Day: January 15, 2024

ಶ್ರೀನಿವಾಸಪುರ: ಸಂಕ್ರಾಂತಿ ಸಮೃದ್ಧಿಯ ಸಂಕೇತ. ಕಾಳು ಕಣಜ ಸೇರುವ ಕಾಲ. ಸಂಕ್ರಾಂತಿ ರೈತರಿಗೆ ದೊಡ್ಡ ಹಬ್ಬ. ಅದು ಕೃಷಿ ಉತ್ಪನ್ನ ಕೈಗೆ ಬರಲು ಕಾರಣವಾದ ಜಾನುವಾರುಗಳಿಗೆ ಕೃತಜ್ಞತೆ ಸಲ್ಲಿಸುವ ಸಂದರ್ಭವಾಗಿದೆ ಎಂದು ಸಾಹಿತಿ ಆರ್.ಚೌಡರೆಡ್ಡಿ ಹೇಳಿದರು.
ಪಟ್ಟಣದ ಭೈರವೇಶ್ವರ ವಿದ್ಯಾನಿಕೇತನದ ಆವರಣದಲ್ಲಿ ಶನಿವಾರ ಏರ್ಪಡಿಸಿದ್ದ ಸಂಕ್ರಾಂತಿ ಸಂಭ್ರಮ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ವಿದ್ಯಾರ್ಥಿಗಳು ಹಳ್ಳಿ ಸೊಗಡು ಬಿಟ್ಟುಕೊಡಬಾರದು. ಅರ್ಥಪೂರ್ಣ ಸಾಂಪ್ರದಾಯಿಕ ಆಚರಣೆಗಳಿಗೆ ಬೆನ್ನುತೋರಿಸಬಾರದು ಎಂದು ಹೇಳಿದರು.
ಹಿಂದೆ ಸಂಕ್ರಾಂತಿ ಗ್ರಾಮೀಣ ಪ್ರದೇಶದಲ್ಲಿ ಸರಳ ಆಚರಣೆಯಾಗಿತ್ತು. ಜನರು ತಮ್ಮ ದಿನ ನಿತ್ಯದ ಕೆಲಸಗಳ ನಡುವೆ ದುಡಿದ ಎತ್ತುಗಳನ್ನು ಗಮನದಲ್ಲಿಟ್ಟುಕೊಂಡು ಹಬ್ಬ ಆಚರಿಸುತ್ತಿದ್ದರು. ಹಳ್ಳಿಗಾಡಿನಲ್ಲಿ ಇಂದಿಗೂ ಸಂಕ್ರಾಂತಿ ಹಬ್ಬವನ್ನು ಎತ್ತುಗಳ ಹಬ್ಬ ಎಂದು ಕರೆಯುವುದು ರೂಢಿ. ರೈತರು ತಮಗೆ ಅನುಕೂಲವಾದ ದಿನದಂದು ಹಬ್ಬ ಆಚರಿಸುತ್ತಾರೆ. ಗೋಪೂಜೆ ಮತ್ತು ಗೋವುಗಳ ಮೆರವಣಿಗೆಗೆ ಆದ್ಯತೆ ನೀಡುತ್ತಾರೆ. ಆದರೆ ಬದಲಾದ ಪರಿಸ್ಥಿತಿಯಲ್ಲಿ ಎತ್ತುಗಳ ಸಂಖ್ಯೆ ಕುಸಿದಿದ್ದು, ಸಂಕ್ರಾಂತಿ ಸಂಭ್ರಮ ಕಳೆಗಟ್ಟುತ್ತಿಲ್ಲ ಎಂದು ಹೇಳಿದರು.
ಭೈರವೇಶ್ವರ ವಿದ್ಯಾನಿಕೇತನದ ನಿರ್ದೇಶಕ ಎ.ವೆಂಕಟರೆಡ್ಡಿ ಮಾತನಾಡಿ, ಹಳ್ಳಿಗಾಡಿನಲ್ಲಿ ಸಂಕ್ರಾಂತಿ ಸೊಗಡು ಕಣ್ಮರೆಯಾಗುತ್ತಿದೆ. ಆದ್ದರಿಂದ ಸಂಕ್ರಾಂತಿ ಮಹತ್ವದ ಬಗ್ಗೆ ವಿದ್ಯಾರ್ಥಿಗಳಲ್ಲಿ ಅರಿವು ಮೂಡಿಸುವ ಉದ್ದೇಶದಿಂದ ಶಾಲೆಯಲ್ಲಿ ಹಬ್ಬವನ್ನು ಸಾಂಪ್ರದಾಯಿಕವಾಗಿ ಆಚರಿಸಲಾಗುತ್ತಿದೆ. ದವಸ ಧಾನ್ಯಗಳು ಹಾಗೂ ಕೃಷಿ ಪರಿಕರಗಳ ಪ್ರದರ್ಶನ ಏರ್ಪಡಿಸಲಾಗಿದೆ ಎಂದು ಹೇಳಿದರು.
