ಕುಂದಾಪುರ್,ಮೆ. 31: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಮೇ 31 ವೇರ್ ಸಾಂಜೆರ್ ನವೊ ಸಹಾಯಕ್ ವಿಗಾರ್ ಜಾವ್ನ್ ಮಾ|ಬಾ|ವಿಜಯ್ ಜೊಯ್ಸನ್ ಡಿಸೋಜಾ ಹಾಂಚೆಂ ಆಗಮನ್ ಜಾಲೆಂ.
ಇಗರ್ಜೆಚ್ಯಾ ದಾರ್ವಾಟ್ಯಾರ್ ಕುಂದಾಪುರ್ಚೊ ವಿಗಾರ್ ಮಾ|ಬಾ| ಸ್ಟ್ಯಾನಿ ತಾವ್ರೊನ್ ತಾಂಕಾಂ ಫುಲಾಂ ಝೆಲೊ ಅರ್ಪುನ್ ಮೊಗಾಚೊ ಸ್ವಾಗತ್ ಕೆಲೊ. ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಣಿ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ಉಡುಪಿ ದುಖಿ ಸಾಯ್ಬಿಣಿಚೆ ವಿಗಾರ್ ಭೊ|ಮಾ|ಬಾ|ವಾಲೇರಿಯನ್ ಮೆಂಡೊನ್ಸಾ ಹಾಣಿ “ಬಾ|ವಿಜಯ್ ಜೊಯ್ಸನ್ ಡಿಸೋಜಾ, ಏಕ್ ಮೊವಾಳ್, ಶಾತಿವೊಂತ್ ಯಾಜಕ್’ ಮ್ಹಣನ್ ಆಪ್ಲಿ ಭೊಗ್ಣಾ ಉಚಾರ್ಲಿ. ಕುಂದಾಪುರ್ಚೊ ವಿಗಾರ್ ಭೊ|ಮಾ|ಬಾ| ಸ್ಟ್ಯಾನಿ ತಾವ್ರೊ ‘ಬಾ|ವಿಜಯ್ ಜೊಯ್ಸನ್ ಹಾಂಕಾಂ ಆಮಿ ಮೊಗಾನ್ ಸ್ವೀಕಾರ್ ಕರ್ತಾಂವ್, ರೊಜಾರ್ ಮಾಯ್ ತಾಂಚೆಂ ಮಿಸಾಂವ್ ಮುಂದರುನ್ ವ್ಹರುಂಕ್ ಆಧಾರ್ ದಿತೆಲಿ’ ಮ್ಹಣಾಲೆ.
ಬಾ|ವಿಜಯ್ ಜೊಯ್ಸನ್ ಡಿಸೋಜಾನ್ ‘ಯಾಜಕ್ ಆಸ್ಚೆಂಚ್ ಗರ್ಜ್ ಪಡ್ಚ್ಯಾ ಥಂಯ್ ಕ್ರಿಸ್ತಿ ಸೆವಾ ದಿಂವ್ಕ್, ಆಪುಣ್ ನಿಸ್ವಾರ್ಥ್ ಸೆವಾ ದಿತಾಲೊ. ತುಮ್ಚ್ಯಾ ಮಾಗ್ಣ್ಯಾಚೊ ಮ್ಹಾಕಾ ಗರ್ಜ್ ಮ್ಹಣಾಲೊ. ಕಾರ್ಯಕ್ರಮಚ್ಯಾ ವೇದಿರ್ ಮಾ|ಬಾ| ರೋಯ್ ಲೋಬೊ, ಪ್ರಾಂಶುಪಾಲ್ ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್, ಕುಂದಾಪುರ್ ಕೊವೆತಾಂಚಿ ವ್ಹಡಿಲ್ನ್ ಸಿಸ್ಟರ್ ವಾಯ್ಲೆಟ್ ತಾವ್ರೊ, 18 ಆಯೋಗಾಚಿ ಸಂಯೋಜಕಿ ಪ್ರೇಮಾ ಡಿಕುನ್ಹಾ ಹಾಜರ್ ಆಸ್ಲೆ. ಮಾ|ಬಾ|ವಿಜಯ್ ಜೊಯ್ಸನ್ ಡಿಸೋಜಾ ಪಾವೊಂಕ್ ಸಭಾರ್ ಯಾಜಕ್, ಧರ್ಮ ಭಯ್ಣ್ಯೊ, ಆನಿ ಉಡುಪಿಚಿಂ ದೇವ್‍ಪ್ರಜಾ ಆಯ್ಲಿಂ, ಕುಂದಾಪುರ್ ಫಿರ್ಗಜ್ ಗೊವ್ಳಿಕ್ ಮಂಡಳಿ ಸಾಂದೆ, ಧರ್ಮ್ ಭಯ್ಣ್ಯೊ ಆನಿ ದೇವ್ ಪ್ರಜೆನ್ ಹ್ಯಾ ಸ್ವಾಗತಾಚ್ಯಾ ಕಾರ್ಯಾಂತ್ ವಾಂಟೊ ಘೆತ್ಲೊ. ಆಶಾ ಕರ್ವಾಲ್ಲೊನ್ ಕಾರ್ಯೆ ಚಲವ್ನ್ ವೆಲೆಂ.