಕೆ ಮುಂದುವರಿದಂತೆ ಅಭ್ಯರ್ಥಿಗಳು ಹಾಗೂ ಕಾರ್ಯಕರ್ತರ ಎದೆಯಲ್ಲಿ ಸೋಲು ಗೆಲುವಿನ ಢವ ಢವ ಶುರುವಾಯಿತು. ಪ್ರತಿ ವಿಧಾನಸಭಾ ಕ್ಷೇತ್ರದ ತಲಾ 5 ಬೂತ್‌ನ ಮತ ಖಾತ್ರಿ ಉಪಕರಣಗಳನ್ನು (ವಿ.ವಿ ಪ್ಯಾಟ್) ಲಾಟರಿ ಮೂಲಕ ಆಯ್ಕೆ ಮಾಡಿ ಮತ ಎಣಿಕೆ ಮಾಡಲಾಯಿತು. ನಂತರ ಇವಿಎಂ ಮತಗಳೊಂದಿಗೆ ತಾಳೆ ಹಾಕಲಾಯಿತು.
ಅಂತಿಮ ಕಣದಲ್ಲಿದ್ದ 18 ಅಭ್ಯರ್ಥಿಗಳ ಫಲಿತಾಂಶ ಸಂಜೆ 5 ಗಂಟೆ ಸುಮಾರಿಗೆ ಪ್ರಕಟವಾಯಿತು. ಗೆಲುವು ಸಾಧಿಸಿದ ಬಿಜೆಪಿ ಬೆಂಬಲಿತ ಜೆಡಿಎಸ್ ಮೈತ್ರಿ ಅಭ್ಯರ್ಥಿ ಎಂ.ಮಲ್ಲೇಶ್ ಬಾಬು ಎಣಿಕೆ ಕೇಂದ್ರದಿಂದ ಹೊರ ಬಂದು ಪಕ್ಷದ ಕಾರ್ಯಕರ್ತರು, ಮುಖಂಡರು ಹಾಗೂ ಬೆಂಬಲಿಗರೊಂದಿಗೆ ಸಂತಸ ಹಂಚಿಕೊಂಡರು.
ಪಕ್ಷಗಳ ಕಾರ್ಯಕರ್ತರು ಮುನಿಸ್ವಾಮಿ ಹಾಗೂ ಮಲ್ಲೇಶ್ ಬಾಬುರನ್ನು ಅವರನ್ನು ಹೆಗಲ ಮೇಲೆ ಹೊತ್ತು ಸಾಗಿದರು. ಬೆಂಬಲಿಗರು ಅಭ್ಯರ್ಥಿಗಳಿಗೆ ಹೂವಿನ ಹಾರ ಹಾಕಿ ಜೈಕಾರ ಕೂಗಿದರು. ಜತೆಗೆ ಸಿಹಿ ಹಂಚಿ ವಿಜಯೋತ್ಸವ ಆಚರಿಸಿದರು.
ಸಂಚಾರ ನಿಬರ್ಂಧ: ಮತ ಎಣಿಕೆ ಹಿನ್ನೆಲೆಯಲ್ಲಿ ಕಾಲೇಜಿನ ಅಕ್ಕಪಕ್ಕದ ಬಂಗಾರಪೇಟೆ ರಸ್ತೆ, ಅಂಚೆ ಕಚೇರಿ ರಸ್ತೆ, ರಾಮಕೃಷ್ಣ ಉಡುಪ ರಸ್ತೆಯಲ್ಲಿ ಬ್ಯಾರಿಕೇಡ್ ಹಾಕಿ ಸಂಜೆವರೆಗೆ ವಾಹನ ಸಂಚಾರ ನಿಬರ್ಂಧಿಸಲಾಗಿತ್ತು, ಅಭ್ಯರ್ಥಿಗಳ ಬೆಂಬಲಿಗರು, ಏಜೆಂಟರು ಹಾಗೂ ಪಕ್ಷಗಳ ಕಾರ್ಯಕರ್ತರು ಪ್ರಾದೇಶಿಕ ಸಾರಿಗೆ ಅಧಿಕಾರಿ (ಆರ್‌ಟಿಒ) ಕಚೇರಿ ಆವರಣ, ಸಿ.ಬೈರೇಗೌಡ ನಗರ, ಜಿಲ್ಲಾ ಪಂಚಾಯಿತಿ ಮುಂಭಾಗದ ಲಾರಿ ನಿಲ್ದಾಣ, ಮಣಿಘಟ್ಟ ರಸ್ತೆ, ನಚಿಕೇತನ ವಿದ್ಯಾರ್ಥಿನಿಲಯದ ಆವರಣ, ಕೋಲಾರಮ್ಮ ದೇವಸ್ಥಾನದ ಮುಂಭಾಗ, ಇಟಿಸಿಎಂ ವೃತ್ತ, ಕೆಇಬಿ ಕಚೇರಿ ಮುಂದೆ, ಮೆಥೋಡಿಸ್ಟ್ ಶಾಲೆ ಬಳಿ ತಮ್ಮ ವಾಹನಗಳನ್ನು ನಿಲ್ಲಿಸಿ ಕೇಂದ್ರಕ್ಕೆ ನಡೆದು ಬಂದರು.
ಗುರುತಿನ ಚೀಟಿ ಹೊಂದಿದ್ದವರಿಗೆ ಮಾತ್ರ ಕೇಂದ್ರಕ್ಕೆ ಪ್ರವೇಶ ನೀಡಲಾಯಿತು. ಪೊಲೀಸರು ಪ್ರತಿ ವ್ಯಕ್ತಿಯನ್ನು ಪ್ರವೇಶ ದ್ವಾರದಲ್ಲಿ ತಪಾಸಣೆ ಮಾಡಿದ ನಂತರವಷ್ಟೇ ಕೇಂದ್ರದೊಳಗೆ ಹೋಗಲು ಅವಕಾಶ ನೀಡಿದರು.
ಕೇಂದ್ರದಿಂದ ನಿರ್ಗಮನ: 16ನೇ ಸುತ್ತಿನ ಮತ ಎಣಿಕೆ ಮುಗಿಯುತ್ತಿದ್ದಂತೆ ಸೋಲಿನ ಸುಳಿವರಿತ ಕಾಂಗ್ರೆಸ್ ಅಭ್ಯರ್ಥಿ ಹಾಗೂ ಅವರ ಬೆಂಬಲಿಗರು ಮತ ಎಣಿಕೆ ಕೇಂದ್ರದಿಂದ ನಿರ್ಗಮಿಸಿದರು. ಇತರ ಪಕ್ಷಗಳ ಹಾಗೂ ಪಕ್ಷೇತರ ಅಭ್ಯರ್ಥಿಗಳು ಸಹ ನಿರಾಶೆಯಿಂದ ಮತ ಎಣಿಕೆ ಮಧ್ಯೆಯೇ ಕೇಂದ್ರದಿಂದ ನಿರ್ಗಮಿಸಿದರು.
ಮತ ಎಣಿಕೆಗೆ ನಿಯೋಜನೆಗೊಂಡಿದ್ದ ಸಿಬ್ಬಂದಿ ಹಾಗೂ ಭದ್ರತಾ ಕಾರ್ಯದಲ್ಲಿದ್ದ ಪೊಲೀಸರಿಗೆ ಬೆಳಿಗ್ಗೆ ಉಪಾಹಾರ, ಮಧ್ಯಾಹ್ನ ಊಟದ ವ್ಯವಸ್ಥೆ ಮಾಡಲಾಗಿತ್ತು. ಕೇಂದ್ರದ ಸುತ್ತಮುತ್ತ ಮುನ್ನೆಚ್ಚರಿಕೆ ಕ್ರಮವಾಗಿ ನಿಷೇಧಾಜ್ಞೆ ಜಾರಿಗೊಳಿಸಿ ಬಿಗಿ ಪೊಲೀಸ್ ಬಂದೋಬಸ್ತ್ ಮಾಡಲಾಗಿತ್ತು. ಪೊಲೀಸರು ಹಾಗೂ ಗೃಹರಕ್ಷಕದಳ ಸಿಬ್ಬಂದಿ

ಸೇರಿದಂತೆ 414 ಸಿಬ್ಬಂದಿಯನ್ನು ಭದ್ರತೆಗೆ ನಿಯೋಜಿಸಲಾಗಿತ್ತು.