ಹಬ್ಬ ಹರಿದಿನಗಳು ಹಾಗೂ ಜಾನಪದ ಕಲೆಗಳು ಗ್ರಾಮೀಣ ಜನರನ್ನು ಒಗ್ಗೂಡಿಸುವ ಸಾಧನವಾಗಿದ್ದವು. ಮುಖ್ಯವಾಗಿ ಸಂಕ್ರಾಂತಿ ಹಬ್ಬದಲ್ಲಿ ಗ್ರಾಮೀಣ ಸಮಾಜದ ಎಲ್ಲ ವರ್ಗದ ಜನರೂ ಒಂದೆಡೆ ಸೇರಿ ವಿಶೇಷ ಆಸಕ್ತಿವಹಿಸಿ ಹಬ್ಬ ಆಚರಿಸುತ್ತಿದ್ದರು. ವಿದ್ಯಾರ್ಥಿಗಳು ಹಿರಿಯರ ಹಾದಿಯಲ್ಲಿ ನಡೆಯಬೇಕು. ಭೇದ ಭಾವ ಮಾಡದೆ ಒಟ್ಟಾಗಿ ಹಬ್ಬ ಆರಣೆ ಮಾಡಬೇಕು. ಮಾನವೀಯ ನೆಲೆಯಲ್ಲಿ ಬದುಕಬೇಕು ಎಂದು ಹೇಳಿದರು.
ಪ್ರಗತಿಪರ ರೈತ ಹರಿನಾಥಬಾಬು ಕೃಷಿ ಪರಿಕರಗಳ ಪರಿಚಯ ಮಾಡಿಕೊಟ್ಟು ಮಾತನಾಡಿ, ಗ್ರಾಮೀಣ ವಿದ್ಯಾರ್ಥಿಗಳು ತಮ್ಮ ಪೋಷಕರೊಂದಿಗೆ ಹೊಲ ಗದ್ದೆಗೆ ಹೋಗಬೇಕು. ಕೃಷಿ ಅನುಭವ ಪಡೆಯಬೇಕು. ಕುಲವೃತ್ತಿಗೆ ಬೆನ್ನುತೋರಿಸುವ ಮನೋಭಾವ ಬಿಡಬೇಕು. ಭೂಮಿಯನ್ನು ನಂಬಿ ದುಡಿದರೆ ಜೀವನ ನಿರ್ವಹಣೆ ಕಷ್ಟವಾಗುವುದಿಲ್ಲ. ಆದರೆ ಪೋಷಕರು ಮಕ್ಕಳನ್ನು ಓದುವ ಯಂತ್ರಗಳನ್ನಾಗಿ ಮಾಡಿದ್ದಾರೆ ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಶಾಲಾವರಣದಲ್ಲಿ ತೃಣಧಾನ್ಯಗಳು ಹಾಗೂ ಕೃಷಿ ಪರಿಕರಗಳ ಪ್ರದರ್ಶನ ಏರ್ಪಡಿಸಲಾಗಿತ್ತು. ವಿದ್ಯಾರ್ಥಿನಿಯರಿಂದ ರಂಗೋಲಿ ಪ್ರದರ್ಶನ ಏರ್ಪಡಿಸಲಾಗಿತ್ತು. ಶೃಂಗರಿಸಿದ ಎತ್ತುಗಳ ಪ್ರದರ್ಶನ, ದನದ ಕೊಟ್ಟಿಗೆ ದರ್ಶನ ಏರ್ಪಡಸಲಾಗಿತ್ತು. ಅವರೆಕಾಯಿ, ನೆಲಗಡಲೆ ಬೇಯಿಸಿ ಮಕ್ಕಳಿಗೆ ವಿತರಿಸಲಾಯಿತು. ಪೊಂಗಲ್ ವಿತರಿಸಲಾಯಿತು. ಎಳ್ಳು ಬೆಲ್ಲ ಹಂಚಲಾಯಿತು.
ಶಾಲೆಯ ಮುಖ್ಯ ಶಿಕ್ಷಕ ವೆಂಕಟರವಣರೆಡ್ಡಿ, ಪ್ರಾಂಶುಪಾಲ ಎ.ಗಂಗಾಧರಗೌಡ ಮತ್ತು ಶಿಕ್ಷಕರು ಇದ್ದರು.

ಶ್ರೀನಿವಾಸಪುರದ ಭೈರವೇಶ್ವರ ವಿದ್ಯಾನಿಕೇತನದ ಆವರಣದಲ್ಲಿ ಶನಿವಾರ ಏರ್ಪಡಿಸಿದ್ದ ಸಂಕ್ರಾಂತಿ ಸಂಭ್ರಮ ಕಾರ್ಯಕ್ರಮವನ್ನು ಸಾಹಿತಿ ಆರ್.ಚೌಡರೆಡ್ಡಿ ಉದ್ಘಾಟಿಸಿದರು
ಶಾಲೆಯ ನಿರ್ದೇಶಕ ಎ.ವೆಂಕಟರೆಡ್ಡಿ ಮತ್ತಿತರರು ರಾಗಿ ರಾಶಿಗೆ ಪೂಜೆ ನೆರವೇರಿಸಿದರು.

