Day: March 4, 2024

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್(ರಿ) ಇದರ ಮುಂದಾಳುತ್ವದಲ್ಲಿ 12 ವಲಯಗಳ ಸಹಯೋಗದೊಂದಿಗೆ 2024 ನೇ ವರ್ಷದ ಸ್ತ್ರೀಯರ ದಿನಾಚರಣೆ ದಿನಾಂಕ 3/3/2024 ರಂದು ಬೆಳಿಗ್ಗೆ 8.30 ಘಂಟೆಗೆ ಸರಿಯಾಗಿ ಮಂಗಳೂರು ಕೊಡಿಯಾಳ್‍ಬೈಲ್‍ನಲ್ಲಿರುವ ಬಿಷಪ್ಸ್ ಹೌಸ್ ಚಾಪೆಲ್‍ನಲ್ಲಿ ದಿವ್ಯ ಬಲಿಪೂಜೆಯೊಂದಿಗೆ ಆಚರಿಸಲಾಯಿತು.

ಕಾರ್ಯಕ್ರಮವನ್ನು ಸಂತ ಅಲೋಶಿಯಸ್ ಕಾಲೇಜ್, ಲೊಯೊಲಾ ಹೋಲ್ ಇಲ್ಲಿ ಆಚರಿಸಲಾಯಿತು. ಈ ಕಾರ್ಯಕ್ರಮದ ಅಧ್ಯಕ್ಶತೆಯನ್ನು ಕಥೊಲಿಕ್ ಸಭಾ ಕೇಂದ್ರೀಯ ಅಧ್ಯಕ್ಷರಾದ ಶ್ರೀ ಆಲ್ವಿನ್ ಡಿ ಸೋಜಾ ಪಾನೀರ್ ಇವರು ವೇದಿಕೆಯಲ್ಲಿ ಆಸೀನರಾದ ಇತರ ಗಣ್ಯ ವ್ಯಕ್ತಿಗಳೊಂದಿಗೆ ಸೇರಿ ದೀಪವನ್ನು ಬೆಳಗಿಸಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.

ಪ್ರಮುಖ ಅತಿಥಿಯಾಗಿ ವೆನ್‍ಲಾಕ್ ಹೋಸ್ಪಿಟಲ್ ಇಲ್ಲಿನ ಡಿಎಮ್‍ಓ ಆಗಿರುವ ಡಾ.ಜೆಸಿಂತಾ ಡಿ ಸೋಜಾ ಉಪಸ್ಥಿತರಿದ್ದರು.

ನಂತರ ವೊವಿಯೊ, ಕೋಮಿಡಿ ಸ್ಕಿಟ್ ಮತ್ತು ಕಸದಿಂದ ರಸ ಈ ಮೂರು ಸ್ಪರ್ಧೆಗಳನ್ನು ಸ್ತ್ರೀಯರಿಗಾಗಿ ಆಯೋಜಿಸಲಾಗಿತ್ತು. ಇದರಲ್ಲಿ ಬಹಳಷ್ಟು ಸ್ತ್ರೀಯರು ಭಾಗವಹಿಸಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿದರು.

ಹಾಜರಾದ ಎಲ್ಲ ಜನರಿಗೆ ಮಧ್ಯಾಹ್ನದ ಊಟದ ವ್ಯವಸ್ಥೆ ಮಾಡಲಾಗಿತ್ತು. ಮನೋರಂಜನೆಗಾಗಿ ಸಣ್ಣಪುಟ್ಟ ಆಟಗಳನ್ನು ಆಡಿಸಿದರು.

ಮಧ್ಯಾಹ್ನ 2 ಘಂಟೆಗೆ ಸರಿಯಾಗಿ ಸಭಾ ಕಾರ್ಯಕ್ರಮವನ್ನು ಆರಂಭಿಸಲಾಯಿತು. ಮುಖ್ಯ ಅತಿಥಿಗಳಾಗಿ ಆಮ್ಲಿನ್ ಡಿಸೋಜಾ, ಕಮರ್ಸಿಯಲ್ ಟ್ಯಾಕ್ಸ್ ಒಫೀಸರ್, ಎನ್ ಪೊರ್ಸ್ ಮೆಂಟ್, ಮಂಗಳೂರು ಇವರು ವೇದಿಕೆಯನ್ನು ಅಲಂಕರಿಸಿದ್ದರು.
ಡಾ|ಕೇರೊಲಿನ್ ಪಿ ಡಿ ಸೋಜಾ ಇವರು ಸ್ತ್ರೀಯರ ಮಾನಸಿಕ ಒತ್ತಡ ಮತ್ತು ಪರಿಹಾರ ಇದರ ಬಗ್ಗೆ ಮಾಹಿತಿಯನ್ನು ನೀಡಿದರು.

