JANANUDI.COM NETWORK
ಕುಂದಾಪುರ್,ಅ.20: ಕುಂದಾಪುರ್ ಫಿರ್ಗಜೆಚೊ ವಿಗಾರ್ ತಸೆಂ ಕುಂದಾಪುರ್ ವಾರಾಡ್ಯಾಚೊ ವಿಗಾರ್ ಅ|ಮಾ|ಬಾ|ಸ್ಟ್ಯಾನಿ ತಾವ್ರೊ ಹಾಂಚೊ 73 ವೊ ಜಲ್ಮಾ ದೀಸ್ ಸರಳ್ ರೀತಿನ್ ಆಚರಣ್ ಕೆಲೊ. ಉಪಾಧ್ಯಕ್ಷ್ ಎಲ್.ಜೆ.ಫೆರ್ನಾಂಡಿಸ್ ಹಾಣೆ ವಿಗಾರಾಕ್ ಬರೆ ಮಾಗ್ಲೆಂ.
ಹ್ಯಾ ಸಂದರ್ಭಿ ಸಹಾಯಕ್ ವಿಗಾರ್ ಮಾ|ಬಾ|ವಿಜಯ್ ಡಿಸೋಜಾ, ಸೈಂಟ್ ಮೇರಿಸ್ ಪಿ.ಯು.ಕಾಲೇಜಿಚೆ ಪ್ರಿನ್ಸಿಪಾಲ್ ಮಾ|ಬಾ|ಪ್ರವೀಣ್ ಮಾರ್ಟಿಸ್, ವಾಡ್ಯಾಚೆಂ ಗುರ್ಕಾರ್, ಆರ್ಥಿಕ್ ಸಮಿತಿಚೆಂ ಸಾಂದೆ, ಆನಿ ಸಾಂ.ಜೋಸೆಫ್ ಕೊವೆಂತಾಚಿಂ ಸಿಸ್ಟರಾಂ ಹಾಜರ್ ಆಸಲ್ಲಿ.
‘ಬಾ|ಸ್ಟ್ಯಾನಿ ತಾವ್ರೊನ್ ಹ್ಯಾ ಕಷ್ಟಾಂಚ್ಯಾ ಪರಿಸ್ಥಿತೆಂತ್ ಯಿ, ಮೊಜೊ ಜಲ್ಮಾ ದೀಸ್ ಆಚರಣ್ ಕೆಲ್ಯಾಕ್ ಧನ್ಯವಾದ್ ಪಾಟಂವ್ನ್,
[ರೊಜಾರ್ ಮಾಯ್ ಫಿರ್ಗಜೆಚ್ಯಾ 450 ವರ್ಸಾಂಚ್ಯಾ ಜುಬ್ಲೆವಾಕ್ ಸಂದರ್ಭಿ ಹಾತಿಂ ಘೆತೆಲ್ಲಿಂ ಯೋಜನಾಂ, ಜಾಯ್ತಿ ಜಾಲ್ಯಾಂತ್, ಆನಿಕೀ ಜಾಂವ್ನಚ್ ಆಸಾತ್. ಹಿಂ ಕಾಮಾ ಫಿರ್ಗಜ್‍ಗಾರಾಂಚ್ಯಾ ಬರ್ಯಾ ಮನಾನ್ ಜಾಲ್ಯಾತ್. ಫಿರ್ಗಜ್ ಗಾರಾಂಚ್ಯಾ ಬರ್ಯಾ ಮನಾಕ್ ದೇವ್ ಬರೆಂ ಕರುಂ’ ಮ್ಹಣ್ತಾಂ :ಬಾ|ಸ್ಟ್ಯಾನಿ ತಾವ್ರೊ]
‘ಆಮ್ಚ್ಯಾ ಫಿರ್ಗಜೆಚೊ 450 ವರ್ಸಾಂಚೊ ಜುಬ್ಲೆವ್ ಅಮ್ಚಿ ಪಾತ್ರೊನ್ ರೊಜಾರ್ ಮಾಯ್ ಬರ್ಯಾ ರೀತಿನ್ ಚಲಾಶೆಂ ಕರುಂ ಮ್ಹಣನ್ ಮೊಜೆ ಮಾಗ್ಣೆ ಜಾವ್ನಾಸಾ’ ಮ್ಹಣನ್ ತಾಣಿ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆಂ.