ಶ್ರೀನಿವಾಸಪುರ 2 : ಕಾಲೇಜು ಕಾರಿಡಾರ್ ಎಂದಿನಂತೆ ವಿದ್ಯಾರ್ಥಿಗಳ ಹರಟೆ ಸೀಮಿತವಾಗದೆ, ಅದರ ತುಂಬೆಲ್ಲಾ ಬಾಯಲ್ಲಿ ನೀರೂರಿಸುವ ತಿಂಡಿ ತಿನುಸುಗಳೇ , ವಿದ್ಯಾರ್ಥಿ ಜೀವನದಲ್ಲಿ ಪಠ್ಯ ಜತೆಗೆ ಇಂತಹ ಪಠ್ಯೇತರ ಚಟುವಟಿಕೆಗಳು ಅವಿಸ್ಮರಣೀಯಾಗಿರುವುದು ಎಂದು ಗ್ರಾಮದ ಸಿ.ಎಸ್.ವೆಂಕಟ್ ಅಭಿಪ್ರಾಯಪಟ್ಟರು.
ಗ್ರಾಮದ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಶುಕ್ರವಾರ ವಿದ್ಯಾರ್ಥಿಗಳಿಂದ ನಡೆದ ಹಳ್ಳಿ ಸೊಬಗು ಕಾರ್ಯಕ್ರಮದಡಿಯಲ್ಲಿ ಕಾಲೇಜು ಸಂತೆ ಕಾರ್ಯಕ್ರಮವನ್ನು ಉದ್ಗಾಟಿಸಿ ಮಾತನಾಡಿದರು.
ಅಧುನಿಕ ಕಾಲದಲ್ಲಿ ಸಾಮಾಜಿಕ ಜಲಾತಾಣದಲ್ಲಿ ಹೆಚ್ಚಾಗಿ ಕಾಲ ಕಳೆಯುವ ವಿದ್ಯಾರ್ಥಿಗಳಲ್ಲಿ ಮಕ್ಕಳ ಸಂತೆ ಸಹಬಾಳ್ವೆ , ಸಹಜೀವನದ ಕಲ್ಪನೆಯನ್ನು ಮೂಡಿಸಿತು. ತರಗತಿಯ ನಾಲ್ಕು ಗೋಡೆಯ ಮದ್ಯೆ ಶಿಕ್ಷಣ ಪಡೆಯುವ ವಿದ್ಯಾರ್ಥಿಗಳಿಗೆ ಇದು ಗಣಿತದ ಪ್ರಾಯೋಗಿಕ ಪಾಠ ಹೇಳಿತು. ವೃತ್ತಿ ಶಿಕ್ಷಣಕ್ಕೆ ಉತ್ತೇಜನ ನೀಡಿತು. ಇಂತಹ ಕಾರ್ಯಕ್ರಮಗಳು ಕಾಲೇಜುಗಳಲ್ಲಿ ಆಗಾಗ ನಡೆದರೆ ಒಳ್ಳೆಯದು ಎಂದರು.
ಪ್ರಾಂಶುಪಾಲೆ ಎಚ್.ಆಶಾ ಮಾತನಾಡಿ ಸಂತೆ ಮಾರುಕಟ್ಟೆ ಎನ್ನುವುದು ಸರಕು ಮಾರುವವರನ್ನ ಮತ್ತು ಕೊಳ್ಳುವವರನ್ನ ಒಂದಡೆ ಸೇರಿಸುವ ಸ್ಥಳವಾಗಿದೆ. ಕಾಲೇಜು ವಿದ್ಯಾರ್ಥಿಗಳಿಗೆ ಇಂದು ಕಾರ್ಯಕ್ರಮದಿಂದ ನಾಲ್ಕು ಗೋಡೆಗಳ ಮದ್ಯ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳು ನಾನಾ ಉತ್ಪನ್ನಗಳ ತಯಾರಿಕೆ , ಅವುಗಳ ಮಾರುಕಟ್ಟೆಯ ಅನುಭವ ಪಡೆದುಕೊಳ್ಳಬೇಕು. ಇದರಿಂದ ಸ್ವಯಂ ಉದ್ಯೋಗಕ್ಕೂ ಇದರಿಂದ ಪ್ರೇರಣೆಯಾಗಬೇಕು ಎಂದು ಸಲಹೆ ನೀಡಿದರು.