ಗೌರವ ಉಪಸ್ಥಿತಿಯಲ್ಲಿ ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್(ರಿ) ಇದರ ಕಾರ್ಯದರ್ಶಿ ಶ್ರೀಮತಿ ವಿಲ್ಮಾ ಮೊಂತೇರೊ, ಎಪಿಸ್ಕೋಪಾಲ್ ಸಿಟಿ ವಾರಾಡೊ ಇದರ ಅಧ್ಯಾತ್ಮಿಕ ನಿರ್ದೇಶಕರಾದ ವಂದನೀಯ ಫಾದರ್ ಜೋನ್ ವಾಸ್, ಅಧ್ಯಕ್ಷರಾದ ಶ್ರೀ ಸ್ಟೀವನ್ ರೊಡ್ರಿಗಸ್, ಕಥೊಲಿಕ್ ಸಭಾ ಇದರ ಮಾಜಿ ಹಾಗೂ ಏಕಮಾತ್ರ ಸ್ತ್ರೀ ಅಧ್ಯಕ್ಷೆಯಾದ ಶ್ರೀಮತಿ ಫ್ಲೇವಿ ಡಿ ಸೋಜಾ, ಸ್ತ್ರೀ ಸಶಕ್ತೀಕರಣ ಇದರ ಸಂಚಾಲಕಿ ಕುಮಾರಿ ಮೆಲ್ರೀಡಾ ರೊಡ್ರಿಗಸ್, ಸಹ ಸಂಚಾಲಕಿ ಶ್ರೀಮತಿ ಲವೀನಾ ಗ್ರೆಟ್ಟಾ ಡಿಸೋಜಾ, ಶ್ರೀಮತಿ ಮೋಲಿ ಶಾಂತಿ ಸಲ್ಡಾನ್ಹಾ, ಶ್ರೀಮತಿ ಲಿಜ್ಜಿ ಪಿಂಟೊ ಮತ್ತು 12 ವಲಯಗಳ ಸ್ತ್ರೀ ಹಿತಾ ಸಂಚಾಲಕಿಗಳು ಹಾಜರಿದ್ದರು.
ಅತಿಥಿಗಳು ತಮ್ಮ ಸಂದೇಶವನ್ನು ನೀಡಿದರು.
6 ವಿವಿಧ ಕ್ಷ್ರೇತ್ರ್ರದಲ್ಲಿ ವಿಶೇಷ ಸಾಧನೆಗೈದ 6 ಸ್ತ್ರೀಯರನ್ನು ಸನ್ಮಾನಿಸಲಾಯಿತು. ಕಥೊಲಿಕ್ ಸಭಾ ಘಟಕದ ಎಲ್ಲಾ ಸ್ತ್ರೀ ಅಧ್ಯಕ್ಷರನ್ನು ಅವರ ಸೇವೆಗಾಗಿ ಸನ್ಮಾನಿಸಲಾಯಿತು. ಕಥೊಲಿಕ್ ಸಭಾ ಸಂಘಕ್ಕೆ ಅತ್ಯಧಿಕ ಹೊಸ ಸದಸ್ಯರನ್ನು ಸೇರಿಸಿದವರನ್ನು ಸನ್ಮಾನಿಸಲಾಯಿತು. ಮೂರೂ ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಬಹುಮಾನವನ್ನು ವಿತರಿಸಲಾಯಿತು. ಕಾರ್ಯದರ್ಶಿಯಾದ ವಿಲ್ಮಾ ಮೊಂತೇರೊವಂದಿಸಿದರು.

