ರೋಟರಿ ಕುಂದಾಪುರ ದಕ್ಷಿಣದ ಮಾಜಿ ಅಧ್ಯಕ್ಷ ರೊ ಕೆ. ಪಾಂಡುರಂಗ ಭಟ್ ಬಸ್ರೂರಿನ ನಿವೇದಿತಾ ಪ್ರೌಢ ಶಾಲೆಯ ಹತ್ತನೇ ತರಗತಿಯ ವಿದ್ಯಾರ್ಥಿಗಳಿಗೆ ಅನುಕೂಲವಾಗುವ ವೃತ್ತಿ ಮಾರ್ಗದರ್ಶನ ನೀಡಿ, ಶಾಲಾ ವಾಹನದ ನಿರ್ವಹಣೆಗೆ ಸಹಾಯ ಧನ ನೀಡಿದರು.
ಶಾಲಾ ಮುಖ್ಯೋಪಾಧ್ಯಾಯ ಶ್ರೀ ಸುಬ್ಬು ಮಾಸ್ಟರ್ , ಇಂಟರ್ಯಾಕ್ಟ ಕ್ಲಬ್ಬಿನ ಸಂಯೋಜಕ ಪ್ರದೀಪ್ ಕುಮಾರ್ ಶೆಟ್ಟಿ, ರೋಟರಿ ಕುಂದಾಪುರ ದಕ್ಷಿಣದ ಅಧ್ಯಕ್ಷ ಸತ್ಯನಾರಾಯಣ ಪುರಾಣಿಕ ಹಾಗೂ ಶಾಲಾ ಶಿಕ್ಷಕರು ಉಪಸ್ಥಿತರಿದ್ದರು.
Mr. George Braganza (68) (kundapur, St.Antony ward, Herikudru)
Passed away today 20th Feb. 2023.
H/O Olivia (Veera) Braganza
F/O Reena / Renias Braganza & Rithesh Braganza
Grand father of Royden Braganza
Funeral rites will take place tomorrow on 21-02-2022, Tuesday at 3:30 p.m. at his residence and thereafter mass at 4:00 p.m. at Holy Rosary Church, Kundapur.
Contact : 9611730205, 6366277909
ಗ೦ಗೊಳ್ಳಿ. ಫೆ. 20 : ಕುಂದಾಪುರ ತಾಲೂಕು ಕನ್ನಡ ಸಾಹಿತ್ಯ ಸಮೇಳನ “ಗಂಗಾವಳಿ” ಕಾರ್ಯಕ್ರಮದ ಎರಡನೇ ಗೋಷ್ಠಿಯಾಗಿ ಕವಿ ಗೋಷ್ಟಿ ನಡೆಯಿತು. ಈ ಕವಿ ಗೋಷ್ಟಿಯಲ್ಲಿ ಬರ್ನಾಡ್‌ ಡಿ’ಕೋಸ್ತಾ, ಅವರು “ಎಂತಹ ಕಂಪನ” ಭೂಕಂಪನದ ಬಗ್ಗೆ ಮಾರ್ಮಿಕವಾಗಿ ತಮ್ಮ ಕವಿತೆಯನ್ನು ಪ್ರಚುರ ಪಡಿಸಿದರು. ಜಗದೀಶ ದೇವಾಡಿಗ ಮುಳ್ಳಿಕಟ್ಟೆ ಸೌರ್ಹಾದತೆಯ ಬಗ್ಗೆ, ದೇವಿ ಪ್ರಸಾದ್ ಶೆಟ್ಟಿ ಬೈಲೂರು ಸಮಾಜದ ಬಗ್ಗೆ, ಶ್ರೀಮತಿ ಸುಪ್ರಸನ್ನಾ ನಕ್ಕತ್ತಾಯ ಕೋಟೇಶ್ವರ ಬಾಲ್ಯದ ಬಗ್ಗೆ, ನಾಗರಾಜ್‌ ಖಾರ್ವಿ ಕಂಚುಗೋಡು, ತಗ್ಗುವಿಕೆಯ ಬಗ್ಗೆ, ಜಗದೀಶ ದೇವಾಡಿಗ ಮುಳ್ಳಿಕಟ್ಟೆ, ಬುದ್ದ, ಕ್ರಷ್ಣ ರಾದೆಯ ಬಗ್ಗೆ, ದೀಪಿಕಾ ಟಿ. ಮೂಡುಬಗೆ, ಸಮಾಜದ ಬಗ್ಗೆ ಸಾಧನಾ ಕುಂದಾಪುರ, ಅರೆವಾಸ್ತವದ ಬಗ್ಗೆ ಕವನ ವಾಚಿಸಿದರು.