ಸಂತೆಯಲ್ಲಿ ವ್ಯಾಪಾರಕ್ಕಾಗಿ ಗ್ರಾಹಕರನ್ನು ಕೂಗಿ ಕರೆಯವುದು, ವಸ್ತುಗಳ ವ್ಯಾಪಾರಕ್ಕಾಗಿ ದರದಲ್ಲಿ ಹೆಚ್ಚು ಕಡಿಮೆ ಮಾಡಿ ಚೌಕಾಸಿ ನಡೆಸುವುದು, ಗ್ರಾಹಕರನ್ನು ತಮ್ಮತ್ತ ಸೆಳೆಯುವಲ್ಲಿ ವಿದ್ಯಾರ್ಥಿಗಳು ಅನುಸರಿಸಿದ ತಂತ್ರಗಳು ಗಮನ ಸೆಳೆದವು. ರಾಧಾಸ್ ಕಾಫಿ 2000, ವಿನಾಯಕ ಫ್ರೋಟ್ಸ್ 1900, ರಾಯಲ್ಸ್ ಸ್ಯಾಂಡ್‍ವಿಚ್ಚ್ 1800 ಸ್ಟಾಲ್‍ಗಳಲ್ಲಿ ವ್ಯಾಪಾರ ವಹಿವಾಟು ನಡೆದವು.
ಕಾಲೇಜಿನ , ಪ್ರೌಡಶಾಲೆಯ ಉಪನ್ಯಾಸಕರು, ಶಿಕ್ಷಕರು, ವಿದ್ಯಾರ್ಥಿಗಳು ಸಂತೆಯಲ್ಲಿ ಗ್ರಾಹಕರಾಗಿದ್ದರು. ಗ್ರಾ.ಪಂ ಸದಸ್ಯ ಆರ್.ವಿ.ನಾಗೇಶ್, ಉಪನ್ಯಾಸಕರು , ಪ್ರೌಡಶಾಲಾ ಶಿಕ್ಷಕರು ಭಾಗವಹಿಸದ್ದರು.

ಶ್ರೀನಿವಾಸಪುರ : ಆರೋಪಿಗಳನ್ನು ಸಿಬಿಐ ತನಿಖೆಗೆ ಒಳಪಡಿಸಿ ನಿಜವಾದ ಸಂಚೊಕೋರರನ್ನು ಬಹಿರಂಗ ಪಡಿಸಬೇಕು ಎಂದು ಸಮತ ಸೈನಿಕಧಳದ ರಾಜ್ಯಾಧ್ಯಕ್ಷ ವೆಂಕಟಸ್ವಾಮಿ ಸರ್ಕಾರಕ್ಕೆ ಒತ್ತಾಯ ಮಾಡಿದರು.
ಪಟ್ಟಣದ ತಹಶೀಲ್ದಾರ್ ಕಛೇರಿ ಮುಂಭಾಗ ಶನಿವಾರ ವಿವಿಧ ಧರ್ಮಗುರುಗಳ ಆರ್ಶೀಚನದೊಂದಿಗೆ ಮತ್ತು ಸಂಘ ಸಂಸ್ಥೆಗಳ ಸಾಮೂಹಿಕ ನೇತೃತ್ವದಲ್ಲಿ ಜಿ.ಪಂ.ಮಾಜಿ ಅಧ್ಯಕ್ಷ ಕೌನ್ಸಿಲರ್ ದಿ|| ಎಂ.ಶ್ರೀನಿವಾಸನ್ ರವರ ಶ್ರದ್ಧಾಂಜಲಿ ಸಭೆಗೆ ಚಾಲನೆ ನೀಡಿ ಮಾತನಾಡಿದರು.
ಹತ್ಯೆಯ ಸಂಚುಕೋರರನ್ನು ಮರೆಮಾಚಲು ಬಂಧನಕ್ಕೂಳಗಾದ ಆರೋಪಿಗಳ ಬಾಯಿಂದಲೇ ಶ್ರೀನಿವಾಸನ್ ವಿರುದ್ಧ ಸೇಡು ತೀರಿಸಿಕೊಂಡರೆಂಬಂತೆ ಸುಳ್ಳು ಹೇಳಿಕೆಗಳು ಹೊರಬಂದವು . ದಿ|| ಶ್ರೀನಿವಾಸನ್ ರವರನ್ನ ಕೊಲೆಯಾದ ಕೂಡಲೇ ಖಳನಾಯಕನ ರೀತಿಯಲ್ಲಿ ಸಾರ್ವಜನಿ ಅಭಿಪ್ರಾಯ ರೂಪಿಸಿದ್ದು ತೀವ್ರ ಅಘಾತಕಾರಿ ಸಂಗತಿಯಾಗಿದೆ ಎಂದರು. ಸಾರ್ವಜನಿಕ ಅಭಿಪ್ರಾಯವನ್ನು ಹೀಗೆ ರೂಪಿಸಿ ಸಂಚುಕೋರರು ತಾವು ತಪ್ಪಿಸಿಕೊಳ್ಳುವ ಕುತಂತ್ರವೇ ಇದಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಪಿತೂರಿಯ ಸಂಚುಕೋರರನ್ನು ಬಂಧಿಸದೇ ಈ ಕೊಲೆಗೆ ನ್ಯಾಯ ಸಿಗಲಾರದೆಂಬ ನಿರ್ಧಾರಕ್ಕೆ ಶ್ರೀನಿವಾಸನ್ ಕುಟುಂಬದವರು ಬಂದಿದ್ದಾರೆ ಇಂದಿನ ಸಂತಾಪ ಸೂಚನಾ ಸಭೆಯಲ್ಲಿ ಭಾಗವಹಿಸಿರುವ ಸಮಸ್ತ ಸಾರ್ವಜನಿಕ ಬಂಧುಗಳು ಕುಟುಂಬದ ಬೆನ್ನಿಗೆ ನಿಲ್ಲಬೇಕು ಮತ್ತು ಸಂಚುಕೋರರನ್ನು ಬಯಲಿಗೆಳೆಯಲು ಅವರ ಹೋರಾಟವನ್ನು ಬೆಂಬಲಿಬೇಕೆಂದರು.
