Day: May 17, 2024

ಶ್ರೀನಿವಾಸಪುರ : ತಾಲೂಕಿನ ರೈತಾಪಿ ಕುಟುಂಬಗಳು ಹಾಗು ಇತರೆ ಸಾಮಾನ್ಯ ಕುಟುಂಗಳ ತಮ್ಮ ಮಕ್ಕಳ ಉಜ್ವಲ ಭವಿಷ್ಯದ ಕನಸನ್ನು ಕಟ್ಟಿಕೊಂಡಿರುತ್ತಾರೆ. ಅವರ ಕನಸು ನನಸು ಮಾಡುವ ಉದ್ದೇಶದಿಂದ ನಮ್ಮ ಶಾಲೆಯು ಕಡಿಮೆ ಶುಲ್ಕವನ್ನು ಪಡೆದು ಉತ್ತಮ ಗುಣ ಮಟ್ಟದ ಶಿಕ್ಷಣವನ್ನು ಹಾಗೂ ಶಿಸ್ತು ಕೊಡುವುದರ ಮೂಲಕ ವಿದ್ಯಾರ್ಥಿಗಳ ಪೋಷಕರ ಕನಸು ನನಸು ಮಾಡುವ ಕೆಲಸವನ್ನು ಮಾಡುತ್ತಿದ್ದೇವೆ ಎಂದು ವಿಐಪಿ ಶಾಲಾ ಆಡಳಿತ ಮಂಡಲಿ ಅಧ್ಯಕ್ಷ ಡಾ|| ಕೆ.ಎನ್. ವೇಣುಗೋಪಾಲರೆಡ್ಡಿ ಹೇಳಿದರು.
ತಾಲೂಕಿನ ರೋಣೂರು ಕ್ರಾಸ್ ಬಳಿ ವಿಐಪಿ ಶಾಲೆಯಲ್ಲಿ ಮಂಗಳವಾರ ಶಾಲಾ ಆಡಳಿತ ಮಂಡಲಿ ವತಿಯಿಂದ ನಡೆದ ಪತ್ರಿಕಾಗೋಷ್ಟಿಯಲ್ಲಿ ಮಾತನಾಡಿದರು.
ನಮ್ಮ ಶಾಲೆಯಲ್ಲಿ ಒಟ್ಟು ೫೦ ವಿದ್ಯಾರ್ಥಿಗಳು ಪರೀಕ್ಷೆ ಬರಿದಿದ್ದರು. ಈ ೫೦ ವಿದ್ಯಾರ್ಥಿಗಳು ತೇರ್ಗಡೆಯಾಗುವುದರ ಮೂಲಕ ಶಾಲೆಗೆ ನೂರ ರಷ್ಟು ಫಲಿತಾಂಶ ನಾಲದ್ಕನೇ ಬಾರಿಯೂ ಬಂದಿದೆ. ಇದರಲ್ಲಿ ಅತ್ಯುನ್ನತ ಶ್ರೇಣಿ – ೦೭, ಉನ್ನತ ಶ್ರೇಣಿ – ೧೦, ಪ್ರಥಮ ಶ್ರೇಣಿ -೧೫, ದ್ವಿತೀಯ ಶ್ರೇಣಿ – ೧೨, ತೃತೀಯ ಶ್ರೇಣಿ -೦೬ ವಿದ್ಯಾರ್ಥಿಗಳು ತೇರ್ಗಡೆಯಾಗಿರುತ್ತಾರೆ.
ನಮ್ಮ ಶಾಲೆಯು ಪ್ರಾರಂಭವಾಗಿ ೯ ವರ್ಷಗಳು ಕಳೆದಿವೆ. ಇದುವರೆಗೂ ೩ ಬ್ಯಾಚ್ ವಿದ್ಯಾರ್ಥಿಗಳು ಸಿಬಿಎಸ್‌ಸಿ ಪರೀಕ್ಷೆಯಲ್ಲಿ ನೂರಕ್ಕೆ ನೂರರಷ್ಟು ಪಾಸಿಗಿದ್ದು, ೪ನೇ ಬ್ಯಾಚ್ ವಿದ್ಯಾರ್ಥಿಗಳು ನೂರಕ್ಕೆ ನೂರರಷ್ಟು ಫಲಿತಾಂಶ ಪಡೆದಿರುತ್ತಾರೆ. ಎಂದು ಮಾಹಿತಿ ನೀಡುತ್ತಾ,
ಇದುವೆರಗೂ ಜಿಲ್ಲೆಯಲ್ಲಿ ನಮ್ಮ ಶಾಲೆಯ ವಿದ್ಯಾರ್ಥಿಗಳ ಫಲಿತಾಂಶದಲ್ಲಿ ದ್ವೀತೀಯ ಸ್ಥಾನ ಪಡೆಯುತ್ತಿದ್ದರು. ಆದರೆ ಈ ಸಾಲಿನಲ್ಲಿ ವಿಶೇಷವೆಂದರೆ ನಮ್ಮ ಶಾಲೆಯ ಸುರಭಿ ಜಿ. ಶಂಕರ್ ಎಂಬುವ ವಿದ್ಯಾರ್ಥಿನಿಯು ೪೮೩ ಅಂಕಗಳು (೯೭%) ಜಿಲ್ಲೆಗೆ ಅತಿಹೆಚ್ಚು ಅಂಕಗಳನ್ನು ಪಡೆದಿರುವ ಹೆಗ್ಗಳಿಕೆ ಕಾರಣರಾಗಿದ್ದು , ಶಾಲೆಗೆ ಹಾಗು ಪೋಷಕರಿಗೆ ಒಳ್ಳೇಯ ಕೀರ್ತಿಯನ್ನು ತಂದಿದ್ದಾಳೆ ಎಂದು ವಿದ್ಯಾರ್ಥಿಯನ್ನು ಅಭಿನಂದಿಸಿದರು.
ಶಾಲೆಯು ನೂರಕ್ಕೆ ನೂರ ರಷ್ಟುಫಲಿತಾಂಶಕ್ಕೆ ಕಾರಣರಾದ ಪ್ರಾಂಶುಪಾಲರಿಗೆ, ಶಿಕ್ಷಕರಿಗೆ, ವಿದ್ಯಾರ್ಥಿಗಳ ಪೋಷಕರಿಗೆ ಹಾಗು ವಿದ್ಯಾರ್ಥಿಗಳನ್ನು ಅಭಿನಂದಿಸುತ್ತಿದ್ದೇನೆ ಎಂದರು.
ವಿಐಪಿ ಶಾಲಾ ಆಡಳಿತ ಮಂಡಲಿ ಕಾರ್ಯದರ್ಶಿ ಡಾ|| ಕವಿತಾ, ಪ್ರಾಂಶುಪಾಲೆ ಎಂ.ಅಸ್ಮಾ ತಬ್ಸುಮ್, ಉಪಪ್ರಾಂಶುಪಾಲೆ ದೀಪ, ಮುಖ್ಯ ಶಿಕ್ಷಕ ಜಾಬಿಲ್‌ಪಾಷಾ ಇದ್ದರು.

