ಕುಂದಾಪುರ್ :ದೇವ್ ಆಪವ್ಣ್ಯಾಚೊ ಆಯ್ತಾರ್
ಕುಂದಾಪುರ್, ಮೆ.12: ದೇವ್ ಆಪವ್ಣಿ ಆಮ್ಕಾಂ ಗರ್ಜ್ ಆಸಾತ್, ಆಯ್ಚ್ಯಾ ಕಾಳಾರ್ ಯಾಜಕ್ ಜಾಂವ್ಚೆ ಆಸಕ್ತ್ ಉಣೆ ಜಾವ್ನ್ ಆಯ್ಲ್ಯಾ. ಪುಣ್ ಮುಕಾರ್ ಆಮ್ಚ್ಯಾ ಸಮಾಜೆಂತ್ ರೆಸ್ಪೆರ್ ಕರ್ಚೆಂ, ಮರ್ಣಾ ಸಂಸ್ಕಾರ್ ಕರ್ಚೆಂ, ಪವಿತ್ರ್ ಬಲಿದಾನ್ ಭೆಟಂವ್ಕ್ ಕೋಣ್ ಮ್ಹಳೆಂ ಪರಿಸ್ಥಿತಿ ಉದ್ಯೆಲಾ, ಆಮ್ಚ್ಯಾ ತರ್ನಾಟ್ಯಾನಿಂ ಯಾಜಕ್ ಜಾಂವ್ಚಿ ಆಶಾ ದಾಖಯ್ಜೆ, ಯಾಜಕ್ ಜಾಲ್ಯಾರ್ ತಾಕಾ ಶೆಂಬೊರ್ ವಾಂಟ್ಯಾನಿಂ ಫಳ್ ಮೆಳ್ತಾ, ಗ್ರೇಸ್ತ್ ಕಾಯೆನ್ ನ್ಹಯ್ ಬದ್ಲಾಕ್ ಶಾಂತಿ ಸಮಧಾನ್ ಯೇಥೆಷ್ಟ್ ಮಾಫಾನ್ ಮೆಳ್ತಾ’ ಮ್ಹಣನ್ ಸಯ್ರೊ ಯಾಜಕ್ ಜಾವ್ನ್ ಆಯ್ಲ್ಯಾ ಆದಿ ಕೊಡಿಯಾಳ್ ದಿಯೆಸಿಜ್ ಸೆಮಿನರಿಚೊ ದೀರೆಕ್ತೊರ್, ಆತಾಂ ಉಡುಪಿ ದಿಯೆಸಿಜ್ ಮೈನರ್ ಸೆಮಿನರಿಚೊ ದೀರೆಕ್ತೋರ್ ಭೊ|ಮಾ|ಬಾ| ಬ್ಯಾಪ್ಟಿಸ್ಟ್ ಮಿನೇಜೆಸ್ ಹಾಣಿ’ ಪವಿತ್ರ್ ಬಲಿದಾನ್ ಭೆಟಂವ್ನ್ ಸಂದೇಶ್ ದಿಲೊ ‘ಯಾಜಕ್ ಜಾಲ್ಯಾರ್, ಕ್ರಿಸ್ತಾಚ್ಯಾ ಪರ್ಜೆಂಕ್ ಮುಕಾರ್ ಚಲೊನ್ ವ್ಹರ್ಚಿಂ ವರ್ತಿ ಜವಾಬ್ದಾರಿ ತಾಂಕಾಂ ಲಾಭ್ತೆಲಿ. ಸೊಮಿ ಮ್ಹಣ್ತಾ “ಮ್ಹಜೆ ಬಕ್ರೆ ಮ್ಹಜೊ ತಾಳೊ ಆಯ್ಕತಾತ್, ಹಾಂವ್ ತಾಂಕಾಂ ಒಳ್ಕತಾಂ ಆನಿ ತಿ ಮ್ಹಜೆಂ ಪಾಟ್ಲ್ಯಾನ್ ಯೆತಾತ್, ಹಾಂವ್ ತಾಂಕಾಂ ಸಾಸ್ಣಿಕ್ ಜಿವಿತ್ ದಿತಾಂ” ದೆಕುನ್ ಕುಂದಾಪುರ್ಚ್ಯಾ ಥೊಡ್ಯಾ ತರ್ನಾಟ್ಯಾನಿಂ ತರಿ ಯಾಜಕ್ ಜಾವ್ನ್ ಕ್ರಿಸ್ತಾಚೊ ಹಿಂಡ್ ಚಲಂವ್ನ್ ಮುಕಾರ್ ಸರಾಜೆ’ ಮ್ಹಣಾಲೆ ತೆಂ.
ವಿಗಾರ್ ಭೊ| ಮಾ|ಬಾ| ಸ್ಟ್ಯಾನಿ ತಾವ್ರೊ, ಆನಿ ಪ್ರಾಂಶುಪಾಲ್ ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಣಿ ಸಹ ಭೆಟಂವ್ಣಿ ಕೆಲಿ. ಸಹಾಯಕ್ ವಿಗಾರ್ ಮಾ|ಬಾ| ರೋಯ್ ಲೋಬೊ ಹಾಣಿ ಹ್ಯಾ ದೇವ್ ಆಪಂವ್ಣ್ಯಾಚ್ಯಾ ಆಯ್ತಾರಾಚ್ಯಾ ಕಾರ್ಯಾಚಿ ಮಾಂಡವಳೆಂತ್ ಸಹಕಾರ್ ದಿಲ್ಲೊ.