ಚಂದ್ರಕಳಾಶ್ರೀನಿವಾಸನ್ ಮಾತನಾಡಿ ನನ್ನ ಯಜಮಾನರು ತುಂಬಾ ಸ್ವಾಭಿಮಾನಿಗಳು . ದೈರ್ಯಶಾಲಿಗಳು ಕೊಲೆಯಾಗಿದ್ದಾರೆ ಎಂದು ಹೇಳುತ್ತಾ, ದುಖಃತಪ್ತರಾದರು. ನಾನು ವೈದ್ಯರಾಗಿ ತಾಲೂಕಿನ ಅನೇಕ ಮಕ್ಕಳಿಗೆ ಜೀವಕೊಟ್ಟಿದ್ದೇನೆ. ಆದರೆ ಇಂದು ನನಗೆ ಈ ತರದ ಸಮಸ್ಯೆ ಉಂಟಾಗಿದೆ ಎಂದು ಬೇಸರ ವ್ಯಕ್ತಪಡಿಸುತ್ತಾ, ಕೊಲೆ ಆರೋಪಿಗಳು ಇಲ್ಲ ಸಲ್ಲದ ಸುಳ್ಳನ್ನು ಹೇಳುತ್ತಾ ಸಾರ್ವಜನಿಕ ನನ್ನ ಗಂಡನ ಹೆಸರಿಗೆ ಮಸಿ ಬಳಯುತ್ತಿದ್ದು, ಸರ್ಕಾರ ಈ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿ ಕೊಲೆಯ ಸಂಚುಕೋರರನ್ನು ಬಹಿರಂಗಪಡಿಸಿ ನನಗೆ ನ್ಯಾಯ ಒದಗಿಸಲು ನೀವೆಲ್ಲರೂ ನನ್ನೊಂದಿಗೆ ಕೈಜೋಡಿಸಬೇಕೆ ಎಂದರು.
ಚಿತ್ರದುರ್ಗ ಛಲವಾದಿ ಮಹಾಗುರುಪೀಠದ ಶ್ರೀ ಶ್ರೀ ಜಗದ್ಗುರು ಬಸವನಾಗಿದೇವ ಶರಣರು, ತುಮಕೂರು ಬಿ.ಕಲ್ಕೆರೆ ಅಲ್ಲಮಪ್ರಭು ಮಹಾಸಂಸ್ಥಾನ ಶ್ರೀ ಶ್ರೀ ಜಗದ್ಗುರು ತಿಪ್ಪೇರುದ್ರಸ್ವಾಮಿ ಶರಣರು , ಪೂರ್ಣಾಂನದ ಸ್ವಾಮಿಗಳು ಆರ್ಶೀಚನವನ್ನು ಮಾಡಿದರು .
ತಹಶೀಲ್ದಾರ್ ಮುಂಭಾಗ ಪಾರ್ಕ್‍ನಲ್ಲಿನ ಅಂಬೇಡ್ಕರ್ ಪುತ್ಥಳಿಗೆ ಪುಷ್ಪನಮನ ಸಲ್ಲಿಸಿ ಮಾತನಾಡಿದರು. ಸಂವಿಧಾನ ಬಗ್ಗೆ ಪ್ರತಿಜ್ಞವಿಧಿಯನ್ನು ಭೋದಿಸಲಾಯಿತು. ಇಒ ಶಿವಕುಮಾರಿ ಜಿ.ಪಂ.ಮಾಜಿ ಸದಸ್ಯ ಮ್ಯಾಕಲನಾರಾಯಣಸ್ವಾಮಿ, ಪಿಎಲ್‍ಡಿ ಬ್ಯಾಂಕ್ ಅಧ್ಯಕ್ಷ ದಿಂಬಾಲ್ ಅಶೋಕ್, ಮುಖಂಡರಾದ ಎನ್.ಬಿ.ಬ್ಯಾಟಪ್ಪ, ಕೆ.ಕೆ.ಮಂಜುನಾಥ್, ಬಿ.ಜಿ.ಖಾದರ್, ಸಂಜಯ್‍ರೆಡ್ಡಿ, ಬಕ್ಷುಸಾಬ್, ಗೊಲ್ಲಹಳ್ಳಿ ಶಿವಪ್ರಸಾದ್, ಸೀತಾರಾಮರೆಡ್ಡಿ, ಪಾಲ್ಯ ಗೋಪಾಲರೆಡ್ಡಿ, ಬಿಜೆಪಿ ಪಕ್ಷದ ಜಿಲ್ಲಾಧ್ಯಕ್ಷ ಕೆ.ಎನ್.ವೇಣುಗೋಪಾಲ್, ಬಂಗಾರಪೇಟೆ ಮಾಜಿ ಎಂಎಲ್‍ಎ ಬಿ.ಪಿ.ವೆಂಕಟಮುನಿಯಪ್ಪ, ಎಲ್.ಗೋಪಾಲಕೃಷ್ಣ, ಪುರಸಭೆ ಸದಸ್ಯ ಭಾಸ್ಕರ್, ಚಲ್ದಿಗಾನಹಳ್ಳಿ ಈರಪ್ಪ, ರಾಮಾಜಮ್ಮ, ವಿಮುನಿಯಪ್ಪ, ಆಂಬರೀಶ್, ಮುನಿಯಪ್ಪ ಇದ್ದರು.
