JANANUDI.COM NETWORK
ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಏಕಾ ದಿಸಾಚಿ ರೆತಿರ್ ಸಂಪನ್ನ್ ಜಾಲಿ
ಕುಂದಾಪುರ್,ಮಾ.18: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಏಕಾ ದಿಸಾಚಿ ರೆತಿರ್ ಯಶಸ್ವೆನ್ ಸಂಪನ್ನ್ ಜಾಲಿ.
ಮಾಚ್ರ್ಯಾಚ್ಯಾ 18 ತಾರೀಕೆರ್ ಸಗ್ಳೊ ದೀಸ್ ಆಸಾ ಕೆಲ್ಲಿ ರೆತಿರ್ ಮಾ|ಬಾ|ಬೊನಿಫಾಸ್ ಪಿಂಟೊ ಹಾಂಚ್ಯಾ ಮುಖೇಲ್ಪಣಾರ್ ಚಲಲ್ಲಿ ರೆತಿರ್ ಜೆಜುಚ್ಯಾ ಪಾಶಾಂವ್, ಭೊಗ್ಸಾಣೆ, ದೆವಾಚೊ ಮೋಗ್, ದೇವ್ ಕಾಕ್ಳುದಾರ್, ಕಿತ್ಲ್ಯಾ ಪಾವ್ಟಿಂಯಿ ಆಮ್ಕಾಂ ಭೊಗ್ಸಿತಾ ಹ್ಯಾ ವಿಶ್ಯಾಚೇರ್ ಪ್ರವಚನ್ ದಿಂವ್ನ್ , ಪವಿತ್ರ್ ಸಾಂಕ್ರಾಮೆಂತಾಚ್ಯಾ ಆರಾಧಾನ ಸಂಗಿ ರೆತಿರ್ ಚಲಂವ್ನ್ ವೆಲಿಂ. ಹ್ಯಾ ಸಂದರ್ಭಿ ಕೊರೊನಾ ಪೀಡೆ ವರ್ವಿಂ, ಚಡ್ ಜಣಾಂನಿಂ ಸಾಂಗಾತಾ ಮೆಳ್ಚ್ಯಾಕ್ ಸರ್ಕಾರಾನ್ ಅಡ್ವಾರೆಲ್ಯಾನ್ ರೆತಿರ್ ಮಟ್ವಿ ಕೆಲಿ. ರೆತಿರೆಕ್ ಹಾಜರ್ ಜಾಲ್ಯಾನಿಂ ಉಂಡೊ ಖಾವ್ನ್ ಉಪಾಸ್ ಆದಾರ್ಲೊ. ತಶೆಂಚ್ ಫಿರ್ಗಜ್ ಗಾರಾಂಕ್ ಕುಮ್ಸಾರಾ ಆಸಾ ಕೆಲ್ಲಿ.
ಕೊರೊನಾ ವೈರಸಾ ವರ್ವಿಂ ಭಿಯಾಚೆ ವಾತವರಣ್ ಆಸ್ಲ್ಯಾರಿಯಿ ಹ್ಯಾ ರೆತಿರೆಕ್ ಫಿರ್ಗಜ್‍ಗಾರಾನಿಂ ಚಡ್ ಆಸಕ್ತ್ ದಾಖವ್ನ್ ಚಡಿತ್ ಮಾಪಾನ್ ವಾಂಟೊ ಘೆತ್ಲೊ. ಫಿರ್ಗಜ್ ವಿಗಾರ್ ಭೊ|ಮಾ|ಬಾ|ಸ್ಟ್ಯಾನಿ ತಾವ್ರೊ, ಪ್ರಾಂಶುಪಾಲ್ ಮಾ|ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್, ಮಾ|ಬಾ| ವಿಜಯ್ ಡಿಸೋಜಾ ಹಾಣಿ ರೆತಿರೆಂತ್ ಭಾಗ್ ಘೆತ್ಲೊ. ಭೊ|ಮಾ|ಬಾ|ಸ್ಟ್ಯಾನಿ ತಾವ್ರೊ, ಮಾ|ಬಾ| ವಿಜಯ್ ಡಿಸೋಜಾ ಬಲಿದಾನಾಂತ್, ಮಾ|ಬಾ|ಬೊನಿಫಾಸ್ ಪಿಂಟೊ ಸಂಗಿ ವಾಂಟೊ ಘೆತ್ಲೊ. ವಿಗಾರ್ ಬಾಪಾನ್ ಮಾ|ಬಾ|ಬೊನಿಫಾಸ್ ಪಿಂಟೊ ಆನಿ ರೆತಿರೆಕ್ ಭಾಗ್ ಘೆತ್ಲ್ಯಾ ಸರ್ವಾಂಚೊ ಉಪ್ಕಾರ್ ಆಟಾಯ್ಲೊ
