Day: April 16, 2024

ರಚನೆ:- ಬಿ.ಆರ್.ರವೀಂದ್ರ ವಕೀಲರು ಮತ್ತು ಸಾಹಿತಿಗಳು ಕೋಲಾರ.

ಕೈವಾರ ತಾತಯ್ಯನವರು ತಮ್ಮ ನಾದ ಬ್ರಹ್ರ್ಮಾನಂದ -ನಾರೇಯಣ ಶತಕದಲ್ಲಿ ಈ ರೀತಿ ಹೇಳುತ್ತಾರೆ,

ಚಾಪಲ್ಯ ಮತಮುಲೋ – ಚೇರಿನ ವಾರೆಲ್ಲ
ಅವಿವೇಕುಲಯಿನಾರು – ಆತ್ಮ ಮರಚಿ
ಅಟುವಂಟಿ ದುರ್ಮತಮು -ಆದಿ ಎಂದು ಲೇದುರಾ
ನಾದ ಬ್ರಹ್ರ್ಮಾನಂದ -ನಾರೇಯಣ ಕವಿ

ಅಂದರೆ ಇಂದ್ರೀಯ ಸುಖ ಭೋಗವನ್ನು ಬಯಸುವವನು ಚಪಲಚಿತ್ತನಾಗಿ, ಅಜ್ಞಾನದ ಅಂಧಕಾರದಲ್ಲಿ ಮುಳುಗಿ, ತಮ್ಮ ಜನ್ಮದ ರಹಸ್ಯವನ್ನೇ ಮರೆಯುತ್ತಾನೆ, ತನ್ನೊಳಗೆ ಅಮಿತವಾದ ಜ್ಞಾನವಿದ್ದರೂ ಸಹ ಅರಿವಿಲ್ಲದೆ ಆತ ಅವಿವೇಕಿಯಾಗುತ್ತಾನೆ, ಯಾರು ಈ ಇಂದ್ರಿಯ ಸುಖ ಭೋಗವನ್ನು ಮರೆತು ಆತ್ಮ, ಪರಮಾತ್ಮನ ಬಗ್ಗೆ ಚಿಂತನೆ ಮಾಡದೆ ಸ್ತ್ರೀ ವ್ಯಾಮೋಹಕ್ಕೆ ಒಳಗಾಗುತ್ತಾನೋ ಅವನು ಶ್ರೇಷ್ಠವಾದ ಈ ಮಾನವ ಜನ್ಮವನ್ನು ವ್ಯರ್ಥವಾಗಿಸುತ್ತಾನೆ ಎಂದು ಹೇಳಿದ್ದಾರೆ.

ಹೀಗೆ ಸ್ತ್ರೀ ವ್ಯಾಮೋಹದ ಬಲೆಯಲ್ಲಿ ಸಿಲುಕಿದ್ದ ರಾಂಬೋಲಾ ದುಬೆ ತನ್ನ ಹೆಂಡತಿ ರತ್ನಾವಳಿ ಮಾಡಿದ ಹಿತೋಪದೇಶದಿಂದ ದೈಹಿಕ ಕಾಮನೆಯ ವ್ಯಾಮೋಹದಿಂದ ವಿಮುಖನಾಗಿ ಆತ್ಮಸಾಕ್ಷಾತ್ಕಾರ ಹೊಂದಲು ಶ್ರೀರಾಮನ ಪರಮ ಭಕ್ತನಾಗಿ ಶ್ರೇಷ್ಠ ಮಹಾ ಕಾವ್ಯ” ದಿ ನಾರ್ಥ ಇಂಡಿಯನ್ ಬೈಬಲ್” ಎಂಬ ಖ್ಯಾತಿಗೆ ಪಾತ್ರವಾದ “ರಾಮಚರಿತ ಮಾನಸ” ಎಂಬ ಮಹಾ ಕಾವ್ಯವನ್ನು ಹಾಗೂ ಪ್ರತಿ ದಿನ ಲಕ್ಷಾಂತರ ಮಂದಿ ಪಠಿಸುವ “ಹನುಮಾನ್ ಚಾಲೀಸಾ” ದಂತಹ ಶ್ರೇಷ್ಠ ಸಾಹಿತ್ಯವನ್ನು ವಿಶ್ವಕ್ಕೆ ಕೊಡುಗೆಯಾಗಿ ನೀಡಿ ಕಲಿಯುಗದಲ್ಲಿ ಶ್ರೀರಾಮನ ಚರಿತೆಯನ್ನು ಸಾರಲು ವಾಲ್ಮೀಕಿಯೇ ಮತ್ತೆ ತುಳಸಿದಾಸನಾಗಿ ಅವತರಿಸಿದ್ದಾನೆ ಎಂದು ಖ್ಯಾತಿ ಪಡೆದದ್ದು ಒಂದು ಅದ್ಭುತ ಕಥೆ.

