ಕೊಂಕ್ಣೆಂತ್ಲೊ ಮಲ್ಘಡೊ ಸಾಹಿತಿ ವಾಲ್ಟರ್ ಲಾಸ್ರಾದೊ ಅಂತರ್ಲೊ
Walter Lasrado, Nakre. (1948-2019)
ಮುಂಬಯ್, ಮಲಾಡ್ ಜು. 1: ಕೊಂಕ್ಣೆಂತ್ ಪಾಟ್ಲ್ಯಾ ಪನ್ನಾಸ್ ವರ್ಸಾಂ ಥಾವ್ನ್ ಸಾಹಿತ್ಯ ಸೆವಾ ದಿಲ್ಲೊ ನಾಂವಾಡ್ದಿಕ್ ಬರವ್ಪಿ ವಾಲ್ಟರ್ ಲಾಸ್ರಾದೊ ಅಂತರ್ಲೊ. ಗಾಂವಾಂತ್ ಕಾರ್ಕಳ್ ನಕ್ರೆಚೊ ವಾಲ್ಟರ್ ಥೊಡ್ಯಾ ಅವ್ದೆಚ್ಯಾ ಪೀಡೆಂತ್ ಪಡೊನ್ ಮುಂಬಯ್ ಮಲಾಡ್ ಜುಲಾಯಾಚ್ಯಾ ಎಕ್ ವೆರ್ ಅಂತರ್ಲೊ.
ವಾಲ್ಟರ್ ಲಸ್ರಾದೊ, ಏಕ್ ಬರೊ ಬರವ್ಪಿ ಮಾತ್ರ್ ನ್ಹಯ್, ಏಕ್ ಬರೊ ಅನುವಾದ್ ಕರ್ತ್. ತಾಣೆ ಕೊಂಕ್ಣೆತ್ಲ್ಯಾ ಸಭಾರ್ ಪತ್ರಾನಿಂ ಸಹ ಸಂಪಾದಕ್ ಜಾವ್ನ್ ಸೆವಾ ದಿಲ್ಯಾ. ಕಾಣಿಕ್, ದಿವೊ, ಪಯ್ಣಾರಿ ಡಾಟ್.ಕೊಮ್ ಹಾಂತುನ್ ಸಲಹ ಮಂಡಳೆಚೊ ಸಾಂದೊ ಜಾವ್ನಾಸ್ಲೊ.
ಮೊವಾಳ್ ಮೊಗಾಳ್ ಮನಾಚೊ, ಮಾನಾಚೊ ವ್ಯಕ್ತಿ ಜಾವ್ನಾಸ್ಲೊ. ವಾಲ್ಟರಾನ್ ಜಾಯ್ತೆ ಸಾಹಿತ್ಯ್ ಬರಯ್ಲಾ. ಅನುವಾದ್ ಕರ್ಚ್ಯಾಂತ್ ಭೋವ್ ಫಾಮಾದ್ ಜಾವ್ನಾಸ್ಲೊ ವಾಲ್ಟರ್. ಇಶಿಲ್ಯಾ ವರ್ಸಾಂನಿಂ ಪಯ್ಣಾರಿ ಡಾಟ್.ಕೊಮ್ ಹಾಂಚ್ಯಾ ಆಶಾವಾದಿ ಪ್ರಕಾಶನ ಥಾವ್ನ್ ಹಾಂಚೆಂ ಪುಸ್ತಕ್ ಪರ್ಗಟ್ ಕೆಲ್ಲೆಂ.
ಸಾಹಿತಿ ವಾಲ್ಟರ್ ಲಸ್ರಾದೊಚ್ಯಾ ಮರ್ಣಾ ಥಂಯ್ ಜನನುಡಿ. ಡಾಟ್.ಕೊಮ್ ಸಂತಾಪ್ ಉಚಾರ್ತಾ, ಆನಿ ತಾಚ್ಯಾ ಅತ್ಮ್ಯಾಕ್ ಶಾಂತಿ ಮಾಗೊನ್ ಶ್ರದ್ದಾಂಜಲಿ ಅರ್ಪಿತಾ, ತಶೆಂಚ್ ತಾಚ್ಯಾ ದುಖೆಸ್ತ್ ಕುಟ್ಮಾಕ್, ಭುಜಾವಣ್ ಪಾಟಯ್ತಾ.