ಸಮ್ಮೇಳನದ ಗಂಗಾವಳಿ ಕವಿಗೋಷ್ಠಿಯ ಸಮನ್ವಯಕಾರರಾದ ವಂಡ್ಸೆ ಸರಕಾರಿ ಕಾಲೇಜಿನ ಪ್ರಾಂಶುಪಾಲರಾದ ರಾಜೀವ ನಾಯ್ಕ್ “ಕಾವ್ಯ ಓದುವುದರಿಂದ ಮನಸ್ಸಿಗೆ ಶಾಂತಿ ದೊರೆಯುತ್ತದೆ, ಹಾಗೇ ಕವನಗಳು ಸಮಾಜದಲ್ಲಿ ಬದಲಾವಣೆ ಸಾಧ್ಯ ಎಂದು ಅಭಿಪ್ರಾಯ ಪಟ್ಟರು. ಯುವ ಕವಿಗಳು ಹಿಂದಿನವರು ಬರೆದುದನ್ನು ಓದುವ ಮೂಲಕ ಪದ ಸಂಪತ್ತು ಗಳಿಸಿಕೊಂಡು ಕವಿತೆಗಳನ್ನು ರಚಿಸಬೇಕು, ಪದ ಸಂಪತ್ತಿನ ಭಂಡಾರ ಬೆಳಸಿಕೊಳ್ಳಬೇಕು. ಕವಿ ಬಳಸುವ ಶಬ್ದ ಹಿತವಾದಷ್ಟೂ ಕಾವ್ಯ ಉತೃಷ್ಟವಾಗಿರುತ್ತದೆ ಎಂದು ಹೇಳಿದರು. ಉಪನ್ಯಾಸಕ ಸುಜಯೀಂದ್ರ ಹಂದೆ ಸ್ವಾಗತಿಸಿ, ಸತೀಶ್ ಶೆಟ್ಟಿ ನಿರ್ವಹಿಸಿದ ಕವಿ ಗೋಷ್ಟಿಯಲ್ಲಿ ಶಾರ್ಲೆಟ್ ಲೋಬೊ ಗುಜ್ಜಾಡಿ ವಂದಿಸಿದರು.
ಎರಡನೆ ಗೋಷ್ಠಿಯಾಗಿ ಕುಂದಾಪ್ರ ಕನ್ನಡ ಸಂವಾದ ನಡೆಯಿತು. ಮೂರನೇ ಗೋಷ್ಠಿಯಾಗಿ ಕೋ.ಶಿವಾನಂದ ಕಾರಂತರ ಬದುಕು ಮತ್ತು ಬರಹ, ಮೂರನೇ ಗೋಷ್ಟಿಯಾಗಿ ಕಂದಾಪ್ರ ಕನ್ನಡ ನಡೆಯಿತು.
ಗ೦ಗೊಳ್ಳಿ, ಫೆ. 20 : ಮತ್ಸ್ಯ ನಗರಿ ಗಂಗೊಳ್ಳಿಯಲ್ಲಿ ಕುಂದಾಪುರ ತಾಲೂಕು ೧೮ ನೇ ಸಾಹಿತ್ಯ ಸಮ್ಮೇಳನ ಫೆ. 19 ರಂದು ಇಲ್ಲಿನ ಪದವಿ ಪೂರ್ವ ಕಾಲೇಜು ಆವರಣದಲ್ಲಿ ವಿಜ್ರಂಭಣೆಯಿಂದ ನಡೆಯಿತು
ಸಮ್ಮೇಳನದ ಸರ್ವಾಧ್ಯಕ್ಷೆತೆ ವಹಿಸಿದ್ದ ನಿವ್ರತ್ತ ಅಧ್ಯಾಪಕ, ಸಾಹಿತಿ ಖ್ಯಾತ ಅಂಕಣಗಾರ ಕೋಣಿ ಶಿವಾನಂದ ಕಾರಂತರು ತಮ್ಮ ಅಧ್ಯಕ್ಷೀಯ ಭಾಷಣದಲ್ಲಿ “ಕುಂದ ಕನ್ನಡ ಆಕಾಡೆಮಿ ಸ್ಥಾಪನೆಯಾಗ ಬೇಕು, ಹಾಗೇ ಕುಂದಾಕನ್ನಡ ಅಧ್ಯಯನ ಪೀಠ ಸ್ವಾಪನೆಯಾಗಬೇಕು, ಸರಕಾರ ತಮ್ಮ ಸರಕಾರಿ ಕನ್ನಡ ಶಾಲೆಗಳಿಗೆ ನೀಡುವ ಎಲ್ಲಾ ಸೌಲಭ್ಯಗಳನ್ನು ಅನುದಾನಿತ ಕನ್ನಡ ಶಾಲೆಗಳಿಗೆ ನೀಡಬೇಕು, ಮತ್ತು ಕುಂದಾಪುರ ಗಂಗೊಳ್ಳಿ ಸೇತುವೆ ನಿರ್ಮಾಣ ಮಾಡಬೇಕು” ಎಂದು ಕರೆ ನೀಡಿದರು.
“ಭಾಷೆ ಬೆಳವಣಿಗೆಯಲ್ಲಿ ಇತ್ತೀಚೆಗೆ ಯುವ ಜನರು ಆಸಕ್ತಿ ವಶಿಸುತ್ತಿದ್ದಾದೆ. ಅಪಾರ ಸಾಹಿತ್ಯಕ, ಸಾಂಸ್ಕೃತಿಕ ಸಂಪತ್ತು ಹೊಂದಿರುವ 300ಕ್ಕೂ ಹೆಚ್ಚು ಗ್ರಾಮದ, 25 ಲಕ್ಷಕ್ಕೂ ಹೆಚ್ಚುಮಂದಿ ಮಾತನಾಡುವ ಕುಂದಾಪುರ ಭಾಷೆಗೆ ಸರಕಾರ ವಿಶೇಷವಾದ ಸ್ಥಾನಮಾನ ನೀಡಬೇಕು.ಪ್ರವಾಸೊದ್ಯೋಮ, ಅಭಿವ್ರಧ್ದಿಗೊಳಿಸಿ ಉದ್ಯೋಗ ನೇಡಬೇಕು,ಕುಂದಾಪುರ ಜನರು ಸಾಹಿತ್ಯ,ಕ್ರೀಡೆ, ರಂಭೂಮಿ, ಚಲನಚಿತ್ರ, ಹೋಟೆಲ್, ಕೈಗಾರಿಕೋದ್ಯಮ, ಶಿಕ್ಷಣ, ಬ್ಯಾಂಕಿಂಗ್, ವೈಧ್ಯಕೀಯ ಇನ್ನಿತರ ಕ್ಷೇತ್ರಗಳಲ್ಲಿ ಅನುಪಮ ಸಾಧನೆ ಮಾಡಿದ್ದಾರೆ, ಇವಗಳನ್ನು ತಿಳಿಸುವ ವಸ್ತು ಪ್ರದರ್ಶನ ಕೇಂದ್ರ ಸ್ತಾಪಿಸಬೇಕೆಂದು” ಅವರು ತಮ್ಮ ಭಾಷಣದಲ್ಲಿ ತಿಳಿಸಿದರು.