ಸ್ತ್ರೀ ವ್ಯಾಮೋಹಕ್ಕೆ ಬಲಿಯಾಗದವರೇ ಇಲ್ಲ, ಸ್ತ್ರೀ ಅಂಗಸುಖ ಬಯಸಿ ಸೌಂದರ್ಯಕ್ಕೆ ಮಾರುಹೋಗದವರು ಇಲ್ಲ, ಅಂತಹ ವಿಶ್ವಾಮಿತ್ರ ಮಹರ್ಷಿಯೇ ಒಂದು ಕ್ಷಣ ವಿಚಲಿತರಾಗುತ್ತಾರೆ, ಶಾಕುಂತಲೆಯ ಜನನಕ್ಕೆ ಕಾರಣರಾಗುತ್ತಾರೆ. ಹೀಗೆ ಸ್ತ್ರೀ ಮೋಹದಲ್ಲಿ ಬಿದ್ದವರಲ್ಲಿ ರಾಂಬೋಲಾ ದುಬೆ ಸಹ ಒಬ್ಬರು, ಅವರು ತನ್ನ ಹೆಂಡತಿಯನ್ನು ಎಷ್ಟು ಪ್ರೀತಿಸುತ್ತಿದ್ದರು ಎಂದರೆ, ಆತನ ಮಡದಿಯ ತವರುಮನೆ ಸರಸೂ ನದಿಯ ಆಚೆಯ ದಡದಲ್ಲಿ ಇದ್ದರೆ ತುಳಸೀದಾಸನ ಮನೆ ಸರಯೂ ನದಿಯ ಈಚೆ ದಡದಲ್ಲಿ ಇರುತ್ತದೆ. ಒಂದು ದಿನ ತುಳಸೀದಾಸರು ಹನುಮಾನ್ ಮಂದಿರಕ್ಕೆ ಹೋಗಿದ್ದಾಗ ಆತನ ಹೆಂಡತಿ ತನ್ನ ಸಹೋದರನೊಂದಿಗೆ ತನ್ನ ತಂದೆಯ ಮನೆಗೆ ಹೋಗಿರುತ್ತಾಳೆ ಮನೆಗೆ ಬಂದು ನೋಡಿದ ತುಳಸೀದಾಸರು ತನ್ನ ಪತ್ನಿ ತವರು ಮನೆಗೆ ಹೋಗಿರುವುದು ಅರಿತು ಆ ಕತ್ತಲೆಯ ರಾತ್ರಿಯಲ್ಲಿಯೇ ಹೇಗಾದರೂ ತಾನು ತನ್ನ ಪತ್ನಿಯನ್ನು ಕಾಣಬೇಕು, ಆಕೆಯನ್ನು ಕೂಡಬೇಕು ಎಂದು ನಿರ್ಧರಿಸಿ ತುಂಬಿ ಹರಿಯುತ್ತಿರುವ ಸರಯೂ ನದಿಯನ್ನು ಲೆಕ್ಕಿಸದೆ ಈಜಿ ದಡ ಸೇರಿ ತನ್ನ ಹೆಂಡತಿಯನ್ನು ಕಾಣುತ್ತಾನೆ. ಆಗ ಆತನಲ್ಲಿ ಮಡುಗಟ್ಟಿದ ದೈಹಿಕ ಕಾಮನೆ, ವ್ಯಾಮೋಹ ಎಂತಹ ಮೂರ್ಖ ಕೆಲಸ ಮಾಡಿಸಿಬಿಟ್ಟಿದೆ, ಭಯಂಕರವಾಗಿ ಹರಿಯುತ್ತಿರುವ ನದಿಯನ್ನು ದಾಟಿಸಿದೆಯಲ್ಲಾ ಎಂದು ಬೇಸರಗೊಂಡ ಆತನ ಪತ್ನಿ ರತ್ನಾವಳಿ ತನ್ನ ಗಂಡನನ್ನು ನಿಂಧಿಸುತ್ತಾಳೆ, ಕೇವಲ ರಕ್ತ ಮಾಂಸದಿಂದ ತುಂಬಿರುವ ಈ ದೇಹದ ಮೇಲೆ ನಿಮಗೆ ಏಕೆ ಇಷ್ಟೊಂದು ವ್ಯಾಮೋಹ, ಈ ವ್ಯಾಮೋಹವನ್ನು ಬಿಟ್ಟು ಇದೇ ಆಸಕ್ತಿಯನ್ನು ದೇವರ ಮೇಲೆ ಭಕ್ತಿಯಾಗಿ ತೋರಿದ್ದರೆ ಜನ್ಮ ಸಾರ್ಥಕವಾಗುತ್ತಿತ್ತು ಎನ್ನುತ್ತಾಳೆ. ಆಗ ಹೆಂಡತಿಯ ಮಾತಿನಿಂದ ರಾಂಬೋಲಾ ದುಬೆಗೆ ಜ್ಞಾನೋದಯವಾಗುತ್ತದೆ. ಆಗಲೇ ಸಂಸಾರವನ್ನು ತೊರೆದ ಪ್ರಯಾಗಕ್ಕೆ ಹೊರಟು ಸನ್ಯಾಸ ದೀಕ್ಷೆಯನ್ನು ಪಡೆದು ತುಳಸಿದಾಸರಾಗುತ್ತಾರೆ. ಮುಂದೆ ಅವರ ರಾಮ ಭಕ್ತಿಗೆ ಪಾರವೇ ಇಲ್ಲದಂತಾಗುತ್ತದೆ.

