JANANUDI.COM NETWORK
ಕುಂದಾಪುರ್ ಮರಿಯಾಳ್ ಮೇಳ್ ಭಯ್ಣಿಚೊ ದೀಸ್ ಆಚರಣ್
ಕುಂದಾಪುರ್, ಆ.25: ಕುಂದಾಪುರ್ ರೊಜಾರ್ ಮಾಯ್ ಫಿರ್ಗಜೆಚ್ಯಾ ಮರಿಯಾಳ್ ಮೇಳ್ ಹಾಣಿ ಆಪ್ಲ್ಯಾ ಮೇಳಾಚೊ ದೀಸ್ ಆಚರಣ್ ಕೆಲೊ. ‘ಮರಿಯಾಳ್ ಸೊಡೆಲಿಟಿ ಥಾವ್ನ್ ಜಾಯ್ತಿ ಸೆವಾ ಮೆಳ್ತಾ, ಮರಿಯಾಳ್ ಸೊಡೆಲಿಟಿಚೆ ಮುಖ್ಯ್ ಉದ್ದೇಶ್ ಮಾಗ್ಣೆ, ಅಸಲ್ಯಾ ಮಾಗ್ಣ್ಯಾನಿಂ ಜಾಯ್ತೊ ಪ್ರಭಾವ್ ಆಸ್ತಾಂ, ಆಮ್ಕಾಂ ತೆಂ ಕಳನಾ. ತೇರ್ಸಾ ವರ್ವಿಂಚ್ ದುಸ್ಮಾನ್ ಪಾಡವ್ ಜಾಂವ್ನ್ ಧಾಂವೊನ್ ಗೆಲ್ಲೆಂ ದಾಖ್ಲೆ ಆಸಾತ್ ಹ್ಯಾ ಮಾಗ್ಣ್ಯಾ ಮಾರಿಮಾತ್ ಫಿರ್ಗಜೆಕ್, ಫಿರ್ಗಜೆಂಚ್ಯಾ ಲೋಕಾಂಕ್ ಕಳಾನಾಸ್ತಾಂ ಬರೆಪಣ್ ಮೆಳ್ತಾ,ಗುಪ್ತಿ ಥರಾನ್ ಕರ್ಚೆಂ ಹೆಂ ಮರಿಯೆಚೆ ಭಕ್ತಿಪಣ್ ತುಮಿ ಮುಂದರ್ಸುನ್ ವರುಂಕ್ ಜಾಯ್’ ಮ್ಹಣ್ತಾ ಹ್ಯಾ ಕಾರ್ಯಾಕ್ ಅಧ್ಯಕ್ಷ್ ಪಣ್ ಘೆತ್ಲ್ಯಾ ವಿಗಾರ್ ಮಾ|ಬಾ|ಸ್ಟ್ಯಾನಿ ತಾವ್ರೊನ್ ಶುಭಾಷಯ್ ಪಾಠಯ್ಲೆಂ.
ಕೊವೆಂತಾಚಿ ವ್ಹಡಿಲ್ನ್ ವಾಯ್ಲೆಟ್ ತಾವ್ರೊ ಹಿಣೆ ಶುಭಾಷಯ್ ಪಾಠಯ್ಲೆ. ವೇದಿರ್ ಸಹಾಯಕ್ ವಿಗಾರ್ ಮಾ|ಬಾ|ವಿಜಯ್ ಡಿಸೋಜಾ, ಪ್ರಾಂಶುಪಾಲ್ ಮಾ|ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್, ಗೊವ್ಳಿಕ್ ಮಂಡಳಿ ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾನ್ 18 ಆಯೋಗಾಚಿ ಸಂಚಾಲಕಿ ಪ್ರೇಮಾ ಡಿಕುನ್ಹಾ, ಲ್ಹಾನ್ ಸಮುದಾಯ್ ಪ್ರೇರಕ್ ಸಂಚಾಲಕಿ ಎಲಿಜಾ ಡಿಸೋಜಾ ಹಾಜರ್ ಆಸ್ಲಿ.
ಮೇಳಾಚಿ ಅಧ್ಯಕ್ಷಿಣ್ ಭಯ್ಣ್ ಶಾಲೆಟ್ ಬಾರೆಟ್ಟೊ ಹಿಣೆ ಸ್ವಾಗತ್ ಮಾಗ್ಲೊ. ವಿಕ್ಟೋರಿಯಾ ಡಿಸೋಜಾನ್ ಹಿಣೆ ವರ್ದಿ ವಾಚನ್ ಕೆಲಿ. ಖಜನ್ದಾರ್ ಭಯ್ಣ್ ಮೇರಿ ಲೋಬೊ ಹಿಣೆ ಧನ್ಯವಾದ್ ಪಾಠಯ್ಲೆಂ, ಭಯ್ಣ್ ಜೂಲಿಯೆಟ್ ಪಾಯ್ಸ್ ಹಿಣೆ ಕಾರ್ಯೆ ಚಲವ್ನ್ ವೆಲೆಂ.