  ಬೆಳ್ಮಣ್ಣು ಪ್ರಾಥಮಿಕ ಆರೋಗ್ಯ ಕೇಂದ್ರ, ಹೊಸಮಾರು ಅಂಗನವಾಡಿ ಕೇಂದ್ರ, ನಂದಳಿಕೆ-ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರಿ ಫ್ರೆಂಡ್ಸ್ ಕ್ಲಬ್ ಸಹಯೋಗದಲ್ಲಿ ಬೆಳ್ಮಣ್ಣು ಹೊಸಮಾರು ಅಂಗನವಾಡಿ ಕೇಂದ್ರದಲ್ಲಿ 5 ವರ್ಷದ ಒಳಗಿನ ಮಕ್ಕಳಿಗೆ 2024ನೇ ಸಾಲಿನ ಪಲ್ಸ್ ಪೋಲಿಯೋ ಲಸಿಕೆ ಹಾಕುವ ಕಾರ್ಯಕ್ರಮ ಜರಗಿತು.

ಈ ಸಂದರ್ಭದಲ್ಲಿ ನಂದಳಿಕೆ-ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರಿ ಫ್ರೆಂಡ್ಸ್ ಕ್ಲಬ್‍ನ ಅಧ್ಯಕ್ಷರಾದ ಬೀರೊಟ್ಟು ದಿನೇಶ್ ಪೂಜಾರಿ, ಸಂಚಾಲಕರಾದ ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿ, ಪೂರ್ವಾಧ್ಯಕ್ಷರಾದ ಸುರೇಶ್ ಪೂಜಾರಿ ಕಾಸ್ರಬೈಲು, ಕಾರ್ಯದರ್ಶಿ ವೀಣಾ ಪೂಜಾರಿ, ಸದಸ್ಯರಾದ ಸುನೀತಾ ಪಿಂಟೋ, ವೀಣಾ ಆಚಾರ್ಯ, ಬೆಳ್ಮಣ್ಣು ಪ್ರಾಥಮಿಕ ಆರೋಗ್ಯ ಕೇಂದ್ರದ ಆಶಾ ಕಾರ್ಯಕರ್ತೆ ಹಾಗೂ ಹೊಸಮಾರು, ಪೆರಲ್‍ಪಾದೆ, ಇಟ್ಟಮೇರಿ ಅಂಗನವಾಡಿ ಕೇಂದ್ರದ ಶಿಕ್ಷಕಿಯರು ಮೊದಲಾದವರು ಉಪಸ್ಥಿತಿತರಿದ್ದರು.

ಶ್ರೀನಿವಾಸಪುರ : ನೀರು ಅಮೂಲ್ಯವಾದ ಸಂಪತ್ತು ಇದನ್ನ ಸುರಕ್ಷಿತವಾಗಿ, ಮಿತವಾಗಿ ಬಳಸುವಂತೆ ತಿಳಿಸಿ, ಜಲ ಮೂಲಗಳನ್ನು ಸಂರಕ್ಷಿಸಿ ಇದರಿಂದ ಅಂತರ್ಜಲವನ್ನು ಹೆಚ್ಚಿಸಿ ಮುಂದಿನ ಪೀಳಗೆಗೆ ಉಳಿಸುವ ಪ್ರಯತ್ನ ಮಾಡುವುದು ನಮ್ಮೆಲರ ಕರ್ತವ್ಯ ಎಂದು ಶಾಸಕ ಜಿ.ಕೆ.ವೆಂಕಟಶಿವಾರೆಡ್ಡಿ ಹೇಳಿದರು.

ಶ್ರೀನಿವಾಸಪುರ ವಿದಾನ ಸಭಾ ಕ್ಷೇತ್ರದ ಜನಘಟ್ಟ ಗ್ರಾಮದಲ್ಲಿ ೧.೨೨ ಕೋಟಿಯಲ್ಲಿ ಗ್ರಾಮದ ೩೨೨ ಮನೆಗಳಿಗೆ ಮನೆ ಮನೆಗೂ ಗಂಗೆ ಕಾಮಗಾರಿಗೆ ಚಾಲನೆ ನೀಡಿ ಮಾತನಾಡಿದರು. 