ಶ್ರೀನಿವಾಸಪುರ : ತಾಲೂಕಿನಲ್ಲಿ ಯಾವುದೇ ಕಾರಣಕ್ಕೂ ರಸ್ತೆ , ಇತರೆ ಕಾಮಗಾರಿಗಳು ಕಳಪೆಯಿಂದ ಇರದಂತೆ ಎಚ್ಚರವಹಿಸುವಂತೆ ಶಾಸಕ ಜಿ.ಕೆ.ವೆಂಕಟಶಿವಾರೆಡ್ಡಿ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದೇನೆ ಎಂದರು .
ಪಟ್ಟಣದ ಅಮಾನಿಕೆರೆಯಂಗಳದಲ್ಲಿ ನಡೆಯುತ್ತಿರುವ ಕ್ರೀಡಾಂಗಣ ಕಾಮಗಾರಿಯನ್ನ ಮಂಗಳವಾರ ವೀಕ್ಷಿಸಿ ಮಾತನಾಡಿದರು.
ಕ್ರೀಡಾಂಗಣ ಕಾಮಗಾರಿಯು ಪ್ರಾರಂಭದ ಹಂತದಲ್ಲಿದ್ದು, ಪ್ರಾರಂಭದಲ್ಲಿಯೇ ವಿಘ್ನವಾಗಿರುವ ಬಗ್ಗೆ ನನ್ನ ಗಮನಕ್ಕೆ ಬಂದಿರುವ ಹಿನ್ನೆಲೆಯಲ್ಲಿ ಸ್ಥಳಕ್ಕೆ ಬೇಟಿ ನೀಡಿ ಸ್ಥಳ ಪರಿಶೀಲಿಸಿ ಅಧಿಕಾರಿಗಳಿಂದ ಮಾಹಿತಿ ಪಡೆಯುತ್ತಿದ್ದೇನೆ ಎಂದು ತಿಳಿಸುತ್ತಾ, ಮುಂದಿನ ದಿನಗಳಲ್ಲಿ ಯಾವುದೇ ಕಾರಣಕ್ಕೂ ಈ ರೀತಿಯಾದ ಅವಘಡಗಳು ನಡೆಯದಂತೆ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ ಎಂದರು.
ಪಟ್ಟಣದಲ್ಲಿ ನಾಲ್ಕು ರಾಜಕಾಲುವೆಗಳು ಇದ್ದು ಅವುಗಳನ್ನ ಸ್ವಚ್ಚ ಪಡಿಸಿ ಸರಿಪಡಿಸುವಂತೆ, ಪಟ್ಟಣದ ಎಸ್‌ಎಫ್‌ಎಸ್ ಶಾಲೆ, ಸರ್ಕಾರಿ ಪದವಿ ಕಾಲೇಜು ಬಳಿಯ ಮೂಲಕ ಹಾದು ಹೋಗುವ ರಾಜಕಾಲುವೆಯು ಕಸಕಡ್ಡಿಗಳಿಂದ ತುಂಬಿದ್ದು ಅದನ್ನ ಒಳಚರಂಡಿ ವ್ಯವಸ್ಥೆ ಮಾಡಿಸುಂತೆ ಬಗ್ಗೆ ಪತ್ರಕರ್ತರು ಶಾಸಕರ ಗಮನಕ್ಕೆ ತಂದಾಗ ಪುರಸಭಾ ಮುಖ್ಯಾಧಿಕಾರಿಗಳನ್ನ ಚರ್ಚಿಸಿ ಮುಂದಿನ ವ್ಯವಸ್ಥೆ ಮಾಡುವುದಾಗಿ ಭರವಸೆ ನೀಡಿದರು.
ಪಟ್ಟಣದಲ್ಲಿ ಕುಡಿಯುವ ನೀರು ಹಾಗೂ ಇತರೆ ಮೂಲ ಸೌಲಭ್ಯಗಳನ್ನು ಕಾಲ ಕಾಲಕ್ಕೆ ತಕ್ಕಂತೆ ಸರಿಪಡಿಸುವಂತೆ ಪುರಸಭೆ ಮುಖ್ಯಾಧಿಕಾರಿ ಸೂಚಿಸಿದರು. ಹಾಗೂ ಪಟ್ಟಣದ ಸಂತೆ ಮೈದಾನದ ವಸತಿ ನಿಲಯದ ಬಳಿ ಸ್ಥಳ ಪರಿಶೀಲಿಸಿ ಶನಿವಾರ ನಡೆಯುವ ವಾರದ ಸಂತೆ ನಡೆಯಲು ವ್ಯಾಪಾರಸ್ಥರಿಗೆ ಶೆಡ್ ಹಾಕಿಸುವುದಾಗಿ ಭರವಸೆ ನೀಡಿದರು.
ಜಿ.ಪಂ.ಮಾಜಿ ಅಧ್ಯಕ್ಷ ತೂಪಲ್ಲಿ ಆರ್.ನಾರಾಯಣಸ್ವಾಮಿ, ಪುರಸಭೆ ಮುಖ್ಯಾಧಿಕಾರಿ ಗೋಪಾಲ್‌ನಾಯಕ್, ಪಿಡಬ್ಲುö್ಯಡಿ ಇಂಜನೀಯರ್ ಗಳಾದ ಟಿ.ನಾಗರಾಜ್,ಗೋಪಾಲ್, ಮುಖಂಡ ಪೂಲ್‌ಶಿವಾರೆಡ್ಡಿ ,ಮೀನು,ಶ್ರೀನಾಥ್, ಇದ್ದರು.