ಗಳಿಸಿದ ಮತಗಳ ವಿವರ : ಎಂ.ಮಲ್ಲೇಶ ಬಾಬು ಜನತಾದಳ (ಜಾತ್ಯಾತೀತ) ಅಭ್ಯರ್ಥಿಯು-691481 ಮತಗಳನ್ನು ಗಳಿಸಿ ಸಮೀಪದ ಅಭ್ಯರ್ಥಿ ಕೆ.ವಿ.ಗೌತಮ್ ಇಂಡಿಯನ್ ನ್ಯಾಷನಲ್ ಕಾಂಗ್ರೆಸ್-620093 ರವರಿಗಿಂತ 71388 ಮತಗಳ ಅಂತರದಲ್ಲಿ ಜಯಶಾಲಿಯಾಗಿರುತ್ತಾರೆ.
ಉಳಿದಂತೆ ಕಣದಲ್ಲಿರುವ ಅಭ್ಯರ್ಥಿಗಳಾದ ಸುರೇಶ್. ಎಸ್.ಬಿ ಬಹುಜನ ಸಮಾಜ ಪಕ್ಷ-4732, ಡಿ. ಗೋಪಾಲಕೃಷ್ಣ ಸೊಷಿಯಲಿಸ್ಟ್ ಪಾರ್ಟಿ (ಐ)-1669, ತಿಮ್ಮರಾಯಪ್ಪ ರಿಪಬ್ಲಿಕ್ ಪಾರ್ಟಿ ಆಪ್ ಇಂಡಿಯಾ- 864(ಕರ್ನಾಟಕ ಪಕ್ಷ), ದೇವರಾಜ ಎ. ಉತ್ತಮ ಪ್ರಜಾಕೀಯ ಪಾರ್ಟಿ-1354, ಕೆ.ಆರ್. ದೇವರಾಜ ದಿಲ್ಲಿ ಜನತಾ ಪಾರ್ಟಿ-4597, ಮಹೇಶ್. ಎ.ವಿ ಕರ್ನಾಟಕ ರಾಷ್ಟ್ರ ಸಮಿತಿ-1065, ಎಂ.ಸಿ ಹಳ್ಳಿ ವೇಣು ವಿಡುತ ಚಿರೈತಗಲ್ ಕಚ್ಚಿ-521, ಕೃಷ್ಣಯ್ಯ ಎನ್. ಪಕ್ಷೇತರರು-443, ಎಸ್.ಎನ್ ನಾರಾಯಣಸ್ವಾಮಿ.ವಿ. ಪಕ್ಷೇತರರು-1985, ಎಂ.ಎಸ್.ಬದರಿನಾರಾಯಣ ಪಕ್ಷೇತರರು-1116, ಎಂ.ಮುನಿಗಂಗಪ್ಪ ಪಕ್ಷೇತರರು-604, ಆರ್.ರಾಜೇಂದ್ರ ಪಕ್ಷೇತರರು-751, ಆರ್. ರಂಜಿತ್ ಕುಮಾರ್ ಪಕ್ಷೇತರರು-2118, ಡಾ. ಎಂ.ವೆಂಕಟಸ್ವಾಮಿ ಪಕ್ಷೇತರರು-3354, ಹೋಳೂರು ಶ್ರೀನಿವಾಸ ಪಕ್ಷೇತರರು-6163, ಸುಮನ್ ಹೆಚ್.ಎನ್ ಪಕ್ಷೇತರರು-6487, ಮತಗಳನ್ನು
ಜಿಲ್ಲಾದ್ಯಾಂತ-5831 ಮತಗಳು ಚಲಾವಣೆಯಾಗಿದೆ. 1206 ಮತಗಳು ಪಡೆದಿರುತ್ತಾರೆ. ನೋಟಾ ಅಡಿ ಜಿಲ್ಲಾದ್ಯಾಂತ-5831 ತಿರಸ್ಕೃತವಾಗಿವೆ. 1349397 ಮತಗಳು ಮಾನ್ಯವಾಗಿವೆ.

ಶ್ರೀನಿವಾಸಪುರ : ಪಟ್ಟಣದಲ್ಲಿನ ತಹಶೀಲ್ದಾರ್ ಕಚೇರಿಯಲ್ಲಿ ಸೋಮವಾರ ಆಗ್ನೇಯ ಶಿಕ್ಷಕರ ಕ್ಷೇತ್ರಕ್ಕೆ ನಡೆದ ಮತದಾನವು ಶಾಂತಿಯುತವಾಗಿ ನಡೆಯಿತು. ಶೇಕಡ 96.44 % ರಷ್ಟು ನಡೆಯಿತು.
ಈ ಸಮಯಲ್ಲಿ ಬಿಜೆಪಿ ಪಕ್ಷದ ಜಿಲ್ಲಾಧ್ಯಕ್ಷ ಡಾ|| ವೇಣುಗೋಪಾಲ್ ಮಾತನಾಡಿ ವೈ.ಎ.ಎನ್ ರವರು ಶಿಕ್ಷಕರ ಎಲ್ಲಾ ಸಮಸ್ಯೆಗಳಿಗೆ ಸ್ಪಂದಿಸುತ್ತಾರೆ. ಇಂತಹ ವ್ಯಕ್ತಿಯನ್ನು ಚುನಾವಣೆಯಲ್ಲಿ ಎಲ್ಲಾ ಶಿಕ್ಷಕರ ಸಹ ಗೆಲ್ಲಿಸುವ ನಿರ್ಧಾರ ಮಾಡಿರುವುದು ಹೆಮ್ಮೆಯ ವಿಚಾರ . ತಾಲೂಕಿನಲ್ಲಿ ಒಟ್ಟು 731 ಮತಗಳಿದ್ದು, ಎಲ್ಲಾ ಶಿಕ್ಷಕರು ಬಿಜೆಪಿ ಮತ್ತು ಜೆಡಿಎಸ್ ಪಕ್ಷದ ಮೈತ್ರಿ ಅಭ್ಯರ್ಥಿ ವೈ.ಎ.ನಾರಾಯಣಸ್ವಾಮಿ ರವರಿಗೆ ಮೊದಲ ಪ್ರಾಸ್ತ್ಯ ನೀಡುವುದರ ಮೂಲಕ ಗೆಲ್ಲಿಸುತ್ತಾರೆ ಎಂದು ಭರವಸೆ ನೀಡಿದರು.
ಬಿಜೆಪಿ ಪಕ್ಷದ ತಾಲೂಕು ಅಧ್ಯಕ್ಷ ರೋಣೂರು ಚಂದ್ರಶೇಖರ್, ಜೆಡಿಎಸ್ ಪಕ್ಷದ ಮುಖಂಡರಾದ ಲಾಯರ್ ಕುಂದಿಟವಾರಿಪಲ್ಲಿ ಶಿವಾರೆಡ್ಡಿ, ಲಕ್ಷ್ಮಣಗೌಡ, ವಕೀಲ ನಾಗರಾಜ್, ಈ .ಶಿವಣ್ಣ, ನಲ್ಲಪಲ್ಲಿ ರೆಡ್ಡಪ್ಪ, ಗೌನಿಪಲ್ಲಿ ರವಿಕುಮಾರ್, ಸುಬ್ಬಿರೆಡ್ಡಿ, ರಾಮಚಂದ್ರೇಗೌಡ, ಯಲ್ದೂರು ಮಣಿ, ಪಾಳ್ಯ ಗೋಪಾಲರೆಡ್ಡಿ ಇದ್ದರು.
ಕಾಂಗ್ರೆಸ್ ಪಕ್ಷದ ಮುಖಂಡ ಸಂಜಯ್‍ರೆಡ್ಡಿ ಮಾತನಾಡಿ ವೈ.ಎ.ನಾರಾಯಣಸ್ವಾಮಿ ರವರು ಇದುವರೆಗೂ ಶಿಕ್ಷಕರ ಸಮಸ್ಯೆಗಳಿಗೆ ಸ್ಪಂದಿಸಿಲ್ಲ. ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿ ಶ್ರೀನಿವಾಸ್ ರವರು ಮತಹಾಕುವುದರಿಂದ ರಾಜ್ಯದಲ್ಲಿ ಕಾಂಗ್ರೆಸ್ ಪಕ್ಷವು ಆಡಳಿತದಲ್ಲಿ ಇರವುದರಿಂದ ಶಿಕ್ಷಕರ ಸಮಸ್ಯೆಗಳು ಅತಿ ಶೀಘ್ರವಾಗಿ ಬಗೆಹರಿಯಲು ಸಾಧ್ಯ ವಾಗುತ್ತದೆ ಎಂದರು. ಆದ್ದರಿಂದ ಶಿಕ್ಷಕರು ಶ್ರೀನಿವಾಸ್ ರವರಿಗೆ ಮೊದಲ ಪ್ರಾಸ್ತ್ಯ ಮತವನ್ನು ಹಾಕುವಂತೆ ಮನವಿ ಮಾಡಿದರು.
ಮುಖಂಡರಾದ ವೆಂಕಟೇಶ್, ಗೌನಿಪಲ್ಲಿ ಬಕ್ಷುಸಾಬ್, ಪುರಸಭೆ ಮಾಜಿ ಅಧ್ಯಕ್ಷ ಬಿ.ಎಂ.ಪ್ರಕಾಶ್, ಸದಸ್ಯ ಸತ್ಯನಾರಾಯಣ, ಹೊಗಳಗರೆ ಆಂಜಿ, ಬಾಸ್ಕರ್, ದಳಸನೂರು ಉಮಾದೇವಿ ಇದ್ದರು.
ಪಕ್ಷೇತರ ಅಭ್ಯರ್ಥಿ ವಿನೋದ್ ಶಿವರಾಜ್ ಪರ ಮುಖಂಡ ರಮೇಶ್ ಮಾತನಾಡಿ ಕಳೆದ ಒಂದು ವರ್ಷದಿಂದ ವಿನೋದ್ ಶಿವರಾಜ್ ರವರು ಆಗ್ನೇಯ ಶಿಕ್ಷಕರ ಕ್ಷೇತ್ರದ ಎಲ್ಲಾ ಶಿಕ್ಷಕರೊಂದಿಗೆ ಸಮಾಲೋಚಿಸಿ ಶಿಕ್ಷಕರ ಸಮಸ್ಯೆಗಳನ್ನು ಅರಿತಿದ್ದು, ಶಿಕ್ಷಕರು ಬದಲಾವಣೆ ಕೊರುತ್ತಿದ್ದಾರೆ ಈ ಹಿನ್ನೆಲೆಯಲ್ಲಿ ವಿನೋದ್ ಶಿವರಾಜ್ ರವರಿಗೆ ಒಮ್ಮೆ ಅವಕಾಶ ನೀಡಲು ಮನವಿ ಮಾಡಿದರು.
ತಿರುಮಳೇಶ್ , ಶಶಿಕುಮಾರ್, ಚಿರಂಜೀವಿ, ಚಂದ್ರು, ರವಿ ಇದ್ದರು.