ಸರ್ಕಾರವು ಎಷ್ಟೇ ಉಪಯುಕ್ತ ಯೋಜನೆಗಳು ತಂದರೂ ಸಹ ನಾಗರೀಕರು ಆ ಯೋಜನೆಗಳನ್ನು ಸದ್ಬಳಕೆ ಮಾಡಿಕೊಳ್ಳುವದರ ಮೇಲೆ ಆ ಯೋಜನೆ ಪ್ರಬಾವ ಬೀರುತ್ತದೆ ಆದ್ದರಿಂದ ನಾಗರೀಕರು ಸರ್ಕಾರದ ಯೋಜನೆಗಳನ್ನು ಸದ್ಬಳಕೆ ಮಾಡಿಕೊಳ್ಳುವಂತೆ ತಿಳಿಸಿದರು. 

ಓವರ್ ಹೆಡ್ ಟ್ಯಾಂಕ್‌ನ್ನು ನೂತನ ನಿರ್ಮಾಣ ಹಾಗು ಕೊಳವೆ ಬಾವಿ ಕೊರೆಯಲು ಹಣವನ್ನು ಬಳಿಸಿಕೊಳ್ಳವಂತೆ ಸೂಚನೆ ನೀಡಿದರು.  

ಗ್ರಾ.ಪಂ.ಅಧ್ಯಕ್ಷೆ ಹೇಮಾವತಿ, ಪಿಡಿಒ ರವೀಂದ್ರ, ಗ್ರಾ.ಪಂ ಸದಸ್ಯ ಆಂಜನೇಯರೆಡ್ಡಿ , ಮುಖಂಡ ನಾರಾಯಣಸ್ವಾಮಿ, ಗುತ್ತಿಗೆದಾರ ಮೋಹನ್, ಇಂಜಿನೀಯರ್ ದೆವೇಗೌಡ ಇದ್ದರು.

ಕುಂದಾಪುರ ವಿಧಾನಸಭಾ ಕ್ಷೇತ್ರದ ಕೋಟ ಬ್ಲಾಕ್ ಕಾಂಗ್ರೆಸ್ ವ್ಯಾಪ್ತಿಯ ಕೋಡಿ ಗ್ರಾಮೀಣ ಕಾಂಗ್ರೆಸ್ ಅಧ್ಯಕ್ಷರಾದ ಶಂಕರ್ ಬಂಗೇರ ಹಾಗೂ ಊರಿನ ಕಾಂಗ್ರೆಸ್ ಕಾರ್ಯಕರ್ತರು ಸಾಮೂಹಿಕ ರಾಜೀನಾಮೆ ನಿರ್ಧಾರ.

