JANANUDI.COM NETWORK
ಕುಂದಾಪುರ್, ಸೆ.29: ಕುಂದಾಪುರ್ ಸಹಾಯಕ್ ಯಾಜಕ್ ಬಾಪ್ ವಿಜಯ್ ಜೊಯ್ಸನ್ ಡಿಸೋಜಾನ್ 33 ವೊ ಜಲ್ಮಾ ದಿವಸ್ ಆಜ್ ಫಿರ್ಗಜ್ ಲೊಕಾಂ ಸವೆಂ ತಸೆಂಚ್ ಆಯ್ಚ್ಯಾ ದಿಸಾ ಜಲ್ಮಾಲ್ಯಾ ಫಿರ್ಗಜ್‍ಗಾರಾಂ ಸವೆಂ ಸಾದ್ಯಾ ರೀತಿನ್ ಆಚರಣ್ ಕೆಲೊ. ಸಕಾಳಿ ಅರ್ಗಾಂ ಬಲಿದಾನ್ ಭೆಟಯ್ಲ್ಯಾ ಉಪ್ರಾಂತ್ ಯಾಜಕಾಂಚ್ಯಾ ಘರಾ ಮುಖಾರ್ ಕೇಕ್ ಕಾತರ್ನ್ ಜಲ್ಮಾ ದೀಸ್ ಆಚರಣ್ ಕೆಲೊ.
ವಿಗಾರ್ ಭೋ|ಮಾ| ಬಾಪ್ ಸ್ಟ್ಯಾನಿ ತಾವ್ರೊನ್ ವಿಜಯ್ ಜೊಯ್ಸನ್ ಡಿಸೋಜಾಕ್ ಲಾಂಭ್ ಆವ್ಕ್ ಬಳ ಭಲಾಯ್ಕಿ ಮಾಗೊನ್, ಯಾಜಕಿ ಜಿಣಿ ಸುಫಳ್ ಭರಿತ್ ಜಾಂವ್ದಿ, ಆನಿ ತಾಂಚ್ಯಾ ಯಾಜಕಿ ಜಿಣಿಯೆ ಪಾಸೊತ್ಮಾಗೊಂಕ್ ಉಲೊ ದಿಲೊ. ಬಾಪ್ ವಿಜಯ್ನ್, ಮೊಜ್ಯಾ ಯಾಜಕಿ ಜಿಣಿಯೆ ಪಾಸೊತ್ ಮಾಗಾ ಆನಿ ಹಾಂವ್ ತುಮ್ಚೆ ಪಾಸೊತ್ ಮಾಗ್ತಾಲೊ ಮ್ಹಣುನ್ ಉಲೊ ದಿವ್ನ್ ಸರ್ವಾಂಚೊ ಉಪ್ಕಾರ್ ಆಟಯ್ಲೊ.
ಪ್ರಾಂಶುಪಾಲ್ ಬಾಪ್ ಮಾ| ಪ್ರವೀಣ್ ಅಮ್ರತ್ ಮಾರ್ಟಿಸ್, ಕೊವೆಂತಾಚಿಂ ಧರ್ಮ್ ಭಯ್ಣ್ಯೊ, ಗೊವ್ಳಿಕ್ ಮಂಡಳಿ ಸಾಂದೆ, ಫಿರ್ಗಜ್ ಲೋಕ್ ಹಾಜರ್ ಆಸ್ಲೊ. ಗೊ.ಮಂ. ಉಪಾಧ್ಯಕ್ಷ್ ಲುವಿಸ್ ಜೆ. ಫೆರ್ನಾಂಡಿಸ್ ಹಾಣಿ ಕಾರ್ಯೆ ಚಲಯ್ಲೆಂ. ಕಾರ್ಯದರ್ಶಿ ಆಶಾ ಕರ್ವಾಲ್ಲೊನ್ ಧನ್ಯವಾದ್ ಪಾಟಯ್ಲೆಂ.