ಕೋಲಾರ,ಜೂ.01: ಆಗ್ನೇಯ ಶಿಕ್ಷಕರ ಕ್ಷೇತ್ರದ ಚುನಾವಣೆಯಲ್ಲಿ ಎನ್‍ಡಿಎ ಅಭ್ಯರ್ಥಿ ಡಾ.ವೈ.ನಾರಾಯಣಸ್ವಾಮಿ ಅವರ ಗೆಲುವು ನಿಶ್ಚಿತ ಎಂದುಪ್ರಚಾರ ಸಭೆಯಲ್ಲಿ ಕೆಯುಡಿ ಮಾಜಿ ಅಧ್ಯಕ್ಷ ವಿಜಯಕುಮಾರ್ ಹಾಗೂ ಮಾಧ್ಯಮ ಸಹ ಸಂಚಾಲಕ್ ಕೆಂಬೋಡಿ ನಾರಾಯಣಸ್ವಾಮಿ ಜಂಟಿ ಹೇಳಿಕೆ ನೀಡಿರುತ್ತಾರೆ
ಇಂದು ನಗರದ ಹಲವು ಶಾಲೆಗಳಲ್ಲಿ ಮತದಾರರನ್ನು ಭೇಟಿ ಮಾಡಿ ಡಾ. ವೈ.ಎ.ನಾರಾಯಣಸ್ವಾಮಿ ರವರ ಪರವಾಗಿ ಮತಯಾಚನೆ ಮಾಡಲಾಯಿತು.
ಇಡೀ ಜಿಲ್ಲಾದ್ಯಂತ ವೈ.ಎ.ನಾರಾಯಣಸ್ವಾಮಿ ಅವರ ಪರ ಅಲೆ ಜೋರಾಗಿದೆ. ಖಾಸಗಿ, ಸರ್ಕಾರಿ, ಅನುಧಾನಿತ ಶಿಕ್ಷಣ ಸಂಸ್ಥೆಗಳ ಶಿಕ್ಷಕರು ಜೂ, 3 ರಂದು ನಡೆಯುವ ಚುನಾವಣೆಯಲ್ಲಿ ವೈ.ಎ.ನಾರಾಯಣಸ್ವಾಮಿ ಅವರನ್ನು ಬೆಂಬಲಿಸುವುದಾಗಿ ಹೇಳಿರುವುದು ಇನ್ನಷ್ಟು ಬಲ ಬಂದಂತಾಗಿದೆ ಎಂದರು.
ಈ ಬಾರಿ ಎನ್‍ಡಿಎ ಅಭ್ಯರ್ಥಿಯ ಗೆಲುವು ಸುಲಭವಾಗಿರುತ್ತದೆ. ಏಕೆಂದರೆ ಬಹುತೇಕ ಶಿಕ್ಷಕರ ಸಂಘಗಳ ಮುಖಂಡರುಗಳು ಡಾ.ವೈ.ಎ ನಾರಾಯಣಸ್ವಾಮಿ ರವರ ಪರವಾಗಿ ಕೆಲಸ ಮಾಡುತ್ತಿದ್ದು, ಸರ್ಕಾರಿ ಶಿಕ್ಷಕರ ಸಂಘ, ಪ್ರೌಢಶಾಲಾ ಶಿಕ್ಷಕರ ಸಂಘ, ಪದವಿ ಪೂರ್ವ ಶಿಕ್ಷಕರ ಸಂಘ, ದೈಹಿಕ ಶಿಕ್ಷಕ ಸಂಘ, ವೃತ್ತಿ ಶಿಕ್ಷಕರ ಸಂಘ, ಪದವಿಪೂರ್ವ ಕಾಲೇಜುಗಳ ಪ್ರಾಧ್ಯಾಪಕ ಪ್ರಾಂಶುಪಾಲರ ಸಂಘ, ಅನುದಾನಿತ ಶಾಲಾ ಶಿಕ್ಷಕರ ಸಂಘ, ಅನುದಾನ ರಹಿತ ಶಾಲಾ ಶಿಕ್ಷಕರ ಸಂಘ, ಐಟಿಐ ಕಾಲೇಜು ಶಿಕ್ಷಕರ ಸಂಘ, ಎಲ್.ಎಲ್.ಬಿ ಶಾಲಾ ಆಡಳಿತ ಮಂಡಳಿಗಳು ಬಹುತೇಕ ಶಿಕ್ಷಣ ಸಂಸ್ಥೆಯ ಎಲ್ಲಾ ಸಂಘಟನೆಗಳ ಮುಖಂಡರುಗಳು ನಮ್ಮ ಅಭ್ಯರ್ಥಿ ಪರವಾಗಿ ಕೆಲಸ ಮಾಡುತ್ತಿರುವುದರಿಂದ ಗೆಲುವು ನಮ್ಮದೇ ಆಗಿರುತ್ತದೆ ಹಾಗೂ ಎಲ್ಲಾ ಶಾಲಾ ಆಡಳಿತ ಮಂಡಳಿಗಳು ಡಾ.ವೈ.ನಾರಾಯಣಸ್ವಾಮಿ ಪರವಾಗಿ ಕೆಲಸ ಮಾಡುತ್ತಿರುವುದರಿಂದ ಹಾಗೂ ಹಿಂದೆ ಭಾರತೀಯ ಜನತಾ ಪಕ್ಷ ಸರ್ಕಾರ ಇದ್ದಾಗ ಕ್ಷಣದಲ್ಲಿ ಮಹತ್ವದ ಬದಲಾವಣೆಗಳು ತಂದು ಶಿಕ್ಷಣ ಕ್ಷೇತ್ರಕ್ಕೆ ಅಪಾರ ಕೊಡುಗೆಯನ್ನು ನೀಡಿರುತ್ತದೆ ಕೇಂದ್ರ ಸರ್ಕಾರದ ಶಿಕ್ಷಣ ನೀತಿಯು ಸಹಕಾರಿಯಾಗಿರುತ್ತದೆ ನಮ್ಮ ಅಭ್ಯರ್ಥಿಯು ಶಿಕ್ಷಕರ ಮತದಾರರ ಅಚ್ಚುಮೆಚ್ಚಿನ ಅಭ್ಯರ್ಥಿಯಾಗಿರುತ್ತಾರೆ ಎಂದು ತಿಳಿಸಿದರು.
ಇಂದು ಪ್ರಚಾರದಲ್ಲಿ ಬಾಬಾ ಪ್ರೌಢಶಾಲೆ, ಆರ್ಕಾ ಶಿಕ್ಷಣ ಸಂಸ್ಥೆ, ಸೆಂಟನ್ಸ್ ಪ್ರೌಢಶಾಲೆ, ಬಾಪೂಜಿ ಪ್ರೌಢಶಾಲೆ, ಬಿಜಿಎಸ್ ಕಾಲೇಜು, ಮೆಥೋಡೀಸ್ ಪ್ರೌಢಶಾಲೆ, ಆದರ್ಶ ಕಾಲೇಜು ಹಲವಾರು ಕಾಲೇಜುಗಳಲ್ಲಿ ಮತದಾರರನ್ನು ಭೇಟಿ ಮಾಡಿ ಮತಯಾಚನೆ ಮಾಡಲಾಯಿತು.
ಈ ಪ್ರಚಾರ ಕಾರ್ಯಕ್ರಮದಲ್ಲಿ ಮಹಿಳಾ ಮೋರ್ಚಾ ಜಿಲ್ಲಾಧ್ಯಕ್ಷೆ ಅರುಣಮ್ಮ, ಜಿಲ್ಲಾ ಕಾರ್ಯದರ್ಶಿ ಹಾರೋಹಳ್ಳಿ ವೆಂಕಟೇಶ್, ಮಹಿಳಾ ಮೋರ್ಚಾ ನಗರ ಅಧ್ಯಕ್ಷೆ ಸವಿತಾ ಶ್ರೀನಾಥ್, ಮಹಿಳಾ ಮೋರ್ಚಾ ಮುಖಂಡರಾದ ಮಂಜುಳಮ್ಮ, ಸುಜಾತಮ್ಮ,
ವಿಜಯಲಕ್ಷ್ಮಿ, ರಾಧಿಕಾ, ನವೀನ್, ಕುಮಾರಿ ಅಂಬಿಕಾ, ಲಾಯರ್ ನವೀನ್ ಇನ್ನು ಹಲವಾರು ಮುಖಂಡರು ಪ್ರಚಾರ ಸಭೆಯಲ್ಲಿ ಭಾಗವಹಿಸಿದ್ದರು.