ಹೀಗೆ ಜ್ಞಾನೋದಯವಾದ ತುಳಸಿದಾಸರು ರಾಮಚರಿತ ಮಾನಸ ಮುಂತಾದ ಹಲವಾರು ಕೃತಿಗಳನ್ನು, ಸಂಸ್ಕೃತ ಮತ್ತು ಸ್ಥಳೀಯ ಭಾಷೆಗಳಲ್ಲಿ ದೋಹಾಗಳನ್ನು ರಚಿಸುತ್ತಾರೆ. ಸತ್ತ ವ್ಯಕ್ತಿಯನ್ನು ಬದುಕಿಸಿ ಪವಾಡವನ್ನು ಮಾಡುತ್ತಾರೆ. ಅಕ್ಬರ್ ರಾಜನವರೆಗೆ ಆತನ ಪವಾಡಗಳು ತಲುಪುತ್ತವೆ. ಅಕ್ಬರ್ ತನ್ನ ಎದುರು ಪವಾಡಗಳನ್ನು ಮಾಡು ಎಂದು ಕೇಳಿದಾಗ ತುಳಸಿದಾಸರು ನಿರಾಕರಿಸುತ್ತಾನೆ. ಆಗ ಕೋಪಗೊಂಡ ಅಕ್ಬರ್ ಆತನನ್ನು ಬಂಧಿಸಿ ಕಾರಾಗೃಹದಲ್ಲಿ ಇಡುತ್ತಾನೆ. ಆಗ ತುಳಸಿದಾಸರು ನಲವತ್ತು ದಿನಗಳ ಕಾಲ ಹನುಮಾನ್ ಚಾಲಿಸ ಪಠಣೆ ಮಾಡಿದಾಗ, ಅಕ್ಬರ್ ನ ಅರಮನೆ ಮತ್ತು ನಗರಕ್ಕೆ ಕೋತಿಗಳು ದಾಳಿ ಮಾಡಿ ವಿಧ್ವಂಸ ಸೃಷ್ಟಿ ಮಾಡಲು ಪ್ರಾರಂಭಿಸುತ್ತವೆ. ಆಗ ಅಕ್ಬರ್ ತುಳಸೀದಾಸರ ರಾಮ ಭಕ್ತಿಗೆ ಮಾರುಹೋಗಿ ಆತನನ್ನು ಬಿಡುಗಡೆ ಮಾಡುತ್ತಾರೆ. ಇಂತಹ ರಾಮನ ಪರಮ ಭಕ್ತನಾದ ತುಳಸೀದಾಸರ ಸಾಹಿತ್ಯದ ಶ್ರೇಷ್ಠತೆಯನ್ನು ಪರೀಕ್ಷಿಸಲು ಕಾಶಿಯ ಬ್ರಾಹ್ಮಣರು ಒಂದು ದಿನ ಕಾಶಿ ವಿಶ್ವನಾಥನ ದೇವಾಲಯದಲ್ಲಿ ಕೆಲವು ಸಂಸ್ಕೃತ ಗ್ರಂಥಗಳ ಕೆಳಭಾಗದಲ್ಲಿ ತುಳಸಿ ದಾಸರ ರಾಮಚರಿತ ಮಾನಸ ಹಸ್ತಪ್ರತಿಯನ್ನು ಇಟ್ಟು ದೇವಸ್ಥಾನದ ಗರ್ಭಗುಡಿಗೆ ಬೀಗ ಹಾಕುತ್ತಾರೆ. ಆದರೆ ಬೆಳಿಗ್ಗೆ ಎದ್ದು ನೋಡಿದಾಗ ರಾಮಚರಿತ ಮಾನಸ ಕೃತಿ ಎಲ್ಲಾ ಹಸ್ತಪ್ರತಿಗಳ ಮೇಲೆ ಇದ್ದು ಅದರ ಮೇಲೆ “ಸತ್ಯಂ ಶಿವಂ ಸುಂದರಂ” ಎಂದು ದೇವರಿಂದ ಬರೆಯಲಾಗಿರುತ್ತದೆ. ಇದನ್ನು ಸಹಿಸದ ಕೆಲವರು ಆ ಮಹಾ ಕಾವ್ಯವನ್ನು ಕದಿಯಲು ರಾತ್ರಿ ಸಮಯದಲ್ಲಿ ಕಳ್ಳರನ್ನು ಕಳಿಸುತ್ತಾರೆ, ಆದರೆ ಕಳ್ಳರು ಆಶ್ರಮದ ಬಳಿ ಹೋದಾಗ ರಾಮ ಲಕ್ಷ್ಮಣರು ಮಾರುವೇಷದಲ್ಲಿ ಆತನ ಆಶ್ರಮಕ್ಕೆ ಕಾವಲು ಕಾಯುತ್ತಿರುವುದು ಕಂಡು ಭಯಪಟ್ಟು ಓಡಿ ಹೋಗುತ್ತಾರೆ. ಹೀಗೆ ಒಬ್ಬ ಪವಾಡ ಪುರುಷನಾಗಿ ಒಬ್ಬ ಶ್ರೇಷ್ಠ ಕವಿಯಾಗಿ ಹಲವು ಕೃತಿಗಳನ್ನು, ಲಕ್ಷಾಂತರ ಮಂದಿ ಹಿಂದುಗಳು ಪಠಣ ಮಾಡುವ ಹನುಮಾನ್ ಚಾಲೀಸ್ ನಂತಹ ಭಕ್ತಿ ಸಾಹಿತ್ಯದಲ್ಲಿಯೇ ಶ್ರೇಷ್ಠ ದ್ವಿಪದಿ ಶ್ಲೋಕಗಳನ್ನು ರಚನೆ ಮಾಡಿ ಶ್ರೇಷ್ಠ ಋಷಿ, ಸಂತ ಶಿರೋಮಣಿ ಎಂಬ ಬಿರುದು ಪಡೆಯುತ್ತಾನೆ. ಇವೆಲ್ಲವೂ ಸಾಧ್ಯವಾಗಿದ್ದು ಆತ ದೈಹಿಕ ಕಾಮನೆ ಬಿಟ್ಟು ದೈವ ಭಕ್ತಿಯ ಮಾರ್ಗ ಅನುಸರಿಸಿದ್ದು ಮುಖ್ಯ ಕಾರಣವಾದರೆ. ಆ ರೀತಿ ಭಕ್ತಿ ಮಾರ್ಗದಲ್ಲಿ ನಡೆಯಲು ಪ್ರೇರಣೆ ನೀಡಿದ್ದು ಮಾತ್ರ ಆತನ ಮಡದಿ.

ಹಾಗೆಂದು ಎಲ್ಲರೂ ಹೆಂಡತಿ ಮಕ್ಕಳನ್ನು ಬಿಡಬೇಕು ಎಂದೂ ಇಲ್ಲ, ರಾಮದಾಸರಂತೆ ಸಂಸಾರಸ್ಥರಾಗಿಯೂ ರಾಮನ ಪ್ರೀತಿಗೆ ಪಾತ್ರರಾದವರು ಹಲವಾರು ಇದ್ದಾರೆ. ಆದರೆ ಅತಿಯಾದ ವ್ಯಾಮೋಹವನ್ನು ಬಿಡಬೇಕು ಅಷ್ಟೆ. ಆ ವ್ಯಾಮೋಹವನ್ನು ಬಿಡಿಸುವ ಶಕ್ತಿ ಮತ್ತು ವ್ಯಕ್ತಿ ಒಬ್ಬ ಹೆಣ್ಣಾಗಿದ್ದು ವಿಶೇಷ. ಯಾವ ರೀತಿ ತೆಲುಗಿನ ಸಾಹಿತಿ ವೇಮನನಿಗೆ ಆತನ ಅತ್ತಿಗೆ ಹೇಮರೆಡ್ಡಿ ಮಲ್ಲಮ್ಮ
ಜ್ಞಾನೋದಯ ಮಾಡಿ ವಿಶ್ವಕ್ಕೆ “ವೇಮನ ಶತಕ” ದಂತಹ ಶ್ರೇಷ್ಠ ಸಾಹಿತ್ಯವನ್ನು ಕೊಡುಗೆಯಾಗಿ ನೀಡಲು ಅವಕಾಶ ಮಾಡಿದಳೋ ಹಾಗೆ ಮರಿಯಾದ ಪುರುಷೋತ್ತಮ ಶ್ರೀರಾಮಚಂದ್ರನ ಕುರಿತು “ರಾಮಚಂದ್ರ ಮಾನಸ ದಂತಹ” ಮಹಾ ಕಾವ್ಯವನ್ನು, ಹನುಮಂತನನ್ನು ಸ್ತುತಿಸುವ “ಹನುಮಾನ್ ಚಾಲಿಸ” ದಂತಹ ಶ್ಲೋಕಗಳನ್ನು ಬರೆದು ವಿಶ್ವಕ್ಕೆ ಕೊಡುಗೆಯಾಗಿ ನೀಡಲು ಪ್ರೇರಣೆ ನೀಡಿದ ಆ ಘಟನೆ ಹಾಗೂ ಕೇವಲ ಒಬ್ಬ ವ್ಯಕ್ತಿ ತನಗಾಗಿ, ತನ್ನ ಕುಟುಂಬಕ್ಕಾಗಿ ಬದುಕದೆ ಸಮಾಜಕ್ಕಾಗಿ ಬದುಕಬೇಕು ಎಂದು ಒಬ್ಬ ಹೆಣ್ಣಾಗಿ ರತ್ನಾವಳಿ ತನ್ನ ಗಂಡನಿಗೆ ನೀಡಿದ ಹಿತೋಪದೇಶ ನಿಜಕ್ಕೂ ಆದರ್ಶ ಸ್ತ್ರೀ ತತ್ವವನ್ನು ಸಾರುತ್ತದೆ. ಪ್ರತಿಯೊಬ್ಬ ಪುರುಷನ ಸಾಧನೆಯ ಹಿಂದೆ ಒಬ್ಬ ಸ್ತ್ರೀ ಇರುತ್ತಾಳೆ ಎಂದು ಹೇಳುತ್ತಾರೆ ಆದರೆ ಸ್ತ್ರೀಯನ್ನು ಕೇವಲ ಭೋಗದ ವಸ್ತುವಾಗಿ ಕಾಣದೆ ಒಬ್ಬ ಗುರುವಾಗಿ, ಗೆಳೆಯನಾಗಿ, ಹಿತೈಷಿಯಾಗಿ ಕಂಡಾಗ ಮಾತ್ರ ಸಾಧನೆಯ ಶಿಖರ ಏರಲು ಸಾಧ್ಯ. ಹಾಗಾದಾಗ ಮಾತ್ರ ತುಳಸಿದಾಸರಂತೆ ಸಾಧಕರು ಸಮಾಜದಲ್ಲಿ ಕಾಣಲು ಸಾಧ್ಯ.

