ಕುಂದಾಪುರಾಂತ್ ಲೂರ್ಡ್ಸ್ ಮಾಯೆಚ್ಯಾ ಫೆಸ್ತಾಚೆ ಆಚರಣ್

JANANUDI.COM NETWORK

ಕುಂದಾಪುರಾಂತ್ ಲೂರ್ಡ್ಸ್ ಮಾಯೆಚ್ಯಾ ಫೆಸ್ತಾಚೆ ಆಚರಣ್

ಕುಂದಾಪುರ್,ಫೆಬ್ರವರಿಚ್ಯಾ 11 ವೇರ್ ಲೂರ್ಡ್ಸ್ ಮಾಯೆಚ್ಯಾ ಗ್ರೊಟ್ಟೊ ಮುಕಾರ್ ಫಿರ್ಗಜೆ ಮಟ್ಟಾರ್ ಲೂರ್ಡ್ಸ್ ಮಾಯೆಚ್ಯಾ ಫೆಸ್ತಾಚೆ ಆಚರಣ್ ಚಲ್ಲೆಂ . ಸಾಂಜೆರ್ ತೇರ್ಸಾಚೆ ಭಕ್ತಿಪಣ್ ಚಲ್ಲೆಂ. ‘ಲೂರ್ಡ್ಸ್ ಶಹರಾಂತ್ ಬರ್ನಡೆಟ್ ಮೇರಿ ಹ್ಯಾ ಚಲಿಯೆಕ್ 18 ಪಾವ್ಟಿಂ ದಿಶ್ಟಿಕ್ ಪಡ್ಲಿಂ. ಥಂಯ್ಸರ್ ಸಭಾರ್ ಜಣಾಂಚಿ ಪೀಡಾ ಗೂಣ್ ಜಾತಾಂ. ಲೂಡ್ರ್ಸಾಂತ್ ಕಿತ್ಲೊ ಕಠೋರ್ ಕಾಳ್ಜಾಚೊ ಗೆಲ್ಯಾರಿಯಿ, ಥಂಯ್ಸರ್ ತೊ ಮೊವಾಳ್ ಜಾತಾ, ಆನಿ ತೊ ಪರಿವರ್ತನ್ ಜಾತಾಂ. ಲೂರ್ಡ್ಸ್ ಸಾಯ್ಬಿಣಿಕ್ ಜಾಂವ್ ರೊಜಾಯ್ ಮಾಯೆನ್ ಆಮ್ಕಾ ಫಾವೊ ಕೆಲ್ಲೆಂ ಕೊಂತಾಚೆ ಭಕ್ತಿಪಣ್ ವಾಡಾಂವ್ಯಾ, ಭಕ್ತಿನ್ ಮಾಗ್ಲ್ಯಾರ್ ಮರಿ ಉಪ್ಕಾರ್ ಫಾವೊ ಕರ್ತಾಂ’ ಮ್ಹಣನ್ ವಿಗಾರ್ ಮಾ|ಬಾ|ಸ್ಟ್ಯಾನಿ ತಾವ್ರೊನ್ ಸಂದೇಶ್ ದಿಲೊ.
ತೇರ್ಸ್ ಜಾಲ್ಯಾ ಉಪ್ರಾಂತ್ ರಂಗಾಳ್ ವಾತಿ ಘೆಂವ್ನ್ ಪುರ್ಶಾಂವ್ ಕಾಡ್ಲೊ. ಉಪ್ರಾಂತ್ ವಿಗಾರ್ ಮಾ|ಬಾ|ಸ್ಟ್ಯಾನಿ ತಾವ್ರೊನ್ ಭಕ್ತಿಕಾಂಕ್ ಆಶಿರ್ವಾದ್ ಪಾಟಯ್ಲೆ, ಲೂರ್ಡ್ಸ್ ವಾಡ್ಯಾಗಾರಾನಿಂ ತೇರ್ಸ್ ಆನಿ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ಲೂರ್ಡ್ಸ್ ವಾಡ್ಯಾಚೊ ಗುರ್ಕಾರ್ ವಾಲ್ಟರ್ ಡಿಸೋಜಾನ್ ಧನ್ಯವಾದ್ ಪಾಟಯ್ಲೆಂ.