ಸಮ್ಮೇಳನ ಉದ್ಘಾಟಿಸಿದ ಉದ್ಯಮಿ ಜಗನ್ನಾಥ ಏ. ಪೈ ಗಂಗೊಳ್ಳಿ ಕರ್ನಾಟಕದ ಸರಕಾರ ಎಲ್ಲರಿಗೂ ಕನ್ನಡ ಕಲಿಕೆ ಕಡ್ಡಾಯ ಮಾಡಬೇಕು ಎಂದು ಹೇಳಿ ಹಳ್ಳಿಗಳಲ್ಲಿ ಭಾಷಾಭಿಮಾನ ಇದ್ದದೂ ನಗರಗಳಲ್ಲಿ ಇಲ್ಲ ಎಂದು ತಿಳಿಸಿದರು.
ಕ್ಯಾಂಪ್ಳೋ ಅಧ್ಯಕ್ಷ! ಕಿಶೋರ್‌ ಕುಮಾರ್ ಕೊಡ್ಗಿ ಬೆಳಗೋಡು ರಮೇಶ್‌ ಭಟ್ ಬರೆದ ಕೋ.ಶಿ. ಕಾರಂತರ ವಾಸ್‌ ವ್ರೆಖರಿ ಪುಸ್ತಕ ಬಡುಗಡೆ ಮಾಡಿ, ಕುಂದಾಪ್ರ ಕನ್ನಡ ಅಭಿಯಾನ ಇನ್ನಷ್ಟು ಹೆಚ್ಚಾಗಬೇಕು ಎಂದು ಹೇಳಿ ಕ್ಯಾಂಪ್ಕೋ ಕನ್ನಡಾಕ್ಕಾಗಿ ನೆರವು ನೀಡುತ್ತದೆ’ ಎಂದರು.
ವಿಮರ್ಶಕ, ಸಾಹಿತಿ ಬೆಳಗೋಡು ರಮೇಶ್‌ಭಟ್‌, ಕಾರಂತರುಪಂಚಮುಖಿ ವ್ಯಕ್ತಿತ್ವದವರು. ಸಾಹಿತ್ಯ, ಅಧ್ಯಾಪನ, ನಾಟಕ, ಸಂಘಟನೆ, ನಿರ್ದೇಶನ ಎಲ್ಲಕ್ಷೇತ್ರದಲ್ಲೂ ತೊಡಗಿಸಿಕೊಂಡವರು. 5 ಸಾವಿರ ಅಂಕಣ ಬರೆಹ ಬರೆದಂತಹ ಖ್ಯಾತಿವೆತ್ತವರು, ಅವರ ಈ ಸಾಧನೆ ಹಿಂದೆ ಯಾರೂ ಮಾಡಲಿಲ್ಲಾ, ಮುಂದೆಯು ಯಾರೂ ಮಾಡುವುದಿಲ್ಲಾ ಎಂದು ಅವರ ಪರಿಚಯ ನೀಡಿದರು.
ಸಾಹಿತ್ಯ ಪರಿಷತ್‌ ಜಿಲ್ಲಾಧ್ಯಕ್ಷ ನೀಲಾವರ ಸುರೇಂದ್ರ ಅಡಿಗೆ, ಕುಂದಾಪ್ರ ಕನ್ನಡ ಅಕಾಡೆಮಿ ಸ್ಟಾಪನೆ ಯಾಗಬೇಕು. ಜಿಲ್ಲೆಯಲ್ಲಿ ಹಾಗೂ ಎಲ್ಲ ತಾಲೂಕುಗಳಲ್ಲಿ ಕನ್ನಡ ಭವನಗಳು ನಿರ್ಮಾಣವಾಗಬೇಕು. ಜಿಲ್ಲಾ ಭವನಕ್ಕೆ ಅನುದಾನ ಬಿಡುಗಡೆಯಾಗಬೇಕು. ಅಡಿಗರ ಸ್ಥಾರಕ ಮಂದಿರ ಕೆಲಸ ಬೇಗ ಪೂರ್ಣವಾಗಬೇಕು. ಸರಕಾರಿ ಶಾಲೆಗಳ ಕುರಿತಾಗಿ ಸರಕಾರದ ಜಾಣಕುರುಡು ನೀತಿ ನಿಲ್ಲಬೇಕು. ಕನ್ನಡ ಶಾಲೆ ಉಳಿದರೆ ಕನ್ನಡದ ಬೇರುಗಳನ್ನು ಬಲಪಡಿಸಲು ಆಗುತ್ತದೆ. ಶಿಕ್ಷಕರ ನೇಮಕಾತಿ ನಡೆಸಿ ಅನುದಾನಿತ ಹಾಗೂ ಸರಕಾರಿ ಶಾಲೆಗಳಿಗೆ ಒಂದೇ ನಿಯಮ ಮಾಡಬೇಕು ಎಂದು ಅವರು ಒತ್ತಾಯಿಸಿದರು. ಬೆಳಗೋಡು ವಿರಚಿತ ವೈಖರಿ ಪುಸ್ತಕ, ಸಮ್ಮೇಳನಾಧ್ಯಕ್ಷರು ಬರೆದ. ಹತ್ತು ಮುತ್ತುಗಳು, ಅರಿವಿಗೆ ಬಾರದವರು ಎಂಬ ಪುಸ್ತಕಗಳ ಬಿಡುಗಡೆ ನಡೆಯಿತು.