ಕೋಲಾರ : ಕೋಲಾರದಲ್ಲಿ ನೋಂದಾಯಿಸಿದ 15,000 ಆಟೋಗಳಿದ್ದು, ಪ್ರತಿಯೊಬ್ಬ ಆಟೋ ಚಾಲಕರು ತಾವೂ ಮತ ಹಾಕಿ ತಮ್ಮ ಪ್ರಯಾಣಿಕರಿಗೂ ಮತ ಹಾಕುವಂತೆ ಪ್ರೇರೆಪಿಸಬೇಕೆಂದು ಜಿಲ್ಲಾ ಪಂಚಾಯತಿ ಸಿಇಒ ಹಾಗೂ ಜಿಲ್ಲಾ ಸ್ವೀಪ್ ಸಮಿತಿಯ ಅಧ್ಯಕ್ಷರಾದ ಪದ್ಮಬಸವಂತಪ್ಪ ಅವರು ತಿಳಿಸಿದರು.

ಜಿಲ್ಲಾ ಸ್ವೀಪ್ ಸಮಿತಿಯಿಂದ ಕೆಎಸ್‌ಆರ್‌ಟಿಸಿ ಬಸ್ ನಿಲ್ದಾಣದಲ್ಲಿ “ಮಜ್ಜಿಗೆ ಕುಡಿಯಿರಿ ಮತದಾನ ಮಾಡಿರಿ” ಎಂಬ ವಿನೂತನ ಮತದಾನ ಜಾಗೃತಿ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದ್ದು, ಬಿಸಿಲು-ಮಜ್ಜಿಗೆ- ಮತದಾನ ಇವುಗಳನ್ನು ಕಡ್ಡಾಯವಾಗಿ ಅನುಭವಿಸಿ ಮತದಾನ ಮಾಡಿ ಎಂದರು. ಚುನಾವಣೆ ಸಂದರ್ಭದಲ್ಲಿ ಆಟೋ ಚಾಲಕರಿಗೆ ತುಂಬಾ ಬೇಡಿಕೆಯಿದ್ದು, ಇಂತಹ ಸಮಯದಲ್ಲಿ ಸಹ ಪ್ರಯಾಣಿಕರಿಗೆ ಕಡ್ಡಾಯ ಮತದಾನ ಮಾಡಲು ಪ್ರೋತ್ಸಾಹಿಸಬೇಕೆಂದರು.

ಕೋಲಾರ ಜಿಲ್ಲೆಯಲ್ಲಿ ಕೆಜಿಎಫ್ ಹಾಗೂ ಕೋಲಾರ ಪಟ್ಟಣದಲ್ಲಿ ಮತದಾನವು ತುಂಬಾ ಕಡಿಮೆಯಾಗುತ್ತಿದೆ. ಕಾರಣ ಜನರು ರಜೆಯ ಮೇಲೆ ಊರಿಗೆ ತೆರಳುವುದು, ಮತಗಟ್ಟೆ ತೆರಳಲು ಆಲಸಿಗಳಾಗಿದ್ದಾರೆ. ಹೀಗಾಗಿ ಅವರಿಗೆ ಊರಿಗೆ ತೆರಳದಂತೆ ಹಾಗೂ ಮತದಾನ ಮಾಡುವಂತೆ ಅಟೋ ಚಾಲಕರು ಸ್ಫೂರ್ತಿ ನೀಡಿ ನಮ್ಮೊಂದಿಗೆ ಕೈಜೋಡಿಸಬೇಕೆಂದರು.

ಕೆಎಸ್‌ಆರ್‌ಟಿಸಿ ಸಂಸ್ಥೆಯಿಂದ ಬಸ್‌ನಲ್ಲಿ ಪ್ರಯಾಣಿಸುವವರಿಗೆ ಮತದಾನ ಜಾಗೃತಿ ಮೂಡಿಸಲು ಇಲ್ಲಿಯವರೆಗೆ ಎರಡೂವರೆ ಲಕ್ಷ ಬಸ್ ಟಿಕೇಟ್‌ಗಳ ಮೇಲೆ ಮುದ್ರಣ ಮಾಡಿಸಿ ಮತದಾನದ ಬಗ್ಗೆ ಅರಿವು ಮೂಡಿಸಲಾಗುತ್ತಿದೆ.

