ಭಾತ್ಮಿ: ವಾಲ್ಟರ್ ಫೆರ್ನಾಂಡಿಸ್
ಪಿಯುಸ್ ನಗರ್ – ಸ್ತ್ರೀ ಸಂಘಟನಾ ಥಾವ್ನ್ ಚಲಿಯಾಂಚೊ ದೀಸ್ ಆಚರಣ್
ಕುಂದಾಪುರ್, ಸೆ.೪: ಪಿಯುಸ್ ನಗರ್ ಫಿರ್ಗಜೆಂತ್ ಸಪ್ಟೆಂಬರ್ 2 ತಾರಿಕೆರ್ ಮರಿ ಮಾಯೆಚ್ಯಾ ಫೆಸ್ತಾ ಸಂಬಂಧಿ ಸಾಂಜೆರ್ 5:00 ವೊರಾರ್ ಕಥೊಲಿಕ್ ಸ್ತ್ರೀ ಸಂಘಟನಾನ್ ” ಚಲಿಯಾಂಚೊ ದೀಸ್'” ಆಚರಣ್ ಕೆಲೊ. ಮಾಗ್ಣ್ಯಾ ವಿಧಿ ಸವೆಂ ಕಾರ್ಯಕ್ರಮ್ ಆರಂಭ್ ಕೆಲೆಂ.
ಪಿಯುಸ್ ನಗರ್ ಸೈಂಟ್ ಪಿಯುಸ್ ಇಂಗ್ಲಿಷ್ ಮಾಧ್ಯಮ್ ಇಸ್ಕೊಲಾಚಿ ಮುಖೆಲ್ ಶಿಕ್ಷಕಿ , ಹ್ಯಾ ವರ್ಷಾಚಿ “ಸಾಧಕ ಶಿಕ್ಷಕಿ” ಪುರಸ್ಕಾರಾಕ್ ಭಾಜನ್ ಜಾಲ್ಲಿ ಸಿ. ಐರಿನ್ ಕ್ರಾಸ್ತಾನ್,ಪ್ರಧಾನ್ ಉಲವ್ಪಿ ಜಾವ್ನ್ ಚಲಿಯಾಂಕ್ ತಾಂಚ್ಯಾ ಮುಖೆಲ್ಪಣಾ ವಿಶಿ ಜಾಗ್ರೃತಿ ದಿಂವ್ನ್ “ತಾಣಿಂ ಸಮಾಜೆಂತ್ ಆದರ್ಶ್ ದೆಖಿಭರಿತ್ (Roll Model) ಜಾಂವ್ನ್ ಜಿಯೆಜೆ” ಮ್ಹಣನ್ ಉಲೊ ದಿಲೊ
ಸಿ. ಐರಿನಾನ್ ಜೊಡ್ಲ್ಯಾ ಪುರಸ್ಕಾರಾಕ್ ಅಭನಂದನ್ ಜಾವ್ನ್ ಸ್ತ್ರೀ ಸಂಘಟನಾನ್ ತಿಕಾ ಸನ್ಮಾನ್ ಕೆಲೊ. ಫಿರ್ಗಜ್ ಯಾಜಕ್ ಮಾ.ಜೋನ್ ಆಲ್ಫ್ರೆಡ್ ಬಾರ್ಬೊಜಾ ಬಾಪ್ ಕಾರ್ಯಕ್ರಮಾಚೆ ಅಧ್ಯಕ್ಷ್ ಜಾವ್ನಾಸ್ಲೆ . ಗೊವ್ಳಿಕ್ ಮಂಡಳಿಚೆ ಉಪಾಧ್ಯಕ್ಷ್ ವಾಲ್ಟರ್ ಫೆರ್ನಾಂಡಿಸ್ ಹಾಜರ್ ಆಸ್ಲೆ. ಸ್ತ್ರೀ ಸಂಘಟನಾಚಿ ಅಧ್ಯಕ್ಷ್ ಜೆನ್ನಿ ಡೇಸಾನ್ ಸ್ವಾಗತ್ ಕೆಲೊ. ಕಾರ್ಯದರ್ಶಿ ಲವೀನ ಡಿಸೋಜಾನ್ ಧನ್ಯವಾದ್ ಪಾಟಯ್ಲೆ. ಎವ್ಲಿನ್ ಫೆರ್ನಾಂಡಿಸಾನ್ ಸಿ.ಐರಿನ್ ಕ್ರಾಸ್ತಾಚಿ ವ್ಯಕ್ತಿ ಪರಿಚಯ್ ಕೆಲಿ. ವಿಲ್ಮಾ ಮಸ್ಕರೇನ್ಹಸಾನ್ ಕಾರ್ಯೆಂ ಚಲಯ್ಲೆಂ. ಫಿರ್ಗಜ್ ಕುಟ್ಮಾಂತ್ಲ್ಯೊ ಚಲಿಯೊ ಆನಿ ಸ್ತ್ರೀ ಸಂಘಟನಾಚೆ ಸಾಂದೆ ಹಾಜರ್ ಆಸ್ಲೆ. ಚಲಿಯಾಂಕ್ ಉಡಾಸಾಚಿ ಕಾಣಿಕ್ ದಿಲಿ.