ಸಮ್ಮೇಳನ ಸ್ವಾಗತ ಸಮಿತಿ ಅಧ್ಯಕ್ಷ ಎಚ್. ಗಣೇಶ ಕಾಮತ್, ಕಾರ್ಯದರ್ಶಿ ಯು.ಎಸ್‌. ಶೆಣೈ, ಕಾಲೇಜಿನ ಪ್ರಾಂಶುಪಾಲೆ ಎಂ.ಸಿ. ಕವಿತಾ, ಪಂಚಾಯತ್‌ ಅಧ್ಯಕ್ಷ ಶ್ರೀನಿವಾಸ ಖಾರ್ವಿ, ಕಸಾಪ ಜಿಲ್ಲಾ ಗೌರವ ಕಾರ್ಯದರ್ಶಿ ನರೇಂದ್ರ ಕುಮಾರ್ ಕೋಟ, ಮನೋಹರ್‌ ಪಿ. ಕಸಾಪ ಬೈಂದೂರು ಅಧ್ಯಕ್ಷ ಡಾ। ರಘು ನಾಯ್ಕ್ ಕಾರ್ಕಳ ಅಧ್ಯಕ್ಷ ಪ್ರಭಾಕರ ಶೆಟ್ಟಿ ಕೊಂಡಳ್ಳಿ, ಬ್ರಹ್ಮಾವರ ಅಧ್ಯಕ್ಷ ರಾಮಚಂದ್ರ ಐತಾಳ್‌, ತಾಲೂಕು. ಕಾರ್ಯದರ್ಶಿ ಅಕ್ಷತಾ ಗಿರೀಶ್‌, ಜಿಲ್ಲಾಕಸಾಪ ಮಾಜಿ ಅಧ್ಯಕ್ಷ ಎ.ಎಸ್‌.ಎನ್. ಹೆಬ್ಬಾರ್‌, ಕೋ.ಶಿವಾನಂದ ಕಾರಂತರ ಪತ್ನಿ ಕುಸುಮಾ ಕಾರಂತ ಇನ್ನಿತರರು ಉಪಸ್ಥಿತರಿದ್ದರು.
ಶ್ರೀನಿವಾಸಪುರ: ತಾಲ್ಲೂಕಿನ ಶಿವಾಲಯಗಳಲ್ಲಿ ಶಿವರಾತ್ರಿ ಪ್ರಯುಕ್ತ ವಿಶೇಷ ಪೂಜೆ ಏರ್ಪಡಿಸಲಾಗಿತ್ತು. ಜನರು ದೇವಾಲಯಗಳಿಗೆ ಭೇಟಿ ನೀಡಿ ದೇವರ ದರ್ಶನ ಪಡೆದರು.
ತಾಲ್ಲೂಕಿನ ಅರಿಕೆರೆಯಲ್ಲಿ ಶಿವರಾತ್ರಿ ಪ್ರಯುಕ್ತ ಶನಿವಾರ ನಾಗನಾಥೇಶ್ವರಸ್ವಾಮಿ ರಥೋತ್ಸವ ಏರ್ಪಡಿಸಲಾಗಿತ್ತು. ಸ್ಥಳೀಯ ಹಾಗೂ ಸುತ್ತಮುತ್ತಲಿನ ಗ್ರಾಮಗಳ ಗ್ರಾಮಸ್ಥರು ಬಿಸಿಲನ್ನು ಲೆಕ್ಕಿಸದೆ ರಥೋತ್ಸವದಲ್ಲಿ ಭಾಗವಹಿಸಿದ್ದರು. ಸರಿತಿ ಸಾಲಿನಲ್ಲಿ ನಿಂತು ದೇವರ ದರ್ಶನ ಪಡೆದರು. ಗ್ರಾಮಗಳಿಂದ ಎತ್ತಿನ ಗಾಡಿಗಳಲ್ಲಿ ತಂದಿದ್ದ ಪಾನಕ ಕುಡಿದು ದಣಿವು ತೀರಿಸಿಕೊಂಡರು. ದೇವಾಲಯ ಅಭಿವೃದ್ಧಿ ಸಮಿತಿ ಹಾಗೂ ಸಮಾಜ ಸೇವಾ ಸಂಸ್ಥೆಗಳಿಂದ ಭಕ್ತಾದಿಗಳಿಗೆ ಉಚಿತ ಊಟದ ವ್ಯವಸ್ಥೆ ಮಾಡಲಾಗಿತ್ತು.
ರಾಯಲ್ಪಾಡ್ ಗ್ರಾಮದ ಕಾಶಿ ವಿಶ್ವನಾಥ ದೇವಾಲಯದಲ್ಲಿ ವಿಶೇಷ ಪೂಜೆ ಏರ್ಪಡಿಸಲಾಗಿತ್ತು. ದೇವತಾ ವಿಗ್ರಹಕ್ಕೆ ವಿಶೇಷ ಅಲಂಕಾರ ಮಾಡಲಾಗಿತ್ತು. ತಾಲ್ಲೂಕಿನ ದೂರ ದೂರದ ಗ್ರಾಮಗಳಿಂದ ಮಾತ್ರವಲ್ಲದೆ, ನೆರೆಯ ಆಂಧ್ರಪ್ರದೇಶದ ಗ್ರಾಮಗಳಿಂದಲೂ ಜನರು ಬಂದು ದೇವರ ದರ್ಶನ ಪಡೆದರು. ದರ್ಶನ ಪಡೆದವರಿಗೆ ತೀರ್ಥ ಪ್ರಸಾದ ವಿತರಿಸಲಾಯಿತು.