ಚುನಾವಣಾ ಸಂದರ್ಭದಲ್ಲಿ ಪ್ರಿಜ್, ಟಿವಿ, ಸೀರೆ, ಹಣ, ಕುಕ್ಕರ್ ಹಾಗೂ ಬಾಡೂಟ, ಊಟ ಇನ್ನು ಮುಂತಾದ ಆಮಿಷಗಳನ್ನು ತೋರಿಸಿ ಮತದಾನ ಮಾಡುವ ಸಂದರ್ಭಗಳು ಕಂಡುಬಂದಲ್ಲಿ ಸಿವಿಜಿಲ್ ಆ್ಯಪ್ ಬಳಸಿ ಫೋಟೋ ತೆಗೆದು ಅಪಲೋಡ್ ಮಾಡಿದರೆ, ಈ ಬಗ್ಗೆ ಸಂಬಂಧಿಸಿದ ಅಧಿಕಾರಿಗಳು ಕ್ರಮಕೈಗೊಳ್ಳುತ್ತಾರೆ ಹಾಗೂ ತಮ್ಮ ಹೆಸರುಗಳನ್ನು ಗೌಪ್ಯವಾಗಿಡಲಾಗುವುದು.

ಕಾರ್ಯಕ್ರಮದಲ್ಲಿ ಯೋಜನಾ ನಿರ್ದೇಶಕರು ಹಾಗೂ ಜಿಲ್ಲಾ ಸ್ವೀಪ್ ಸಮಿತಿಯ ನೋಡಲ್ ಅಧಿಕಾರಿ ರವಿಚಂದ್ರ, ಕೆಎಸ್‌ಆರ್‌ಟಿಸಿ ಡಿವಿಜನಲ್ ಕಂಟ್ರೋಲರ್ ಬಸವರಾಜು, ಕೋಲಾರ ಹಾಗೂ ಕೆಜಿಎಫ್ ಆರ್‌ಟಿಓ ವೆಂಕಟೇಶ್ವರಲು, ನಯಾಜ್ ಪಾಷಾ, ಜಿ.ಪಂ. ಸಹಾಯಕ ನಿರ್ದೇಶಕ ಗೋವಿಂದಗೌಡ, ಆಟೋ ಅಸೋಸಿಯೇಶನ್‌ ಅಧ್ಯಕ್ಷ ಸುರೇಶ ಸೇರಿದಂತೆ ಆಟೋಚಾಲಕರು ಉಪಸ್ಥಿತರಿದ್ದರು.

ಈ ಸಂದರ್ಭದಲ್ಲಿ ಸ್ವೀಪ್ ಸಮಿತಿಯ ಅಧ್ಯಕ್ಷರಾದ ಪದ್ಮ ಬಸವಂತಪ್ಪ ಅವರು ಆಟೋಗಳಿಗೆ ಚುನಾವಣೆ ಸಂಬಂಧಿತ ಸ್ಟಿಕ‌ರ್ ಅಂಟಿಸಿದರು.

ಕುಂದಾಪುರ (ಎ. 16) : ಪ್ಯಾಟಿ ಮಕ್ಕಳ್ ಹಳ್ಳಿ ಟೂರ್ ಎನ್ನುವುದು ಒಂದು ವಿಶೇಷ, ವಿನೂತನ ಕಾರ್ಯಕ್ರಮ. ಮಕ್ಕಳಲ್ಲಿ ಆತ್ಮಸ್ಥೈರ್ಯವನ್ನು ಹೆಚ್ಚಿಸಲು ಬೇಸಿಗೆ ಶಿಬಿರವು ಒಂದು ಅದ್ಬುತ ವೇದಿಕೆ. ಮಕ್ಕಳು ಶಿಬಿರದಲ್ಲಿ ಕಲಿತಿರುವ ಉತ್ತಮ ಅಂಶಗಳನ್ನು ತಮ್ಮ ನಿತ್ಯ ಜೀವನದಲ್ಲಿ ಮೈಗೂಡಿಸಿಕೊಳ್ಳಬೇಕೆಂದು ಕೋಟೇಶ್ವರದ ಪ್ರಸಿದ್ಧ ಉದ್ಯಮಿ ಬೆಂಗಳೂರು ಅಯ್ಯಂಗಾರ್ ಬೇಕರಿ ಮಾಲೀಕರಾದ ಶ್ರೀ. ಬಿ. ಎಸ್. ವಿಶ್ವನಾಥ್ ರವರು ಹೇಳಿದರು.
ಅವರು ಎಚ್. ಎಮ್. ಎಮ್ ಮತ್ತು ವಿ. ಕೆ. ಆರ್ ಶಾಲೆಗಳು ಆಯೋಜಿಸಿದ ಪ್ಯಾಟಿ ಮಕ್ಕಳ್ ಹಳ್ಳಿ ಟೂರ್ 2024 ಏಪ್ರಿಲ್ 15 ರಂದು ಸಮರೋಪ ಸಮಾರಂಭದಲ್ಲಿ ಮಾತನಾಡಿದರು.
ಸಂಸ್ಥೆಯ ಪ್ರಾಂಶುಪಾಲರಾದ ಡಾ. ಚಿಂತನಾ ರಾಜೇಶ್ ರವರು ಮಕ್ಕಳನ್ನು ಮೊಬೈಲ್ ಗೀಳಿನಿಂದ ಹೊರ ತಂದು ವಿವಿಧ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವಂತೆ ಹಾಗೂ ಪ್ರಕೃತಿಯ ಜೊತೆ ನಿತ್ಯ ಸಂಪರ್ಕ ಹೊಂದುವಂತೆ ಮಾಡುವುದೇ ಈ ಶಿಬಿರದ ಮುಖ್ಯ ಉದ್ದೇಶ ಎಂದು ವಿಸ್ತಾರವಾಗಿ ಹೇಳಿದರು.
ಶಿಬಿರದ 11 ದಿನಗಳ ಕಾರ್ಯ ಚಟುವಟಿಕೆಗಳ ಕಿರು ಚಿತ್ರಣವನ್ನು ವೀಕ್ಷಿಸಲಾಯಿತು. ವಿದ್ಯಾರ್ಥಿಗಳು ಹಾಗೂ ಪೋಷಕರು ಶಿಬಿರದ ಕುರಿತು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು. ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು. ಶಿಕ್ಷಕರಾದ ಶ್ರೀನಿವಾಸ, ರವಿಚಂದ್ರರವರು ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು. ಎಲ್ಲ ವಿಭಾಗಗಳ ಮುಖ್ಯಸ್ಥರು, ಶಿಕ್ಷಕರು, ಶಿಕ್ಷಕೇತರರು ಹಾಗೂ ಪೋಷಕರು ಉಪಸ್ಥಿತರಿದ್ದರು.