ಕೋಟ ಕಾಂಗ್ರೆಸ್ ನ ಅಧ್ಯಕ್ಷರಾದ ಶಂಕರ್ ಎ ಕುಂದರ್ ರವರು ಕಳೆದ 40 ವರ್ಷಗಳಿಂದ ಕಾಂಗ್ರೆಸ್ ಪಕ್ಷದಲ್ಲಿ ಸಕ್ರಿಯವಾಗಿ ಪಕ್ಷದಲ್ಲಿ ತೊಡಗಿಸಿಕೊಂಡು 2018 ಮತ್ತು 2023 ವಿಧಾನಸಭಾ ಚುನಾವಣೆಯಲ್ಲಿ ಕುಂದಾಪುರ ಮತ್ತು ಉಡುಪಿ ವಿಧಾನಸಭಾ ಕ್ಷೇತ್ರದಲ್ಲಿ ಟಿಕೆಟ್ ಆಕಾಂಕ್ಷಿಯಾಗಿದ್ದು ಎರಡು ಬಾರಿ ಟಿಕೆಟ್ ವಂಚಿತರಾಗಿರುತ್ತಾರೆ. ಹಾಗೆ ಕಳೆದ 2013ರಲ್ಲಿ ಸಿದ್ದರಾಮಯ್ಯ ಸರ್ಕಾರದಲ್ಲಿ ನಿಗಮ ಮಂಡಳಿ ಸ್ಥಾನಕ್ಕೆ ಇವರು ಆಕಾಂಕ್ಷಿಯಾಗಿದ್ದು ಕೊನೆಗಳಿಗೆನಲ್ಲಿ ನಿಗಮ ಮಂಡಳಿ ಅಧ್ಯಕ್ಷ ಸ್ಥಾನ ಕೈ ತಪ್ಪಿರುತ್ತದೆ. ಅಂದು ಪಕ್ಷದ ನಾಯಕರ ಮೇಲೆ ಬೇಸರಗೊಂಡಿದ್ದ ಶಂಕರ್ ಎ ಕುಂದರವರನ್ನು ಸಮಾಧಾನ ಪಡಿಸುವಲ್ಲಿ ಅವರ ನಾಯಕರಾದ ಓಸ್ಕರ ಫೆರ್ನಾಂಡಿಸ್ ರವರು ಯಶಸ್ವಿಯಾಗಿದ್ದರು, ಹಾಗೆ ಮುಂದಿನ ದಿನಗಳಲ್ಲಿ ನಿಮಗೆ ಸರ್ಕಾರದಲ್ಲಿ ಉನ್ನತ ಸ್ಥಾನಮಾನ ನೀಡುವುದಾಗಿ ಭರವಸೆ ಇಟ್ಟಿದ್ದರು. ಈ ಬಾರಿ ಕೂಡ ನಿಗಮ ಮಂಡಳಿಯಲ್ಲಿ ಆಕಾಂಕ್ಷಿಯಾಗಿದ್ದ ಶಂಕರ್ ಎ ಕುಂದರವರರಿಗೆ ನೀಡದಿದ್ದನ್ನು ಖಂಡಿಸಿ ಅವರ ಅಭಿಮಾನಿಗಳು ಹಾಗೂ ಕೋಟ ಬ್ಲಾಕ್ ಕಾಂಗ್ರೆಸ್ ವ್ಯಾಪ್ತಿಯಲ್ಲಿ ಬರುವ ಕೋಡಿ ಗ್ರಾಮೀಣ ಸಮಿತಿ ಅಧ್ಯಕ್ಷರಾದ ಶಂಕರ್ ಬಂಗೇರ, ರಾಜ್ಯ ಮೀನುಗಾರ ಕ್ರಿಯಾ ಸಮಿತಿಯ ಕಾರ್ಯದರ್ಶಿಗಳಾದ ರಮೇಶ್ ತಿಂಗಳಾಯ, ಕೋಡಿ ಗ್ರಾಮೀಣ ಸಮಿತಿ ಮಾಜಿ ಅಧ್ಯಕ್ಷರಾದ ಮಹೇಶ್ ಪೂಜಾರಿ, ಕೋಡಿ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷರಾದ ಅಂತೋನಿ ಡಿಸೋಜ ಸಾಮೂಹಿಕ ರಾಜೀನಾಮೆಗೆ ನಿರ್ಧಾರ ಕೈಗೊಂಡರು.
ಈ ಸಂದರ್ಭದಲ್ಲಿ ಭಾಸ್ಕರ್ ಕಾಂಚನ್, ವಿಶ್ವನಾಥ್ ಪೂಜಾರಿ, ಶಂಕರ್ ಪೂಜಾರಿ ಕನ್ಯಾನ, ಸತೀಶ್ ತಿಂಗಳಾಯ ಕನ್ಯಾನ, ಕೃಷ್ಣಪ್ಪ ಬಂಗೇರ ಹೊಸಬೆಂಗ್ರೆ, ದಯಾನಂದ ಕರ್ಕೇರ ಕೋಡಿ ಕನ್ಯಾನ, ಕರುಣಾಕರ್ ಖಾರ್ವಿ ಹೊಸ ಬೆಂಗ್ರೆ, ರವೀಂದ್ರ ಕೋಡಿ, ಮಾಜಿ ಕೋಡಿ ಪಂಚಾಯತ್ ಸದಸ್ಯರಾದ ನಾಗೇಶ್ ಖಾರ್ವಿ, ಝಕ್ರಿಯ, ಅನಂತ ಪೂಜಾರಿ ಕೋಡಿ, ಬಡಿಯ ಪೂಜಾರಿ ಕೋಡಿ, ಮಹೇಶ್ ಕುಮಾರ್ ಕೋಡಿ ಬೆಂಗ್ರೆ, ಸಂತೋಷ್ ಬಂಗೇರ ಕೋಡಿ, ಬಚ್ಚ ಪೂಜಾರಿ ಕನ್ಯಾನ, ಹರೀಶ್ ಮೆಂಡನ್ ಕನ್ಯಾನ, ಹರೀಶ್ ಕುಂದರ್ ಕೊಡಿ ಬೆಂಗ್ರೆ, ಮೋಹನ್ ಸುವರ್ಣ ಕೋಡಿ ಬೆಂಗ್ರೆ, ಸತೀಶ್ ತಿಂಗಳಾಯ ಕೋಡಿ, ಕೇಶವ ಬಂಗೇರ ಹೊಸಬೆಂಗ್ರೆ, ತಿಮ್ಮಪ್ಪ ಪೂಜಾರಿ ಕೋಡಿ, ತಿಲಕ್ ಕೋಡಿ ಬೆಂಗ್ರೆ, ರಮೇಶ್ ಕೋಟ್ಯನ್ ಹಾಗೂ ಕೋಡಿ ಬೆಂಗ್ರೆಯ ಗ್ರಾಮೀಣ ಸಮಿತಿಯ ಎಲ್ಲ ಸದಸ್ಯರು ಸಭೆ ಸೇರಿ ಕಾಂಗ್ರೆಸ್ ಪಕ್ಷ ಸಾಮೂಹಿಕ ರಾಜೀನಾಮೆ ನೀಡುವ ನಿರ್ಧಾರವನ್ನು ಕೈಗೊಂಡರು, ಕೋಟ ಬ್ಲಾಕ್ ಕಾಂಗ್ರೆಸ್ ನ ಹಿಂದುಳಿದ ಘಟಕದ ಅಧ್ಯಕ್ಷರಾದ ದಿನೇಶ್ ಬಂಗೇರ ಗುಂಡ್ಮಿ, ಗಣೇಶ್ ಕೆ ನೆಲ್ಲಿಬೆಟ್ಟು ಉಪಸ್ಥಿತರಿದ್ದರು.

