JANANUDI.COM NETWORK
ಕುಂದಾಪುರ್ ಸಾಂ.ಫ್ರಾನ್ಸಿಕನ್ ಸಭಾ ಥಾವ್ನ್ ಸಾಂ.ಪ್ರಾನ್ಸಿಸ್ ಅಸಿಸಿಚೆಂ ಫೆಸ್ತ್ ಆಚರಣ್
ಕುಂದಾಪುರ್, ಒ.6: ಕುಂದಾಪುರ್ ಸಾಂ.ಫ್ರಾನ್ಸಿಕನ್ ಸಭಾ ಥಾವ್ನ್ ಒಕ್ಟೋಬರಚ್ಯಾ 6 ತಾರೀಕೆರ್ ಆಯ್ತಾರ ಸಾಂ.ಪ್ರಾನ್ಸಿಸ್ ಅಸಿಸಿಚೆಂ ಫೆಸ್ತ್ ಆಚರಣ್ ಕೆಲೆಂ. ವಿಗಾರ್ ಭೊ|ಮಾ|ಬಾ| ಸ್ಟ್ಯಾನಿ ತಾವ್ರೊಚ್ಯಾ ಪ್ರಧಾನ್ ಯಾಜಕ್ಪಣಾ ಖಾಲ್ ಪವಿತ್ರ್ ಬಲಿದಾನ್ ಭೆಟಯ್ಲೆಂ. ಸಾಂದ್ಯಾನಿಂ ಪವಿತ್ರ್ ಬಲಿದಾನಾಂತ್ ವಾಂಟೊ ಘೆಂವ್ಚ್ಯಾ ಸವೆಂ ಲಿತುರ್ಜಿಂತ್ ವಾಂಟೊ ಘೆತ್ಲೊ. ಪ್ರಾಂಶುಪಾಲ್ ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಣೆ ಸಹಬಲಿದಾನ್ ಭೆಟಯ್ಲೆಂ.
ಸಭಾ ಕಾರ್ಯಕ್ರಮಾಂತ್ ವಿಗಾರ್ ಭೊ|ಮಾ|ಬಾ| ಸ್ಟ್ಯಾನಿ ತಾವ್ರೊನ್ ಅಧ್ಯಕ್ಷಪಣ್ ಘೆಂವ್ನ್ ಸಾಂತ್. ಫ್ರಾನ್ಸಿಸ್ ಅಸಿಸಿ ಏಕ್ ಮಹಾನ್ ಭಕ್ತಿಕ್, ತಶೆಂಚ್ ತೊ ಪರಿಸರ್ ಪ್ರೇಮಿ, ದೆಕುನ್ ಪಾಪಾ ಸಾಯ್ಬಾನ್ ತಾಚಿಂ ದೆಖ್ ಘೆಂವ್ಕ್ ಉಲೊ ದಿಂವ್ನ್ ಭಕ್ತಿ ಸವೆಂ ಪರಿಸರ್ ಸಂರಕ್ಷಣಾ ಖಾತಿರ್ ವಾವ್ರಿಜೆ ಮ್ಹಳಾ. ಸಾಂತ್. ಅಸಿಸಿ ಮರಣ್ ಲಾಗಿಂ ಪಾವ್ಲಾರ್‍ಯಿ ಹಾಂವ್ ಮ್ಹಜೆಂ ಪರಿಸರ್, ರೂಕಾ ಝಡಾಂ ಲಾಂವ್ಚೆ ತಾಂಕಾಂ ಪೆÇಸ್ ಕರ್ಚೊ ಕಾಮ್ ಕರಿತ್ ರಾವ್ತಾ’ ಮ್ಹಣನ್ ಸಾಂಗಲ್ಲೊ ವ್ಯಕ್ತಿ’ ಮ್ಹಣನ್ ತಾಣಿ ಸಾಂಗ್ಲೆ. ಮುಖೇಲ್ ಸಯ್ರೊ ಜಾವ್ನ್ ಪ್ರಾಂಶುಪಾಲ್ ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್ ‘ಸಾಂ.ಫ್ರಾನ್ಸಿಸ್ ಅಸಿಸಿ ಭವಾಡ್ತಿ ಮನಿಸ್, ಜೆಜುಚ್ಯಾ ಮಿಸಾಂವಾ ಸವೆಂ ಪರಿಸರ ಥಂಯ್ ತಾಕಾ ವ್ಹರ್ತೊ ಮೋಗ್ ಆಸ್ಲೊ’ ಮ್ಹಣನ್ ತಾಣಿ ಸಾಂಗ್ಲೆ. ಉಪಾಧ್ಯಕ್ಷ್ ಜೇಕಬ್ ಡಿಸೋಜಾ ‘‘ಸಾಂ.ಫ್ರಾನ್ಸಿಸ್ ಅಸಿಸಿಕ್ ದುಬ್ಳ್ಯಾ ಥಂಯ್ ಅಪಾರ್ ಮೋಗ್ ದಯಾ ಆಸ್ಲೊ ಮನಿಸ್’ ಮ್ಹಣನ್ ಸಾಂಗ್ಲೆ.
ಖೆಳಾ ಪಂದ್ಯಾಟಾಂತ್ ಜಿಕಲ್ಯಾಂಕ್ ಕಾನ್ವೆಂಟಾಚಿ ವ್ಹಡಿಲ್ನ್ ಸಿಸ್ಟರ್ ವಾಯ್ಲೆಟ್ ತಾವ್ರೊ, ಗೊ.ಮ.ಕಾರ್ಯದರ್ಶಿ ಫೆಲ್ಸಿಯಾನ್ ಡಿ’ಸೋಜಾ, 18 ಆಯೋಗಾಚಿ ಸಂಚಾಲಕಿ ಪ್ರೇಮಾ ಡಿಕುನ್ಹಾ ಹಾಣಿ ಇನಾಮಾ ವಾಂಟ್ಲಿ. ಅಧ್ಯಕ್ಷಿಣ್ ಡಯಾನಾ ಡಿಸೋಜಾನ್ ಸ್ವಾಗತ್ ಮಾಗ್ಲೊ. ಕಾರ್ಯದರ್ಶಿ ಆಲಿಸ್ ಬಾಂಜಾನ್ ವರ್ದಿ ವಾಚ್ಲಿ. ಜಾಸಿಂತಾ ಕೊರೆಯಾ ಹಿಣೆ ಧನ್ಯವಾದ್ ಪಾಟಯ್ಲೆಂ. ಡಾ|ಸೋನಿ ಡಿಕೋಸ್ತಾನ್ ಕಾರ್ಯೆ ಚಲವ್ನ್ ವೆಲೆಂ.