– ಮಾಧ್ಯಮ ಸಹ ಸಂಚಾಲಕ ಕೆಂಬೋಡಿ ನಾರಾಯಣಸ್ವಾಮಿ

ಶ್ರೀನಿವಾಸಪುರ : ಪರಿಸರದ ಬಗ್ಗೆಯ ಜಾಗೃತಿ ಕಾರ್ಯಕ್ರಮಗಳು ಯಾವುದೇ ಕಾರಣಕ್ಕೂ ಹೇಳಿಕೆ ಸಿಮೀತವಾಗಬಾರದು , ಪರಿಸರದ ಮಧ್ಯೆ ಹಬ್ಬದ ರೀತಿಯಲ್ಲಿ ಆಚರಣೆಯಾಗಬೇಕಾಗಿದೆ ಎಂದು ತಾಲೂಕು ಕೃಷಿ ಇಲಾಖೆ ಸಹಾಯಕ ನಿರ್ದೇಶಕ ಕೆ.ಸಿ.ಮಂಜುನಾಥ್ ಹೇಳಿದರು.
ತಾಲೂಕಿನ ಲಕ್ಷ್ಮೀಪುರ ಕ್ರಾಸ್‍ನ ವಿಎಸ್‍ಆರ್ ಶಾಲಾವರಣದಲ್ಲಿ ಶುಕ್ರವಾರ ಕೃಷಿ ಇಲಾಖೆವತಿಯಿಂದ ವಿಶ್ವ ಪರಿಸರ ದಿನಾಚರಣೆ ಸಪ್ತಾಹ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಪ್ರತಿಯೊಬ್ಬರು ಸಸಿ ನೆಟ್ಟು ಅದನ್ನ ಕಾಪಾಡುವ ನಿಟ್ಟಿನಲ್ಲಿ ಸನ್ನಧರಾಗಬೇಕು. ಈಗಾಗಲೇ ಪರಿಸರ ಕಲುಷಿತಗೊಂಡಿದ್ದು, ಕಲುಷಿತಗೊಂಡಿರುವುದಕ್ಕೆ ನಾನಾ ಕಾರಣಗಳು ಇವೆ. ಒಂದು ರೀತಿಯಲ್ಲಿ ನಾಗರೀಕತೆಯ ಹೆಸರಿನಲ್ಲಿ ಪರಿಸರವನ್ನು ಹಾಳು ಮಾಡಲಾಗಿದೆ. ಒಂದು ಕಡೆ ಕೈಗಾರಿಕಾರಣ, ಇನ್ನೊಂದೆ ಮಾನವ ಸ್ವಾರ್ಥದಿಂದ ಪರಿಸರವನ್ನು ಹಾಳುಮಾಡಲಾಗಿರುವುದರಿಂದ ಈಗ ಏನ್ನೆಲ್ಲಾ ಪರಸರದಿಂದ ಆಗಬಹುದಾದ ಅನಾಹುತಗಳನ್ನು ಅನುಭವಿಸುತ್ತಿದ್ದೇವೆ.
ಪರಿಸರ ಅಸಮತೋಲದಿಂದ ಅತಿವೃಷ್ಟಿ, ಅನಾವೃಷ್ಟಿಗಳಿಂದ ಮನುಕುಲವು ಸಾಕಷ್ಟು ಕಷ್ಟಗಳನ್ನು ಅನುಭವಿಸುತ್ತಿದ್ದಾರೆ. ಪರಿಸರವನ್ನು ಉಳಿಸಲು ಕೇವಲ ಸರ್ಕಾರಿಂದ ಸಾಧ್ಯವಿಲ್ಲ. ಸರ್ಕಾರದೊಂದಿಗೆ ಸಂಘ, ಸಂಸ್ಥೆಗಳು ಕೈಜೋಡಿಸಬೇಕಾಗಿದೆ. ಈಗಿನ ಮಕ್ಕಳು ವಿದ್ಯಾರ್ಥಿ ದಸೆಯಿಂದಲೇ ಪರಿಸರದ ಬಗ್ಗೆ ಕಾಳಜಿ ವಹಿಸಬೇಕಾಗಿದೆ ಎಂದು ಸಲಹೆ ನೀಡಿದರು.
ಕೇಂದ್ರ ಸರ್ಕಾರದ ಆದೇಶದಂತೆ ಕೃಷಿ ಇಲಾಖೆ ವಿಶ್ವಪರಿಸರ ದಿನಾಚರಣೆಯ ಅಂಗವಾಗಿ ಸಪ್ತಾಹ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದ್ದು, ಈ ಕಾರ್ಯಕ್ರಮದಿಂದ ಸಾರ್ವಜನಿಕರಿಗೆ ಹಾಗೂ ಶಾಲಾ ವಿದ್ಯಾರ್ಥಿಗಳಿಗೆ ಪರಿಸರದ ಪ್ರಾಮುಖ್ಯತೆ ಬಗ್ಗೆ ಅರಿವು ಮೂಡಿಸಬಹುದಾಗಿದೆ ಎಂದು ಮಾಹಿತಿ ನೀಡಿದರು.
ಹೊಗಳಗರೆಯ ತೋಟಗಾರಿಕೆ ಸಂಶೋಧನ ಕೇಂದ್ರದ ಸಹಾಯಕ ಪ್ರಾದ್ಯಾಪಕ ಡಾ.ಜಗದೀಶ್ ಮಾತನಾಡಿ 1972 ರಲ್ಲಿ ವಿಶ್ವ ಸಂಸ್ಥೆ ಪರಿಸರದ ಸಮತೋಲವನ್ನು ನೀವಾರಿಸಲು ಜೂನ್ 5 ರಂದು ವಿಶ್ವ ಪರಿಸರ ದಿನಾಚರಣೆಯನ್ನ ಜಾರಿಗೆ ತಂದಿದ್ದು, ಪರಿಸರ ಎಂದರೆ ಕೇವಲ ಗಿಡಗಳನ್ನು ನೆಟ್ಟು ಬೆಳಸುವುದು ಅಲ್ಲ. ಮಣ್ಣಿ ಸಂರಕ್ಷಣೆ, ಮಣ್ಣಿನ ಫಲವತ್ತತೆ ಉಳಿಸಬೇಕು. ಪ್ರಾಣಿ ಪಕ್ಷಿಗಳನ್ನು ಉಳಿಸಬೇಕು. ನೀರಿನ ಕಲುಷಿತನ್ನು ನಿಲ್ಲಿಸಬೇಕು ಹಾಗು ನೀರನ್ನು ಮಿತವಾಗಿ ಬಳಸಬೇಕು. ಇವೆಲ್ಲಾ ಪರಿಸರದ ಒಂದು ಭಾಗ.
ಇತ್ತೀಚಿಗೆ ಜಾಗತಿಕ ತಾಪಮಾನ ಇಷ್ಟೊಂದು ಏರಿಕೆಯಾಗಲು ಕಾರಣ ಪರಿಸರವನ್ನು ನಾಶಮಾಡಿರುವುದೇ, ಇದರ ಹೊಣೆ ನಾವೇ,ಆಗಾಗಿ ಇದರ ನಿರ್ವಹಣೆಯನ್ನ ನಾವೇ ಮಾಡಿ ಪರಿಸರವನ್ನು ಉಳಿಸಲು ಎಚ್ಚೆತ್ತೆಕೊಳ್ಳಬೇಕಾಗಿದೆ ಎಂದು ಹೇಳಿದರು.
ಇದೇ ಸಮಯದಲ್ಲಿ ವಿದ್ಯಾರ್ಥಿಗಳಿಗೆ ಪರಿಸರವನ್ನು ಉಳಿಸುವ ಸಲುವಾಗಿ ಪ್ರತಿಜ್ಞಾವಿಧಿಯನ್ನು ಭೋದಿಸಲಾಯಿತು. ಹಾಗೂ ಪರಿಸರ ಜಾಗೃತಿ ಜಾಥವನ್ನು ಲಕ್ಷ್ಮೀಪುರ ಕ್ರಾಸ್‍ನಲ್ಲಿ ಹಮ್ಮಿಕೊಳ್ಳಲಾಯಿತು.
ನೆಲವಂಕಿ ಹೋಬಳಿ ಕೃಷಿ ಅಧಿಕಾರಿ ಈಶ್ವರಪ್ಪ ತಾಲೂಕು ತಾಂತ್ರಿಕ ವ್ಯವಸ್ಥಾಪಕ ಸುರೇಶ್, ಸಹಾಯಕ ತಾಂತ್ರಿಕ ವ್ಯವಸ್ಥಾಪಕರಾದ ಎಸ್ .ಮಮತ, ಎಸ್.ವಿ.ಶಿಲ್ಪ, ಅರ್ಚನ, ಬಾಲರಾಜು, ವಿಎಸ್‍ಆರ್ ಶಾಲೆಯ ಪ್ರಾಂಶುಪಾಲ ಸುರೇಶ್, ಕೃಷಿ ಇಲಾಖೆಯ ಆತ್ಮ ಸಿಬ್ಬಂದಿ ಸುರೇಶ್ ಇದ್ದರು.