ಶ್ರೀನಿವಾಸಪುರದ ನಗರೇಶ್ವರ ದೇವಾಲಯದಲ್ಲಿ ಶಿವರಾತ್ರಿ ಆಚರಣೆ ಅಂಗವಾಗಿ ಲಿಂಗಕ್ಕೆ ವಿಶೇಷ ಪುಷ್ಪಾಲಂಕಾರ ಮಾಡಲಾಗಿತ್ತು. ಶಂಕರ ಮಠ ಸಮೀಪದ ಶಿವಾಲಯದಲ್ಲಿ ಕುಂಭಾಭಿಷೇಕ ಏರ್ಪಡಿಸಲಾಗಿತ್ತು. ವಿಶೇಷ ಪೂಜೆ ನಡೆಯಿತು. ಶಿರಿಡಿ ಸಾಯಿಬಾಬ ದೇವಾಲಯದಲ್ಲಿ ವಿಶೇಷ ಪೂಜೆ ಏರ್ಪಡಿಸಲಾಗಿತ್ತು. ಬ್ರಹ್ಮಕುಮಾರಿ ಈಶ್ವರೀಯ ವಿದ್ಯಾಲಯದ ವತಿಯಿಂದ ಶಿವೋತ್ಸವ ಏರ್ಪಡಿಸಲಾಗಿತ್ತು. ಪಟ್ಟನದ ಮುಖ್ಯ ರಸ್ತೆಗಳಲ್ಲಿ ಶಿವೋತ್ಸವ ಮೆರವಣಿಗೆ ಏರ್ಪಡಿಸಲಾಗಿತ್ತು. ದಳಸನೂರಿನ ಶಿವಾಲಯದಲ್ಲಿ ವಿಶೇಷ ಪೂಜಾ ವ್ಯವಸ್ಥೆ ಮಾಡಲಾಗಿತ್ತು. ಸುತ್ತಮುತ್ತಲಿನ ಗ್ರಾಮಗಳಿಂದ ಆಗಮಿಸಿದ್ದ ಹೆಚ್ಚಿನ ಸಂಖ್ಯೆಯ ಗ್ರಾಮಸ್ಥರು ದೇವರ ದರ್ಶನ ಪಡೆದರು. ತಾಲ್ಲೂಕಿನ ಬಹುತೇಕ ಗ್ರಾಮಗಳ ಸ್ಥಳೀಯ ದೇವಾಲಯಗಳಲ್ಲಿ ಪೂಜೆ, ಆಭಿಷೇಕ, ಏರ್ಪಡಿಸಲಾಗಿತ್ತು.
ಶ್ರೀನಿವಾಸಪುರ: ಪುಂಗನೂರು ರಸ್ತೆಯಲ್ಲಿ ಶುಕ್ರವಾರ ಬೈಕ್ ವೀಲಿಂಗ್ ಮಾಡುತ್ತಿದ್ದ ವ್ಯಕ್ತಿಯೊಬ್ಬನನ್ನು ಪೊಲೀಸರು ಹಿಡಿದು ಬೈಕ್ ವಶಪಡಿಸಿಕೊಂಡಿದ್ದಾರೆ.
ಆ ರಸ್ತೆಯಲ್ಲಿ ಅಪಾಯಕಾರಿ ಬೈಕ್ ವೀಲಿಂಗ್ ನಡೆಸುತ್ತಿದ್ದುದರ ಬಗ್ಗೆ ಪೊಲೀಸರಿಗೆ ಸಾರ್ವಜನಿಕರಿಂದ ಬಂದ ದೂರುಗಳ ಹಿನ್ನೆಯಲ್ಲಿ, ಪೊಲೀಸ್ ಇನ್ಸ್‍ಪೆಕ್ಟರ್ ಜೆ.ಇ.ನಾರಾಯಣಸ್ವಾಮಿ ನೇತೃತ್ವದಲ್ಲಿ ದಾಳಿ ನಡೆಸಿ, ವೀಲಿಂಗ್ ನಡೆಸುತ್ತಿದ್ದ ಪಟ್ಟಣದ ಆಜಾದ್ ರಸ್ತೆ ನಿವಾಸಿ ಜಾಕೀರ್ ಖಾನ್ ಎಂಬುವವನ್ನು ಹಿಡಿದು ವಿಚಾರಣೆ ನಡೆಸಿದ ಬಳಿಕ ಠಾಣೆ ಜಾಮೀನು ನೀಡಿ ಬಿಡುಗಡೆ ಮಾಡಿದ್ದಾರೆ.