ಶ್ರೀನಿವಾಸಪುರ : ದೇಶದಲ್ಲಿಯೇ ಅತಿ ದೊಡ್ಡ ಮಾರುಕಟ್ಟೆಯೂ ಸಹಾ ಹೊಂದಿದೆ ದೇಶ ವಿದೇಶಗಳಿಗೆ ಇಲ್ಲಿಂದಲೇ ಮಾವು ರಫ್ತು ಮಾಡುವ ಕಾರಣ ಪ್ರಪಂಚ ಮಾವಿನ ಹಣ್ಣಿನ ನಗರವೆಂದೇ ಶ್ರೀನಿವಾಸಪುರ ಪ್ರಖ್ಯಾತಿಯಾಗಿದೆ ಎಂದು ಕರವೇ ಸಮರ ಸೇನೆ ತಾಲೂಕು ಪ್ರದಾನ ಕಾರ್ಯದರ್ಶಿ ವಿ.ಎನ್.ಜಗದೀಶ್ ಹೇಳಿದರು.
ಪಟ್ಟಣದ ತಹಶೀಲ್ದಾರ್ ಕಚೇರಿ ಮುಂಬಾಗ ಶುಕ್ರವಾರ ಕನ್ನಡಪರ ಸಂಘಟನೆಗಳ ಸದಸ್ಯರು ಪಟ್ಟಣದ ಚಿಂತಾಮಣಿ ಬೆಂಗಳೂರು ರಸ್ತೆ ಬದಿಗಳಲ್ಲಿ ವಾಹನಗಳನ್ನು ಚಾಲಕರು ನಿಲ್ಲಿಸುತ್ತಿದ್ದು ಇದರಿಂದ ಆಗುವ ಟ್ರಾಫಿಕ್ ಸಮಸ್ಯೆ ಬಗೆಹರಿಸುವಂತೆ ತಾಲ್ಲೂಕು ದಂಡಾಧಿಕಾರಿಗಳಿಗೆ ಮನವಿ ಪತ್ರ ಸಲ್ಲಿಸಿ ಮಾತನಾಡಿದರು.
ಅತಿ ಹೆಚ್ಚು ಮಾವು ಬೆಳೆಯುವ ಜಿಲ್ಲೆ ಕೋಲಾರ ಜಿಲ್ಲೆ ಕೋಲಾರ ಜಿಲ್ಲೆಯಲ್ಲಿ ವಿಶೇಷವಾಗಿ ಶ್ರೀನಿವಾಸಪುರ ತಾಲ್ಲೂಕಿನ ರೈತರು ಶೇಕಡಾ 60 ಕ್ಕೂ ಹೆಚ್ಚು ರೈತರು ಮಾವು ಬೆಳೆಯುತ್ತಿದ್ದು ಪ್ರತಿ ವರ್ಷ ಮೇ ತಿಂಗಳಲ್ಲಿ ಮಾವು ಕಟಾವು ಆರಂಭವಾಗುತ್ತದೆ ಮಾವಿನ ಮಂಡಿಗಳು ಸಹಾ ಆರಂಭವಾಗಿದ್ದು ಮಂಡಿಗಳ ಬಳಿ ಹಾದು ಹೋಗುವ ಚಿಂತಾಮಣಿ ಬೆಂಗಳೂರು ರಸ್ತೆ ಬದಿಗಳಲ್ಲಿ ವಾಹನಗಳನ್ನು ಚಾಲಕರು ನಿಲ್ಲಿಸಿ ಸಾರ್ವಜನಿಕರಿಗೆ ಬಹಳಷ್ಟು ತೊಂದರೆಯಾಗುತ್ತಿದೆ ಮಾವಿನ ಮಂಡಿಗಳಿಗೆ ಇತರೆ ರಾಜ್ಯಗಳಿಂದ ಮಾವಿನ ವಹಿವಾಟಿಗಾಗಿ ವಿವಿಧ ರೀತಿಯ ವಾಹನಗಳು ಆಗಮಿಸಿ ರಸ್ತೆ ಬದಿಗಳಲ್ಲಿ ಮನಸ್ಸೋ ಇಚ್ಛೆ ನಿಲ್ಲಿಸುವ ಕಾರಣ ಅನೇಕ ಬಾರಿ ಬಹಳಷ್ಟು ಅಪಘಾತಗಳು ಸಂಭವಿಸಿ ಪ್ರಾಣ ಹಾನಿಯಾಗಿದ್ದು ,
ಈ ಬಾರಿ ಈ ರೀತಿಯ ಯಾವುದೇ ಅಪಘಾತಗಳು ಸಂಭವಿಸದಂತೆ ಹಾಗೂ ಸಾರ್ವಜನಿಕರಿಗೆ ಸಂಚಾರದ ದಟ್ಟನೆ ಸಮಸ್ಯೆಯಿಂದ ತೊಂದರೆಯಾಗದಂತೆ ಮುಂಜಾಗ್ರತಾ ಕ್ರಮವಾಗಿ ಅಕ್ಕಪಕ್ಕ ರಸ್ತೆಗಳಲ್ಲಿ ಯಾವುದೇ ರೀತಿಯ ವಾಹನಗಳನ್ನು ನಿಲ್ಲಿಸದಂತೆ ಪೆÇಲೀಸ್ ಸಿಬ್ಬಂದಿಯನ್ನು ನಿಯೋಜಿಸಬೇಕೆಂದು ಮನವಿ ಮಾಡಿದರು.
ಈ ಸಮಯದಲ್ಲಿ ನವ ಕರ್ನಾಟಕ ಸ್ವಾಭಿಮಾನಿ ವೇದಿಕೆ ರಾಜ್ಯ ಪ್ರಧಾನ ಕಾರ್ಯದರ್ಶಿ ಸಾದಿಕ್ ಅಹಮ್ಮದ್, ವಿವಿಧ ಕನ್ನಡ ಪರ ಸಂಘಟನೆ ಪದಾಧಿಕಾರಿಗಳಾದ ಗುರುಮೂರ್ತಿ, ರಾಜೇಶ್, ಧನಂಜಯ್, ಎಚ್.ಎಂ.ಅರುಣ್ ಕುಮಾರ್, ಎಂ.ಡಿ.ಯಾಶೀನ್ ಅಹಮ್ಮದ್, ಅಬ್ದುಲ್ಲಾ, ಶಾಹುಲ್ ಅಹಮ್ಮದ್, ವೆಂಕಟೇಶ್ ಇದ್ದರು.