ಉಡುಪಿ: ಬಹ್ರೇನ್, ಕುವೈತ್, ಕತಾರ್ ಮತ್ತು ಸೌದಿ ಅರೇಬಿಯಾದಲ್ಲಿ ಅಪೋಸ್ಟೋಲಿಕ್ ನನ್ಸಿಯೋ ಆಗಿ ಸೇವೆ ಸಲ್ಲಿಸುತ್ತಿರುವ ಐರಿಶ್ ರೋಮನ್ ಕ್ಯಾಥೋಲಿಕ್ ಧರ್ಮಾಧ್ಯಕ್ಷರಾದ ಹಿಸ್ ಗ್ರೇಸ್ ಆರ್ಚ್ ಬಿಷಪ್ ಯುಜೀನ್ ಮಾರ್ಟಿನ್ ನುಜೆಂಟ್ ಅವರು 2024 ರ ಜೂನ್ 3 ರಂದು ಉಡುಪಿ ಧರ್ಮಪ್ರಾಂತ್ಯಕ್ಕೆ ಭೇಟಿ ನೀಡಿದರು ಮತ್ತು ಕಲ್ಯಾಣಪುರದ ಮಿಲಾಗ್ರೆಸ್ ಕ್ಯಾಥೆಡ್ರಲ್ ಗೆ ಭೇಟಿ ನೀಡಿದರು. ಉಡುಪಿ ಧರ್ಮಪ್ರಾಂತ್ಯದ ಅತಿ ವಂದನೀಯ ಡಾ.ಜೆರಾಲ್ಡ್ ಐಸಾಕ್ ಲೋಬೋ, ವಿಕಾರ್ ಜನರಲ್ ಮೊನ್ಸಿಂಜರ್ ಫರ್ಡಿನಾಂಡ್ ಗೊನ್ಸಾಲ್ವಿಸ್ ಮತ್ತು ಕುಲಪತಿ ವಂ. ಡಾ. ರೋಶನ್ ಡಿಸೋಜ.ಮಿಲಾಗ್ರೆಸ್ ಕೆಥೆಡ್ರಲ್‌ನ ರೆಕ್ಟರ್‌ ವಲೇರಿಯನ್ ಮೆಂಡೋನ್ಸಾ ಇವರು ಸ್ವಾಗತಿಸಿದರು.

ಫಾ| ಪ್ರದೀಪ್ ಕಾರ್ಡೋಜ, ಸಹಾಯಕ. ಪ್ಯಾರಿಷ್ ಪಾದ್ರಿ, ರೆವ್ ಫಾ. ಮನೋಜ್ ಫುರ್ಟಾಡೊ, SFX, ರೋಸ್ ಕಾನ್ವೆಂಟ್‌ನ ರೆವ್ ಸಿಸ್ಟರ್ಸ್ ಮತ್ತು ಪ್ಯಾರಿಷಿಯನ್ಸ್. ಪ್ರಾರ್ಥನೆಯ ನಂತರ, ಪಾ| ವಲೇರಿಯನ್ ಮೆಂಡೋನ್ಸಾ ಅವರು ಮಿಲಾಗ್ರೆಸ್‌ನ ಇತಿಹಾಸ ಮತ್ತು ಆಧ್ಯಾತ್ಮಿಕ ಮತ್ತು ಶೈಕ್ಷಣಿಕ ಕ್ಷೇತ್ರಗಳಲ್ಲಿ ಕ್ಯಾಥೆಡ್ರಲ್ ಸಲ್ಲಿಸುತ್ತಿರುವ ಪ್ರಸ್ತುತ ಸೇವೆಯ ಬಗ್ಗೆ ನನ್ಸಿಯೋಗೆ ವಿವರಿಸಿದರು.