ಬೆಂಗಳೂರು: ಸೇಂಟ್ ಜೋಸೆಫ್ ವಿಶ್ವವಿದ್ಯಾಲಯದ ಈಶಾನ್ಯ ಭಾರತ ಮತ್ತು ಟಿಬೆಟಿಯನ್ ವಿದ್ಯಾರ್ಥಿಗಳ ವೇದಿಕೆ (ಓಇಖಿSಈ) ಏಪ್ರಿಲ್ 13, 2024 ರಂದು ಭಾರತದ ಈಶಾನ್ಯ ಪ್ರದೇಶ ಮತ್ತು ಟಿಬೆಟ್ನ ಶ್ರೀಮಂತ ಮತ್ತು ವೈವಿಧ್ಯಮಯ ಸಂಸ್ಕೃತಿಗಳನ್ನು ಆಚರಿಸಲು ತನ್ನ ವಾರ್ಷಿಕ ಕಾರ್ಯಕ್ರಮವಾದ ಫೂಟ್ಪ್ರಿಂಟ್ಸ್ 2024 ಆಯೋಜಿಸಿತ್ತು.
ಕಾರ್ಯಕ್ರಮವು ಬ್ಯಾಂಡ್ ಬಾಯ್ಸ್ ಓವರ್ ಫ್ಲವರ್ಸ್ ಅವರ ಪ್ರದರ್ಶನದೊಂದಿಗೆ ಪ್ರಾರಂಭವಾಯಿತು, ನಂತರ ನಾಗಾಲ್ಯಾಂಡ್ನ ಮಿನೋಲಿ ಅವರ ಸೋಲೋ; ಕಿಕ್ಯೊ ಇರೋ ಬ್ಯಾಂಡ್ನ ಪ್ರದರ್ಶನ; ಸಿಕ್ಕಿಂ ಮತ್ತು ಡಾರ್ಜಿಲಿಂಗ್ನ ವಿದ್ಯಾರ್ಥಿಗಳ ಝ್ಯಾವ್ರೆ; ಟಿಬೆಟ್, ಲಡಾಖ್ ಮತ್ತು ಮಿಜೋರಾಂನ ವಿದ್ಯಾರ್ಥಿಗಳ ಸಾಂಪ್ರದಾಯಿಕ ಆಮ್ಡೋ, ತ್ಸಿ ತ್ಸಿ ಮತ್ತು ಚೆರಾವ್ ನೃತ್ಯಗಳನ್ನು ಪ್ರದರ್ಶಿಸಲಾಯಿತು.
ಮುಖ್ಯ ಅತಿಥಿ, ದಲೈಲಾಮಾ ಉನ್ನತ ಶಿಕ್ಷಣ ಸಂಸ್ಥೆಯ ಪ್ರಾಂಶುಪಾಲರಾದ ಡಾ.ತೆಂಜಿನ್ ಪಸಾಂಗ್ ಮತ್ತು ಗೌರವಾನ್ವಿತ ಉಪಕುಲಪತಿಗಳಾದ ರೆ.ಡಾ. ವಿಕ್ಟರ್ ಲೋಬೋ ಎಸ್.ಜೆ. ಅವರು ಟಿಬೆಟ್ ಮತ್ತು ಭಾರತದ ಈಶಾನ್ಯ ಭಾಗದ ಹಂಚಿಕೆಯ ಪೂರ್ವಜರು ಮತ್ತು ಸಂಸ್ಕೃತಿಗಳ ಬಗ್ಗೆ ಮಾತನಾಡಿದರು ಮತ್ತು ಈ ಪ್ರದೇಶದ ಸಂಸ್ಕೃತಿಯನ್ನು ಉತ್ತೇಜಿಸುವ ಮಹತ್ವವನ್ನು ಒತ್ತಿ ಹೇಳಿದರು.
ಮಣಿಪುರದ ಜನತೆಗಾಗಿ ಒಂದು ನಿಮಿಷ ಮೌನ ಆಚರಿಸಲಾಯಿತು, ನಂತರ ಟಿಬೆಟಿಯನ್ ಸನ್ಯಾಸಿಗಳು ಪ್ರಾರ್ಥನೆ ಸಲ್ಲಿಸಿದರು.

FOOTPRINTS 2024 Celebrates Rich Cultures of Northeast India and Tibet at St Joseph’s University

Bangluru: The North-East and Tibetan Students’ Forum (NETSF) of St Joseph’s University organised its annual event, FOOTPRINTS, to celebrate the rich and diverse cultures of India’s Northeastern region and Tibet on April 13th, 2024.

The program began with a performance by the Band Boys over Flowers, followed by a solo by Minoli from Nagaland and a performance by the band Kikyo Iro. Traditional dances like Jhyawre by students of Sikkim and Darjeeling, Amdo, Tsi Tsi, and Cheraw by students from Tibet, Ladakh, and Mizoram were showcased.

The Chief Guest, Dr Tenzin Pasang, Principal of Dalai Lama Institute of Higher Education, and the Honourable Vice-Chancellor, Rev Dr. Victor Lobo SJ, addressed the gathering. They spoke about the shared ancestry and intertwined cultures of Tibet and the North Eastern part of India, and emphasized the importance of promoting the culture of this region.

A minute of silence was observed for the people of Manipur, followed by prayers chanted by Tibetan Monks. The celebration continued with a whirlwind of cultural dances. From Manipur’s Kuki-Zomi to Meghalaya’s Khasi-Garo-Jaintia medley, the Northeast showcased its vibrant traditions. Sikkim, Nagaland, Assam, Tripura, Arunachal Pradesh, Ladakh, and Manipur all presented captivating performances. The grand finale was a dazzling fashion show, leaving the audience enthralled by the region’s unique attire.

The event witnessed a footfall of over 800 people and stalls set up across the university grounds offered a variety of food items. The program concluded with the Forum President’s Vote of Thanks.