ಶ್ರೀನಿವಾಸಪುರ : ನೇಹಾ ಹಿರೇಮಠ ಕೊಲೆ ಪ್ರಕರಣ ಮಾಸುವ ಮುನ್ನವೇ ಮತ್ತೊಂದು ಹತ್ಯೆ, ಹುಬ್ಬಳಿಯಲ್ಲಿ ಅಂಜಲಿ ಅಂಬಿಗೇರ (20 ವರ್ಷ) ಯುವತಿಯ ಹತ್ಯೆಯಾಗಿರುವುದು ರಾಜ್ಯ ಸರ್ಕಾರ ಆಡಳಿತದಲ್ಲಿ ಕಾನೂನು ಸುವ್ಯವಸ್ಥೆಯು ಎಷ್ಟು ಹದಗಟ್ಟಿದೆ ಎಂದು ಬಿಜೆಪಿ ಪಕ್ಷದ ಜಿಲ್ಲಾಧ್ಯಕ್ಷ ಡಾ|| ಕೆ.ಎನ್.ವೇಣುಗೋಪಾಲ್ ರಾಜ್ಯ ಸರ್ಕಾರದ ವಿರುದ್ಧ ಹೀಯಾಳಿಸಿದರು.
ಪಟ್ಟಣದ ಸ್ವಗೃಹದಲ್ಲಿನ ಕಛೇರಿಯಲ್ಲಿ ಗುರುವಾರ ಸುದ್ದಿಗೋಷ್ಟಿ ನಡೆಸಿ ಮಾತನಾಡಿದರು.
ಕೂಡಲೇ ಅಂಜಲಿ ಅಂಬಿಗೇರ ರವರನ್ನ ಕೊಲೆ ಮಾಡಿರುವ ಆರೋಪಿಯನ್ನು ಬಂದಿಸಿ ಕಾನೂನು ರೀತ್ಯ ಆರೋಪಿಯ ವಿರುದ್ಧ ಕ್ರಮಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು. ಕೊಲೆಗೆ ಕಾರಣಗಳನ್ನ ಪತ್ತೆ ಹಚ್ಚಿ ಮೃತಪಟ್ಟಿರುವ ಯುವತಿಯ ಕುಟುಂಬಕ್ಕೆ ನ್ಯಾಯ ಒದಗಿಸಬೇಕು. ಹಾಗೂ ರಾಜ್ಯದಲ್ಲಿ ಕಾನೂನು ಸುವ್ಯವಸ್ಥೆ ಹತೋಟಿಗೆ ತರಲು ರಾಜ್ಯಸರ್ಕಾರ ಮುಂದಾಗಬೇಕೆಂದರು ಒತ್ತಾಯಿಸಿದರು.

ಕೋಲಾರ:- ಉತ್ತರ ಪ್ರದೇಶದ ರಾಯಬರೇಲಿಯಲ್ಲಿ ರಾಹುಲ್ ಗಾಂಧಿ ಪರವಾಗಿ ರಾಜ್ಯ ಆಹಾರ ಸಚಿವ ಹಾಗೂ ಜಿಲ್ಲೆಯ ಮಾಜಿ ಸಂಸದ ಕೆ.ಎಚ್.ಮುನಿಯಪ್ಪ ಪ್ರಚಾರ ನಡೆಸಿದರು.
ಈ ಸಂದರ್ಭದಲ್ಲಿ ಸಾರ್ವಜನಕ ಸಭೆಯಲ್ಲಿ ಮಾತನಾಡಿದ ಸಚಿವರು. ತಾವು ಯುಪಿಯ ಸರ್ಕಾರದಲ್ಲಿ ಪ್ರಧಾನಮಂತ್ರಿ ಮನಮೋಹನ ಸಿಂಗ್ ರವರ ಸಚಿವ ಸಂಪುಟದಲ್ಲಿ ರೈಲ್ವೆ ಇಲಾಖೆಯ ರಾಜ್ಯ ದರ್ಜೆ ಸಚಿವರಾಗಿ ಕೆಲಸ ಮಾಡಿದ ಸಂದರ್ಭದಲ್ಲಿ ರಾಯಬರೇಲಿ ವ್ಯಾಪ್ತಿಯಲ್ಲಿ ಕೈಗೊಂಡ ಜನಪರ ಕಾರ್ಯಗಳ ಕುರಿತು ಮತದಾರರ ಗಮನ ಸೆಳೆದರು.
ಉತ್ತರ ಪ್ರದೇಶದ ಕಾಂಗ್ರೆಸ್ ಮುಖಂಡರು ಮಾತನಾಡಿ, ರಾಯಬರೇಲಿಯಲ್ಲಿ ರೈಲ್ವೆ ಕೋಚ್ ಫ್ಯಾಕ್ಟರಿಯ ಕಾಮಗಾರಿ ಪ್ರಾರಂಭಿಸಿ ಪೂರ್ಣಗೊಳಿಸಿದ ಕೀರ್ತಿ ಕರ್ನಾಟಕ ಆಹಾರ ಸಚಿವ ಕೆಹೆಚ್. ಮುನಿಯಪ್ಪ ನವರಿಗೆ ಸಲ್ಲುತ್ತದೆ ಎಂದು ತಿಳಿಸಿ, ಇದರಿಂದ 15 ಸಾವಿರ ಯುವಕರಿಗೆ ಉದ್ಯೋಗ ಕಲ್ಪಿಸಿದಂತಾಗಿದ್ದು ಪ್ರಸ್ತುತ ಕೆಲಸ ನಿರ್ವಹಿಸುತ್ತಿದ್ದಾರೆ ಮತ್ತು ಈ ರೈಲ್ವೆ ಕೋಚ್ ಪ್ಯಾಕ್ಟರಿಯಿಂದ ಅಲ್ಲಿನ ಭೂಮಿಯ ಬೆಲೆ ಹೆಚ್ಚಾಗಿದೆ ಎಂದು ತಿಳಿಸಿದರು.
ಭೂಸಾರಿಗೆ ಸಚಿವರಿದ್ದಾಗ ರಾಯಬರೇಲಿಯ ಎಲ್ಲಾ ಸುತ್ತಮುತ್ತಲಿನ ರಸ್ತೆಗಳ ನಿರ್ಮಾಣದಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿದ್ದನ್ನು ಅವರು ಸ್ಮರಿಸಿದರು.
ಸಚಿವ ಮುನಿಯಪ್ಪ ಮಾತನಾಡಿ, ಯುಪಿಎ ಸರ್ಕಾರದಲ್ಲಿ ರಾಜ್ಯ ರೈಲ್ವೆ ಸಚಿವನಾಗಿ ಅಧಿಕಾರ ವಹಿಸಿಕೊಂಡ ತಕ್ಷಣವೇ ತನ್ನ ಲೋಕಸಭಾ ಕ್ಷೇತ್ರವಾದ ಕೋಲಾರಕ್ಕಾಗಲೀ ಅಥವಾ ಬೆಂಗಳೂರಿಗೆ ಭೇಟಿ ನೀಡದೇ ರಾಯಬರೇಲಿಗೆ ಬಂದು ಇಲ್ಲಿ ಜನಪರ ಕೆಲಸ ಮಾಡಿದ್ದನ್ನು ಸ್ಮರಿಸಿದರು.
2004ರಲ್ಲಿ ಕಾಂಗ್ರೇಸ್ ನೇತೃತ್ವದ ಸಮಿಶ್ರ ಸರ್ಕಾರದಲ್ಲಿ ರೈಲ್ವೆ ಸಚಿವರಾಗಿದ್ದ ಲಾಲು ಪ್ರಸಾದ್ ಯಾದವ್ ರವರು ಕೋಚ್ ಪ್ಯಾಕ್ಟರಿ ಮಂಜೂರು ಮಾಡಿದ್ದು, ತದನಂತರ ನಾನು ರಾಜ್ಯ ರೈಲ್ವೆ ಸಚಿವನಾಗಿ ಅಧಿಕಾರ ವಹಿಸಿಕೊಂಡ ನಂತರ ಉತ್ತರ ಪ್ರದೇಶ ರಾಜ್ಯದ ರಾಯಬರೇಲಿಯಲ್ಲಿ ಜಮೀನನ್ನು ಗ್ರಾಮ ಪಂಚಾಯಿತಿಯಿಂದ ಮಂಜೂರು ಮಾಡಿಸಿ, ಇರ್ಕಾನ್ ರೈಲ್ವೆ ಕನ್ಸ್ಟ್ರಕ್ಷನ್ ಕಂಪನಿ ಮೂಲಕ ರಾಯಬರೇಲಿಯಲ್ಲಿ ರೈಲ್ವೆ ಕೋಚ್ ಫ್ಯಾಕ್ಟರಿಯನ್ನು ನಿರ್ಮಿಸಿದ್ದಾಗಿ ವಿವರಿಸಿದರು.
ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ 10ವರ್ಷಗಳ ಆಡಳಿತದಲ್ಲಿ ಯಾವುದೇ ಜನಪರವಾದ ಕೆಲಸಗಳನ್ನು ಮಾಡಲಿಲ್ಲ ಎಂದು ಆರೋಪಿಸಿದ ಅವರು, ನಮ್ಮ ಸರ್ಕಾರ ಬಂದ ತಕ್ಷಣ ನಾವು ಯುವಕರಿಗೆ ಉದ್ಯೋಗ ಕಲ್ಪಿಸಿ ಬಡವರ ಮತ್ತು ಶ್ರಮಿಕರ ,ರೈತರ ಪರವಾಗಿ ಅಭಿವೃದ್ಧಿ ಕಾರ್ಯಗಳನ್ನು ಮಾಡುತ್ತೇವೆ ಎಂದರು.
ಕಾಂಗ್ರೆಸ್ ಸರ್ಕಾರವು ಬಡವರ, ಶೋಷಿತರ ಹಾಗೂ ರೈತರಪರವಾದ ಅಭಿವೃದ್ಧಿ ಕಾರ್ಯಕ್ರಮಗಳನ್ನು ರೂಪಿಸಿದ್ದು ಜನಪರವಾದ ಆಡಳಿತವನ್ನು ನೀಡುತ್ತದೆ. ಅಂದಿನಿಂದ ಇಂದಿನವರೆಗೂ ರಾಯಬರೇಲಿ ಕಾಂಗ್ರೆಸ್ ಭದ್ರಕೋಟೆಯಾಗಿದ್ದು ಸತತವಾಗಿ ಸೋನಿಯಾ ಗಾಂಧಿಯವರು ಗೆಲುವನ್ನು ಸಾಧಿಸಿದ್ದು ಇದೀಗ ನಮ್ಮ ನಾಯಕರಾದ ರಾಹುಲ್ ಗಾಂಧಿಯವರು ಈ ಕ್ಷೇತ್ರದಲ್ಲಿ ಸ್ಪರ್ಧಿಸಿದ್ದು ಅವರ ಪರವಾಗಿ ಇಂದು ರಾಯಬರೇಲಿಯಲ್ಲಿ ಮತಯಾಚನೆ ಮಾಡುತ್ತಿರುವುದಾಗಿ ತಿಳಿಸಿದರು.
ಈ ಸಂದರ್ಭದಲ್ಲಿ ಉತ್ತರಪ್ರದೇಶದ ಮುಖಂಡರು ಹಾಗೂ ಎಐಸಿಸಿ ಸದಸ್ಯರಾದ ದಯಾನಂದ ಶುಕ್ಲಾ ಸೇರಿದಂತೆ ಕಾಂಗ್ರೆಸ್ ಪಕ್ಷದ ಎಐಸಿಸಿ ಸದಸ್ಯರು, ಡಿಸಿಸಿ ನಾಯಕರು ,ಹಾಗೂ ಕಾರ್ಯಕರ್ತರ ಉಪಸ್ಥಿತರಿದ್ದರು.