1678 ರಲ್ಲಿ ಸ್ಥಾಪನೆಯಾದ ಮಿಲಾಗ್ರೆಸ್ ಚರ್ಚ್ ನೆರೆಯ ಮೌಂಟ್ ರೋಸರಿ, ಕೆಮ್ಮಣ್ಣು, ತೊಟ್ಟಂ, ಉದ್ಯಾವರ, ಬ್ರಹ್ಮಾವರ, ಪೆರಂಪಳ್ಳಿ, ಕೊಳಲಗಿರಿ, ಪೇತ್ರಿ, ಬಾರ್ಕೂರು ಮತ್ತು ಸಾಸ್ತಾನ ಪ್ಯಾರಿಷ್‌ಗಳಿಗೆ ಇದು ಮಾತೃ ಪ್ಯಾರಿಷ್ ಆಗಿದೆ ಎಂದು ಅವರು ಆರ್ಚ್‌ಬಿಷಪ್‌ಗೆ ತಿಳಿಸಿದರು. ಅದರ ಆಧ್ಯಾತ್ಮಿಕ ಬೆಳವಣಿಗೆಗೆ ಕೊಡುಗೆ ನೀಡುವ ಪ್ಯಾರಿಷ್‌ನ ವಿವಿಧ ಸಂಘಗಳನ್ನು ಅವರು ಸೂಚಿಸಿದರು. ಪಾಲಿಕೆಯ ಆರು ಶಿಕ್ಷಣ ಸಂಸ್ಥೆಗಳು ಆಧ್ಯಾತ್ಮಿಕ ಮತ್ತು ಮಾನವೀಯ ಮೌಲ್ಯಗಳೊಂದಿಗೆ ಗುಣಮಟ್ಟದ ಶಿಕ್ಷಣವನ್ನು ನೀಡುತ್ತಾ ಸಮಾಜಕ್ಕೆ ಸೇವೆ ಸಲ್ಲಿಸುತ್ತವೆ ಎಂದು ಹೇಳಿದರು. ಸೇಂಟ್ ಜೋಸೆಫ್ಸ್ ಹೈಯರ್ ಪ್ರೈಮರಿ ಶಾಲೆ (1892), ಎಲ್ವಿಪಿ ಶಾಲೆ (1926), ಮಿಲಾಗ್ರೆಸ್ ಹೈಸ್ಕೂಲ್ (1931), ಮಿಲಾಗ್ರೆಸ್ ಪಿ ಯು ಕಾಲೇಜು (1967), ಮಿಲಾಗ್ರೆಸ್ ಕಾಲೇಜು (1969) ಮತ್ತು ಮಿಲಾಗ್ರೆಸ್ ಆಂಗ್ಲ ಮಾಧ್ಯಮ ಶಾಲೆ (1980).

ಇದಕ್ಕೆ ಪ್ರತಿಕ್ರಿಯಿಸಿದ ಧರ್ಮಗುರುಗಳು, ಉಡುಪಿಯ ಬಿಷಪ್, ಕ್ಯಾಥೆಡ್ರಲ್‌ನ ರೆಕ್ಟರ್ ಮತ್ತು ಇತರರು ಅವರನ್ನು ಆತ್ಮೀಯ ಸ್ವಾಗತಕ್ಕಾಗಿ ಧನ್ಯವಾದಗಳನ್ನು ಅರ್ಪಿಸಿದರು. ಅವರು 2025 ರ ಜ್ಯೂಬಿಲಿ ವರ್ಷವನ್ನು ಅವರಿಗೆ ಫಲಪ್ರದವಾಗಲಿ ಎಂದು ಹಾರೈಸಿದರು ಮತ್ತು ಪ್ಯಾರಿಷ್ ಮತ್ತು ನೆರೆದಿದ್ದ ಎಲ್ಲರಿಗೂ ತಮ್ಮ ಆಶೀರ್ವಾದವನ್ನು ನೀಡಿದರು.

Visit to Milagres Cathedral, Kalyanpur by Apostolic Nuncio His Grace Archbishop Eugene Martin Nugent

Udupi : His Grace Archbishop Eugene Martin Nugent, an Irish Roman Catholic prelate, serving as Apostolic Nuncio to Bahrain, Kuwait, Qatar and Saudi Arabia visited the diocese of Udupi on 3^rd June 2024 and paid a visit to Milagres Cathedral, Kallianpur, along with Bishop of Udupi Diocese Most Rev Dr. Gerald Isaac Lobo, Vicar General Monsignor Ferdinand Gonsalves and Chancellor Rev Dr. Roshan D’Souza.Very Rev Fr Valerian Mendonca, Rector of Milagres Cathedral, welcomed the Nuncio along with Rev Fr. Pradeep Cardoza, Asst. parish priest, Rev Fr. Manoj Furtado, SFX, Rev Sisters of Rose Convent, and parishioners.

After prayer, Fr Valerian Mendonca briefed the Nuncio about the history of Milagres and the present service rendered by the Cathedral in spiritual and educational fields. He apprised the Archbishop that the Milagres Church, founded in 1678, has been the mother parish to the neigbouring Mount Rosary, Kemmannu, Thottam, Udyavar, Brahmavar, Perampally, Kolalgiri, Petri, Barkur and Sasthan parishes. He pointed out the various associations of the parish which contribute to its spiritual growth. He stated that six educational institutions of the parish serve the society, imparting quality education with spiritual and human values. St Joseph’s Higher Primary School(1892), LVP School (1926), Milagres High School (1931), Milagres P U College (1967), Milagres College (1969) and Milagres English Medium School (1980).

The Nuncio, in response, thanked the Bishop of Udupi, Rector of the Cathedral, and the others assembled to welcome him for the cordial welcome. He wished them a fruitful Jubilee Year 2025 and imparted his blessing to the parish and all present.

ಕೋಲಾರ : ಸರ್ಕಾರಿ ಆಸ್ತಿಗಳೆಂದರೆ ಯಾರು ಬೇಕಾದರೂ ಒತ್ತುವರಿ ಮಾಡಬಹುದು ಮತ್ತು ಯಾರು ಕೇಳುವವರಿಲ್ಲ ಎಂಬ ಭಾವನೆ ಇತ್ತು. ಆದರೆ ಸರ್ಕಾರಿ ಆಸ್ತಿಗಳ ಕಾವಲಿಗೆ ಲ್ಯಾಂಡ್ ಬೀಟ್ ವ್ಯವಸ್ಥೆ ಜಾರಿಗೆ ಬಂದಿದ್ದು ಮುಂದಿನ ದಿನಗಳಲ್ಲಿ ಸರ್ಕಾರಿ ಆಸ್ತಿಗಳ ಒತ್ತುವರಿಗೆ ಅವಕಾಶ ಇಲ್ಲ. ಈ ತಂತ್ರಶದಲ್ಲಿ ಸರ್ಕಾರಿ ಜಮೀನುಗಳ ದಾಖಲೆ ಹಾಗೂ ಜಿಯೋ ಫೆನ್ಸ್ ಮೂಲಕ ನಿಗಾ ವಹಿಸಲಾಗುವುದು ಎಂದು ಜಿಲ್ಲಾಧಿಕಾರಿ ಅಕ್ರಂ ಪಾಷ ಎಚ್ಚರಿಸಿದ್ದಾರೆ. 

ಸರ್ಕಾರಿ ಆಸ್ತಿಗಳ ಸಂರಕ್ಷಣೆ ಮಾಡಲು ಸರ್ಕಾರ ಹೊಸ ತಂತ್ರಾಂಶವನ್ನು ಅಭಿವೃದ್ದಿಪಡಿಸಿದೆ. ಈ ತಂತ್ರಾಂಶದ ಮೂಲಕ ಗ್ರಾಮ ಆಡಳಿತಾಧಿಕಾರಿಗಳು ಸರ್ಕಾರದ ಎಲ್ಲಾ ಜಮೀನುಗಳಿಗೆ ಜಿಯೋಫೆನ್ಸಿಂಗ್ ಮಾಡುತ್ತಾರೆ. ಈ ಆಪ್ ಮೂಲಕ ಜಿಯೋ ಫೆನ್ಸಿಂಗ್ ಮಾಡಿ, ಒತ್ತುವರಿ ಮಾಡಿದ್ದಲ್ಲಿ ಅಂತಹ ಆಸ್ತಿಗಳ ವಿವರ ಲಬ್ಯವಾಗುತ್ತದೆ. 