ವೀಲಿಂಗ್ ಮಾಡಲು ಬಳಸಿದ್ದ ಬೈಕ್ ನ್ಯಾಯಾಲಯದ ವಶಕ್ಕೆ ನೀಡಲಾಗಿದೆ,
ಕೋಲಾರ ಜಿಲ್ಲೆಯ ಕಾಮಸಮುದ್ರಂ ಪೋಲೀಸ್ ಠಾಣೆ, ಬಂಗಾರಪೇಟೆ ತಾಲ್ಲೂಕು, ಕೆ.ಜಿ.ಎಫ್. ಉಪ-ವಿಭಾಗದ ಸರಹದ್ದಿನ ಬಂಗಾರಪೇಟೆ ತಾಲ್ಲೂಕು, ಹೊಸಕೋಟೆ ಗ್ರಾಮದ ವಾಸಿ ಆನಂದ್ ಬಿನ್ ಮುನಿವೆಂಕಟಪ್ಪ ಮತ್ತು ಕೆ.ಜಿ.ಎಫ್. ತಾಲ್ಲೂಕು, ಕ್ಯಾಸಂಬಳ್ಳಿ ಹೋಬಳಿ, ತಿಮ್ಮಾಪುರ ಗ್ರಾಮದ ವಾಸಿ ಕಾಂತ್‍ರಾಜ್ ಬಿನ್ ವೆಂಕಟೇಶಪ್ಪ ಮತ್ತು ಎ.ಕೆ. ಕಾಲೋನಿ, ಕಾಮಸಮದ್ರಂ, ಬಂಗಾರಪೇಟೆ ತಾಲ್ಲೂಕಿನ ವಾಸಿ ಪ್ರವೀಣ್ ಕೆ. ಬಿನ್ ಕೋದಂಡಪ್ಪ, ಮತ್ತು ಬೆಂಗನೂರು ಗ್ರಾಮ, ಬಂಗಾರಪೇಟೆ ತಾಲ್ಲೂಕಿನ ವಾಸಿ ವೇಣು ಬಿನ್ ಗೋವಿಂದಪ್ಪರವರುಗಳು ದಿನಾಂಕ 18-02-2022 ರಂದು ಆಪ್ರಾಪ್ತ ಬಾಲಕಿಯನ್ನು ಅಪಹರಿಸಿಕೊಂಡು ಹೋಗಿ ಆಕೆಯ ಮೇಲೆ ಸಾಮೂಹಿಕ ಅತ್ಯಾಚಾರ ಮಾಡಿರುವ ಆರೋಪದ ಮೇಲೆ ಕಾಮಸಮುದ್ರಂ ಪೋಲೀಸ್ ಠಾಣಾಧಿಕಾರಿ ಸಿ.ಆರ್. 19/2022 ರಂತೆ ಕಲಂ 363, 376 (ಡಿಎ), 376 (3), 34 ಐ.ಪಿ.ಸಿ. ಮತ್ತು ಕಲಂ 6 ಪೊಕ್ಸ್ ಕಾಯ್ದೆ ರೀತಿ ಪಿರ್ಯಾದಿ ಪೋಲೀಸರು ಪ್ರಕರಣವನ್ನು ದಾಖಲಿಸಿಕೊಂಡು, ತನಿಖೆ ಕೈಗೊಂಡು ಜೆ. ಎನ್. ಆನಂದ್ ಕುಮಾರ್, ವೃತ್ತ ನಿರೀಕ್ಷಕರು, ಕಾಮಸಮುದ್ರಂ ವೃತ್ತ ರವರು ಆರೋಪಿತರ ವಿರುದ್ಧ ದೋಷಾಪರೋಪಣಾಪಟ್ಟಿಯನ್ನು ಸಲ್ಲಿಸಿದ್ದರು.
ಸ್ಪೆಷಲ್ ಸಿ. (ಪೊಕ್ಸ್) 36/2022 ರ ಪ್ರಕರಣದ ವಿಚಾರಣೆಯನ್ನು ಕೈಗೆತ್ತಿಕೊಂಡ ಗೌರವಾನ್ವಿತ ನ್ಯಾಯಾಧೀಶರಾದ ಶ್ರೀ ಬಿ. ಪಿ. ದೇವಮಾನೆ ಯವರು ವಿಚಾರಣೆ ನಡೆಸಿದ್ದು, ಸದರಿ ಪ್ರಕರಣದಲ್ಲಿ ವಾದ ವಿವಾದಗಳನ್ನು ಆಲಿಸಿದ ನಂತರ ಆರೋಪಿತರಾದ ಎ1 ಆನಂದ್, ಎ2 ಕಾಂತ್‍ರಾಜ್, ಎ3 ಪ್ರವೀಣ್ ಮತ್ತು ಎ4 ವೇಣು ರವರ ವಿರುದ್ಧ ಆರೋಪವು ರುಜುವಾತಾದ ಹಿನ್ನೆಲೆಯಲ್ಲಿ ದಿನಾಂಕ 17-02-2023 ರಂದು ಆರೋಪಿತರಿಗೆ ಕಲಂ 363, 376 (ಡಿಎ), 376 (3), 34 ಐ.ಪಿ.ಸಿ. ಮತ್ತು ಕಲಂ 6 ಪೋಕ್ಸೊ ಕಾಯ್ದೆ ಆಡಿಯಲ್ಲಿ ಜೀವಿತಾವಧಿವರೆಗೂ ಸಜೆ, ಜೊತೆಗೆ ತಲಾ ರೂ. 25,000/- ದಂಡ ಕಟ್ಟಲು ತಪ್ಪಿದಲ್ಲಿ 6 ತಿಂಗಳ ಸಜೆಯನ್ನು ವಿಧಿಸಿ, ತೀರ್ಪು ಪ್ರಕಟಿಸಿದೆ. ಸದರೀ ಪ್ರಕರಣದಲ್ಲಿ ವಿಶೇಷ ಸರ್ಕಾರಿ ಅಭಿಯೋಜಕರಾದ ಶ್ರೀಮತಿ ಡಿ. ಲಲಿತಕುಮಾರಿ ರವರು ವಾದ ಮಂಡಿಸಿದ್ದರು.
ಶ್ರೀನಿವಾಸಪುರ: ಜನರು ಅಧಿಕಾರಿಗಳ ಗ್ರಾಮ ವಾಸ್ತವ್ಯ ಕಾರ್ಯಕ್ರಮದ ಪ್ರಯೋಜನ ಪಡೆದುಕೊಳ್ಳಬೇಕು. ಸ್ಥಳದಲ್ಲಿಯೇ ತಮ್ಮ ಸಮಸ್ಯೆಗಳಿಗೆ ಪರಿಹಾರ ಪಡೆದುಕೊಳ್ಳಬೇಕು ಎಂದು ತಹಶೀಲ್ದಾರ್ ಶಿರಿನ್ ತಾಜ್ ಹೇಳಿದರು.