ಉತ್ತರ ಪ್ರದೇಶದ ರಾಯಬರೇಲಿಯಲ್ಲಿ ರಾಹುಲ್ ಗಾಂಧಿ ಪರವಾಗಿ ರಾಜ್ಯ ಆಹಾರ ಸಚಿವ ಹಾಗೂ ಜಿಲ್ಲೆಯ ಮಾಜಿ ಸಂಸದ ಕೆ.ಎಚ್.ಮುನಿಯಪ್ಪ ಪ್ರಚಾರ ನಡೆಸಿದರು.

ಉತ್ತರ ಪ್ರದೇಶ ರಾಜ್ಯದ ರಾಯಬರೇಲಿ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ರಾಹುಲ್‍ಗಾಂಧಿ ಪರ ಪ್ರಚಾರ ಸಂದರ್ಭದಲ್ಲಿ ಎಐಸಿಸಿ ಕಾರ್ಯದರ್ಶಿ ಪ್ರಿಯಾಂಕ ಗಾಂಧಿರನ್ನು ಭೇಟಿ ಮಾಡಿದ ರಾಜ್ಯ ಆಹಾರ ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಸಚಿವ ಕೆ.ಹೆಚ್.ಮುನಿಯಪ್ಪ ಮಾತುಕತೆ ನಡೆಸಿದರು.