ಈ ಸ್ಥಳಗಳಿಗೆ ನಿಗದಿತ ಅವಧಿಯಲ್ಲಿ ಭೇಟಿ ನೀಡಲು ಯಾವ ರೀತಿ ಪೊಲೀಸ್ ಬೀಟಿಂಗ್ ವ್ಯವಸ್ಥೆ ಇರುತ್ತದೆ, ಅದೇ ರೀತಿ ಸರ್ಕಾರಿ ಆಸ್ತಿಗಳ ಸಂರಕ್ಷಣೆ ಮಾಡಲು ಬೀಟಿಂಗ್ ವ್ಯವಸ್ಥೆಯನ್ನು ಆಪ್‍ನಲ್ಲಿ ಕಲ್ಪಿಸಲಾಗಿದೆ. ಆಪ್ ಮೂಲಕ ಎಲ್ಲಾ ಸರ್ಕಾರಿ ಜಮೀನು, ಜಾಗಗಳನ್ನು ಸರ್ವೆ ಮಾಡಿ ಜಿಯೋ ಫೆನ್ಸಿಂಗ್ ಮಾಡುವ ಮೂಲಕ ದತ್ತಾಂಶ ಸಂಗ್ರಹಕ್ಕೆ ಸೂಚನೆ ನೀಡಲಾಗಿದೆ ಎಂದು ತಿಳಿಸಿದರು.

ಪ್ರತಿ ಮೂರು ತಿಂಗಳಿಗೊಮ್ಮೆ ಎಲ್ಲಾ ಜಿಲ್ಲೆಗಳ ಮೌಲಾಮಾಪನ ನಡೆಸಲಾಗುವುದು.ಸಡ್ರಿ ಮೌಲ್ಯ ಮಾಪನದಲ್ಲಿ ಈಬಾರಿ ಕೋಲಾರ ಜಿಲ್ಲೆಯು ಇತರ ಎಲ್ಲಾ ಜಿಲ್ಲೆಗಳಿಗಿಂತ ಮುಂಚೂಣಿಯಲ್ಲಿದೆ. ಒಟ್ಟಾರೆ ಜಿಲ್ಲೆಯಲ್ಲಿ 34375 ಅರ್ಜಿಗಳು ಸ್ವೀಕರಿಸಿ ಶೇ 71.71% ರಷ್ಟು ಸರ್ಕಾರಿ ಜಮೀನು, ಕೆರೆಗಳು ಗುಂಟೆಗಳು ಗೋಮಾಳಗಳು ಮುಂತಾದ ಸರ್ಕಾರಿ ಆಸ್ತಿ ಪಾಸ್ತಿ ವಿವರಗಳನ್ನು ಆಪ್ ನಲ್ಲಿ ದಾಖಲಿಸಿ ರಾಜ್ಯಕ್ಕೆ ಮಾದರಿಯಾಗಿದೆ.

ಇದಕ್ಕಾಗಿ ಶ್ರಮಿಸಿದ ಎಲ್ಲ ಕಂದಾಯ ಅಧಿಕಾರಿಗಳನ್ನುಅವರು ಶ್ಲಾಘಸಿದ್ದಾರೆ. ಮುಂದಿನ ದಿನಗಳಲ್ಲಿಯೂ ಇದೇ ರೀತಿ ಕಾರ್ಯ ನಿರ್ವಹಿಸಿ ಜಿಲ್ಲೆಗೆ ಕೀರ್ತಿ ತರಲು ಸೂಚಿಸಿ ಅಧಿಕಾರಿ ಸಿಬ್ಬಂದಿಗಳಿಗೆ ಅಭಿನಂದಿಸಿದರು.