ತಾಲ್ಲೂಕಿನ ಆನೆಪಲ್ಲಿ ಗ್ರಾಮದಲ್ಲಿ ತಾಲ್ಲೂಕು ಆಡಳಿತದ ವತಿಯಿಂದ ಶನಿವಾರ ಏರ್ಪಡಿಸಿದ್ದ ಅಧಿಕಾರಿಗಳ ಗ್ರಾಮ ವಾಸ್ತವ್ಯ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಪಹಣಿ, ದಾನಪತ್ರ, ಪಿಂಚಣಿ, ವಿಭಾಗ ಪತ್ರ, ಪೌತಿ ಖಾತೆ ಮುಂತಾದ ವಿಷಯಗಳಲ್ಲಿ ಯಾವುದೇ ಸಮಸ್ಯೆ ಇದ್ದಲ್ಲಿ ಸರಿಪಡಿಸಲಾಗುವುದು. ಎಲ್ಲ ಸರಿಯಿದ್ದಲ್ಲಿ ಸ್ಥಳದಲ್ಲಿಯೇ ಮಾಡಿಕೊಡಲಾಗುವುದು ಎಂದು ಹೇಳಿದರು.
ಗ್ರಾಮದಲ್ಲಿ 62 ಕುಟುಂಬಗಳಿದ್ದು, 330 ಮತದಾರರಿದ್ದಾರೆ. ಸರ್ಕಾರದ ಸೌಲಭ್ಯ ಕಲ್ಪಿಸುವುದು ಕಾರ್ಯಕ್ರಮದ ಉದ್ದೇಶವಾಗಿದೆ. ಎಲ್ಲ ಸೌಲಭ್ಯ ಅರ್ಹ ಫಲಾನುಭವಿಗಳಿಗೆ ತಲುಪುವಂತೆ ನೋಡಿಕೊಳ್ಳಲಾಗುವುದು. ಸರ್ವೆ ನಂಬರ್ 28ರಲ್ಲಿ 10 ಗುಂಟೆ ಜಾಗದಲ್ಲಿ ಸ್ಮಶಾನ ನಿರ್ಮಿಸಲಾಗುವುದು. ಶುದ್ಧ ಕುಡಿಯುವ ನೀರು ಘಟಕ ಸ್ಥಾಪಿಸಲಾಗುವುದು ಎಂದು ಹೇಳಿದರು.
ಸಭೆಯಲ್ಲಿ ವಿವಿಧ ಸಮಸ್ಯೆಗಳಿಗೆ ಸಂಬಂಧಿಸಿದಂತೆ 17 ಅರ್ಜಿ ಸ್ವೀಕರಿಸಲಾಯಿತು. 35 ಆಧಾರ್ ಕಾರ್ಡ್ ನೀಡಲಾಯಿತು. 10 ಪಹಣಿ ನೀಡಲಾಯಿತು. 7 ಮಂದಿಗೆ ಪಿಂಚಣಿ ನೀಡಲಾಯಿತು.
ಉಪ ತಹಶೀಲ್ದಾರ್ ಕೆ.ಎಲ್.ಜಯರಾಂ, ಶಿರಸ್ತೇದಾರರಾದ ಬಲರಾಮಚಂದ್ರೇಗೌಡ, ಮನೋಹರಮಾನೆ, ಕಂದಾಯ ಅಧಿಕಾರಿ ಸಂಕರರೆಡ್ಡಿ, ಗ್ರಾಮ ಲೆಕ್ಕಾಧಿಕಾರಿಗಳಾದ ಅಮರೀಶ್, ನಂದ್ಯಪ್ಪ, ಸಿಕಂದರ್, ಶಿವಪ್ರಕಾಶ್, ಮುರಳಿಧರ್, ವಿವಿಧ ಇಲಾಖೆಗಳ ಮುಖ್ಯಸ್ಥರಾದ ಎಂ.ಶ್ರೀನಿವಾಸ್, ಮಂಜುನಾಥ್, ಹನುಮೇಗೌಡ, ರಾಜಣ್ಣ, ತಿಪ್ಪಣ್ಣ ಇದ್ದರು.
ಕುಂದಾಪುರ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತು ಆಶ್ರಯದಲ್ಲಿ, ಸಮ್ಮೇಳನ ಸಮಿತಿ, ಗಂಗೊಳ್ಳಿ ಸರಸ್ವತಿ ವಿದ್ಯಾಲಯ ಪ. ಪೂ. ಕಾಲೇಜು ವಠಾರದಲ್ಲಿ ಇಂದು ಫೆ.19 ರಂದು ಏರ್ಪಡಿಸಿರುವ ಗಂಗಾವಳಿ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕಾಗಿ ಗಂಗೊಳ್ಳಿ ಸರ್ವ ರೀತಿಯಲ್ಲಿ ಸಿದ್ಧಗೊಂಡಿದೆ. ವಿವಿಧ ಸಂಘಟನೆಗಳಿಂದ ಸ್ವಾಗತ ಕಮಾನುಗಳು, ಪ್ರಚಾರ ಫಲಕಗಳು ಅಳವಡಿಸಲ್ಪಟ್ಟಿದ್ದು ಕನ್ನಡ ಬಾವುಟಗಳಿಂದ ಬೀದಿ ಶೃಂಗಾರಗೊಂಡಿದೆ.