ಫಾದರ್ ಮುಲ್ಲರ್ ಸೇವಾ ಸಂಸ್ಥೆಯ ಘಟಕವಾಗಿರುವ ಫಾದರ್ ಮುಲ್ಲರ್ ಹೋಮಿಯೋಪಥಿ ವೈದ್ಯಕೀಯ ಮಹಾವಿದ್ಯಾಲಯವು ಸ್ನಾತಕೋತ್ತರ ಕೋರ್ಸ್‍ನ 25 ವರ್ಷಗಳನ್ನು ಪೂರ್ಣಗೊಳಿಸುತ್ತಿದ್ದು, ಇದರ ಅಂಗವಾಗಿ ‘ರಜತೋತ್ಸವ’ – ರಾಷ್ಟ್ರೀಯ ಹೋಮಿಯೋಪಥಿ ಸ್ನಾತಕೋತ್ತರ ಸಮ್ಮೇಳನವನ್ನು ದಿನಾಂಕ 18.05.2024 ಕಾಲೇಜಿನ ಸಭಾಂಗಣದಲ್ಲಿ ಆಯೋಜಿಸಲಾಗಿದೆ. ರಜತೋತ್ಸವ ಸಮಾರಂಭದ ಪ್ರಯುಕ್ತ 7 ಸ್ನಾತಕೋತ್ತರ ವಿಭಾಗಗಳಿಂದ ವರ್ಷವಿಡೀ ವಿವಿಧ ಸೆಮಿನಾರ್, ಕಲಿಕಾ ಕಾರ್ಯಕ್ರಮ ಹಾಗೂ ಸ್ಪರ್ಧೆಗಳನ್ನು ನಡೆಸಲಾಯಿತು.

ಈ ಸಮ್ಮೇಳನದ ಉದ್ಘಾಟನಾ ಸಮಾರಂಭವು ಬೆಳಿಗ್ಗೆ 10.00 ಗಂಟೆಗೆ ನಡೆಯಲಿದೆ. ಹೋಮಿಯೋಪಥಿ ರಾಷ್ಟ್ರೀಯ ಆಯೋಗ, ಭಾರತ ಸರಕಾರ, ನವದೆಹಲಿ ಇದರ ಕಾರ್ಯದರ್ಶಿಯಾದ ಡಾ. ಸಂಜಯ್ ಗುಪ್ತಾ, ಬಿ.ಎಚ್.ಎಂ.ಎಸ್., ಎಂ.ಡಿ (ಹೋಮಿಯೋಪಥಿ) ಇವರು ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ.

ಫಾದರ್ ಮುಲ್ಲರ್ ಸೇವಾ ಸಂಸ್ಥೆಯ ನಿರ್ದೇಶಕರಾದ ವಂದನೀಯ ರಿಚರ್ಡ್ ಅಲೋಶಿಯಸ್ ಕುವೆಲ್ಲೊರವರು ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಲಿರುವರು. ಸ್ನಾತಕೋತ್ತರ ಕಾರ್ಯಕ್ರಮದ 25 ವರ್ಷಗಳನ್ನು ಸಂಕಲಿಸುವ ಸಮ್ಮೇಳನದ ಸ್ಮರಣಿಕೆಯನ್ನು ಈ ಸಂದರ್ಭದಲ್ಲಿ ಬಿಡುಗಡೆ ಮಾಡಲಾಗುವುದು.

ಡಾ. ಜಸ್ವಂತ್ ಪಾಟೀಲ್, ಎಂ.ಬಿ.ಬಿ.ಎಸ್., ಎಂ.ಡಿ., ಬಿ.ಎಚ್.ಎಂ.ಎಸ್., ಎಂ. ಎ. (ಆಲ್ಟ್ ಥೆರಪಿ), ಫೆಲೋಶಿಪ್ ಇನ್ ಮೆಡಿಕಲ್ ಯೋಗ ಇವರು ಸಮ್ಮೇಳನದ ಸಂಪನ್ಮೂಲ ವ್ಯಕ್ತಿಗಳಾಗಿ ಭಾಗವಹಿಸಲಿದ್ದು, “ಸಾಕ್ಷ್ಯಾಧಾರಿತ ಹೋಮಿಯೋಪಥಿ ವಿಧಾನಗಳ ಮೂಲಕ ಕಷ್ಟಕರ ಪ್ರಕರಣಗಳನ್ನು ಪರಿಹರಿಸುವುದು” ಇದರ ಕುರಿತು ವಿವರಿಸಲಿದ್ದಾರೆ. ರಾಷ್ಟ್ರೀಯ ಸ್ನಾತಕೋತ್ತರ ಸಮ್ಮೇಳನವು ದೇಶದ ವಿವಿಧ ಭಾಗಗಳಿಂದ 250 ಪ್ರತಿನಿಧಿಗಳನ್ನು ನಿರೀಕ್ಷಿಸುತ್ತಿದೆ.

ಭಾರತದಾದ್ಯಂತ ಹೋಮಿಯೋಪಥಿ ಸ್ನಾತಕೋತ್ತರ ವಿದ್ವಾಂಸರು ಮತ್ತು ಫಾದರ್ ಮುಲ್ಲರ್ ಹೋಮಿಯೋಪಥಿ ವೈದ್ಯಕೀಯ ಕಾಲೇಜಿನ ಹಳೆಯ ಸ್ನಾತಕೋತ್ತರ ವಿದ್ಯಾರ್ಥಿಗಳಿಗಾಗಿ ಪೇಪರ್ ಮತ್ತು ಪೆÇೀಸ್ಟರ್ ಪ್ರಸ್ತುತಿ ಹಾಗೂ ರಾಷ್ಟ್ರೀಯ ಮಟ್ಟದ ರಸಪ್ರಶ್ನೆ ಸ್ಪರ್ಧೆಯನ್ನು ಆಯೋಜಿಸಲಾಗಿದೆ ಹಾಗೂ ವಿಜೇತರಿಗೆ ನಗದು ಬಹುಮಾನವನ್ನು ಘೋಷಿಸಲಾಗಿದೆ.

‘ಮುಲ್ಲರ್ ಕಾಂಪ್ಲೆಕ್ಸ್’ ಶಂಕು ಸ್ಥಾಪನೆ :
ಈ ಸಂದರ್ಭದಲ್ಲಿ ‘ಮುಲ್ಲರ್ ಕಾಂಪ್ಲೆಕ್ಸ್’ಗೆ ಶಂಕು ಸ್ಥಾಪನೆ ಮಾಡುವುದರ ಮೂಲಕ ಫಾದರ್ ಮುಲ್ಲರ್ ಸಂಸ್ಥೆಯ ಇತಿಹಾಸಕ್ಕೆ ಮತ್ತೊಂದು ಪ್ರಗತಿಯನ್ನು ಸೇರ್ಪಡಿಸಲಾಗುವುದು. ಇದರಲ್ಲಿ ಸರಿಸುಮಾರು 10,000 ಚದರ ಅಡಿ ಜಾಗ ಲಭ್ಯವಿದ್ದು, ವಿವಿಧ ಮಳಿಗೆ ಹಾಗೂ ವ್ಯಾಪಾರ ವಹಿವಾಟು ನಡೆಸಲು ಅವಕಾಶವಿರುವುದು.