ಕೋಲಾರ,ಜೂ.03: ನನ್ನದೇನಿದ್ದರೂ ಎಲೆಕ್ಷನ್ ರಾಜಕಾರಣವೇ ಹೊರತು ಸೆಲೆಕ್ಷನ್ ರಾಜಕಾರಣ ಅಲ್ಲ ಅಂತ ಪ್ರತಿಪಾದಿಸುತ್ತಿದ್ದವರು. ತನ್ನ ಜೀವನದುದ್ದಕ್ಕೂ ಬೇರೆಯವರಿಗೆ ಅಧಿಕಾರ ಕೊಡಿಸುವಂತಹ ಶಕ್ತಿಯನ್ನು ಶ್ರೀನಿವಾಸಪುರ ಕ್ಷೇತ್ರದ ಜನತೆ ಅವರಿಗೆ ಮೈ ತುಂಬಿಸಿತ್ತು. ಅಂತಹ ಶಕ್ತಿ ಒಂದು ತನಗಾಗಿ ಅಧಿಕಾರ ಕೇಳಲು ಪಕ್ಷದ ರಾಜ್ಯಾಧ್ಯಕ್ಷ ಹಾಗೂ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಅವರ ಮನೆ ಒಳಕ್ಕೆ ಹೋಗುವ ದಯನೀಯ ಸ್ಥಿತಿ ರಮೇಶ್ ಕುಮಾರ್ ಅವರಿಗೆ ಬಂದಿರುವುದೇ ಎಂದು ಮುಖಂಡ ಶೇಷಾಪುರ ಗೋಪಾಲ್ ಕುಟುಕಿದರು.
ಕಳೆದ ನಾಲ್ಕೈದು ವರ್ಷಗಳ ಕೋಲಾರ ಅವಿಭಾಜ್ಯ ಜಿಲ್ಲೆಗಳಾದ ಕೋಲಾರ ಮತ್ತು ಚಿಕ್ಕಬಳ್ಳಾಪುರ ರಾಜಕಾರಣವನ್ನ ನೋಡಿದಾಗ ನಮ್ಮ ಪುರಾಣಗಳ ಭಸ್ಮಾಸುರ ವಧೆ, ಶ್ರೀಮತಿ ಇಂದಿರಾಗಾಂಧಿಯವರ ರಾಜಕಾರಣದಲ್ಲಿ ಬಿಂದ್ರನ್ವಾಲೆ ಹತ್ಯೆ ಮತ್ತು ಕೋಲಾರ ಚಿಕ್ಕಬಳ್ಳಾಪುರದ ಘಟಬಂಧನ್ ರಾಜಕಾರಣಕ್ಕೆ ಬಹಳಷ್ಟು ಹೋಲಿಕೆ ಇರುವುದು ಕಂಡುಬರುತ್ತದೆ.
ಬಸ್ಮಾಸುರನ ತಪಸ್ ಶಕ್ತಿ ದೇವತೆಗಳಿಗೆ ಹೆದರಿಸಲು ಅಸಾಧ್ಯವಾದಾಗ ಮೋಹಿನಿ ನೃತ್ಯ ರೂಪದಲ್ಲಿ ಭಸ್ಮಾಸುರನ ವಧೆ ಆಗುತ್ತದೆ. ಅದೇ ರೀತಿ ತಾನೇ ಹುಟ್ಟಾಕಿದ ಬಿಂದ್ರನ್ವಾಲೆಯ ಉಗ್ರರೂಪವನ್ನು ಕೊನೆಗಾಣಿಸಲು ಇಂದಿರಾಗಾಂಧಿಯವರು ಆಪರೇಷನ್ ಬ್ಲೂ ಸ್ಟಾರ್ ಎಂಬ ವ್ಯೂಹವನ್ನು ರಚಿಸಬೇಕಾಗುತ್ತದೆ.
ಅದೇ ರೀತಿ ಕರ್ನಾಟಕ ರಾಜ್ಯಕಾರಣದಲ್ಲಿ ಶ್ರೀನಿವಾಸಪುರದ ರಮೇಶ್ ಕುಮಾರ್ ಎಂಬ ಒಂದು ಶಕ್ತಿಯನ್ನು ಹುಟ್ಟಾಕಿದ ಶ್ರೀನಿವಾಸಪುರ ಕ್ಷೇತ್ರದ ಮತದಾರರಿಗೆ ಘಟಬಂಧನ್ ಎಂಬ ಒಂದು ದೈತ್ಯಾಕಾರದ ಕ್ಯಾನ್ಸರ್ ಎಲ್ಲೆಲ್ಲಿ ಯಾರ್ಯಾರನ್ನ ಯಾವ ಯಾವ ರೀತಿಯಲ್ಲಿ ಕಬಳಿಸುತ್ತೋ ಎನ್ನುವ ಆತಂಕ ಈಗ ಗೋಚರಿಸುತ್ತಿದೆ.
ನಾನು ಕೆಲವೊಂದು ದಿನಗಳಿಂದ ಮಾಧ್ಯಮಗಳ ಮುಖಾಂತರ ಹೇಳುತ್ತಲೇ ಬರುತ್ತಿದ್ದೇನೆ ಈ ಘಟಬಂಧನ್ ಎಂಬ ಕ್ಯಾನ್ಸರ್ ಕಾಂಗ್ರೆಸ್ ಪಕ್ಷವನ್ನ ಮಾತ್ರವಲ್ಲದೆ ಕೋಲಾರ ಚಿಕ್ಕಬಳ್ಳಾಪುರದ ಇಡೀ ಸಮಾಜದ ಆರೋಗ್ಯವನ್ನು ಕದಡುವ ರೀತಿಯಲ್ಲಿ ಹರಡುತ್ತಿದೆ ಎಂದು. ಆದರೆ ಕಳೆದ ಲೋಕಸಭಾ ಚುನಾವಣೆ ಮತ್ತು ಅದರ ನಂತರದ ದಿನಗಳ ಕೆಲವೊಂದು ಬೆಳವಣಿಗೆಗಳನ್ನ ಗಮನಿಸಿದಾಗ ಈ ಘಟಬಂಧನ್ ಎಂಬ ಕ್ಯಾನ್ಸರ್ ಘಟಬಂಧನ್ ನಾಯಕತ್ವವನ್ನೇ ಕಬಳಿಸುವ ರೂಪ ಪಡೆಯುತ್ತಿರುವುದು ಸಾಮಾನ್ಯರಿಗೂ ಕಾಣಿಸುವಂತಿದೆ.
ಮಾಜಿ ಶಾಸಕರಾದ ಮಾನ್ಯ ರಮೇಶ್ ಕುಮಾರ್ ಅವರು 45 ವರ್ಷಗಳ ರಾಜಕಾರಣದಲ್ಲಿ ತನಗಾಗಿ ಮತ್ತು ತನ್ನ ಅಧಿಕಾರಕ್ಕಾಗಿ ಯಾರ ಬಾಗಿಲಿಗೂ ಹೋದವರಲ್ಲ ಅಂತ ಎಲ್ಲರಿಗೂ ಗೊತ್ತು. ನನ್ನದೇನಿದ್ದರೂ ಎಲೆಕ್ಷನ್ ರಾಜಕಾರಣವೇ ಹೊರತು ಸೆಲೆಕ್ಷನ್ ರಾಜಕಾರಣ ಅಲ್ಲ ಅಂತ ಪ್ರತಿಪಾದಿಸುತ್ತಿದ್ದವರು ಅವರು. ಆದರೆ ಅವರು ತನ್ನ ಜೀವನದುದ್ದಕ್ಕೂ ಬೇರೆಯವರಿಗೆ ಅಧಿಕಾರ ಕೊಡಿಸುವಂತಹ ಶಕ್ತಿಯನ್ನು ಶ್ರೀನಿವಾಸಪುರ ಕ್ಷೇತ್ರದ ಜನತೆ ಅವರಿಗೆ ಮೈ ತುಂಬಿಸಿತ್ತು. ಅಂತಹ ಶಕ್ತಿ ಒಂದು ತನಗಾಗಿ ಅಧಿಕಾರ ಕೇಳಲು ಪಕ್ಷದ ರಾಜ್ಯಾಧ್ಯಕ್ಷರು ಹಾಗೂ ಉಪಮುಖ್ಯಮಂತ್ರಿಗಳಾದ ಡಿಕೆ ಶಿವಕುಮಾರ್ ಅವರ ಮನೆ ಒಳಕ್ಕೆ ಹೋಗುವ ದಯನೀಯ ಸ್ಥಿತಿಯನ್ನು ನೋಡಿದ ಯಾರಿಗಾದರೂ ಅನ್ನಿಸುತ್ತದೆ ಇವರು ಯಾವುದೋ ಒತ್ತಡಗಳಿಗೆ ಮಣಿದು ಈ ಒಂದು ದುಸ್ಸಾಹಸಕ್ಕೆ ಕೈ ಹಾಕಿದ್ದಾರೆ ಅಂತ. ಅವರ ಜೊತೆ ನಿಕಟವರ್ತಿಗಳಾಗಿ ಕೆಲಸ ಮಾಡಿದ ಯಾರಿಗಾದರೂ ಅನಿಸುತ್ತದೆ ಇವರನ್ನ ಪಕ್ಷದ ಅಧ್ಯಕ್ಷರು ಮತ್ತು ಮುಖ್ಯಮಂತ್ರಿಗಳ ಹತ್ತಿರ ಕರೆದುಕೊಂಡು ಹೋದವರು ಇವರನ್ನು ನೈತಿಕವಾಗಿ ಮತ್ತು ರಾಜಕೀಯವಾಗಿ ಮುಗಿಸಲೆಂದೇ ಹೋಗಿರುವವರು ಅಂತ.
ಕೆಲವೊಂದು ಕಾರಣಗಳಿಂದ ನಾನು ಸೈದ್ಧಾಂತಿಕವಾಗಿ ಮತ್ತು ರಾಜಕೀಯವಾಗಿ ರಮೇಶ್ ಕುಮಾರ್ ಅವರ ಜೊತೆ ಭಿನ್ನಾಭಿಪ್ರಾಯ ಹೊಂದಿರುವುದು ನಿಜ. ಆದರೆ ಶ್ರೀನಿವಾಸಪುರ ಕ್ಷೇತ್ರದ ಜನ ತಮ್ಮ 45 ವರ್ಷಗಳ ನಿಸ್ವಾರ್ಥ ಸೇವೆಯಿಂದ ಇವರನ್ನ ರಾಜ್ಯದಲ್ಲಿ ಒಂದು ಶಕ್ತಿಯಾಗಿ ಬೆಳೆಸಿರುವುದು ಸತ್ಯ. ರಮೇಶ್ ಕುಮಾರ್ ಅವರು ರಾಜ್ಯದ ರಾಜಕೀಯ ಪಟ್ಟ ಬದ್ಧ ಹಿತಾಶಕ್ತಿಗಳ ರಾಜಕೀಯ ಮೇಲಾಟಗಳಿಗೆ ದಾಳವಾಗಿ ಅವರ ರಾಜಕೀಯ ಚೇಷ್ಟಗಳನ್ನ ಪೂರೈಸಿಲಿಕ್ಕೆ ಹೋಗಿ ಈ ದಿನ ಕ್ಷೇತ್ರದ ಜನರು ಕೊಟ್ಟ ಅಧಿಕಾರವನ್ನು ಉಳಿಸಿಕೊಳ್ಳಲಿಕ್ಕೆ ಕೈಲಾಗದ ನಮ್ಮ ಮಾಜಿ ಶಾಸಕರು ತನ್ನ ರಾಜಕೀಯ ಜೀವನದಲ್ಲಿ ಏನು ಮಾಡುವುದಕ್ಕೆ ಇಚ್ಛೆ ಇರಲಿಲ್ಲವೋ ಅವುಗಳನ್ನೆಲ್ಲ ಮಾಡಲಿಕ್ಕೆ ಹೊರಟು ಈಗ ಗುರಿ ಮುಟ್ಟಲಿಕ್ಕೆ ಸಾಧ್ಯವಾಗದ ಸ್ಥಿತಿಯಲ್ಲಿ ಹತಾಶರಾಗಿರುವುದು ಅಷ್ಟೇ ಸತ್ಯವಾಗಿದೆ.
ಘಟಬಂಧನ್ ರಾಜಕಾರಣದಿಂದ ತಮ್ಮ ರಾಜಕೀಯ ಚೆಷ್ಟಗಳನ್ನ ತೀರಿಸಿಕೊಂಡ ನಾಯಕರುಗಳು ಕೆಸರಲ್ಲೇ ಬೆಳೆದ ತಾವರೆಯ ಹೂವಿನಂತೆ ತಮ್ಮಷ್ಟಕ್ಕೆ ತಾವು ಇದ್ದುಕೊಂಡು ಆ ಪಾಪದ ಮೂಟೆಗಳನ್ನ ರಮೇಶ್ ಕುಮಾರ್ ಅವರಿಗೆ ಕಟ್ಟಿದ್ದಂತು ನಿಜ ಆದರೆ ಅದರ ಪ್ರತಿಫಲವಾಗಿ ಅನಾಥರಾಗಿದ್ದು ಕ್ಷೇತ್ರದ ನಿಷ್ಠಾವಂತ ಕಾಂಗ್ರೆಸ್ ಕಾರ್ಯಕರ್ತರು ಹಾಗೂ ನಾಯಕರುಗಳು.