ಕೋಲಾರ,ಏ.15: ನಗರದ ಬ್ರೂಸ್ಲಿ ಕರಾಟೆ ಶಾಲೆಯ ವಿದ್ಯಾರ್ಥಿ ಸಿಯಾನ್ ಜಾನ್ ಕರಾಟೆಯಲ್ಲಿ ಬ್ಲಾಕ್ ಬೆಲ್ಟ್ ಪಡೆದಿರುತ್ತಾಳೆ.
ನಗರದ ಸೆಂಟ್ ಆನ್ಸ್ ಶಾಲೆಯಲ್ಲಿ 3ನೇ ತರಗತಿಯಲ್ಲಿ ಅಭ್ಯಸಿಸುತ್ತಿರುವ ಸಿಯಾನ್ ಜಾನ್ ತಂದೆ ಆದರ್ಶ ರೇವಂತ್, ತಾಯಿ ಲೆನೆಟ್ ಅವರ ಸುಪುತ್ರಿಯಾಗಿದ್ದಾರೆ.
ಇವರು ಈಗಾಗಲೇ ತಾಲೂಕು, ಜಿಲ್ಲೆ, ರಾಜ್ಯಮಟ್ಟದಲ್ಲಿ ಪದಕಗಳನ್ನು ಗಳಿಸಿರುತ್ತಾರೆ. ನಗರದ ಪ್ರತಿಷ್ಟಿತ ಭ್ರೂಸ್ಲಿ ಕರಾಟೆ ಶಾಲೆಯ ಸಂಸ್ಥಾಪಕ ಹಾಗೂ ಚಲನಚಿತ್ರ ನಟ ತರಬೇತುದಾರರಾದ ಕರಾಟೆ ಶ್ರೀನಿವಾಸರ ಬಳಿ ತರಬೇತಿ ಪಡೆಯುತ್ತಿದ್ದಾರೆ.
ಮುಂದಿನ ತಿಂಗಳು ಮಲೇಷ್ಯಾದಲ್ಲಿ ನಡಯಲಿರುವ ಅಂತರರಾಷ್ಟ್ರೀಯ ಕರಾಟೆ ಸ್ಪರ್ಧೆಯಲ್ಲಿ ಭಾಗವಹಿಸಲಿದ್ದಾಳೆ.

ಶ್ರೀನಿವಾಸಪುರ : ಸಮಾಜವನ್ನು ತಿದ್ದಲು ಹಾಗೂ ಸಮಾಜಕ್ಕೆ ಬೇಕಾದ ಮೂಲಭೂತ ಸೌಲಭ್ಯಗಳನ್ನು ಕಲ್ಪಿಸಲು ಕೇವಲ ಸರ್ಕಾರವನ್ನೇ ಅವಲಂಭಿಸುವುದನ್ನು ಬಿಟ್ಟು ಸಮಾಜಕ್ಕೆ ಬೇಕಾದದುನ್ನ ಸಂಘ, ಸಂಸ್ಥೆಗಳು ಸರ್ಕಾರದೊಂದಿಗೆ ಕೈಜೋಡಿಸಬೇಕು ಎಂದು ಪುರಸಭೆ ಮುಖ್ಯಾಧಿಕಾರಿ ವೈ.ಎನ್.ಸತ್ಯನಾರಾಯಣ ಹೇಳಿದರು.
ಪುರಸಭೆ ಕಛೇರಿಯಲ್ಲಿ ಶನಿವಾರ ಶ್ರೀನಿವಾಸಪುರ ನೇತಾಜಿ ಚಾರಿಟಬಲ್ ಟ್ರಸ್ಟ್ ವತಿಯಿಂದ ಪಟ್ಟಣದ ಪುರಸಭೆ ಕಛೇರಿಯಲ್ಲಿ ಶುದ್ದ ಕುಡಿಯುವ ನೀರಿನ ಮಡಿಕೆ ಘಟಕವನ್ನು ಉದ್ಗಾಟಿಸಿ ಮಾತನಾಡಿದರು.
ಪಟ್ಟಣ ವ್ಯಾಪ್ತಿಯಲ್ಲಿನ ಸಾರ್ವಜನಿಕ ಆಸ್ಪತ್ರೆ ಆವರಣ, ಕೆಎಸ್‍ಆರ್‍ಟಿಸಿ ಬಸ್ ನಿಲ್ದಾಣ , ಹಾಗು ಅಧಿಕ ಸಾರ್ವಜನಿಕರು ಓಡಾಡುವ ಸ್ಥಳಗಳಲ್ಲಿ ನೇತಾಜಿ ಚಾರುಟಬಲ್ ಟ್ರಸ್ಟ್ ವತಿಯಿಂದ ಉಚಿತವಾಗಿ ನೀರಿನ ವ್ಯವಸ್ಥೆ ಮಾಡಿರುವುದು ಶ್ಲಾಘನೀಯ ಎಂದರು.
ನೇತಾಜಿ ಚಾರಿಟಬಲ್ ಟ್ರಸ್ಟ್‍ನ ಅಧ್ಯಕ್ಷ ಎಸ್.ಆರ್.ನಾಗೇಂದ್ರರಾವ್, ಉಪಾಧ್ಯಕ್ಷ ಎಂ.ಇಂದ್ರಪ್ರಕಾಶ್‍ರೆಡ್ಡಿ, ಕಾರ್ಯದರ್ಶಿ ಎಸ್.ಸುನಿಲ್, ಖಜಾಂಚಿ ವಿ.ಕೃಷ್ಣಾರೆಡ್ಡಿ, ಸದಸ್ಯರಾದ ಡಾ||ರಮಾನಂದ್, ಡಾ||ವೆಂಕಟೇಶ್, ವಿ.ಶುಭಾಶ್, ಎ.ಆನಂದ್‍ಬಾಬು, ಕುರುಕುರೆ ಮಂಜುನಾಥ್, ಎಂ.ಪ್ರಭಾಕರರೆಡ್ಡಿ, ಎಸ್.ಮಂಜುನಾಥ್, ಪುರಸಭೆ ವ್ಯವಸ್ಥಾಪಕ ನವೀನ್‍ಚಂದ್ರ, ಕಂದಾಯ ಅಧಿಕಾರಿ ವಿ.ನಾಗರಾಜ್, ಆರೋಗ್ಯ ಅಧಿಕಾರಿ ಕೆ.ಜೆ.ರಮೇಶ್, ಕಂದಾಯ ನೀರಿಕ್ಷಕ ಶಂಕರ್, ಸಿಬ್ಬಂದಿಗಳಾದ ಸಂತೋಷ್,ಸುರೇಶ್ ಇದ್ದರು.