ಶ್ರವಣ ಶಾಸ್ತ್ರ ಹಾಗೂ ವಾಕ್ ಚಿಕಿತ್ಸಾ ಸೇವೆಗಳು :
ಫಾದರ್ ಮುಲ್ಲರ್ ಹೋಮಿಯೋಪಥಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಶ್ರವಣ ಶಾಸ್ತ್ರ ಹಾಗೂ ವಾಕ್ ಚಿಕಿತ್ಸೆ (ಆಡಿಯೋಲಜಿ ಮತ್ತು ಸ್ಪೀಚ್ ಥೆರಪಿ) ಹೊರರೋಗಿ ವಿಭಾಗವನ್ನು ಈ ದಿನ ಉದ್ಘಾಟಿಸಲಾಗುವುದು. ಮಕ್ಕಳಿಗೆ ಮತ್ತು ವಯಸ್ಕರಿಗೆ ನುರಿತ ತಜ್ಞರಿಂದ ಸೇವೆ ಲಭ್ಯವಿದೆ.

ಲಭ್ಯವಿರುವ ಸೇವೆಗಳು :
• ನವಜಾತ ಶಿಶುವಿನ ಶ್ರವಣ ಪರೀಕ್ಷೆ
• ಮಕ್ಕಳಲ್ಲಿ ವಯಸ್ಕರಲ್ಲಿ ಹಾಗೂ ವಯೋವೃದ್ದರಲ್ಲಿ ಕಂಡುಬರುವಂತಹ ಶ್ರವಣ ಶಕ್ತಿಯ ನ್ಯೂನ್ಯತೆಯ ಬಗ್ಗೆ ತಪಾಸಣೆ
• ಶ್ರವಣ ಯಂತ್ರದ ಪರೀಕ್ಷಣೆ
• ಶ್ರವಣ ಸಾಧನೆಯ ತಪಾಸಣೆ
• ಮಕ್ಕಳಲ್ಲಿ ಮತ್ತು ವಯೋವೃದ್ದರಲ್ಲಿ ಕಂಡುಬರುವಂತಹ ವಾಕ್ ದೋಷಗಳಾದಂತಹ ಉಚ್ಚಾರದೋಷ, ಉಗ್ಗುವಿಕೆ, ಸ್ವರದೋಷ, ಕಲಿಕಾ ನ್ಯೂನ್ಯತೆ ಇತ್ಯಾದಿಗಳ ಬಗ್ಗೆ ಸಮಗ್ರ ತಪಾಸಣೆ ಮತ್ತು ಮಾಹಿತಿ.

ವೈದ್ಯರು ಸೋಮವಾರದಿಂದ ಶನಿವಾರದವರೆಗೆ ಬೆಳಿಗ್ಗೆ 9.00 ರಿಂದ 12.30 ರ ವರೆಗೆ ಲಭ್ಯವಿರುತ್ತಾರೆ.
ಆಡಿಯಾಲಜಿ ಸ್ಪೀಚ್ ಥೆರಪಿ ತಜ್ಞರನ್ನು ಸಂಪರ್ಕಿಸಲು ಕರೆ ಮಾಡಿ : 9459456633/ 0824 2203901

ಪತ್ರಿಕಾ ಗೋಷ್ಠಿಯಲ್ಲಿ ಉಪಸ್ಥಿತರಿರುವರು :
• ವಂದನೀಯ ರಿಚರ್ಡ್ ಅಲೋಶಿಯಸ್ ಕುವೆಲ್ಲೊ, ನಿರ್ದೇಶಕರು, ಫಾದರ್ ಮುಲ್ಲರ್ ಚಾರಿಟೇಬಲ್ ಸಂಸ್ಥೆ, ಕಂಕನಾಡಿ.
• ವಂದನೀಯ ರೋಶನ್ ಕ್ರಾಸ್ತಾ, ಆಡಳಿತಾಧಿಕಾರಿ, ಫಾದರ್ ಮುಲ್ಲರ್ ಹೋಮಿಯೋಪಥಿ ವೈದ್ಯಕೀಯ ಮಹಾವಿದ್ಯಾಲಯ ಮತ್ತು ಆಸ್ಪತ್ರೆ.
• ವಂದನೀಯ ಅಶ್ವಿನ್ ಕ್ರಾಸ್ತಾ, ಸಹಾಯಕ ಆಡಳಿತಾಧಿಕಾರಿ, ಫಾದರ್ ಮುಲ್ಲರ್ ಹೋಮಿಯೋಪಥಿ ವೈದ್ಯಕೀಯ ಮಹಾವಿದ್ಯಾಲಯ ಮತ್ತು ಆಸ್ಪತ್ರೆ.
• ಡಾ. ದೀಪಾ ಪಾಯ್ಸ್, ಉಪ ವೈದ್ಯಕೀಯ ಅಧೀಕ್ಷಕರು, ಫಾದರ್ ಮುಲ್ಲರ್ ಹೋಮಿಯೋಪಥಿ ವೈದ್ಯಕೀಯ ಮಹಾವಿದ್ಯಾಲಯ ಆಸ್ಪತ್ರೆ.
• ಡಾ. ಜೋಶ್ನಾ ಶಿವಪ್ರಸಾದ್, ಸಂಯೋಜಕರು, ರಜತೋತ್ಸವ, ರಾಷ್ಟ್ರೀಯ ಸ್ನಾತಕೋತ್ತರ ಹೋಮಿಯೋಪಥಿ ಸಮ್ಮೇಳನ.
• ಡಾ. ಶ್ರೇಯಾಂಕ್ ಕೋಟ್ಯಾನ್, ಸಂಘಟನಾ ಕಾರ್ಯದರ್ಶಿ, ರಜತೋತ್ಸವ, ರಾಷ್ಟ್ರೀಯ ಸ್ನಾತಕೋತ್ತರ ಹೋಮಿಯೋಪಥಿ ಸಮ್ಮೇಳನ.
• ಡಾ. ಅನುಷ ಜಿ.ಎಸ್, ಸಂಯೋಜಕರು, ಮಾದ್ಯಮ ಸಮಿತಿ.

Father Muller Homoeopathic Medical College to host RAJATHOTHSAVA – National Homoeopathic Post-Graduate Conference

Father Muller Homeopathic Medical College is completing 25 years of PG course in Homoeopathy. As a part of this Silver Jubilee Celebrations, Programmes such as CME’s, Seminars, competitions wereconducted in the college by all 7 PG departments throughout the year,2023-24.