ಉಡುಪಿ‌ ಜಿಲ್ಲಾ ಕೊಠಾರಿ ಸೇವಾ ಸಂಘ (ರಿ) ಕರ್ಕಿ ಕನ್ಯಾನ, ಅಭಯಹಸ್ತ ‌ಚಾರಿಟೇಬಲ್‌ ಟ್ರಸ್ಟ್ ತಿ. ಉಡುಪಿ, ರೆಡ್ ಕ್ರಾಸ್ ಸೊಸೈಟಿ ರಿ. ಕುಂದಾಪುರ ಇವರ ಸಹಕಾರದಲ್ಲಿ ದಿನಾಂಕ 03/03/2024 ಆದಿತ್ಯವಾರ ಕೊಠಾರಿ ಸಮುದಾಯ ಭವನ ಕರ್ಕಿ ಕನ್ಯಾನದಲ್ಲಿ‌ನಡೆದ ರಕ್ತದಾನ ಶಿಬಿರವನ್ನು ಬೈಂದೂರು‌‌ ವಿಧಾನಸಭಾ ಸದಸ್ಯರಾದ ‌ಶ್ರೀ ಗುರುರಾಜ್ ಗಂಟಿಹೊಳೆ ಉದ್ಘಾಟಿಸಿದರು.
ಸೀತಾರಾಮ್ ಕೊಠಾರಿ ಸಭೆಯ ಅಧ್ಯಕ್ಷತೆ ವಹಿಸಿದರು.
ಈ ಸಂದರ್ಭದಲ್ಲಿ ಜಯಕರ್ ಶೆಟ್ಟಿ, ರಕ್ತದ ಆಪತ್ಬಾಂದವ ಸತೀಶ್ ಸಾಲ್ಯಾನ್ ಮಣಿಪಾಲ್,ರಕ್ತದಾನ ಶಿಬಿರದ ಆಯೋಜನ ಪ್ರಮುಖ ಪ್ರಶಾಂತ್ ತಲ್ಲೂರು, ಶರತ್ ಕಾಂಚನ್ ಆನಗಳ್ಳಿ, ಪತ್ರಕರ್ತ ಈಶ್ವರ ನಾವುಂದ, ಅರವಿಂದ ಉಪ್ಪಿನಕುದ್ರು, ಮಹೇಂದ್ರ ಉಪ್ಪಿನಕುದ್ರು, ದಿನೇಶ್ ಕಾಂಚನ್ ಬಾರಿಕೆರೆ ಉಪಸ್ಥಿತರಿದ್ದರು.
ಈ ಯಶಸ್ವಿ ರಕ್ತದಾನ ಶಿಬಿರದಲ್ಲಿ 102 ಯೂನಿಟ್ ರಕ್ತವನ್ನು ‌ಸಂಗ್ರಹಿಸಲಾಯಿತು.