ಕುಂದಾಪುರ,ಎ.16: ‘ನಮ್ಮ ರೋಜರಿ ಚರ್ಚಿನ ಮಕ್ಕಳು ವಿದ್ಯಾಭಾಸಕ್ಕಾಗಿ ಬೇರೆ ಬೇರೆ ಶಾಲೆಗಳಿಗೆ ಹೋಗುತ್ತಾರೆ, ಆದರೆ ಇಂದು ನೀವುಗಳೆಲ್ಲ ಒಟ್ಟಾಗಿದ್ದಿರಿ, ಹೀಗೆ ಸೇರುವುದು ಅಪರೂಪ, ನೀವುಗಳು ಇಂದು ಒಬ್ಬರನೊಬ್ಬರನ್ನು ಪರಿಚಯ ಮಾಡಿಕೊಳ್ಳಬೇಕು, ನಾವು ಕಾಡಿಗೆ ಹೋದರು ಯಾವುದೇ ನಾಡಿಗೆ ಹೋದರು ಕೊನೆಗೆ ನಾವು ಕುಂದಾಪುರದವರೇ ಆಗುತ್ತಾರೆ, ನಮ್ಮ ಭಾಗ್ಯವಂತೆ ರೋಜರಿ ಮಾತಾ ಚರ್ಚ್ ಉಡುಪಿ ಜಿಲ್ಲೆಯಲ್ಲೆ ಪುರಾತನವಾಗಿದ್ದು, ಇದು ನಮಗೆ ಸಿಕ್ಕಿದ ಭಾಗ್ಯ, ಅದರಲ್ಲೂ ನಮಗೆ ಪೆÇೀಷಕಿ ಸಿಕ್ಕಿದು ಯೇಸು ಕ್ರಿಸ್ತರ ಮಾತೆ ಭಾಗ್ಯವಂತೆ ರೋಜರಿ ಮಾತೆ, ನಾವೆಲ್ಲ ಒಂದು ಕುಟುಂಬದಂತೆ ಬಾಳಬೇಕು, ಈ ಶಿಬಿರದಲ್ಲಿ ನೀವು ಕಲಿಯುವುದು ಸಾಕಷ್ಟಿದೆ, ಅಸಕ್ತಿಯಿಂದ ಈ ಶಿಬಿರದಲ್ಲಿ ಭಾಗವಹಿಸಿ ಉತ್ತಮ ಲಾಭವನ್ನು ತಮ್ಮದಾಗಿಸಿಕೊಳ್ಳಬೇಕು’ ಎಂದು ರೋಜರಿ ಚರ್ಚಿನ ಪ್ರಧಾನ ಧರ್ಮಗುರುಗಳು ಅ|ವಂ|ಸ್ಟ್ಯಾನಿ ತಾವ್ರೊ ಹೇಳಿದರು. ಅವರು ಕುಂದಾಪುರ ಚರ್ಚಿನ ವ್ಯಾಪ್ತಿಯಲ್ಲಿ ಬರುವ. 5 ರಿಂದ ಹತ್ತನೆ ತರಗತಿಯ ವಿದ್ಯಾರ್ಥಿಗಳಿಗೆ ಎರ್ಪಡಿಸಲ್ಪಟ್ಟ ಬೇಸಿಗೆ ರಜಾ ಶಿಬಿರವನ್ನು ಉದ್ಘಾಟಿಸಿ ಸಂದೇಶ ನೀಡಿದರು.
ಶಿಬಿರದ ಮುಂದಾಳಾತ್ವವನ್ನು ವಹಿಸಿಕೊಂಡ ಚರ್ಚಿನ ಸಹಾಯಕ ಧರ್ಮಗುರು ವಂ|ಅಶ್ವಿನ್ ಆರಾನ್ನಾ ‘ಈ ಶಿಬಿರದಲ್ಲಿ ನಾವು ಪವಿತ್ರ ಸಭೆಯ ವಿಷಯದಲ್ಲಿ ತಿಳುವಳಿಕೆ, ಪವಿತ್ರ ಸಭೆಯನ್ನು ಪ್ರೀತಿಸುವುದು, ದೇವರ ವಾಕ್ಯಗಳ ಜ್ಞಾನ ಸಂಪಾದನೆ, ಕ್ರಿಸ್ತಿ ಮೌಲ್ಯಗಳ ಜೀವನದಲ್ಲಿ ಅಳವಡಿಸಿಕೊಳ್ಳುವ ಬಗ್ಗೆ ಕಲಿಯುವುದರ ಜೊತೆ ಜೀವನದಲ್ಲಿ ಸಹಕಾರಿಯಾಗುವ ಹಲವಾರು ವಿಷಯಗಳ ಬಗ್ಗೆ ಈ ಶಿಬಿರದಲ್ಲಿ ಕಲಿಯುವುದು ಇದೆ ಎಂದು ಶಿಬಿರಾರ್ತಿಗಳಿಗೆ ತಿಳಿಸಿದರು.
ಉದ್ಘಾಟನ ಕಾರ್ಯಕ್ರಮದಲ್ಲಿ, ಸಂತ ಜೋಸೆಫ್ ಕಾನ್ವೆಂಟಿನ ಮುಖ್ಯಸ್ಥೆ ವಂದನೀಯ ಸಿಸ್ಟರ್ ಸುಪ್ರಿಯಾ, ಪಾಲನ ಮಂಡಳಿ ಉಪಾಧ್ಯಕ್ಷೆ ಶಾಲೆಟ್ ರೆಬೆಲ್ಲೊ, ಆಯೋಗಗಳ ಸಂಚಾಲಕಿ ಪ್ರೇಮಾ ಡಿಕುನ್ಹಾ, ವೈ.ಸಿ.ಎಸ್. ಸಂಚಾಲಕಿ ಶೈಲಾ ಡಿಆಲ್ಮೇಡಾ, ನೀತಿ ಶಿಕ್ಷಣ ಶಿಕ್ಷಕಿ ಮೇಲಿಶಾ ಬಾರೆಟ್ಟೊ, ಉಪಸ್ಥಿತರಿದ್ದರು. ಚರ್ಚಿನ ಸ್ತ್ರಿ ಸಂಘಟನೆ ಶಿಬಿರಾರ್ಥಿಗಳಿಗೆ ಊಟ ತಿಂಡಿ ಸಿದ್ದಪಡಿಸುವ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದಕ್ಕೆ ವೀಶೆಷ ಅಭಿನಂದನೆ ಸಲ್ಲಿಸಲಾಯಿತು. ಇಂಚರ ಫೆರ್ನಾಂಡಿಸ್ ಮತ್ತು ಹೇವಿನ್ ಕೋತ್ ನಿರೂಪಿಸಿ ವಂದಿಸಿದರು.