13, ಎಸ್‍ವಿಪುರ್ 6 : ಪಟ್ಟಣದ ತಹಶೀಲ್ದಾರ್ ಕಛೇರಿ ಮುಂಭಾಗ ವಿವಿಧ ಧರ್ಮಗುರುಗಳ ಆರ್ಶೀಚನದೊಂದಿಗೆ ಮತ್ತು ಸಂಘ ಸಂಸ್ಥೆಗಳ ಸಾಮೂಹಿಕ ನೇತೃತ್ವದಲ್ಲಿ ಜಿ.ಪಂ.ಮಾಜಿ ಅಧ್ಯಕ್ಷ ಕೌನ್ಸಿಲರ್ ದಿ|| ಎಂ.ಶ್ರೀನಿವಾಸನ್ ರವರ ಶ್ರದ್ಧಾಂಜಲಿ ಸಭೆಗೆ ನಡೆಯಿತು.

ಜನವರಿ ೧೪ ರಂದು ಭಾರತೀಯ ರೆಡ್ ಕ್ರಾಸ್ ಸಂಸ್ಥೆ ಮತ್ತು ಸಂತ ನಿರಂಕಾರಿ ಮಿಶನ್ ಚಾರಿಟೇಬಲ್ ಫೌಂಡೇಶನ್ ವತಿಯಿಂದ ನಾಗೂರಿನ ಸಂತ ನಿರಂಕಾರಿ ಸತ್ಸಂಗ ಭವನದಲ್ಲಿ “ರಕ್ತದಾನ ಶಿಬಿರ” ಆಯೋಜಿಸಲಾಗಿದ್ದು ಮಾನವೀಯತೆಯ ಈ ಮಹಾಯಜ್ಞ ದಲ್ಲಿ ಸಂತ ನಿರಂಕಾರಿ ಮಿಶನ್ನಿನ ಅನುಯಾಯಿಗಳೊಂದಿಗೆ ಸುತ್ತ ಮುತ್ತಲಿನಊರಿನ ಅನೇಕ ಗಣ್ಯರು ಪಾಲ್ಗೊಂಡರು
ಈ ಕಾರ್ಯ ಕ್ರಮ ವನ್ನು ಪೂಜ್ಯನೀಯ ಝೋನಲ್ ಇಂಚಾರ್ಜ್ ಸುನೀಲ್ ರಾತ್ರಾಜೀಯವರು ಉದ್ಘಾಟಿಸಿದರು. ರೆಡ್ ಕ್ರಾಸ್ ಸಭಾಪತಿ ಶ್ರೀ ಎಸ್ ಜಯಕರ ಶೆಟ್ಟಿ ಯವರು ರಕ್ತ ದಾನದ ಮಹತ್ವ ವನ್ನು ತಳಿಸಿದರು. ಕಾರ್ಯಕ್ರಮ ದಲ್ಲಿ ರೆಡ್ ಕ್ರಾಸ್ ಕಾರ್ಯದರ್ಶಿ ವೈ. ಸೀತಾರಾಮ ಶೆಟ್ಟಿ, ಖಜಾಂಚಿ ಶಿವರಾಮ ಶೆಟ್ಟಿ, ಸಂತ ನಿರಂಕಾರಿಯ ಸಂಯೋಜಕರಾದ ಲಕ್ಷ್ಮಣ್ ಕೆ ಪೂಜಾರಿ ಯವರು ಭಾಗಿಯಾಗಿದ್ದರು.ಈ ರಕ್ತದಾನ ಶಿಬಿರದಲ್ಲಿ ಐನೂರು ಸಂಖ್ಯೆಯಲ್ಲಿ ಜನರು ಪಾಲ್ಗೊಂಡಿದ್ದು 169 ಜನರು ರಕ್ತದಾನ ಮಾಡಿದರು.