Culminating this Silver jubilee celebrations,RAJATHOTHSAVA-24,National Homoeopathic Post Graduate Conference will be held on 18^th May 2024 at Father Muller Auditorium, Deralakatte. Dr Sanjay Gupta, BHMS, MD(Hom),Secretary, National Commission for Homoeopathy, Government Of India, New Delhiwill be gracing the occasion as the Chief Guest.The event will be presidedby Rev.Fr Richard Aloysius Coelho, Director, Father Muller Charitable Institutions. The Conference Souvenir compilingthe 25 years of the PG programme will be released on this occasion.

The National Postgraduate conference is expecting250 delegates from different parts of the country. Dr JaswantPatil, M.B.B.S, M.D(Chest), BHMS,MA(Alt Therapy), Fellowship in Medical Yoga, will be the resource person for the conference and will be speaking to the gathering on ‘Addressing Clinical challenges through evidence-based solutions”.

Open forum Paper and Poster presentation for Post graduate scholars of Homoeopathy from all over India and Post graduate Alumni of Father Muller Homoeopathic Medical College and National Level Quiz for Interns and Post graduate students will be held on the same day. Cash prizes will be awarded to all the winners.

In April and May, activities included a souvenir cover design competition, an essay writing competition, and the Rajathothsava Online Quiz Marathon, where over 300 teams participated. The top five teams from the quiz marathon advanced to the national quiz competition.

The Valedictory programme with prize distributionfor the competitions will be held  at4.30pmfollowed by Banquet at 6.30pm

‘MULLER COMPLEX’ – Laying of Foundation Stone  :

New Commercial complex named “Muller Complex” will be launched by laying Foundation Stone on 18.05.2024.  Around 10000 sq.ft.space will be available for all the commercial and business purpose.

Inauguration of  ‘AUDIOLOGY& SPEECH THERAPY’ OPD : 

‘Audiology & Speech Therapy’OPD, for Children and Adults of all ages, will be inaugurated on the same day. 

The services available under this unit :

• New born hearing screening
• Hearing testing for Senior Citizen, Adult & Children.
• Hearing aid trial
• Trouble shooting of Hearing Aids
• Evaluation and Management of the various speech and Language disorders (Misarticulation, Stuttering, Voice, Autism, ADHD, Learning Disability, Intellectual Disability, Swallowing problems)

Doctors will be available from Monday to Saturday from 9.00 a.m. to 12.30 p.m.

To consult our Audiology Speech Therapist, please contact  : 9459456633/ 0824 2203901

Members present during the Press Meet:

• Rev Fr Richard Aloysius Coelho, Director, FMCI
• Rev FrRoshanCrasta, Administrator, FMHMCH&HPD
• Rev FrAshwinCrasta, Asst. Administrator, FMHMCH&HPD
• Dr DeepaPais, Deputy Medical Superintendent, FMHMCH
• Dr JyoshnaShivaprasad, Convenor /PG Co-ordinator
• Dr ShreyankKotian, Organizing Secretary, RAJATHOTHSAVA National Post- Graduate Homoeopathic Conference
• Dr AnushaG , Media Committee incharge.

ಕುಂದಾಪುರ, ಸ್ಥಳೀಯ ಯು.ಬಿಎಮ್.ಸಿ ಆಂಗ್ಲ ಮಾಧ್ಯಮ ಶಾಲೆಯ ಪ್ರಾಂಶುಪಾಲರಾಗಿ ಶ್ರೀಮತಿ ಅನಿತಾ ಆಲಿಸ್ ಡಿಸೋಜಾರನ್ನು ಆಡಳಿತ ಮಂಡಳಿ ಆಯ್ಕೆ ಮಾಡಿದೆ.ಇತ್ತೇಚೆಗೆ ಅನಿತಾ ಆಲಿಸ್ ಡಿಸೋಜಾ ಶಾಲೆಯ ಪ್ರಾಂಶುಪಾಲರ ಹುದ್ದೆಯನ್ನು ವಹಿಸಿಕೊಂಡಾಗ ಅವರನ್ನು ಶಾಲೆಯ ವ್ಯವಸ್ಥಾಪಕಿ ಐರಿನ್ ಸಾಲಿನ್ಸ್ ಅವರು ಆತ್ಮೀಯವಾಗಿ ಸ್ವಾಗತಿಸಿದರು.

ಶಿಕ್ಷಕಿ ಆಲಿಸ್ ಡಿಸೋಜಾ ಅವರು M.A. in English literature, B.Ed. D.E.C.C.E. ಪಡೆದವರಾಗಿದ್ದು, ಶಿಕ್ಷಣ ಕ್ಷೇತ್ರದಲ್ಲಿ 20 ವರ್ಷಗಳ ಅನುಭವ ಹೊಂದಿದವರಾಗಿದ್ದಾರೆ. ಶಾಲೆಯ ಶಿಕ್ಷಣದ ಗುಣಮಟ್ಟವನ್ನು ಸುಧಾರಿಸಲು, ಶಕ್ತಿಯುತ, ಶಿಸ್ತುಬದ್ಧ, ಉತ್ಸಾಹ, ಗುರಿ ಆಧಾರಿತ, ಪರಿಶ್ರಮ ಮತ್ತು ದೂರದೃಷ್ಟಿ, ಮಾನವೀಯ, ಸಹಾನುಭೂತಿಯುಳ್ಳ ಶಿಕ್ಷಕಿಯಾಗಿದ್ದಾರೆ ಎಂದು ಅವರ ಬಗ್ಗೆ ಅಭಿಪ್ರಾಯ ಹೊಂದಲಾಗಿದೆ

ಇವರು ಈಗ ಯು.ಬಿಎಮ್.ಸಿ. ಆಂಗ್ಲ ಮಾಧ್ಯಮ ಶಾಲೆ ಮತ್ತು ಸಿ.ಎಸ್.ಐ. ಕ್ರಪಾ ನರ್ಸರಿ ಶಾಲೆಯ ಪ್ರಾಶುಪಾಲರಾಗಿರುತ್ತಾರೆ.

Mrs. Anita Alice D’Souza selected as Principal of U.B.M.C English Medium School

Kundapur: Mrs. Anita Alice D’Souza has been elected as the Principal of local UBMC English Medium School, Kundapur.When Anita Alice D’Souza took over as the principal of the school recently, she was warmly welcomed by the school Correspondent, Irene Salins.

Teacher Alice D’Souza is an M.A. in English literature, B.Ed. D.E.C.C.E. Graduated and has 20 years of experience in the field of education. She is considered to be an energetic, disciplined, enthusiastic, goal oriented, persevering and visionary, humane, compassionate teacher to improve the quality of education in the school.

She is now at U.B.M.C. English Medium School and C.S.I. Krapa is the principal of the nursery school