ಕುಂದಾಪುರ ಮಾ.4: ಕುಂದಾಪುರ ಹೋಲಿ ರೋಜರಿ ಇಗರ್ಜಿಯ ಸಭಾಭವನದಲ್ಲಿ ಕ್ರೈಸ್ತ ಶಿಕ್ಷಣ ದಿನಾಚರಣೆ ಮಾ 3 ರಂದು ನಡೆಯಿತು. ಸಂಪನ್ಮೂಲ ವ್ಯಕ್ತಿಯಾಗಿ ರೋಜರಿ ಚರ್ಚಿನ ಸಹಾಯಕ ಧರ್ಮಗುರು ವಂ
ಅಶ್ವಿನ್ ಆರಾನ್ನ “ನೀತಿ ಶಿಕ್ಷಣವು ಮೊದಲು ಮನೆಯಿಂದ, ಮಗುವಿನ ತಂದೆ ತಾಯಿಂದ ಆರಂಭವಾಗುವುದು, ಮಕ್ಕಳಿಗೆ ಭಯಭಕ್ತಿ, ವಿಶ್ವಾಸ, ಪ್ರಾರ್ಥನೇಯ ಅಭ್ಯಾಸವನ್ನು ಮನೆಯಲ್ಲೇ ಕಲಿಸಬೇಕು. ನಾವು ನೀಡುವ ಭೋಧನೆಗಳು ಗಾಳಿಗೆ ತೂರಿದರೆ ಏನು ಪ್ರಯೋಜನವಿಲ್ಲಾ, ನಮ್ಮ ಭೋಧನೆಗಳು ಕೆಲವರಿಗೆ ಹ್ರದಯಕ್ಕೆ ನಾಟುವುದಿಲ್ಲಾ, ಅದಕ್ಕೆ ನಮ್ಮ ನೀತಿ ಶಿಕ್ಷಣವು ಹ್ರದಯಕ್ಕೆ ನಾಟಿದರೆ ಮಾತ್ರ ಅದು ಶಾಸ್ವತವಾಗಿ ಉಳಿಯುತ್ತದೆ. ನೀತಿ ಶಿಕ್ಷಣವನ್ನು ಆರಗಿಸಿಕೊಂಡು ಬಾಳಿದರೆ, ದೇವರ ಸಾಮ್ರಾಜ್ಯಕ್ಕೆ ನಾವು ಹತ್ತಿರ ಆಗುತ್ತೇವೆ” ಎಂದು ತಿಳಿಸಿದರು
ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ರೋಜರಿ ಮಾತಾ ಇಗರ್ಜಿಯ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ಮಾತನಾಡಿ ನಮ್ಮಲ್ಲಿ ಉತ್ತಮ ನೀತಿ ಶಿಕ್ಷಣ ಸಿಗುತ್ತದೆ, ಯಾಕೆಂದೆರೆ ನಮ್ಮಲ್ಲಿ ನೀತಿ ಶಿಕ್ಷಣ ನೀಡುವ ಶಿಕ್ಷಕರು, ಸಿಸ್ಟರ್‍ಗಳು ಉತ್ತಮ ನೀತಿ ಶಿಕ್ಷಣ ನೀಡುತ್ತಾರೆ, ನಮ್ಮ ಚರ್ಚಿನಲ್ಲಿ ಹೆಚ್ಚಿನ ಮಕ್ಕಳು ನೀತಿ ಶಿಕ್ಷಣಕ್ಕೆ ಹಾಜರಾಗುವುದು ತಂಬ ಸಂತೋಷದ ಸಂಗತಿ. ಇದಕ್ಕೆ ತಂದೆ ತಾಯಿಗಳು ಅಭಿನಂದನಾರ್ಹರು ಎಂದು ಶುಭ ಕೋರಿದರು. ಸಭಾ ಕಾರ್ಯ ಕ್ರಮದ ಮೊದಲು ಅವರು ಚರ್ಚಿನಲ್ಲಿ ಪವಿತ್ರ ಬಲಿದಾನವನ್ನು ಅರ್ಪಿಸಿ ಸಂದೇಶ ನೀಡಿದರು.
ಸಭಾ ಕಾರ್ಯಕ್ರಮದ ವೇದಿಕೆಯಲ್ಲಿ ಸಂತ ಜೋಸೆಫ್ ಕಾನ್ವೆಂಟಿನ ಮುಖ್ಯಸ್ಥೆ ಸಿಸ್ಟರ್ ಪಾಲನಾ ಮಂಡಳಿ ಉಪಾಧ್ಯಕ್ಷೆ ಶಾಲೆಟ್ ರೆಬೆಲ್ಲೊ, ಕಾರ್ಯದರ್ಶಿ ಆಶಾ ಕರ್ವಾಲ್ಲೊ, ಆಯೋಗಗಳ ಸಂಯೋಜಕಿ ಪ್ರೇಮಾ ಡಿಕುನ್ಹಾ ಇದ್ದು ನೀತಿ ಶಿಕ್ಷಣದಲ್ಲಿ ಸಾಧನೆ ಮಾಡಿದವರಿಗೆ ಮತ್ತು ಚರ್ಚಿನ ಪತ್ರಿಕೆಯಾದ “ರೋಜಾರಿಯುಮ್” ಏರ್ಪಡಿಸಿದ ಚಿತ್ರಕಲಾ ಸ್ಪರ್ಧೆಯ ವೀಜೆತರಿಗೆ ಬಹುಮಾನವನ್ನು ವಿತರಣೆ ಮಾಡಿದರು. ಬಹುಮಾನ ವಿತರಣಾ ಕಾರ್ಯಕ್ರಮವನ್ನು ವಿನಯಾ ಡಿಕೋಸ್ತಾ ಮತ್ತು ಸಿಲ್ವಿಯಾ ಡಿಸೋಜಾ ನಡೆಸಿಕೊಟ್ಟರು. ನೀತಿ ಶಿಕ್ಷಣದ ಬಗ್ಗೆ ವಿದ್ಯಾರ್ಥಿಗಳ ಪರವಾಗಿ ವಿಯೋನ್ನಾ ಡಿಸೋಜಾ ಮತ್ತು ಶಿಕ್ಷರ ಪರವಾಗಿ ಮಾರ್ಕೊಸ್ ಡಿಆಲ್ಮೇಡಾ ತಮ್ಮ ಅನಿಸಿಕೆಯನ್ನು ವ್ಯಕ್ತ ಪಡಿಸಿದರು.
ಮಕ್ಕಳಿಂದ ನ್ರತ್ಯ, ಪ್ರಹಸನ, ಸಂತರ ವೇಷಭೂಶಣಗಳ ಪ್ರದರ್ಶನ ಕಾರ್ಯಕ್ರಮಗಳು ನಡೆದವು. ನೀತಿ ಶಿಕ್ಷಣ ಶಿಕ್ಷರ ಸಂಚಾಲಕಿ ವೀಣಾ ಡಿಸೋಜಾ ವರದಿಯನ್ನು ವಾಚಿಸಿದರು. ವಿದ್ಯಾರ್ಥಿನಿ ಪರ್ಲ್ಸ್ ಬರೆಟ್ಟೊ ಸ್ವಾಗತಿಸಿದಳು. ಸುಮಿತ್ ಡಿಸಿಲ್ವಾ ಮತ್ತು ಕ್ರಿಷಾ ಮಹಿಮಾ ಡಿಸಿಲ್ವಾ ನಿರೂಪಿಸಿದರು. ಶಿಕ್ಷಕಿ ಮೇಲಿಷಾ ಬರೆಟ್ಟೊ ವಂದಿಸಿದರು.