ಕುಂದಾಪುರ, ಜ.15: ಕುಂದಾಪುರ ರೋಜರಿ ಅಮ್ಮನವರ ಚರ್ಚಿನಲ್ಲಿ 333 ವರ್ಷಗಳ ಹಿಂದೆ ಪ್ರಪ್ರಥಮವಾಗಿ ಭಾರತೀಯ ಕೊಂಕಣಿ ಭಾಷಿಕನಾಗಿ ಧರ್ಮಗುರುರುಗಳಾಗಿ ಸೇವೆ ಸಲ್ಲಿಸಲು ಅವಕಾಶ ಪಡೆದ ಧರ್ಮಗುರು ಸಂ. ಜೋಸೆಫ್ ವಾಜ್ ಕೆನರಾದಾಂತ್ಯ ಯೇಸು ಕ್ರಿಸ್ತರ ಬೋಧನೆ ಮಾಡಿ, ಕುಂದಾಪುರದ ಇಗರ್ಜಿಯಲ್ಲಿ ಸೇವೆ ನೀಡುತಿರುವಾಗ ಧ್ಯಾನ ಮಗ್ನರಾಗಿರುವಾಗ ಗೋಡೆಯ ಮೇಲೆ ಎತ್ತರದಲ್ಲಿ ನೇತಾಡುತ್ತಿರುವ ಏಸು ಕ್ರಿಸ್ತರ ಶಿಲುಭೆಯ ಮಟ್ಟಕ್ಕೆ ಗಾಳಿಯಲ್ಲಿ ತೇಲಿದಂತಹ ಅದ್ಬುತ ಘಟನೆ ನಡೆದಿದ್ದು, ಇದನ್ನು ಅತಿಥಿ ಧರ್ಮಗುರುಗಳೊಬ್ಬರು ಕಣ್ಣಾರೆ ಕಂಡಿದ್ದರು. ಇದರ ನಂತರ ಅವರು ಶ್ರೀಲಂಕಕ್ಕೆ ತೆರಳಿ ಹಲವು ಅದ್ಬುತಗಳನ್ನು ಮಾಡಿ ಕಥೋಲಿಕರಲ್ಲಿ ಅತ್ಯುನ್ನತ್ತ ಸಂತ ಪದವಿ ಪಡೆದರು. ಅವರ ವಾರ್ಷಿಕ ಹಬ್ಬವು ಜನವರಿ 14 ರಂದು ಕುಂದಾಪುರ ರೋಜರಿ ಮಾತಾ ಇಗರ್ಜಿಯಲ್ಲಿ ವಲಯ ಮಟ್ಟದಲ್ಲಿ ಆಚರಿಸಲಾಯಿತು.
ಸಂತ ಜೋಸೆಫ್ ವಾಜರ ವಾರ್ಷಿಕ ಹಬ್ಬದ ಪವಿತ್ರ ಬಲಿದಾನವನ್ನು ಅರ್ಪಿಸಿದ ಉದ್ಯಾವರ ಚರ್ಚಿನ ಧರ್ಮಗುರು ಲೀಯೊ ಪ್ರವೀಣ್ ಡಿಸೋಜಾ “ನಾವು ಯೇಸು ಕ್ರಿಸ್ತರ ಅನುಯಾಯಿಗಳಾಗಿ ಪಾಪದಲ್ಲಿ ಬೀಳಬಾರದು, ನಾವು ಸಮಾಜದ ಬೆಳಕಾಗಬೇಕು, ಇದಕ್ಕಾಗಿಯೇ ನಾವು ಶ್ರಮಿಸಬೇಕು, ಇದುವೇ ನಿಜವಾದ ಕ್ರಿಸ್ತರ ಸಂದೇಶ, ಹೀಗೆ ಶ್ರಮಿಸುವರಿಗೆ ಕಶ್ಟಗಳು ದೊರಕುತ್ತವೆ, ಆದರೆ ಇವರೇ ಭಾಗ್ಯಶಾಲಿಗಳು, ಅವರಿಗೆ ಸ್ವರ್ಗ ಲಭಿಸುವುದು. ಸಂ. ಜೋಸೆಫ್ ವಾಜರು ಕ್ರಿಸ್ತರ ನೆರಳಲ್ಲಿ ಅವರ ಪೂರ್ಣ ಜೀವನ ಸೆವೆಸಿದರು. ಸೆವೆಸುತ್ತಾ ಮರಣ ಹೊಂದಿದರು, ಎಷ್ಟೇ ಕಶ್ಟ ಬಂದರು ಅವರು ಕಂಗಾಲು ಆಗಲಿಲ್ಲ. ದೇವರ ರಾಜ್ಯಕ್ಕಾಗಿ ತ್ಯಾಗದ ಜೀವನ ಸಾರಿದರು. ಅವರ ಜೀವನ ನಮಗೆ ಪ್ರೇರಣೆಯಾಗಬೇಕು. ಹೇಗೆ ಸಂತ ಸಂ. ಜೋಸೆಫ್ ವಾಜ್ ಪ್ರಾರ್ಥನ ಭರಿತ ಜೀವನ ನೆಡೆಸಿದರೋ, ಹಾಗೇ ನಾವು ಕೂಡ ಪ್ರಾರ್ಥನ ಭರಿತರಾಗಬೇಕು. ಮನೆಯಲ್ಲಿ ಪ್ರಾರ್ಥನೆ ತಪ್ಪಬಾರದು, ಸುವಾರ್ತೆಯ ಆರಂಭ ನಮ್ಮ ಮನೆಯಲ್ಲಿ, ನಮ್ಮ ಕುಟುಂಬದಲ್ಲಿ ಆರಂಭಿಸಬೇಕು. ಉತ್ತಮ ಜೀವನ ನೆಡೆಸಿ ನಾವೆಲ್ಲ ಪವಿತ್ರ ಸಭೆಯ ಉತ್ತಮ ಸದಸ್ಯರಾಗಬೇಕು ಇದಕ್ಕೆ ಸಂತ ಜುಜೆ ವಾಜರು ನಮಗೆ ಪ್ರೇರಣೆಯಾಗಲಿ” ಎಂದು ಸಂದೇಶ ನೀಡಿದರು.
