ಕವಿತಾ ಪಾನ್
ಜಯ್ತಾಚೆಂ ಮೇಟ್
~~~~~~~~~~~~~~~
ಕೊರೊನಾ ಮುಳ್ಳೆಂ ಭೆೈಂ
ಆಸ್ಲೆಂ ತ್ಯಾ ವೆಳಾರ್.
ಆತಾಂ ಕೊರೊನಾ ಸಂಗಿ ಜಿಯೆಜೆ ಪಡ್ಲೆಂ.
ದುಕಾನಾಂ ಉಗ್ತಿಂ ಕೆಲಿಂ,
ವಾಹನಾಂ ರಸ್ತ್ಯಾರ್ ಧಾಂವ್ಲಿ,
ವಿಮಾನಾಂ ಆಮ್ಚಿಂ ಉಭ್ಲಿಂ,
ದಿವ್ಳಾಂ, ಮಂದಿರಾಂ, ಮಸೀದಿಚಿಂ,
ಬಾಗ್ಲಾಂ ಉಗ್ತಿಂ ಕೆಲಿಂ.
ದೆವಾಚಿ ಮಹಿಮಾ ವಿಚಿತ್ರ್,
ಮರ್ಣಾಚಿ ಸಂಖ್ಯಾ ಉಣೆ ಜಾಲಿ,
ಪಿಡಾ ಬರಿ ಜಾಲ್ಲ್ಯಾಂಚಿ ಸಂಖ್ಯಾ ವಾಡ್ಲಿ,
ಭುಕ್, ಕಷ್ಟ್, ಪಿಡಾ, ಕಾಮ್,
ಕಿತೆಂ ಮುಣ್ ಸಮ್ಜಾಲಿಂ.
ವೇಳ್ ನಾ ಮುಣ್ ಸಾಂಗ್ತೆಲಿಂ,
ಬಾಯ್ಲೆ-ಭುರ್ಗ್ಯಾಂ ಸಂಗಿ,
ಸುಖ್-ದೂಖ್ ವಾಂಟುಂಕ್ ಲಾಗ್ಲಿಂ,
ಕುಟ್ಮಾಸಂಗಿ ರಾವ್ಲಿಂ, ಖೆಳ್ಳಿಂ, ಜೆವ್ಲಿಂ,
ಲಾಕ್ಡೌನಾ ವರ್ವಿಂ.
ಪಿಡಾ ಮುಳ್ಳೆಂ ಭೈಂ,
ಕಾಳ್ಜಾಂತ್ ಆಸ್ಲೆಂ ಪಯ್ಸ್ ಕರ್ನ್,
ಧೈಯ್ರಾನ್ ಸಮಾಜೆಂತ್ ಜಿಯೆಜೆ ಪಡ್ಲೆಂ,
ಮಾಸ್ಕ್, ಅಂತರ್, ಸಾನಿಟೈಸರಾ ಸಾಂಗಾತಾ.
ರುಚಿಚೆಂ ರಾಂದಾಪ್,
ಬರಿ ಭಲಾಯ್ಕಿ,
ಕುಟ್ಮಾಚೊ ಮೋಗ್,
ದೆವಾಚಿ ಕಾಕುಳ್ತ್,
ಹ್ಯಾ ಕೊರೊನಾ ಪಿಡೆ ಥಾವ್ನ್,
ಜಯ್ತ್ ವರುಂಕ್ ಸಕ್ಲೆಂ.
✍️ ಜೋಸೆಫ್ ಲುವಿಸ್, ಸಾಸ್ತಾನ್.