JANANUDI.COM NETWORK
ಕುಂದಾಪುರಾಂತ್ ಜೆಜುಕ್ ತೆಂಪ್ಲಾಂತ್ ಭೆಟಯ್ಲೆಲೆಂ ಫೆಸ್ತ್ ಆಚರಣ್
ಕುಂದಾಪುರ್,ಫೆ.2: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಜೆಜುಕ್ ಜೆಜುಕ್ ತೆಂಪ್ಲಾಂತ್ ಭೆಟಯ್ಲೆಲೆಂ ಫೆಸ್ತ್ ವಿಶೇಸ್ ರೀತಿನ್ ಆಚರಣ್ ಕೆಲೆಂ. ಬಲಿದಾನಾಚ್ಯಾ ಪಯ್ಲೆಂ. ಸರ್ವ್ ಫಿರ್ಗಜ್‍ಗಾರ್ ಇಗರ್ಜೆಚ್ಯಾ ಭಾಯ್ರ್ ಜಳ್ತ್ಯೊ ವಾತಿ ಘೆಂವ್ನ್ ಎಕ್ಟಾಯ್ ಜಾಲೆಂ. ಥಂಯ್ಸರ್ ಪ್ರಾರ್ಥನ್ ವಿಧಿ ಆರಂಭ್ ಕರ್ನ್ ಫಿರ್ಗಜ್ ಪ್ರಜಾ ಆನಿ ಯಾಜಕ್ ಜಳ್ತ್ಯಾ ವಾತಿ ಸವೆಂ ಪುರ್ಶಾಂವಾರ್ ಇಗರ್ಜೆ ಭಿತರ್ ಪ್ರವೇಶ್ ಕರ್ನ್ ಪವಿತ್ರ್ ಬಲಿದಾನ್ ಭೆಟಯ್ಲೆ.
ಮಾಗ್ಣ್ಯಾ ವಿಧಿಂತ್ ವಿಗಾರ್ ಅ|ಮಾ|ಬಾ|ಸ್ಟ್ಯಾನಿ ತಾವ್ರೊ, ಸಹಾಯಕ್ ಯಾಜಕ್ ಮಾ|ಬಾ|ವಿಜಯ್ ಡಿಸೋಜಾ, ಪ್ರಾಂಶುಪಾಲ್ ಮಾ|ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಣಿ ಭಾಗ್ ಘೆತ್ಲೊ. ಪವಿತ್ರ್ ಬಲಿದಾನ್ ಸಹಾಯಕ್ ಯಾಜಕ್ ಮಾ|ಬಾ|ವಿಜಯ್ ಡಿಸೋಜಾ ಹಾಂಚ್ಯಾ ಪ್ರಧಾನ್ ಯಾಜಕ್ಪಣಾಖಾಲ್ ಚಲ್ಲೆಂ ಆನಿ ತಾಣಿ ‘ಜೆಜುಕ್ ಲ್ಹಾನ್ ಬಾಳ್ ಜಾವ್ನಾಸ್ತಾ ಜುದೆವಾಂಚ್ಯಾ ದಸ್ತುರ್ಯಾ ಪರ್ಮಾಣೆ, ತೆಂಪ್ಲಾಂತ್ ಭೆಟಂವ್ನ್ ದಿಲೆ. ತ್ಯಾ ದೀಸ್ ದೇವ್ ಜೆಜು ಬಾಳೊಕ್ ಜಾವ್ನ್ ಲೊಕಾಂಕ್ ಪಳೆಂವ್ಕ್ ಮೆಳ್ಳೊ, ಆನಿ ಸಂಸಾರಾಚ್ಯಾ ಸುಟ್ಕೆಚೊ ಉಜ್ವಾಡ್ ಫಾಂಕ್ಲೊ. ಆಮ್ಚ್ಯಾ ಸೊಡ್ವಣೆ ಖಾತಿರ್ ಜಳ್ತ್ಯಾ ವಾತಿ ಬರಿ ಆಮ್ಚ್ಯಾ ಕಾಳ್ಜಾಂತ್‍ಯಿ ಅತ್ಮಿಕ್ ಉಜ್ವಾಡ್ ಗರ್ಜ್ ಆಸಾ’ ಮ್ಹಣನ್ ತಾಣಿ ಸಂದೇಶ್ ದಿಲೊ. ಪ್ರಾಂಶುಪಾಲ್ ಮಾ|ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಣಿ ಸಹಬಲಿದಾನಾಂತ್ ವಾಂಟೊ ಗೆವ್ನ್ ಸಾಕ್ರಾಮೆಂತಾಚೆ ಆರಾಧಾನ್ ಚಲವ್ನ್ ವೆಲೆಂ.