ಈ ವಾರ್ಷಿಕ ಹಬ್ಬದಲ್ಲಿ ರೋಜರಿ ಚರ್ಚಿನ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ಬಲಿದಾನದಲ್ಲಿ ಭಾಗಿಯಾಗಿ ಹಬ್ಬದ ಶುಭಾಶಯಗಳನ್ನು ನೀಡಿ, ಧನ್ಯವಾದಗಳನ್ನು ಅರ್ಪಿಸಿದರು. ಕುಂದಾಪುರ ಇಗರ್ಜಿಯ ಸಹಾಯಕ ಧರ್ಮಗುರು ವಂ|ಅಶ್ವಿನ್ ಅರಾನ್ನಾ ಸಹಬಲಿದಾನದಲ್ಲಿ ಭಾಗಿಯಾಗಿದ್ದರು. ಈ ವಾರ್ಷಿಕ ಹಬ್ಬದಲ್ಲಿ, ಪಾಲನ ಮಂಡಳಿ ಅಧ್ಯಕ್ಷೆ ಶಾಲೆಟ್ ರೆಬೆಲ್ಲೊ, ಆಯೋಗಗಳ ಸಂಯೋಜಕಿ ಪ್ರೇಮಾ ಡಿಕುನ್ಹಾ, ಹಲವಾರು ಧರ್ಮಭಗಿನಿಯರು, ಬೇರೆ ಬೇರೆ ಇಗರ್ಜಿಯ ಭಕ್ತರು ಹಾಗೂ ಸ್ಥಳೀಯ ಭಕ್ತರು ಅಪಾರ ಸಂಖ್ಯೆಯಲ್ಲಿ ಪಾಲ್ಗೊಂಡರು.

Annual Festival of Celebration at the Zonal Level of Saint Joseph Vaz at Rosary Church, Kundapur

Annual Festival of Celebration at the Zonal Level of Saint Joseph Vaz at Rosary Mata Church, Kundapur
Kundapur, January 15: In Kundapur Rosary Amman Church, 333 years ago, for the first time as an Indian Konkani speaker. While st. Joseph Vaz Whole Canara was teaching Jesus Christ and serving at church in Kundapura, while he was meditating, there was a wonderful incident like Jesus Christ floating in the air to the level of the cross of Jesus Christ hanging high on the wall, which was witnessed by a guest priest. After this he went to Sri Lanka and performed many miracles and received the highest sainthood among Catholics. Her annual festival was celebrated on 14th January at Kundapur Rosary church at the zonal level.
The priest of Udyavara Church who offered the Holy Sacrifice of the annual festival of Saint Joseph Vajra said, “We should not fall into sin as followers of Jesus Christ, we should be the light of the society, this is why we should work hard, this is the true message of Christ, hardships will come to those who work hard, but these are the lucky ones, they will get heaven. st Joseph vaz lived his full life under the shadow of Christ. He died suffering, no matter how hard he suffered, he did not mourn. He preached a life of sacrifice for the kingdom of God. His life should be an inspiration to us. How Saint no. As Joseph Vaz led a prayerful life, so should we. Prayer at home should not be missed, the beginning of the gospel should begin in our home, in our family. Let Saint Joseph vaz inspire us to lead a good life and become a good member of the holy congregation.
In this annual festival, the head priest of the Rosary Church, v.r.fr. Stany Tavro participated in the sacrifice and gave the festal greetings and offered thanks. R.f. Ashwin Aranna, assistant priest of Kundapur church, participated in the co-sacrifice. In this annual festival, Board of Trustees vice President Shalette Rebello, Coordinator of Commissions Prema DiCunha, several nuns, devotees of different churchs and local devotees participated in large numbers.