ಸರಸ್ವತಿ ವಿದ್ಯಾಲಯ ವಠಾರದಲ್ಲಿ ಶಾಮಿಯಾನದ ಚಪ್ಪರ ಹಾಕಿಸಲಾಗಿದ್ದು, ಕಾಲೇಜಿನ ವಿಶಾಲ ವೇದಿಕೆಯಲ್ಲಿ ಕಾರ್ಯಕ್ರಮಗಳು ನಡೆಯಲಿವೆ. ವಸ್ತು ಹಾಗೂ ಪುಸ್ತಕ ಮಳಿಗೆಗಳಿಗೆ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿದೆ. ಊಟೋಪಚಾರಕ್ಕಾಗಿ “ವಿಠಲ ರಕುಮಾಯಿ” ದೇವಸ್ಥಾನದ ಭೋಜನ ಶಾಲೆ ಹಾಗೂ ಶಾಲಾ ಸಭಾಂಗಣದಲ್ಲಿ ವ್ಯವಸ್ಥೆ ಆಗಿದೆ. ವಾಹನ ನಿಲುಗಡೆಗೂ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿದೆ.
ಬೆಳಿಗ್ಗೆ 8 ಗಂಟೆಗೆ ಧ್ವಜಾರೋಹಣದೊಂದಿಗೆ ಸಮ್ಮೇಳನ ಚಟುವಟಿಕೆ ಆರಂಭಗೊಳ್ಳಲಿದ್ದು, 8:30ಕ್ಕೆ ಸಮ್ಮೇಳನಾಧ್ಯಕ್ಷರು, ಕನ್ನಡ ಭುವನೇಶ್ವರಿ ದೇವಿಯ ಪುರಮೆರವಣಿಗೆ ರಾಮ ಮಂದಿರದಿಂದ ಕಾಲೇಜು ತನಕ ನಡೆಯಲಿದೆ. ಬೆಳಿಗ್ಗೆ 9:30ಕ್ಕೆ ಸಮ್ಮೇಳನದ ಸಭಾ ಕಾರ್ಯಕ್ರಮಗಳು ಆರಂಭಗೊಳ್ಳುತ್ತವೆ. ಸಮ್ಮೇಳನದ ಸಭಾ ಕಾರ್ಯಕ್ರಮದೊಂದಿಗೆ ಗಾನ ಲಹರಿ, ಚಿಣ್ಣರ ವಾದ್ಯ ವೈವಿಧ್ಯ, ಕುಂದಾಪ್ರ ಕನ್ನಡ ಪ್ರಹಸನ, ಬರ್ಬರೀಕ ನಾಟಕ ಪ್ರದರ್ಶನ ವಿಶೇಷ ಆಕರ್ಷಣೆಯಾಗಿದೆ.
ಸಮ್ಮೇಳನಾಧ್ಯಕ್ಷ ಕೋ. ಶಿವಾನಂದ ಕಾರಂತರ ಅಧ್ಯಕ್ಷತೆಯಲ್ಲಿ ಉದ್ಘಾಟನಾ ಸಮಾರಂಭದ ನಂತರ ಕವಿಗೋಷ್ಠಿ, ಕೋ. ಶಿವಾನಂದ ಕಾರಂತ ಬದುಕು ಮತ್ತು ಬರಹ ವಿಚಾರ ಗೋಷ್ಠಿ, ಕುಂದಾಪ್ರ ಕನ್ನಡ ಸಂವಾದ, ಸನ್ಮಾನ ಸಮಾರಂಭ ನಡೆಯಲಿದೆ. ಈ ಎಲ್ಲಾ ಕಾರ್ಯಕ್ರಮಗಳಿಗೆ ಸಾಹಿತ್ಯಾಭಿಮಾನಿಗಳು ಆಗಮಿಸಿ, ಸಮ್ಮೇಳನ ಯಶಸ್ವಿಗೊಳಿಸಬೇಕೆಂದು ಸಮ್ಮೇಳನ ಸಮಿತಿ ಅಧ್ಯಕ್ಷ ಎಚ್. ಗಣೇಶ್ ಕಾಮತ್, ಕುಂದಾಪುರ ತಾಲೂಕು ಕಸಾಪ ಅಧ್ಯಕ್ಷ ಡಾ. ಉಮೇಶ್ ಪುತ್ರನ್ ವಿನಂತಿಸಿದ್ದಾರೆ.
ಸಮ್ಮೇಳನದ ವಿಶೇಷ :
ಖ್ಯಾತ ಕಾದಂಬರಿಗಾರರಾಗಿದ್ದು, ಕನ್ನಡ ಪಂಡಿತರಾಗಿ ಸರಸ್ವತಿ ವಿದ್ಯಾಲಯ ಪ್ರೌಢಶಾಲೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದ ವಿಠಲ ಶೆಣೈ ಎಚ್. ಗಂಗೊಳ್ಳಿಯವರು ಕೋಟೇಶ್ವರದಲ್ಲಿ ನಡೆದ ಕುಂದಾಪುರ ತಾಲೂಕು ಎರಡನೇ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಸಮ್ಮೇಳನಾಧ್ಯಕ್ಷ ಗೌರವ ಪಡೆದಿದ್ದರು. ಗಂಗೊಳ್ಳಿಯಲ್ಲಿ ಸರಸ್ವತಿ ವಿದ್ಯಾಲಯದಲ್ಲಿ 18ನೇ ಸಮ್ಮೇಳನ ನಡೆಯುತ್ತಿರುವಾಗ, ವಿಠಲ ಶೆಣೈ ಸಭಾಂಗಣದಲ್ಲಿ ಫೆ.19 ರಂದು ಇದೇ ಪ್ರೌಢಶಾಲೆಯಲ್ಲಿ ಪ್ರಾಧ್ಯಾಪಕರಾಗಿದ್ದ ಕೋ. ಶಿವಾನಂದ ಕಾರಂತರು ಸಮ್ಮೇಳನಾಧ್ಯಕ್ಷರಾಗಿರುವುದು ವಿಶೇಷವಾಗಿದೆ.