JANANUDI.COM NETWORK
ಸಪ್ತೆಂಬರ್ ೫ ತಾರಿಕೆರ್ ’ಶಿಕ್ಷಕಾಂಚೊ ದೀಸ್’ ಆಚರಣ್ ಕರ್ಚ್ಯಾ ದಿಸಾ, ಆಶಾವಾದಿ ಪ್ರಕಾಶನಾನ್ ’ಅಖಿಲ್ ಭಾರತೀಯ್ ಮಟ್ಟಾಚ್ಯಾ ಕೊಂಕಣಿ ಶಿಕ್ಷಕ್ ಕವಿಂಚಿ ಕವಿಗೋಶ್ಟಿ’ ಡಿಜಿಟಲ್ ಮಾಧ್ಯಮಾಚೆರ್ ಚಲಯ್ಲಿ. ಗೊಂಯ್, ಕರ್ನಾಟಕ್, ಮಹಾರಾಶ್ಟ್ರ್ ತಶೆಂಚ್ ಕೇರಳಾಥಾವ್ನ್ ವೀಸ್ ಕವಿಂನಿ ಹ್ಯಾ ಕವಿಗೋಶ್ಟಿಂತ್ ವಾಂಟೊ ಘೆತ್ಲೊ. ವಲ್ಲಿ ಕ್ವಾಡ್ರಸಾನ್ ಚಲವ್ನ್ ವೆಲ್ಲ್ಯಾ ಹ್ಯಾ ಕವಿಗೋಶ್ಟಿಂತ್, ಕೊಂಕಣಿ ಪರಿಶದ್ ಕುಮಟಾಚೊ ಅಧ್ಯಕ್ಷ್ ಬಾಬ್ ಅರುಣ್ ಉಭಯಕರ್ ಹಾಣಿಂ ಸ್ವಾಗತ್ ಗೀತ್ ’ಜಯ ಕೊಂಕಣಿ’ ಗಾಯ್ತಚ್, ದೆ|ಬೆನ್ನಾ ರುಜಾಯ್ ತಶೆಂಚ್ ದೆ|ಪಾವ್ಲ್ ಮೊರಾಸ್ ಹಾಂಚೆಪಾಸತ್ ಎಕ್ ಮುನುಟಾಂಚೆಂ ಮವ್ನ್ ಮಾಗ್ಣೆಂ ಕರ್ತಚ್; ದೊ|ಪ್ರಕಾಶ್ ವಜ್ರೀಕರ್ (ಪ್ರಾಧ್ಯಾಪಕ್) ಹಾಣಿಂ ಸುರ್ವಿಲಿಂ ಉತ್ರಾಂ ಉಲವ್ನ್ ’ಆಯ್ಚ್ಯಾ ಕಾಳಾರ್ ಶಿಕ್ಷಕಾಂನಿ ಡಿಜಿಟಲ್ ಮಾಧ್ಯಮ್ ಕಶೆಂ ಸತ್ ಆನಿ ನಯ್ತಿಕ್ ದಿಶೆನ್ ಗಳ್ಸುನ್ ಬರಿ ಸಮಾಜ್ ಮಾಂಡುನ್ ಹಾಡ್ಚೆದಿಶೆನ್ ವಾವ್ರ್ ಕರ್ಚಿ ಗರ್ಜ್’ ವಿಶ್ಯಾಂತ್ ಉಲಯ್ಲೊ. ಬಾಬ್ ಪ್ರಕಾಶ್ ಪಡ್ಗಾಂವ್ಕರ್ ಹಾಣಿಂ ಕವಿಗೋಶ್ಟಿಚಿ ಅಖೇರ್ಚಿಂ ಉತ್ರಾಂ ಉಚಾರ್ಲಿಂ.
ಪ್ರಕಾಶ್ ದ. ನಾಯ್ಕ್ (ಗೊಂಯ್), ಫ್ಲೇವಿಯಾ ಆಲ್ಬುಕರ್ಕ್ (ಪುತ್ತೂರ್), ಅರುಣ್ ಉಭಯಕರ್ (ಕುಮಟಾ), ರಾಜಶ್ರೀ ಸೈಲ್ (ಗೊಂಯ್), ಶೈಲೇಂದ್ರ ಮೆಹ್ತಾ (ಮುಂಬಯ್), ಗ್ಯಾನೇಶ್ವರ್ ಕಮಲಾಕಾಂತ್ ತಾರಿ (ಗೊಂಯ್), ಲಿನೆಟ್ ಡಿ’ಸೋಜ್ (ಮುಂಬಯ್), ಪ್ರೇಮ್ ಮೊರಾಸ್ (ಮಂಗ್ಳುರ್), ವೈಷ್ಣವಿ ಪ್ರಿತೇಶ್ ರಾಯ್ಕರ್ (ಗೊಂಯ್), ಜೋನ್ ಸುಂಟಿಕೊಪ್ಪ (ಕೂರ್ಗ್), ನ್ಯಾನ್ಸಿ ಫೆರ್ನಾಂಡಿಸ್ (ದಾವಣಗೆರೆ), ಮನೋಜ್ ಹಳರ್ನೆಕರ್ (ಗೊಂಯ್), ಎಲಿಜಾ ಮಾರ್ಟಿಸ್ (ಶಂಕರಪುರ), ಉರ್ಬನ್ ಡಿ’ಸೋಜ್ (ಬೆಂಗ್ಳುರ್), ದೊ|ಸುವರ್ಣ ಗಾಡ್ (ಹೊನ್ನಾವರ್), ದೊ|ಅರವಿಂದ ಶ್ಯಾನ್‌ಭಾಗ್ (ಕುಮಟಾ), ದೊ|ಡಿಂಪಲ್ ಫೆರ್ನಾಂಡಿಸ್ (ಪುತ್ತೂರ್), ಸ್ಮಿತಾ ಶೆಣಯ್ (ಮಂಗ್ಳುರ್) ಹಾಣಿಂ ಆಪ್ಲಿಂ ಕವಿತಾ ಸಾದರ್ ಕೆಲಿಂ.
ಗೊಂಯ್ ವಿಶ್ವ್‌ವಿಧ್ಯಾಲಯಾಚ್ಯಾ ಕೊಂಕಣಿ ವಿಭಾಗಾಚಿ ಆಧ್ಲಿ ಮುಖೇಸ್ತ್ ರಿಟಾಯರ್ಡ್ ಡೀನ್ ದೊ|ಚಂದ್ರಲೇಖ ಡಿ’ಸೋಜ್, ಅರ್ಥ ಪ್ರಕಾಶನಾಚಿಂ ಗವ್ರೀಶ್ ಆನಿ ಯೋಗಿತಾ ವರ್ಣೇಕರ್, ಕೊಚ್ಚಿನ್ ಥಾವ್ನ್ ಆರ್.ಎಸ್.ಭಾಸ್ಕರ್, ಮ್ಯಾಂಚೆಸ್ಟರ್ ಥಾವ್ನ್ ಲಾರೆನ್ಸ್ ವಿನೋದ್ ಬಾರ್ಬೋಜ್ ಅಶೆಂ ವೆವೆಗಳ್ಯಾ ಪ್ರಾಂತ್ಯಾಥಾವ್ನ್ ಹಾಜರ್ ಆಸ್ಲಿಂ.